Ɛfɛso 4:15 - Mɨkan wu Fi

¹⁵ A baŋnɨ mbe be nɨ ɨsoŋ nkənu a mu azhwi akɔŋnɨ, mbáʼ bɨgɨnə mɨ zagɨ kwi a nye mɨndóm mɨtsum ɨ kɔʼ kuʼ a nye ɨfɨʼ Kristo, zɨ wa a nɨ atú lá.

Ɛfɛso 4:15 Referans Kwoze

1 Yoane 3:18

Ɨbɔ ɨban, akɔŋnɨ azɨgɨnə a se tsi nɨ mbe lá tsɛʼ mɨgham mɛrə mɛrə ghe; a tsi nɨ mbe ngótɨ́ akɔŋnɨ, mbáʼ a diʼnə atuəmbəm azhi a nye ngɨnɨ mɨnu ə.

Ɛfɛso 4:25

Ma lan, á ɨchwenu keʼ ɨwu bə mbe ə! Ŋwɔn nɨ ŋwɔn a tsi nɨ ɨ zagɨ soŋ nkənu a mbó wu mɔʼɔ mbɨ́ʼ ngə́ bɨgɨnə bɨtsum lá ɨlam ɨnye táʼ mbəmnye za a nɨ Kristo lá.

1 Bita 1:22

Tɨtsɔŋnɨ wa a ntsǎ a ndzum ndzuʼnɨ nkənu za, nɨ sugɨnɨ ɨtumbəm ɨtsən ɨ fɛm, nkɨ ntsi nɨ ngótɨ́ akɔŋnɨ a nye ɨbɛn ba bɨŋ bo nɨŋnɨ mɨntəm ɨmɨŋ bo a nye Kristo lá, á nɨ tiʼ nkɔŋ a ŋwɔn nɨ ŋwɔn nɨ mɨntəm ɨmən mɨtsum ə.

2 Bita 3:18

Lá á nɨ ngěn nɨ mbyi nkwiə a mu abɔŋəntəm abɔʼnɨ nji Maʼmbyí, Ndoŋ ɨwɨgɨnə Yeso Kristo ghe. A nɨfáŋ tsi wəmbo tɨtsɔŋnɨ, nkɨ ntsi wəmbo nɨnkoŋ ə! A be lá.

Ɛfɛso 2:21

A nɨ Kristo wa a chwanɨ ndá za tsum, ngɨ ɨ kwiənə a nye ndáŋwi zɨ fɛmnɨ za ɨ tsinɨ a ngúʼsɨ́ Maʼmbyí ɛ.

Ɛfɛso 1:22

Ŋwi a kɨ ndzumtɨ ɨdzúm ɨtsum ntsagɨ a shwúrɨ́ mɨku Kristo, ngɨ ayi a nye atú ɨdzúm ɨtsum a mu ndáŋwi ə.

1 Bita 2:2

A nɨ be tso ɨbɔ bə bɔrɨ, ndzǎŋ nji nɨbə́n nɨ azhwi na nɨ lánɨ́ nkfu tsum, taŋ a ntsǎ a ndzum adzaŋ za nɨ nyɔ́ŋnə́ a nɛrə nɨ mɨ kwi á bɨ loŋ awɨŋ ə.

Roma 12:9

A akɔŋnɨ a lo a mu ntəm ə. A nɨ bə̂ ngɨ ɨnu tsɨ tɔmnɨnɨ, ngɔŋ bɨŋ mbɔm zɨ shiʼnɨ ə;

Yoane 1:47

Mbáʼ Yeso a zɛ́nɨ́ Nataniɛ a yiŋənə a mbó zɨ lá, wɛrə a ghám mbɨ́ʼ ayi ngə́, “Nə nɨ ngótɨ́ ŋwɔn bə Izrai a wɛnə ghe; ɨbankɨ ɨnu se wə ɨnye chyɛ!”

Ɛfɛso 5:23

Mbɨ́ʼ ngə́ ndóm a tsi nɨ mɨtən atú ngwe ɨyi tso mbáʼ Kristo a tsinɨ nɨ mɨtən atú ndáŋwi lá; Kristo zɨmboŋ nɨ ndoŋ ndáŋwi za nɨ mbəmnye ɨzhi lá.

2 Korɨnto 4:2

Bɨgɨ tintɨnɨ ɨnu tsa ɨbɛn lwɛʼnə ntɛgɨ a ngɔbə, ɨnu tsa tsɨ yenə nɨ adɨrətú lá; ka bɨgɨ ngɨə awɨgɨ ɨnu ɨbankɨ kə ntwɛ́ntɨ́ nɨgham nɨ Ŋwi; lá a mu nkənu tsum za bɨgɨ ghamnə asaŋəsaŋ, bɨgɨ fɨʼtɨ ɨtumbəm ɨtsɨgɨ a ɨshi Ŋwi a nye ndóm wa ŋwɔn tsum a mɨ zhi ngə́ mɨntəm ɨmɨgɨ fɛmə.

2 Korɨnto 8:8

Ka ma soŋə aghə a məzen lá tso ntɨgə zɨ tse ghe. Lá a ndiʼə adzaŋ za ɨbɛn bə mɔʼɔ bɛ́bɨ́nə́ a ngá akwatɨ, ma zhwə́ŋtə́ lá a ntsɔ́ʼnɨ́ aku ɨ zhi ɨfɨʼ za akɔŋnɨ azən a nɨ ngótɨ́ zɛrə ghe.

1 Korɨnto 11:3

Lá ma lǒ ngə́ á nɨ zuʼ nkɨ nji ngə́ Kristo a nɨ atú a mbó ŋwɔn mbáŋnɨ́ tsum, ŋwɔn mbáŋnɨ́ tsum a be atú a mbó ngwe ɨyi, Ŋwi a be atú a mbó Kristo ghe.

Ɛfɛso 1:4

ndɔgɨnɨ mbáʼ a tsɔ́ʼnɨ́ awɨgɨnə ntsa a ndzum wɛrə mbɔŋə mbyi biʼnɨ, ngə́ á bɨgɨnə fɛm nkɨ ntsi tɨ ɨfərɨ a ɨshi zɨə.