Ɛfɛso 3:19 - Mɨkan wu Fi

¹⁹ Nɨ chi ghɨ zhi akɔŋnɨ azhi ɨ tiʼ kɨ be tso Ŋwi a nye mɨndóm mɨtsum — le buŋ bɨ chi láʼ keʼ zhi a zɛrə ɨ ghɛn mɛtə.

Ɛfɛso 3:19 Referans Kwoze

Ɛfɛso 1:23

Ndáŋwi lá mbəmnye wɛrə, za bɨ lwɨgɨnɨ nɨ Kristo, zɨ wa a lwɨ́gɨ́nɨ́ ɨnu ɨtsum adiʼ atsum lá.

Kolose 1:10

Nɨ mɨ chi tiʼə tsinə adzaŋ za Maʼmbyí a lɔnə ɨ kə́ gháʼə ghɨnɨ ɨnu tsa tsɨ ghɨnə ɨnye wɛrə bɔŋənə ghe. Ntsi mbyi ɨtsɨŋ mɨ fɨgɨ ɨbə́ŋ ngɨnɨ mɨnu mə shiʼnɨ mɨtsum ə. Nɨ mɨ kɨ kwi a mu azhyɛ a Ŋwi azɨŋ ə.

2 Korɨnto 5:14

Mbɨ́ʼ ngə́ akɔŋnɨ a Kristo a tsɨŋnə awɨgɨ, mbɨ́ʼ ngə́ bɨgɨ zhi ɨ shiʼnɨ ngə́ táʼ ŋwɔn a kfó mbɨ́ʼ atú a ŋwɔn tsum; ntiʼə ndiʼə ngə́ ŋwɔn tsum a kfonə ghe.

Yoane 1:16

Mbɨ́ʼ abɔŋəntəm azhi za a tsinɨ a nɨ́lónɨ́, wɛrə a fɔgɨnə awɨgɨnə bɨtsum, ɨfɔgɨ ghěnə zɨ mɔʼɔ zɔŋənə ghe.

Filibi 4:7

Mbɔnɨ Ŋwi, zɛrə za ɨ tsanɨ anu atsum za be ŋwɔn mɨsɔŋ a ntsu a zuʼ nkɨ nji, mɨ len mɨntəm ɨmən abɔʼnɨ ɨtú ɨtsən á tsɨ tsi a mbúm bo bɨ Kristo Yeso ghe.

Galesha 2:20

taŋ á tiʼ mbe ngə́ ka bə mbvurɨ mbe ayi me wa ma tsinɨ ntən, lá a nɨ zɨ Kristo mbáʼ a tsinɨ ntən a mu ɨnye me ghe. Ntsi ntən za ma tsinɨ ɨwu tɨtsɔŋnɨ, ma chyɛ̌ ntsǎ lá a ndzum abeməntəm za ma tsinɨ nɨ zɛrə a nye Mɔn Ŋwi, zɨ wa a kɔ́ŋnɨ́ aghan nga ntsi ntən ɨzhi tso mɨtsuʼnɨ mɨ atú mbɨ́ʼ aghan lá.

Ɛfɛso 5:2

Akɔŋnɨ a tsi nɨ ntsɨŋnɨ ntsi mbyi ɨzən, tso mbáʼ Kristo a kɔ́ŋnɨ́ awɨgɨnə, nga ntsi mbyi ɨzhi tso mɨtsuʼnɨ mɨ atú a nkfu bɨgɨnə tso akáŋ a Ŋwi za nyúʼtɨ́nɨ́ ɨ shiʼnɨ, ngɨə ɨnye Ŋwi bɔŋənə lá.

Ɛfɛso 3:18

taŋ á bən abɔʼnɨ ɨbɛn bɨ Ŋwi bɨtsum chi tsi nɨ adaʼ a ndzúʼə ɨ kɨ zhi adzaŋ za akɔŋnɨ a Kristo a ghaʼnɨ titi ndwitə ɨzhi ɨ keʼ ɨwu be ə.

2 Bita 3:18

Lá á nɨ ngěn nɨ mbyi nkwiə a mu abɔŋəntəm abɔʼnɨ nji Maʼmbyí, Ndoŋ ɨwɨgɨnə Yeso Kristo ghe. A nɨfáŋ tsi wəmbo tɨtsɔŋnɨ, nkɨ ntsi wəmbo nɨnkoŋ ə! A be lá.

Yoane 17:3

Ɨ tiʼ tsi ntən nɨnkoŋ ɨ nɨ ngə́ á bo zhi agho, Ŋwi ɨ nu zɨzɨ tɨ wə daŋ, abɔʼnɨ nji Yeso Kristo wa o tságɨ́nə́.

Matyo 5:6

Nɨdorɨ tsi a mbó ɨbɛn ba atsum za bo lɔnə a nɨ ngɨ anu za Ŋwi a lɔnə; Ŋwi a ghɨ ghá a za bo lɔnə a mbó bo ghe!

Ɛfɛso 5:25

Ndóm, kɔŋ a ngwe ɨgho tso mbáʼ Kristo a kɔ́ŋnɨ́ ndáŋwi, ɨ nyɛʼtɨ bɨ zhwitɨ ayi mbɨ́ʼ atú a zɛrə lá.

Filibi 1:7

Nɨ tsi a mu ntəm me tsɛʼ nkfu tsum ə! Ma lan, a kuʼnɨ a mbó me a ndzúʼə a mu ɨnye me adzaŋ za ma zúʼnə́ lá mbɨ́ʼ awɨŋ ə. Mbɨ́ʼ ngə́ bən bɨtsum tsi nɨ ɨwɨŋ bagɨ abɔŋəntəm za Ŋwi a ghanɨ a mbó me ghe. Nɨ tsi nɨ zɛrə tɨtsɔŋnɨ wa ma tsinɨ atsáŋ lá abɔʼnɨ nkfu za ma bénɨ́ ŋwɔn nɨ atú azan a ngyemnkɨ nkən wu shiʼnɨ ɨ kɨ bi a wɛrə á ɨ təntɨ ɨ shiʼnɨ lá.

Roma 8:35

Ɨwa chi tiʼ santɨ, ɨ fɨgɨ awɨgɨnə a mu akɔŋnɨ a Kristo le? A nə́ ngɨ́ʼ chi ghɨ, kə ntwɛʼ mɨlwi ɨ shwen kə nghagə za bɨ ghágɨ́nə́ awɨgɨnə kə nji kə afúm kə nɨbɔgɨ ngə́ anu a tɨbɔŋ a mɨ fu kə nɨvwo le?

Roma 8:39

kə mbyi za ɨ tsinɨ atɨ́, kə mbyi za ɨ tsinɨ a mbyishe — ka azúm zə tsɛrə za bɨ káʼnɨ́ a tsi ayi ɨwu za a chinɨ santɨ ɨ fɨgɨ awɨgɨnə a mu akɔŋnɨ a Ŋwi ə; akɔŋnɨ za a nɨ azɨgɨnə ntsa a ndzum Kristo Yeso Maʼmbyí ɨwɨgɨnə lá.

1 Bita 1:8

Nɨ kɔŋ ayi ɛ, lebuŋ nɨ bvurɨ tɨ zɛn ayi ɛ. Nɨ nɨŋ mɨntəm ɨmən wə ɨnye, lebuŋ nɨ se ayi tɨtsɔŋnɨ a ndzě ghe. Ma lan, á nɨ tsi nɨ nɨdorɨ nə wi nə nɨfáŋ na ntsu chinɨ keʼ soŋ,