Ɛfɛso 3:17 - Mɨkan wu Fi

¹⁷ Ma kə́ ntsáʼtə́ a Ŋwi ngə́ á Kristo a vwu njwuʼ ɨzhi a mu mɨntəm ɨmən ntsa a ndzum abeməntəm ə. Ma tsaʼtə a Ŋwi ngə́ á nɨ twəŋ mɨngaŋ ɨmən á mɨ shwi, ntən a mu akɔŋnɨ,

Ɛfɛso 3:17 Referans Kwoze

Kolose 2:7

A nɨ twəŋ mɨngaŋ ɨmən a nye Kristo á bɨŋ bo tsi a mbúm, á ntsi mbyi ɨzɨŋ tsum ɨ zɛʼtɨ ayi wə ɨnye, ɨ nyɛʼtɨ abeməntəm azən á ntɨŋə tsɛʼ tənɨ adzaŋ za bɨ díʼnɨ́ awən lá. A nɨ ngǎ a mɨya a mbó Ŋwi tsɛʼ nkfu tsum ə.

1 Yoane 4:16

Ma lan, bɨgɨnə zhi nkɨ nɨŋ mɨntəm ɨmɨgɨnə a nye akɔŋnɨ za Ŋwi a tsinɨ nɨ zɛrə a nye bɨgɨnə ghe. Ŋwi a nɨ akɔŋnɨ ə, ɨbɛn ba bɨ tsínə́ a mu akɔŋnɨ, bo chyɛ̌ a mbúm bo bɨ Ŋwi, Ŋwi a kə nchyɛ̌ a mbúm bo bo ghe.

Yoane 14:23

Yeso a chwɨ́gɨ́ wəmbo ngə́, “Ŋwɔn tsum wa a kɔŋnɨ aghan, a mɨ zuʼnɨnə ɨnu tsa ma diʼnə ghe. Ta ɨghan a mɨ kɔŋ ayi, á bɨgɨ Ta ɨghə ghɨ ngyen wəmbo, ntsi bɨgɨ bo ghe.

Galesha 2:20

taŋ á tiʼ mbe ngə́ ka bə mbvurɨ mbe ayi me wa ma tsinɨ ntən, lá a nɨ zɨ Kristo mbáʼ a tsinɨ ntən a mu ɨnye me ghe. Ntsi ntən za ma tsinɨ ɨwu tɨtsɔŋnɨ, ma chyɛ̌ ntsǎ lá a ndzum abeməntəm za ma tsinɨ nɨ zɛrə a nye Mɔn Ŋwi, zɨ wa a kɔ́ŋnɨ́ aghan nga ntsi ntən ɨzhi tso mɨtsuʼnɨ mɨ atú mbɨ́ʼ aghan lá.

Roma 5:5

Ntsiŋə məzen nɨ ntəm ɨtsum se awɨgɨnə a ntámtə́ mbɨ́ʼ ngə́ Ŋwi a nɨŋnə akɔŋnɨ azhi a mu mɨntəm ɨmɨgɨnə ntsa a ndzum Azhwi zə Fɛmnɨ, wa a benɨ azúm zə ghanɨ zə Ŋwi a mbó bɨgɨnə lá.

Nkyɛʼə 3:20

Zuʼnə! Ma tɛm a ntsu ndá, mbúʼtə́ ghe; be ŋwɔn tse a zuʼ nji ɨzan, ɨ ŋaʼ ntsu ndá, ma kon a ndá zɨ, ntiʼ dzɨ bɨgɨ zɨə. Wɛrə mɨ kɨ dzɨ bɨgɨ zɨə.

2 Korɨnto 6:16

Be nɨshwim nɨ Ŋwi bo bɨ ɨbɔ bɨ abe bemnɨ lá ɨ nə́ le? Ma soŋə a məzen lá mbɨ́ʼ ngə́ bɨgɨnə lá nɨshwim nɨ Ŋwi, zɨ wa a tsinɨ ntɨŋ ə! Ŋwi zɨmboŋ a soŋ ngə́: “Ma mɨ ghɨ njwuʼ ɨzan a tɨtərɨ ɨbɛn ɨban ɨ tiʼ tsi a tɨtərɨ bɛrə; ma mɨ be Ŋwi ɨwa, á bo tiʼ mbe ɨbɛn ɨbə.

1 Yoane 4:4

Lá bən nə ɨbɔ ɨban, nɨ tsi a mbó Ŋwi, nɨ kɨnə nkɨ ngháʼ ntóm Ŋwi ɨchwenu, mbɨ́ʼ ngə́ Azhwi za a tsinɨ a mu ɨnye bən a tən ntsa azhwi za a tsinɨ a mbó ɨbɛn ba bɨ tsinɨ a mbó atuəshe.

Kolose 1:27

Akyaŋtɨ a Ŋwi a nɨ ngə́ á wɛrə a kyɛʼ anu a nkubə azhi a mbó ɨbɛn ɨbyi, anu a nkubə za a dɨrɨnɨ nkɨ ndon nɨ nɨfáŋ na wɛrə a lɛnɨ a mbó ɨbɛn bɨtsum lá. Anu a nkubə məzen a nɨ ngə́ Kristo a tsi a mu ɨnye bən, mbáʼ a diʼnɨ lá ngə́ nɨ ghɨ kɨ tsi nɨ nɨfáŋ nɨ Ŋwi ə.

Kolose 1:23

mbáʼ be nɨ mɨ zagɨ ɨ ghěnə nɨ mbyi a mu abeməntəm za, ɨ tɛm ɨ tɨŋə ngə́ twə́ŋ nkeʼ nchíʼnə́, ɨ keʼ kɨ nyɛʼtɨ ɨtumbəm ɨtsən á azúm zə tsɛrə a chiʼtɨ ntsiŋə nɨ ntəm tsum za nɨ kwárɨ́nɨ́ a nkfu za bɨ sóŋnɨ́ nkən wu shiʼnɨ a mbó bən lá. Me Baolo, ma bə́ŋ ngaŋ afaʼ lá a ndaʼ nkən wu shiʼnɨ məwiŋ ə. Nkən wu shiʼnɨ məwen bɨ soŋnə a wɛrə a mbó ŋwɔn tsum a mu mbyi ɛ.

Yoane 17:23

á ma tsi a mbúm bɨgɨ bo, o kɨ ntsi a mbúm bɔgə, taŋ á bo be táʼ azúm ɨ ghɛn mɛtɨ, taŋ á atuəshe a chi zhi ngə́ o tságɨ́ aghan, nkɨ nkɔŋ awa adzaŋ za o kɔŋnɨ aghan lá.

Yoane 14:17

Nkwatɨ wa nɨ Azhwi, zɨ wa a kyɛʼnɨ nkənu mbɨ́ʼ a Ŋwi ə. Ɨbɛn bɨ atuəshe wiŋ chi keʼ ayi kwarɨ, mbɨ́ʼ ngə́ bo chi keʼ ayi zɛn kə nkɨ nji ayi ɛ. Lá nɨ zhi ayi, mbɨ́ʼ ngə́ a chyɛ̌ bɨŋ bo, nkɨ ntsi a mu ɨnye bɨŋ ə.

Alukasɨ 6:48

A fi a ŋwɔn wa a ghɛnɨ a ngvwu ndá ɨzhi, ntoŋ atsé ndá a shwi ndɨʼ nɨ ngɔʼ ə. Mɨzam a lon ɨfaʼkɨ ngyen ntum ndá za lá ɨ keʼ chiʼnɨ, mbɨ́ʼ ngə́ bɨ vwu a zɛrə ɨ shiʼnɨ ə.

Matyo 13:6

Lá nɨnyom a ghɨnə ntá ntiʼə nkfúnə́, ntɔn nchwi za ɨ bvúrɨ́nɨ́ ntóm tsɛʼ tomnɨ lá mbɨ́ʼ ngə́ mɨngaŋ mɨ nchwi za sé a tɨshe shwitɨ, nchwi za ɨ tómnkɨ́nɨ́ lá ɨ zómnkə́.

Galesha 5:6

Mbɨ́ʼ ngə́, mbáʼ bɨgɨ tsinɨ a mbúm bɨgɨ bɨ Kristo Yeso lá, ka líʼ a tsi ayi ɨwu mbáʼ be o tsəŋ alagɨ azo kə o koʼ tsəŋə; anu za a tsinɨ nɨ ɨlɨŋ a nɨ ngə́ á nɨ ndǐʼ abeməntəm azən ntsa a ndzum nkɔŋ ŋwɔn nɨ ŋwɔn ə.

Yoane 6:56

Ɨbɛn ba bɨ kfúrɨ́nɨ́ ɨnyam ɨnye ɨzan nkə́ nǒ alɛm azan chyɛ̌ a mu ɨnye me, ma kə nchyɛ̌ a mu ɨnye ɨtsa ghe.

1 Korɨnto 8:1

Tɨtsɔŋnɨ, á ma chwɨgɨ abítɨ za nɨ ŋwáʼnɨ́nɨ́ mbitɨ aghan ɨwu mbɨ́ʼ mɨdzɨ ma bɨ ghanɨ a mbó ɨbɔ bɨ abe lá. A nɨ nkənu ngə́, “bɨgɨnə bɨtsum tsi nɨ ayigɨnɨ ə”, adzaŋ za bɨ sóŋnə́ ghe. Azhyɛ məzen a ghɨə ɨbɛn ŋuʼənɨ ɨnye a mu kɨtɛrɨ ə; lá akɔŋnɨ a ghɨə ŋwɔn a kwiənɨ ɨ kwinə.

1 Korɨnto 3:6

Ma bí mbum azúm a tɨshe, Abolo a tsúbɨ́ a zɛrə nɨ nkyi ɛ, lá a ghɨ́ Ŋwi ngə́ á mbum azúm za ɨ tom a tɨshe.

2 Korɨnto 13:5

Nɨ liŋ ɨtumbəm ɨtsən ndzɛn ngə́ nɨ lanɨ mbvurɨ nchwa abeməntəm azən a tɨŋə. A nɨ zhwəŋtɨ ɨtumbəm ɨtsɨŋ ə. Nɨ se zɛn ngə́ Kristo Yeso a tsi a mu ɨnye ɨtsən le? Be a tú ma lá be, a be ngə́ o vwoə.