Ɛfɛso 4:14 - Mɨkan wu Fi

¹⁴ taŋ á bɨgɨnə keʼ bə mbvurɨ mbe tso ɨbɔ bə bɔrɨ ba bɨ bémnɨ́ ɨnu ɨtsum tsa bɨ diʼnə awa nɨ tsɛrə tə ntɔ́ʼnə́ lá. A ntám za ngaŋ ɨchwenu diʼnə keʼ shwuŋ awən nkwebtɨ ɨdiʼ nɨ bən tso kɨfɛrɨ ə. Ngaŋ ndiʼ ɨchwenu mətsiŋ tíntɨ́ ɨbɛn bɨ vwonə atám nɨ atú nɨ nkob za bo báʼnə́ ghe.

Ɛfɛso 4:14 Referans Kwoze

Ɛbal 13:9

A nɨ keʼ nyɛʼtɨ á bɨ diʼ awən nɨ ɨbə́ŋ ɨnu tsədaŋ tsa tsɨ mɨ ghɨ á nɨ fə ndóm ɨwən; mbɨ́ʼ ngə́ a bɔŋ ngə́ á abɔŋəntəm a Ŋwi a nɨ̌ŋ mɨntəm ɨmən ntsa ndzúʼnɨ́ ntɨgə mbɨ́ʼ mɨdzɨ ə. Mbɨ́ʼ ngə́ ntɨgə mətsiŋ sé kwatɨ ɨbɛn ba bɨ zúʼnɨ́nɨ́ a tsɛrə ghe.

1 Korɨnto 14:20

Ɨbɔmbɨma ɨban, á nɨ keʼ tso ɨbɔ bə bɔrɨ be a nye ɨkwaʼtɨ ɨtsɨŋ ə; nɨ bəŋ awən a nye ɨbɔ bə bɔrɨ mbáʼ be a be anu mbɨ́ʼ ɨnu tsɨ tɔmnɨnɨ lá mbe bɨtankaŋ a nye ɨkwaʼtɨ ɨtsɨŋ ə.

1 Yoane 4:1

O bɨson ɨban, á nɨ keʼ nɨŋ mɨntəm ɨmən a nye ɨbɛn bɨtsum ba bɨ kaŋnə ngə́ bo tsi nɨ Azhwi za, lá á nɨ zhwəŋtɨ awa a ndzé ngə́ a lə azhwi za bo tsinɨ nɨ zɛrə a lo a mbó Ŋwi kə ngáŋ ə. Mbɨ́ʼ ngə́ ntóm Ŋwi ɨchwenu ghɛnə nɨ ɨdiʼ ɨtsum ə.

2 Korɨnto 2:17

Mbɨ́ʼ ngə́ ka bɨgɨ be awɨgɨ lá tso bə mɔʼɔ bə ghaʼnɨ, ba bɨ lɔgɨnə anu a Ŋwi ntáŋə́ a mɨtan ɨwu; lá mbɨ́ʼ ngə́ Ŋwi a tsagɨ awɨgɨ, bɨgɨ ghǎm nkənu nɨ mɨntəm ɨmɨgɨ mɨtsum wə ɨshi, tso ngaŋ afaʼ Kristo ghe.

Jemsɨ 1:6

Lá be o tɨ tsaʼtɨ a Ŋwi, o zagɨ nɨŋ ntəm ɨgho ɨwu nkoʼ kɨ məŋnɨ tsɛʼ mɨnyiə ghe. Zɨ wa a mə́ŋnɨ́nə́ a tsi lá tsɛʼ tso nkyiɛ yiŋənɛmə a mu sagɨrə wu ngwi wa kɨfɛrɨ a tɔʼnə maʼə nɨ bagɨ nɨ bagɨ ə.

Ɛfɛso 6:11

A nɨ wəgɨ ɨdzúm ntso ɨtsum tsa Ŋwi a ghanɨ a mbó bən, taŋ á nɨ chi to a mɨnaŋ tsum wa Dəbɨrɨ a kórɨ́nə́ ghe.

Matyo 24:24

Mbɨ́ʼ ngə́ bɨ Wa Bɨ Zɔ́ʼnɨ́ bɨ ɨchwenu abɔʼnɨ ntóm Ŋwi ɨchwenu ghɨ fú a ɨshe, ɨ ghɨnɨ ɨnu tsɨ yerɨnɨ-yerɨnɨ abɔʼnɨ ɨnu tsɨ tsanɨnɨ taŋ ɨ tintɨ ɨnɔ ɨbɛn ɨ tsagɨ a mɨ́tfúŋ, mbáʼ be a chi fu, ɨ kɨ tsagɨ ɨbɛn ba Ŋwi a tsɔʼnɨ awa ghe.

2 Timotyo 4:3

Mbɨ́ʼ ngə́ nkfu yiŋə za ɨbɛn ghɨnɨ keʼ kɔŋ ndzǔʼ ɨnu tsa bɨ diʼnə tsa tsɨ kuʼnɨnɨ, lá ɨ zɔŋnə be ɨnu tsa bo lɔnə, ɨ tiʼ kɨ ghǒtɨ bɨdiʼ bɨ aŋwaʼnɨ a mbó ɨtumbəm ɨtsa á bɨ ngháʼə ngěn be nɨ mbyi, bɨdiʼ bɨ aŋwaʼnɨ ba bo ghɨnɨ soŋnə a mbó bo ɨnu tsa ɨtoŋnɨ tsa chwíʼtɨ́nə́ a ndzúʼə lá.

Judɨ 1:12

Ɨbɛn biŋ be lá tso achwuʼtɨ adiʼ zə nyaʼnɨnɨ a tɨtərɨ bən a nkfu za nɨ bomnkɨnɨ a ndzɨ́ mɨdzɨ mɨ akɔŋnɨ, ndzɨə bɨŋ bo tsɛʼ tɨ mɨnya mɨ adɨrətú ə. Bo lə̌tú tsɛʼ nɨ ɨtumbəm ɨtsa ghe. Bo be lá tso mbaʼ za kɨfɛrɨ a tyíŋnə́ ngěn nɨ zɛrə, ɨ keʼ nɨ mbəŋ a ngyíŋə́ ghe. Bo be lá tso ɨtɨ tsa ka tsɨ nkónə́ awa mɨntam, ɨtɨ a nkfu alom tsa bɨ muʼtɨnə a nye mɨngaŋ ɨma, tsɨ kfokə.

Nkyɛʼə 19:20

Bɨ chwá ɨnyam mɨbaʼ za abɔʼnɨ ntom Ŋwi ɨchwenu za ɨ ghɨ́nɨ́ ɨnu tsɨ yerɨnɨ-yerɨnɨ a ɨshi ɨnyam mɨbaʼ za lá a nye ngaŋ atsáŋ ə. (Bɨ tsá lá a ndzum ɨnu tsɨ yerɨnɨ-yerɨnɨ tsa wɛrə a támtɨ́nɨ́ ɨbɛn ba bɨ tsínɨ́ nɨ alyigɨ a ɨnyam mɨbaʼ za abɔʼnɨ ba bɨ ghúʼsɨ́nə a mɔn abe ɨnyam mɨbaʼ wa lá.) Bɨ máʼ ɨnyam mɨbaʼ za abɔʼnɨ ntom Ŋwi ɨchwenu za atú ntən a mu sagɨrə ɨmugɨ wa ka ɨ ndáʼə mbyɛ́nə́ ayi lá.

Galesha 3:1

Ɨdzɨŋtɨ bə Galesha! Awən a lɔʼ bɨdzɨŋ le? A ɨshi ɨmɨgɨ bən, bɨ fɨ́ʼtɨ́ ɨ shiʼnɨ mbɨ́ʼ nɨvwo nɨ Yeso Kristo atɨ abaŋnɨ-baŋnɨ ə!

Matyo 24:11

Ntóm Ŋwi ɨchwenu mɨ tiʼ fu a ɨshe, ɨ tintɨ ɨnɔ ɨbɛn ɨ tsagɨ a mɨ́tfúŋ ə.

1 Yoane 2:26

Ma ŋwaʼnə a zen a mbó bən lá mbɨ́ʼ ɨbɛn ba bɨ zhwə́ŋtɨ́nə́ a ntámtɨ́ bɨŋ ə.

2 Timotyo 3:13

le buŋ ɨbɛn bə tɔmnɨnɨ abɔʼnɨ ba bɨ ghɨnɨ ɨtsi ngə́ bo nɨ ɨbɛn ba bo se bɛrə be lá, anu aza mɨ bɨ́gɨ́nɨ́ ɨ bɨ́gɨ́nɨ́ ɨ ghɛnə nɨ mbyi, á bo ntámtɨ́ ɨbɛn bədaŋ, á bɨ kə́ ntámtə́ awa ghe.

2 Korɨnto 4:2

Bɨgɨ tintɨnɨ ɨnu tsa ɨbɛn lwɛʼnə ntɛgɨ a ngɔbə, ɨnu tsa tsɨ yenə nɨ adɨrətú lá; ka bɨgɨ ngɨə awɨgɨ ɨnu ɨbankɨ kə ntwɛ́ntɨ́ nɨgham nɨ Ŋwi; lá a mu nkənu tsum za bɨgɨ ghamnə asaŋəsaŋ, bɨgɨ fɨʼtɨ ɨtumbəm ɨtsɨgɨ a ɨshi Ŋwi a nye ndóm wa ŋwɔn tsum a mɨ zhi ngə́ mɨntəm ɨmɨgɨ fɛmə.

Matyo 11:7

Mbáʼ bɨyɛʼ bɨ Yoane Ngaŋ Nga Nkyi kɨ́nə́ ndǒ adiʼ wa ɨ kwɛn awa lá, Yeso a ghám mbɨ́ʼ a Yoane a mbó ɨnɔ ɨbɛn wa ngə́: “Nkfu za nɨ ghɛ́nɨ́ a mbó Yoane Ngaŋ Nga Nkyi a mu mɨkɨghonɨ lá, nɨ kə́ ngwíʼtɨ́ ndze ake? Azəŋ a ngyɛn á nchíʼnə́ a mu kɨfɛrɨ le?

1 Korɨnto 12:2

Nɨ zhi ngə́ a nkfu za nɨ bvúrɨ́nɨ́ mbé bɨtɨbeməŋwi lá, bɨ tíntɨ́ awən a nye mɨndóm mə ghaʼnɨ ntsagɨ a mu ɨfənu a ngúʼsɨ́ ɨbɔ bɨ abe, ɨdzúm tsa ka tsɨ ngamə awa ghe.

Ɨfaʼ 23:21

Lá koʼ ghɨ anu za bo soŋnɨ mbɨ́ʼ ngə́ ɨbɛn ntsatɨ mɨghúm mi nɨkwa lo nɔŋ a mu mɨbaʼ ɨ zhwíʼtɨ́nə́ ayi ɛ. Bo lɔgɨnə akan ngə́ bo mɨ keʼ dzɨ kə ɨ no azúm zə tse tɨgha bo zhwitɨ ayi ɛ. Bo kyaŋtɨnɨ ɨnye ɨtsa a ngɨ zɛrə ntiʼə njwíʼtə́ lá a za o mɨ tsɔʼ a mu ntəm gho ghe.”

1 Yoane 2:19

Ɨbɛn biŋ sé tsi a mu adzɨnɨ azɨgɨnə ghe, nə nɨ anu za bo nyɛ́ʼtɨ́nɨ́ awɨgɨnə; bo bé lanɨ be lá bagɨ adzɨnɨ azɨgɨnə, muŋ bo ghɔ́ŋ bɨgɨnə bo ghe. Lá bo nyɛ́ʼtɨ́ awɨgɨnə lá taŋ á lán ngə́ kə́ tsɛʼ táʼ ŋwɔn nɨ bo a sé lanɨ ntsi bɨgɨnə bo ghe.

2 Bita 2:18

Bo ghamə nɨ nji tsɨ tən mɨgham mɨ ŋǔʼ ɨnye mə dzɨŋtɨ, nkə́ ndɔ́gɨ́ ɨnu ntɔrɨ ɨlɛbɨ tsa mbəmnye ɨ kɔŋnɨ a mbentɨ ɨ ko ɨbɛn ba bɨ bvurɨnɨ mbiʼnɨ a fu bo a tɨtərɨ ɨbɛn ba bɨ tsínə́ awa a mu afənu ə.

Jemsɨ 3:4

Kə wiʼtɨ mbɨ́ʼ abáŋ a nkyi ɛ; a baʼtɨ faŋ ɨ faŋnɨ, a kə ntyíŋə́ kɨfɛrɨ wu ntən lá, bɨ chi twɛn a zɛrə tsɛʼ nɨ mɨnya mɨ kárə́ghɨ́rə́, á ghɛn adiʼ atsum za ntyǐŋ abáŋ a nkyi a lɔnə ngə́ á ghɛn ɨwu ə.

1 Timotyo 3:6

A tsi nɨ ɨ zagɨ tən ɨ kɔ́kɨ́ a mu abeməntəm, taŋ á kɨtɛrɨ a keʼ ghɨ á nkɔ́ʼsɨ́ ɨbyɛrɨ ɨchi, ɨ tsi nɨ ndəŋndəŋ ɨnɨŋ ngɨ́ʼ za Dəbɨrɨ a tsinɨ nɨ zɛrə lá.

2 Timotyo 1:15

O zhi ngə́ ɨbɛn bɨtsum ba bɨ zɔŋnə a Kristo ɨ mɔ́ʼɔ́ mɔ́ʼɔ́ a Mbuʼ Esha, nkwiʼtɨ a Faigɛlusɨ bo Ɛmɔginisɨ, bɨ kɨəkɨnə aghə.

1 Korɨnto 3:19

Mbɨ́ʼ ngə́ za atuəshe a lɔgɨnɨ tso zóŋ a nɨ ɨnu adzɨŋtɨ a ɨshi ɨmɨgɨ Ŋwi ə. Tso mbáʼ aŋwaʼnɨ a Ŋwi soŋnɨ ngə́, “Ŋwi a lɔgə ayigɨnɨ a ɨbɛn ba bɨ tsinɨ nɨ zóŋ a nye ndab za wɛrə a bentɨnə nkǒ awa ɨwu ə,”