Ɛfɛso 3:20 - Mɨkan wu Fi

²⁰ A mbó Ŋwi, zɨ wa a faʼnə nɨ mɨtən ma mɨ faʼnə a mu ɨnye bɨgɨnə, a chi faʼ nɨ mɛrə ɨ ghɨ a za a tsanɨ a za bɨgɨnə chinɨ bitɨ kə ɨ kwaʼtɨ,

Ɛfɛso 3:20 Referans Kwoze

2 Korɨnto 9:8

Ŋwi a chi gha a mbó bən á ghɛn nɨ mbyi ntsa a za a kuʼnɨnɨ a mbó bən, taŋ á nɨ nchyɛ̌ nɨ atsum za a kuʼnɨnɨ a mbó ɨtumbəm ɨtsən nkfu tsum, ɨ kɨ gha á ghaʼ ntsa adzaŋ za a kuʼnɨnɨ a mbó bən a faʼ afaʼ zə shiʼnɨ atsum ə.

Roma 4:21

nji a shwi a mu ntəm zɨ ngə́ anu za Ŋwi a káʼnɨ́ ayi ɨwu lá a ghɨ fuə.

Judɨ 1:24

A mbó Ŋwi, zɨ wa a chinɨ kɨnkɨ awən á nɨ keʼ vwo a mu ɨbvu, ɨ kɨ yen nɨ bən tɨ afənu a mu nɨdorɨ a ɨshi nɨfáŋ ɨni —

1 Korɨnto 2:9

Lá aŋwaʼnɨ a Ŋwi soŋ ngə́: “Za ŋwɔn tse a láʼnɨ́ nkeʼ zɛn kə ndzuʼ, za ŋwɔn tse a láʼnɨ́ nkeʼ kwaʼtɨ ngə́ a chi fu, a nɨ tsɛʼ zɛrə mbáʼ Ŋwi a kyáŋtɨ́nɨ́ a mbó ɨbɛn ba bɨ kɔŋnɨ ayi ɛ.”

Ɛfɛso 1:19

Nɨ mɨ kɨ zhi adzaŋ za mɨtən ɨmyi ma bɨ chinɨ keʼ fɨʼnɨ, a mɨ faʼnə a mu ɨnye bɨgɨnə ba bɨ nɨŋnɨ mɨntəm ɨmɨgɨnə a nye zɨ lá. Mɨtən məmen ma mɨ faʼnə a mu ɨnye bɨgɨnə tsi ndəŋndəŋ bo mɨtən mə wi ma

Ɛbal 7:25

Ma lan, wɛrə a tsi nɨ mɨtən a ndoŋ ɨbɛn ba bɨ yenə a mbó Ŋwi ntsa a ndzum zɨ, tɨtsɔŋnɨ abɔʼnɨ nkfu tsum, mbɨ́ʼ ngə́ a tsi ntən nɨnkoŋ lá a mbúʼtɨ́ mbó a mbó Ŋwi a nkfu bo ghe.

Ɛfɛso 3:7

Ŋwi a ghɨ́ aghan ma be ŋwɔn afaʼ Nkən wu Shiʼnɨ ntsa a ndzum azúm zə ghanɨ mbe abɔŋəntəm azhi za a ghanɨ a mbó me ntsa a ndzum adzaŋ za mɨtən ɨmyi faʼnə ghe.

Roma 16:25

A bɨgɨnə gha nɨfáŋ a mbó Ŋwi ə! Wɛrə a chi ghɨ o tɛm tə́ nchíʼnə́ a mu abeməntəm azo, ndzɔ̌ŋ Nkən wu Shiʼnɨ wa ma sóŋnə́ mbɨ́ʼ a Yeso Kristo, ndzɔ̌ŋ nkənu za ɨ tsinɨ a nkubə za bɨ tiʼnɨ ndɛn be asaŋəsaŋ lá. Bɨ lwɛ́ʼ anu a nkubə məzen nchwuʼnɨ a ngúʼə ngúʼə ghe.

Kolose 1:29

A ngɨə á məzen a fu, ma faʼə nɨ adaʼ azə atsum, ɨ faʼə nɨ adaʼ zə wi za Kristo a ghánə́, a tsi a mu ɨnye me ɨ faʼə ɨwu lá.

Yoane 10:10

Ndzɛrə a yiŋə tsɛʼ a ndzé, ɨ zhwitɨ ɨ kɨ tsənkə. Ma yen lá taŋ á nɨ chi tsi nɨ ntsi ntən, ɨ kɨ tsi nɨ zɛrə á ɨ lon ntiʼə ndzagɨnə ghe.

Jemsɨ 4:12

A nɨ tsɛʼ Ŋwi zɨzɨ wa a ghánə́ a nyɔngɔŋ nkɨ mbe ɨsáʼ abyɛn ə. A nɨ tsɛʼ wɛrə zɨzɨ wa a chinɨ loŋ ɨ kɨ tsənkɨ awɨgɨnə ghe. O kwaʼtɨ ngə́ o lá ɨwa, a sáʼ ŋwɔn adaŋ le?

1 Timotyo 1:14

Maʼmbyí ɨwɨgɨnə a ghá abɔŋəntəm azhi za a kɨ́nə́ nkwə́ŋnə́ a mbó me, nkɨ nga abeməntəm abɔʼnɨ akɔŋnɨ, ɨnu tsa bɨgɨnə tsínə́ nɨ tsɛrə a nkfu za bɨgɨnə tsinɨ a mbúm bɨgɨnə bɨ Kristo Yeso lá.

Ɛbal 11:19

Abraʼm a kwáʼtɨ́ ngə́ Ŋwi a kɨ chi zhwemnɨ a ŋwɔn mɨsɔŋ a ntsu a mbó nɨvwo — adzaŋ məwen, adzaŋ za bo kɨ́nə́ sóŋə́, wɛrə a bə́ nkwárɨ́ a mɔn ɨyi wədiʼ a mbó nɨvwo ə.

2 Bita 1:11

Adzaŋ məwen, Ŋwi a mɨ ghɨ á be adiʼ azən a nɨ́lónɨ́ a nkúŋə́ a mu nɨfɔ nə nɨnkoŋ nɨ Yeso Kristo, zɨ wa nɨ Maʼmbyí ɨwɨgɨnə nkɨ mbe ndoŋ ɨwɨgɨnə lá.

Matyo 3:9

A nɨ keʼ kɨ ngwiʼtɨ ngə́ nɨ chi lɛʼ ɨnɨŋ ngɨ́ʼ Ŋwi a ntsǎ a ndzum adzaŋ za nɨ sóŋnə́ ngə́ Abraʼm a nɨ ta ɨwən wu kɔ́ʼɔ́nguʼ ə. Mbɨ́ʼ ngə́ Ŋwi a chi lɔgɨ ngɔʼ tsenə ɨ bənkɨ a nye ɨbɔ bɨ Abraʼm ə!