Ɛfɛso 4:24 - Mɨkan wu Fi

²⁴ ɨ kɨ be ɨbɛn bə fi ba bɨ káʼnɨ́ awa a nye ɨfi Ŋwi ə. Ɨbɛn bə fi məben, bɨ zě awa lá a nye ntsi mbyi ɨza za ɨ tɛmnɨnɨ nkɨ fɛmə.

Ɛfɛso 4:24 Referans Kwoze

2 Korɨnto 5:17

Ma lan, be ŋwɔn tse a tsi a mbúm bo Kristo, a tiʼ ŋwɔn wu fi ə, tsə lvuŋ tsanə, tsə fi yiŋə.

Ɛfɛso 2:10

Mbɨ́ʼ ngə́ bɨgɨnə nɨ abó afaʼ azhi mbáʼ wɛrə a káʼnɨ́ ntsa a ndzum Kristo Yeso ngə́ á bɨgɨnə ngɨə tsɛʼ ɨnu tsɨ shiʼnɨ tsa Ŋwi a kwɛ́nə nkyaŋtɨ ngə́ á bɨgɨnə ngɨə tsɛʼ a tsɛrə lá.

Roma 13:14

Lá, á nɨ tsi nɨ mbɔm Maʼmbyí Yeso Kristo, nkeʼ ɨtú ɨtsən tɛgɨ a nye ɨdzúm tsa mbəmnye lɔnə taŋ ɨ ghɨ ɨnu tsa mbəmnye lɔnə lá.

Ɛfɛso 6:11

A nɨ wəgɨ ɨdzúm ntso ɨtsum tsa Ŋwi a ghanɨ a mbó bən, taŋ á nɨ chi to a mɨnaŋ tsum wa Dəbɨrɨ a kórɨ́nə́ ghe.

Roma 6:4

Ma lan, a tsi lá tso ngə́ bɨ twə́ŋ awɨgɨnə bɨgɨnə bɨ wɛrə, ntiʼ nkɨ nkfo tso wɛrə ntsa lá a ndzum nkyi wa bɨgɨnə kwárɨ́nɨ́, taŋ á be ngə́ adzaŋ za bɨ zhwémnɨ́nɨ́ a Kristo a mbó nɨvwo ntsa a ndzum nɨfáŋ nɨ Tarɨ lá, ma lan, bɨgɨnə chi kɨ tiʼ tsi nɨ ntsi ntən zɨ fi ə.

2 Korɨnto 3:18

Mɨshi ɨmɨgɨnə tsi tɨkə bɨ kubɨnɨ lá, bɨgɨnə bɨtsum diʼnə nɨfáŋ nɨ Maʼmbyí, bɨgɨnə kwebtɨnə taŋ ɨ tsinə nɨ nɨfáŋ ɨni ɨ lo a nye táʼ ɨfɨʼ ɨ ghɛn a nye za ɨ tsinɨ a mbyi ɛ. Nɨfáŋ məniŋ lǒ lá a mbó Maʼmbyí, zɨ wa a nɨ Azhwi ə.

2 Korɨnto 4:16

Ma lan, ka bɨgɨ ntsɛ́gɨ́nə́ awɨgɨ ɨnye ə. Ntsi mbyi mbəmnye ɨtsɨgɨ báʼtə́ ndékə́ ngěn lá, ntsi mbyi azhwi ɨtsɨgɨ baŋnə nkwiə nɨ njwi nɨ njwi ə.

Roma 13:12

A tsi lá tso ngə́ ɨtfúʼ tiʼnə nkyɛ́nə́, njwi tiʼə ndə̌ ngyiŋə ghe. Bɨgɨnə mɨ zagɨ kyɛntɨ ngɨ ɨnu ndzumnɨ, ɨ baŋnɨ tiʼtɨ ɨdzúm ntso tsa bɨ tónə́ nɨ tsɛrə nəzhwɨgɨnɨ ə.

Tɨ́tósɨ 2:14

Wɛrə a ghá atuəmbəm azhi mbɨ́ʼ awɨgɨnə, a fɨ́gɨ́ bɨgɨnə a mbó abɨgəntəm atsum, ɨ kɨ ghɨ awɨgɨnə á bɨgɨnə be ɨbɛn ba bɨ lánɨ́ ba bɨ tsinɨ tsɛʼ a mbó zɨzɨ, nkə́ mbɛ́bə́ a ngɨ ɨbɔŋ ə.

1 Bita 2:2

A nɨ be tso ɨbɔ bə bɔrɨ, ndzǎŋ nji nɨbə́n nɨ azhwi na nɨ lánɨ́ nkfu tsum, taŋ a ntsǎ a ndzum adzaŋ za nɨ nyɔ́ŋnə́ a nɛrə nɨ mɨ kwi á bɨ loŋ awɨŋ ə.

Roma 8:29

Ɨbɛn ba Ŋwi a kwɛ́nə ntsɔʼ lá, wɛrə a kɨ́ ntíntɨ́ awa ntɛgɨ táʼ bagɨ ngə́ á bo be tso Mɔn ɨyi, taŋ á Mɔn ɨyi məwen a tiʼ ntsi a mbó bo tso asándóm a mu ngwəgɨ zɨ ngwi ə.

Yoane 17:17

Ghɨ awa á bo fɛm ntiʼ ɨbo ntsa a ndzum nkənu; nɨgham ɨno nɨ nkənu ə.

Galesha 6:15

Ka líʼ a tsi ayi ɨwu ngə́ ŋwɔn a tsəŋ alagɨ azhi kə nkeʼ tsəŋə; líʼ wa a tsinɨ ɨwu a nɨ ngə́ á ŋwɔn a be azúm zə kaʼnɨ zə fi ə.

Galesha 3:27

Mbɨ́ʼ ngə́ nɨ kwárɨ́ nkyi, nɨ tíʼ ntsi a mbúm bɨŋ bɨ Kristo, ma lan, a tiʼ ntsi lá tsɛʼ tso ngə́ nɨ wəgɨ ntsi mbyi Kristo zɨmboŋ a nye bən tso ɨtsɛʼ ə.

1 Korɨnto 15:53

Mbɨ́ʼ ngə́ za a kfónə́ bɨ tsi nɨ mbənkə á tiʼ za ka a nkfǒ ayi ɛ; mbɨ́ʼ ngə́ za a kfónə́ a tsi nɨ ngwəgɨ mbəmnye za ka ɨ nkfǒ ayi ɛ.

Ɛfɛso 2:15

Wɛrə a fɨ́gɨ́ a nyɔngɔŋ Mosě abɔʼnɨ ntɨgə nɨ mbɔm, taŋ ɨ ghɨ a táʼ ngwəgɨ ŋwɔn mɨsɔŋ a ntsu á tsi a mbúm bo zɨ a nye ngwəgɨ mətsen tsi bá, adzaŋ məwen ɨ ghɨ á mbɔnɨ tiʼ nchyɛ.

Ɛbal 12:14

A nɨ zagɨ ndzɛn ngə́ mbɔnɨ tsi a tɨtərɨ ɨbɛn bɨtsum, á ŋwɔn tsum a kɨ ntsi nɨ ntsi mbyi zɨ fɛmnɨ ə. Be ntsi mbyi zɨ fɛmnɨ zen ɨ tú be muŋ kə́ tsɛʼ táʼ ŋwɔn nɨ bən a ghɨ keʼ ɨshi Maʼmbyí ze.

Ɛbal 1:8

Lá, mbɨ́ʼ a Mɔn Mbáŋnɨ́, Ŋwi a sóŋ ngə́: “O Ŋwi, Nɨfɔ ɨno mɨ ghɔŋ nɨnkoŋ ə! O sáʼə ɨbɛn ɨbo tɨ nkyerɨ ə.

Alukasɨ 1:75

taŋ á bɨgɨnə fɛm, nkɨ nchinɨ a ɨshi zɨ a nye nkfu ɨzɨgɨnə tsum atuəshe wiŋ ə.

Roma 7:6

Lá, tɨtsɔŋnɨ Ŋwi a kyɛtɨnə mɨnkɨ mɨ abuʼ ma Nyɔngɔŋ a kórɨ́nə́ awɨgɨnə ɨwu, mbɨ́ʼ ngə́ bɨgɨnə chigɨrɨ a mbó Nyɔngɔŋ məwen wa a láʼnɨ́ nkórɨ́ awɨgɨnə ndɛn tso ngaŋ atsáŋ lá. Ma lan, ka bɨgɨnə mbvúrə́ fáʼə awɨgɨnə a mbó Ŋwi lá a nye ndóm wu lvuŋ wu nyɔngɔŋ wa bɨ ŋwánɨ́nɨ́ lá, bɨgɨnə faʼə be a nye ndóm wu fi wa Azhwi zə Fɛmnɨ a fɨʼtɨnə ghe.

Roma 12:2

Njimbɨʼ nɨ zɔŋnɨ ngɨnɨ mɨnu mɨ ɨbɛn bɨ atuəshe wiŋ ə, lá nɨ nyɛʼtɨ á Ŋwi a bənkɨ mɨntəm ɨmən taŋ á nɨ kwebtɨ mbɔm ɨtsɨŋ ə. Adzaŋ məwen, nɨ mɨ tiʼ zhi anu za Ŋwi a lɔnə — anu za a bɔŋnɨ, nkɔʼ ntɛm ngə́ tsáŋ nkə́ ngɨə ɨnye Ŋwi bɔŋənə ghe.

2 Bita 1:4

A nye ndóm məwen, wɛrə a ghanə a mbó bɨgɨnə ɨdzúm tsə ghanɨ tsə wi nkɨ mbe tsa tsɨ bɔŋnɨ tsɛʼ nkan tsa wɛrə a káʼnɨ́ awɨgɨnə nɨ tsɛrə lá, taŋ a ntsǎ a ndzum ɨdzúm tsə ghanɨ mətsen, nɨ chi lɛʼ ntɛgɨ ntəm a nye ɨdzúm atuəshe za ɨ tsənkɨnɨ ɨbɛn, ɨ tiʼ kɨ tsi nɨ mbě za a nɨ zɨ Ŋwi lá.