Ɛfɛso 4:13 - Mɨkan wu Fi

¹³ Ma lan, bɨgɨnə bɨtsum ghɨ tíʼ yen bomnkɨ ɨ tsi a mbúm, ɨ be táʼ azúm a nye abeməntəm abɔʼnɨ adzaŋ za bɨgɨnə zhinɨ a Mɔn Ŋwi ə; bɨgɨnə ghɨ tíʼ be nchíkɨ́ ɨbɛn tso Kristo, ɨ kɨ be tso zɨ a nye mɨndóm mɨtsum,

Ɛfɛso 4:13 Referans Kwoze

Kolose 1:28

Ma lan, bɨgɨ sóŋə́ anu a Kristo a mbó ŋwɔn tsum ə. Nɨ zóŋ tsum wa a chinɨ tsi, bɨgɨ kwantə nkə́ ndiʼə awa taŋ ɨ lɔgɨ a ŋwɔn tsum ɨ yen nɨ wɛrə a ɨshi ɨmɨgɨ Ŋwi tso ŋwɔn wa a kwinɨ nkɨ ntsi a mbúm bo Kristo ghe.

Yoane 17:21

Ma tsaʼtə a Ŋwi ngə́ á bo tsi a mbúm ə. Tarɨ! Ma tsaʼtə a Ŋwi ngə́ á bo tsi a mbúm bɔgə, tsɛʼ tso mbáʼ tɨ tsinɨ a mbúm lá. Ma tsaʼtə Ŋwi ngə́ á bo tsi a mbúm, taŋ á atuəshe a nɨŋ ntəm ɨyi ɨwu ngə́ o tságɨ́ aghə.

Ɛfɛso 4:5

A tsi tsɛʼ táʼ Maʼmbyí, táʼ abeməntəm abɔʼnɨ táʼ nkwarɨ nkyi ɛ.

Ɛfɛso 4:3

A nɨ ngɨə atsum a ndé nchyɛ a mbúm za a ghánə́ Azhwi ntsǎ a ndzum mbɔnɨ za ɨ kórɨ́nə́ awən nɨ tiʼ táʼ ghe.

2 Bita 3:18

Lá á nɨ ngěn nɨ mbyi nkwiə a mu abɔŋəntəm abɔʼnɨ nji Maʼmbyí, Ndoŋ ɨwɨgɨnə Yeso Kristo ghe. A nɨfáŋ tsi wəmbo tɨtsɔŋnɨ, nkɨ ntsi wəmbo nɨnkoŋ ə! A be lá.

Kolose 2:2

Ma ghɨə a məzen lá taŋ á bo kotɨ mbáŋnɨ́ ɨtsa, ntiʼ nchi kɨ ghótɨ́nə a mbúm a mu akɔŋnɨ ə. Ma lan, bo mɨ tiʼ tsi nɨ ngótɨ́ ndzuʼ kɨ zhi, adzaŋ məwen á nɨbɔgɨ nə tse keʼ ɨwu bə mbe. A nye ndóm məwen, bo mɨ zhi a za Ŋwi a lɛnɨ a nkubə, mbáʼ a lá Kristo zɨmboŋ ə.

Ɛbal 5:14

Lá mɨdzɨ mə chwaʼtɨnɨ tsi lá a mbó bɨləmə nkɨ ntsi lá a mbó ɨbɛn ba bɨ mərɨsɨnə ɨtumbəm ɨtsa a nkwátɨ́ ɨ kyɛrɨ ɨbɔŋ a nye ɨnu tsɨ tɔmnɨnɨ ə.

Filibi 3:8

Ka a be ayi tsɛʼ ɨdzúm mətsa; ma tiʼə nkwǎʼ azúm atsum tso byé wa a ghɛnɨ ndwitɨ mbɨ́ʼ atú anu za a tsinɨ nɨ ɨlɨŋ ngɛn nɨ mbyi, mbe lá azhyɛ a Kristo Yeso Maʼmbyí ɨghə. Mbɨ́ʼ atú azhi ma nyɛʼnə azúm atsum; ma tiʼə ndə́ŋtə́ a tsɛrə ɨtsum tso ntsaʼ, taŋ á abi azə a be ngə́ ma tiʼ ŋwɔn Kristo

1 Korɨnto 14:20

Ɨbɔmbɨma ɨban, á nɨ keʼ tso ɨbɔ bə bɔrɨ be a nye ɨkwaʼtɨ ɨtsɨŋ ə; nɨ bəŋ awən a nye ɨbɔ bə bɔrɨ mbáʼ be a be anu mbɨ́ʼ ɨnu tsɨ tɔmnɨnɨ lá mbe bɨtankaŋ a nye ɨkwaʼtɨ ɨtsɨŋ ə.

Ɛfɛso 1:23

Ndáŋwi lá mbəmnye wɛrə, za bɨ lwɨgɨnɨ nɨ Kristo, zɨ wa a lwɨ́gɨ́nɨ́ ɨnu ɨtsum adiʼ atsum lá.

Ɨfaʼ 4:32

Ngǒtə ɨbɛn ba bɨ nɨ́ŋnɨ́ mɨntəm ɨma a nye Ŋwi bé lá tsɛʼ táʼ azúm a ntəm bo abɔʼnɨ akwaʼtɨ aza ghe. Ŋwɔn tse a tɨtərɨ bo a sé sóŋ ngə́ azúm zə tsɛrə za zɨə tsínɨ́ nɨ zɛrə a nɨ tsɛʼ azhi ɛ. Bo kə́ ngyɛbtɨ ɨdzúm ɨtsa tsɛʼ ɨtsum a tɨtərɨ bo ghe.

1 Yoane 5:20

Bɨgɨnə zhi ngə́ Mɔn Ŋwi a yenə, nkɨ nga ndzuʼə kɨ zhi a mbó bɨgɨnə, taŋ á bɨgɨnə zhi a Ŋwi, zɨ wa nkənu lonə wəmbo lá. Bɨgɨnə chyɛ̌ lá a mbúm bɨgɨnə bɨ Ŋwi, zɨ wa nkənu lonə wəmbo lá — a mbúm bɨgɨnə bɨ Mɔn ɨyi Yeso Kristo ghe. Nə nɨ Ŋwi, zɨ wa nkənu lonə wəmbo, nə kɨ mbe ntsi ntən nɨnkoŋ za.

Ɛfɛso 4:12

Wɛrə a ghɨ́ a məzen lá taŋ ɨ kyaŋtɨ ɨbɛn bɨ Ŋwi a faʼ ɨfaʼ Kristo, taŋ ɨ kyaŋtɨ mbəmnye Kristo za ɨ kɔʼ ntɛm ə.

Ɛfɛso 2:15

Wɛrə a fɨ́gɨ́ a nyɔngɔŋ Mosě abɔʼnɨ ntɨgə nɨ mbɔm, taŋ ɨ ghɨ a táʼ ngwəgɨ ŋwɔn mɨsɔŋ a ntsu á tsi a mbúm bo zɨ a nye ngwəgɨ mətsen tsi bá, adzaŋ məwen ɨ ghɨ á mbɔnɨ tiʼ nchyɛ.

2 Korɨnto 4:6

A nɨ Ŋwi, zɨ wa a sóŋnɨ́ ngə́, “A nkaʼ fu a mu ndzumnɨ mbaŋə,” a nɨ ndəŋndəŋ Ŋwi, zɨ wa a ghɨnɨ nkaʼ ɨyi baŋ a mu mɨntəm ɨmɨgɨnə, a ngɨə á bɨgɨnə zhi nɨfáŋ nɨ Ŋwi na nɨ tánə́ ndǒ a nye Yeso Kristo lá.

1 Korɨnto 1:10

Ɨbɔmbɨma ɨban a ndzum Kristo, nɨ ɨkum Maʼmbyí Yeso Kristo ɨwɨgɨnə, ma bǔʼ mbó a mbó bən ngə́ á nɨ tsi ntsu mɔ́ʼɔ́ taŋ á ayɛbtɨ a keʼ a tɨtərɨ bən chyɛ. A nɨ lánɨ́ ntsi a mbúm, nɨ táʼ akwaʼtɨ abɔʼnɨ táʼ anu za nɨ lɔnɨ ngɨə ghe.

Yoane 17:3

Ɨ tiʼ tsi ntən nɨnkoŋ ɨ nɨ ngə́ á bo zhi agho, Ŋwi ɨ nu zɨzɨ tɨ wə daŋ, abɔʼnɨ nji Yeso Kristo wa o tságɨ́nə́.

Yoane 16:3

Ɨbɛn ghɨ ghɨ ɨnu tsen a nye bən mbɨ́ʼ ngə́ ka bo zhi awa a Tarɨ kə aghə.

Matyo 11:27

Ta ɨghan a ghanə ɨdzúm ɨtsum a mbó me ghe. Ka ŋwɔn tse a zhi ayi a Mɔn ntsa a Tarɨ, ŋwɔn tse a keʼ kɨ nji a Tarɨ ntsa a Mɔn abɔʼnɨ ba Mɔn a zarɨnɨ taŋ ɨ kyɛʼ a ta ɨyi a mbó bo ghe.

Yoane 1:16

Mbɨ́ʼ abɔŋəntəm azhi za a tsinɨ a nɨ́lónɨ́, wɛrə a fɔgɨnə awɨgɨnə bɨtsum, ɨfɔgɨ ghěnə zɨ mɔʼɔ zɔŋənə ghe.

Yoane 6:69

A nkwiʼtə, tɨtsɔŋnɨ, bɨgɨ nɨŋ mɨntəm ɨmɨgɨ a nye gho, nkɨ nji ngə́ o nɨ Wu Fɛmnɨ wa a lonɨ a mbó Ŋwi ngyiŋə.”

1 Korɨnto 2:6

Lá bɨgɨ chwítɨ́ nkən mbɨ́ʼ a zóŋ a mbó ɨbɛn ba bo kwinɨ a mu azhwi ə. Lá ka a be ayi zóŋ atuəshe wen kə zóŋ wa a tsinɨ a mbó ɨdzɔŋ ɨlaʼ tsa tsɨ sáʼnə́ atuəshe — ɨdzɔŋ ɨlaʼ tsa tsɨ byɛ́gɨ́nɨ́ mɨtən ɨma ghe.

Galesha 4:19

O ɨbɔ ɨban! Tso mabvu wa a chiʼnɨ, ma bɨŋə nkwátə́ ndzuʼ abə́ŋ a ndzáŋə́ məza mbɨ́ʼ awən ɨ kuʼ nkfu za nɨ tiʼnɨ mbe tso Kristo ghe.

Ɛfɛso 1:17

ngə́ Ŋwi wu Maʼmbyí Yeso Kristo ɨwɨgɨnə, Ta bɨ nɨfáŋ, a chi gha Azhwi a zóŋ a mbó bən ɨ kɨ ghɨ á nɨ zhi a Ŋwi ɨ shiʼnɨ ə.

Filibi 3:10

Atsum atsum za ma lɔnə, a nɨ nji Kristo ɨ kɨ zhwiʼtɨ ɨ zɛn mɨtən ma mɨ tsínɨ́ wə ɨnye a nkfu za wɛrə zhwémnɨ́nɨ́ a mbó nɨvwo, ɨ kɨ ze ngɨ́ʼ tso wɛrə, ɨ tiʼ kɨ kfo tso zɨ,

2 Bita 1:4

A nye ndóm məwen, wɛrə a ghanə a mbó bɨgɨnə ɨdzúm tsə ghanɨ tsə wi nkɨ mbe tsa tsɨ bɔŋnɨ tsɛʼ nkan tsa wɛrə a káʼnɨ́ awɨgɨnə nɨ tsɛrə lá, taŋ a ntsǎ a ndzum ɨdzúm tsə ghanɨ mətsen, nɨ chi lɛʼ ntɛgɨ ntəm a nye ɨdzúm atuəshe za ɨ tsənkɨnɨ ɨbɛn, ɨ tiʼ kɨ tsi nɨ mbě za a nɨ zɨ Ŋwi lá.