Ɛfɛso 4:17 - Mɨkan wu Fi

¹⁷ Nɨ ɨkum Maʼmbyí, ma tiʼə nkwantə awɨŋ ə: njimbɨʼ nɨ bvurə ngěn nɨ mbyi nchyɛ̌ tso ba a se bə Yuda be, mbáʼ ɨkwaʼtɨ ɨtsa nɨ tsɛʼ ɨnu adaŋədaŋə,

Ɛfɛso 4:17 Referans Kwoze

Roma 1:21

Bo zhi a Ŋwi ə, lá nkeʼ nkɔ́ʼsə́ a Ŋwi atɨ́ adzaŋ za bo benɨ kɔʼsɨ, nkeʼ nkə́ ngǎ a mɨya wəmbo ə. Ɨkwaʼtɨ ɨtsa baŋnɨ mbə ndon be nɨ ɨnu adaŋədaŋə, ndzumnɨ ɨ lwɨgɨ ɨtú ɨtsa tsa tsɨ tsinɨ ndzobɨnɨ lá.

2 Bita 2:18

Bo ghamə nɨ nji tsɨ tən mɨgham mɨ ŋǔʼ ɨnye mə dzɨŋtɨ, nkə́ ndɔ́gɨ́ ɨnu ntɔrɨ ɨlɛbɨ tsa mbəmnye ɨ kɔŋnɨ a mbentɨ ɨ ko ɨbɛn ba bɨ bvurɨnɨ mbiʼnɨ a fu bo a tɨtərɨ ɨbɛn ba bɨ tsínə́ awa a mu afənu ə.

Kolose 2:4

Ma tiʼə sóŋə́ a mbó bɨŋ ə, á ŋwɔn tse a keʼ awən tamtɨ nɨ mɨgham mɨ ndɛgɨ ma ka anu zə tsɛrə a tsi ayi ɨwu, kɔ́ŋ mɨ fi tso mɨ bɔŋ be lə́ ghe.

1 Bita 1:18

Mbɨ́ʼ ngə́ nɨ zhi azúm za bɨ tfúnɨ́ a nkyɛtɨ mɨnkɨ mɨ abuʼ a ɨnye bən, a nye ntsi mbyi adaŋədaŋə za bɨta ɨbən bə kɔ́ʼɔ́nguʼ nyɛ́ʼtɨ́nɨ́ a mbó bən lá. A sé bé lá azúm za be bɨ tsənkɨ, azúm tso tsə́ŋtsə́ŋ kə ŋwaʼŋwaʼ;

Ɨfaʼ 20:21

A mbó bə Yuda abɔʼnɨ ba a se bə Yuda be, bo bɨtsum ma kwántɨ́ awa be tɨ́sə́n ngə́ á bo bəŋ mɨntəm ɨma a nye mɨbvu ɨma ntsi a bagɨ Ŋwi nkɨ nɨŋ mɨntəm ɨma a nye Maʼmbyí Yeso ɨwɨgɨnə ghe.

Ɨfaʼ 18:5

Sailasɨ bo Timotyo ghɨnə ndó a Masedonia ngyen, Baolo a tiʼ ntɛgɨ atú azhi tsɛʼ a sóŋ nkən wa, ɨ sóŋə́ a za wɛrə a zhínɨ́ a mbó bə Yuda ngə́ Yeso a nɨ Wa bɨ Zɔ́ʼnɨ́ wa.

Ɨfaʼ 14:15

“Nɨ ghɨə a məzen lá mbɨ́ʼ ake le? Bɨgɨ mboŋ kɨ mbe lá tsɛʼ ɨbɛn bɨ mɨsɔŋ a ntsu tso bɨŋ ə! Bɨgɨ tsi ɨghan lá a sóŋ Nkən wu Shiʼnɨ a mbó bən, ɨ bəŋ awən á nɨ keʼ ɨnu adaŋədaŋə tsen a bɨŋə ngɨə, ɨ tiʼ tsi a mbó Ŋwi, zɨ wa a tsinɨ ntən, nkɨ mbe zɨ wa a káʼnɨ́ fɔməbvurə, atuəshe, sagɨrə wu ngwi abɔʼnɨ ɨdzúm ɨtsum tsa tsɨ tsinɨ a mu tsɛrə ghe.

2 Timotyo 4:1

Timotyo, ma nɨŋ a zen a mu mbó gho a ɨshi ɨmɨgɨ Ŋwi bo Kristo Yeso, bo ba bo ghɨnɨ sáʼ a ba bɨ tsinɨ ntən abɔʼnɨ ba bɨ kfokɨnɨ, a ntsǎ a ndzum adzaŋ za wɛrə a yenə a sáʼə tso Ɨfɔ, ma nyíʼtə́ agho nɨ ntəm ɨghə ɨtsum

1 Timotyo 6:13

A ɨshi Ŋwi, zɨ wa a ghánɨ́ ntsi ntən a mbó ɨdzúm ɨtsum, nkɨ mbe a ɨshi Kristo Yeso, zɨ wa a sóŋnɨ́ abeməntəm azhi nɨ ntəm ɨyi ɨtsum a ɨshi Bonto Branto, ma ghǎ ntɨgə zen a mbó gho ngə́

1 Timotyo 5:21

A ɨshi ɨmɨgɨ Ŋwi, a ɨshi ɨmɨgɨ Kristo Yeso nkɨ mbe a ɨshi ɨmɨgɨ bɨtsen bɨ ndá bɨ Ŋwi bə fɛmnɨ, ma kwantə agho ngə́ o zɔŋ ɨtɨgɨtɨ tsenə tə́ ndyǐŋ mɨshi kə mbémtɨ́ ndzum ŋwɔn tse a nye anu atsum za o ghɨnə ghe.

1 Tesalonaika 4:6

A mu anu məzen, á ŋwɔn mbáŋnɨ́ tse a keʼ ghɨ ɨbvu a nye mɨma ɨyi wa bo zɨ zɔŋnə a Kristo kə ɨ sitɨ ayi ɛ. Bɨgɨ kwɛ́nə soŋ a məzen a mbó bən nkɨ nkwantɨ awən tsɛʼ ɨ shiʼnɨ ngə́ Maʼmbyí a mɨ nɨŋ ngɨ́ʼ a nye ŋwɔn wa a ghɨnə a zɛrə ghe.

Kolose 2:18

A nɨ keʼ nyɛʼtɨ ɨtumbəm ɨtsən á ŋwɔn tse a tsənkɨ awɨŋ ə. Ɨbɛn ba bɨ soŋnɨ ngə́ bo tsi atú atəntsánɨ́ mbɨ́ʼ ndzɛm nəzhwɨgɨnɨ, ba bɨ nyəmnə ngə́ á bɨ shíʼtə́ nɨ ɨnye a ɨshe a ngɨ ɨtsi nkə́ nyəmə ngə́ á bɨ ngúʼsɨ́ bɨtsen bɨ ndá bɨ Ŋwi lá. Ɨdzaŋ ɨbɛn tso mətsiŋ ŋǔʼ ɨnye tsa ɨtsum lá tsɛʼ atú adaŋədaŋə mbɨ́ʼ ngə́ bo kwaʼtɨ ɨnu lá tsɛʼ a nye ndóm wa ŋwɔn mɨsɔŋ a ntsu tsum a kwaʼtɨnə ghe.

Ɛfɛso 4:22

Ma lan, á nɨ nyɛʼ ɨlvuŋ ngɨnɨ mɨnu ɨtsən, mbáʼ tsɨ kɨ́nə́ ngɨə nɨ tsinə adzaŋ za nɨ kɨ́nə́ nchyɛ̌ lá. Ɨlvuŋ ɨnu ɨtsən tsa tsɨ kɨ́nə́ ndǒ tsɛʼ ɨnu ntámtɨ tsa tsɨ kɨ́nə́ ntsənkə awən lá.

Ɛfɛso 1:22

Ŋwi a kɨ ndzumtɨ ɨdzúm ɨtsum ntsagɨ a shwúrɨ́ mɨku Kristo, ngɨ ayi a nye atú ɨdzúm ɨtsum a mu ndáŋwi ə.

Galesha 5:3

A ma kwiʼ nkwantɨ a ŋwɔn wa a mɨ nyɛʼtɨ atuəmbəm azhi ngə́ á bɨ tsəŋ alagɨ azhi ngə́ a mɨ zagɨ zuʼnɨ a Nyɔngɔŋ Mǒse tsum ə.

Galesha 3:17

Məzen a diʼ lá ngə́ Ŋwi a ghɨ́ akan bo Abraʼm nkɨ nkaʼ a ndé zɛrə ghe. Nyɔngɔŋ Mǒse wa bɨ ghánɨ́ a ndzum ɨlom nkɨ tsi nɨkwa nɨ mɨghúm mi mɨntárə́ a chi keʼ tsənkɨ akan za, ɨ kɨ chíʼtɨ́ akaʼ a Ŋwi ə.

2 Korɨnto 9:6

Anu za a tsinɨ ɨwu lá a nɨ ngə́: ŋwɔn wa a binə a nɨ́sháŋnɨ́, a kə́ fúʼə a nɨ́sháŋnɨ́ ə; ŋwɔn wa a binə mɨ ghaʼtɨ, a kə́ fúʼə mɨ ghaʼtɨnə ghe.

1 Korɨnto 15:50

Ɨbɔmbɨma ɨban, anu za ma sóŋnə́ lá a nɨ ngə́ za bɨ nyɛ́tɨ́nɨ́ nɨ ɨnyam ɨnye abɔʼnɨ alɛm a chi keʼ tsi nɨ anu a ngɨə nɨ Nɨfɔ nɨ Ŋwi ə, za a kfónə́ lá, a chi keʼ tsi nɨ za ka a nkfǒ ayi ɛ.

1 Korɨnto 1:12

Anu za ma sóŋnə́ lá nɨ ngə́: ŋwɔn nɨ ŋwɔn a tɨtərɨ bən a soŋə azhi anu tsɛʼ atú zɨə. Wu tse a sóŋə́ ngə́, “Ma nɨ ŋwɔn Baolo ghe”; wu mɔʼɔ a soŋənə ngə́, “Ma nɨ ŋwɔn Abolo ghe”; wu mɔʼɔ a soŋənə ngə́, “Ma nɨ ŋwɔn Bita”; wu mɔʼɔ a soŋənə ngə́, “Ma nɨ ŋwɔn Kristo ghe”.

Ɨfaʼ 2:40

Bita a ghám mɨgham mə ghaʼnɨ mə mɔʼɔ a mbó bo nkɨ ndɛgɨ awa ɨ sóŋə́ ngə́, “Loŋnə ɨtumbəm ɨtsən a mbó nɨwə̌ nɨ abɨgəntəm niŋ ə!”

Alukasɨ 16:28

adiʼ wa ɨbɔmbɨma ɨban bə mbáŋnɨ́ bi bɨtə̧̂ tsinɨ ɨwu ə. A ghɛn nkwantɨ awa taŋ, á bo ghɨ nkeʼ yen adiʼ a ndzúʼ ndzaŋə wiŋ ə.›