Ɛfɛso 4:11 - Mɨkan wu Fi

¹¹ A bé wɛrə wa a “ghánɨ́ ɨdzúm tsɨ ghanɨ”; ɨdzúm tsə ghanɨ mətsiŋ be lá ngə́ a tsɔ́ʼ a bə tse ngə́ á bɨ be ntóm Yeso, á bə tse be ntóm Ŋwi, á bə tse be bɨfangɨrɨshi, á bə tse be bɨbasɨto bo bɨ bɨdiʼ bɨ aŋwaʼnɨ ə.

Ɛfɛso 4:11 Referans Kwoze

Ɛfɛso 2:20

Bən wa nɨ se bə Yuda be, nɨ kɨ mbe lá ndá za bɨ vwunɨ atú atsé ndá za a bɔmnɨ ntóm Yeso bo ntóm Ŋwi, Kristo Yeso zɨmboŋ a be ngɔʼ nɨbú ɨzhi ɛ.

2 Timotyo 4:5

Lá o tsi nɨ nchwatɨ ɨnye ɨzo a nye ɨnu ɨtsum; ɨ chigɨ ntəm a mu ndze ngɨ́ʼ, ɨ faʼ afaʼ a ngaŋ ɨsoŋ nkən wu shiʼnɨ, ɨ kɨ faʼ ɨfaʼ ɨgho ɨtsum tso ngaŋ afaʼ Ŋwi ə.

Matyo 28:20

nkə́ ndiʼnə awa ngə́ á bo ndzúʼnɨ́ ɨnu ɨtsum tsa ma tɨ́gɨ́tɨ́nɨ́ awən ɨwu ə. Ma mɨ tsi bɨgɨnə nkfu ɨtsum ɨ kɔʼ kuʼ a ndwitɨ mbyi ɛ.”

Ɨfaʼ 20:28

Ma lan, á nɨ lə atú nɨ ɨtumbəm ɨtsən nkɨ ndə atú a nye ɨbɛn ba bɨ nɨŋnɨ mɨntəm ɨma a nye Kristo ba Azhwi zə Fɛmnɨ a ghanɨ ngə́ á nɨ ndə̌tú nɨ bɛrə lá. A nɨ be bɨntsiŋ mɨnyam a nye ndáŋwi za a nɨ zɨ Ŋwi, za wɛrə a ghɨ́nɨ́ a nye ɨzhi ntsa a ndzum alɛm a Mɔn ɨyi lá.

Ɛfɛso 4:8

Aŋwaʼnɨ a Ŋwi a soŋ ngə́, “A nkfu za wɛrə a kɔ́ʼnɨ́ ngɛ́n adiʼ za a kɔʼnɨ ngɛn ntsa ɨtsum, a ghɛ́n nɨ bə ghaʼnɨ ba wɛrə a lɔ́gɨ́nɨ́ awa tso ngaŋ atsáŋ; nkɨ nga ɨdzúm tsɨ ghanɨ a mbó ɨbɛn ə.”

Ɛfɛso 3:5

A bé a mbyi lá bɨ keʼ anu zə lwɛʼnɨ məzen a mbó ŋwɔn mɨsɔŋ ghumtə, lá Ŋwi a kyɛʼ a zɛrə a mbó ntóm Yeso tsə fɛmnɨ bo ntóm Ŋwi tsa tsɨ kɨnɨ fɛm ntsa a ndzum Azhwi azhi ɛ.

Roma 12:7

be a be ngə́ o faʼ a mbó ɨbɛn, o faʼə, be a be ngə́ o diʼ aŋwaʼnɨ, o diʼə;

Ɛbal 5:12

Nɨ kwɛnə ntsi nɨ nkfu zɨ sa ɨ tiʼ be bɨdiʼ ə — lá nɨ bvurə ndǒ a ŋwɔn á kwiʼ nkwatɨ ndiʼ awən nɨ ɨnu tsɨ biʼnɨnɨ a ndzúʼ nɨgham nɨ Ŋwi ə. Nɨ bvurə nǒ nɨbə́n, mbáʼ nɨ benɨ chwáʼtɨnɨ mɨdzɨ ə;

Nkyɛʼə 18:20

A ba bɨ tsinɨ a fɔməbvurə dorɨkɨ mbɨ́ʼ adzaŋ za bɨ tsənkɨnɨ a wɛrə ghe! A ɨbɛn bɨ Ŋwi, ntóm Yeso abɔʼnɨ ntóm Ŋwi dorɨkə! Mbɨ́ʼ ngə́ Ŋwi a chɛrɨnɨ ɨsáʼ ngə́ wɛrə a vwo ɨsáʼ lá mbɨ́ʼ anu za wɛrə a ghɨ́nɨ́ a nye bɨŋ ə.

Ɨfaʼ 21:8

Njwi zɨ mɔʼɔ bənə ndán, bɨgɨ lo ngɛn a Seseria ghe. Ɨwu, bɨgɨ kə́ nchyɛ̌ a ndá Firɨbɔ wa a bénɨ́ fangɨrɨshi ɛ. Wɛrə a bé táʼ ŋwɔn a tɨtərɨ ɨbɛn ba bi samba ba bɨ tsɔ́ʼnɨ́ a nye bɨnkwatɨ a Yerosalɛm lá.

Ɨfaʼ 13:1

A ndáŋwi Antyokɨ ntóm Ŋwi tsɨ tse abɔʼnɨ bɨdiʼ bɨ aŋwaʼnɨ bə tse tsí ɨwu mbe: Banabasɨ, Simiɔn (wa bɨ kɨ́nə́ ntɔ́ŋə́ ngə́ Wu Shwi), Lushɔsɨ (wa a lónɨ́ a Sirin), Manain (wa bɨ kúgɨ́nɨ́ ayi a ndá Ɛrɔd wa a bénɨ́ gobɨna) abɔʼnɨ Sɔlɨ ə.

Nkyɛʼə 21:14

Bɨ vwú atsé nká ntáʼmbagə wu wi wa lá atú ngɔʼ tsɨ wiəwi nɨghúm ntsɔb bá ghe. Bɨ ŋwáʼnɨ́ mɨkum mɨ ntóm Yeso tsə Mɔn Mbyindzɨ wa a nye ngɔʼ tsa nɨghúm ntsɔb bá, táʼ ɨkum atú táʼ ngɔʼ ə.

Judɨ 1:17

Lá bɨson ɨban, á nɨ waʼtɨ anu za ntóm Yeso tsɨ Maʼmbyí Yeso Kristo ɨwɨgɨnə sóŋnɨ́ a mbó bən a mbyi ɛ.

1 Korɨnto 12:4

Ɨdzúm tsɨ ghanɨ tsɨ azhwi tsi a mbúŋə́ mbúŋə́, lá a tsɛrə ɨtsum a ghǎ táʼ Azhwi ə.