Ɛfɛso 3:13 - Mɨkan wu Fi

¹³ Ma lan, ma buʼ mbó a mbó bən, á mɨntəm ɨmɨŋ keʼ ghɔgɨ mbɨ́ʼ ngə́ ma zě ngɨ́ʼ a nkfu bɨŋ ə. Lá a nɨ taŋ á nɨ səŋ ɨwu ə.

Ɛfɛso 3:13 Referans Kwoze

2 Tesalonaika 3:13

Lá bən, nə ɨbɔmbɨma, á nɨ zagɨ keʼ nkə̌ a ngɨ ɨbɔŋ ə.

Kolose 1:24

Tɨtsɔŋnɨ ma dórə́ mbɨ́ʼ ngɨ́ʼ za ma zɛ́nə́ mbɨ́ʼ awən, mbɨ́ʼ ngə́ a ntsǎ a ndzum ngɨ́ʼ məzen za ma zɛ́nə́ a mbəmnye me, ma zě ngɨ́ʼ tsum adzaŋ za Kristo a lɔnə ngə́ á ma zɛn mbɨ́ʼ atú azhi, mbe lá ndáŋwi ə.

2 Korɨnto 1:6

Be a be ngə́ bɨ diʼ ngɨ́ʼ a mbó bɨgɨ, a nɨ taŋ á nɨ tsi nɨ alɛtɨ abɔʼnɨ ɨloŋ ə; be bɨ ndɛ́tə́ awɨgɨ, a nɨ taŋ á nɨ tsi nɨ alɛtɨ mbáʼ nɨ zɛ́nə́ a nkfu za nɨ toŋnɨ ndəŋndəŋ ngɨ́ʼ ngwəgɨ tsɛʼ nɨ nkorɨ ntəm adzaŋ za bɨgɨ kɨ́nə́ ntóŋə́ ngwə́gə́ lá.

Ɛfɛso 3:1

Mbɨ́ʼ a məzen, me Baolo, ma nɨ ngaŋ atsáŋ mbɨ́ʼ ɨfaʼ ɨghan a mbó Kristo Yeso mbɨ́ʼ atú azɨŋ ɨbɛn ba nɨ se bə Yuda be ə.

Galesha 6:9

Ma lan, á bɨgɨnə keʼ kán a ngɨ ɨnu tsɨ shiʼnɨ; mbɨ́ʼ ngə́ be bɨgɨnə tú kyɛntɨ a ngɨ ɨnu tsɨ shiʼnɨ, muŋ nkfu ghɨ yen za bɨgɨnə ghɨ fuʼ a za bɨgɨnə bínə́.

Ɨfaʼ 14:22

Bo nɨ́ŋ mɨntəm mɨ ɨbɛn ba bɨ nɨ́ŋnɨ́ mɨntəm ɨma a nye Kristo nkɨ ngwɔŋtɨ awa ngə́ á bo keʼ chiʼnɨ a mu abeməntəm aza ghe. Bo díʼ awa ngə́, “Bɨgɨnə mɨ zagɨ ze ngɨ́ʼ zɨ ngwi bɔŋ ɨ kon a mu Nɨfɔ nɨ Ŋwi ə.”

2 Korɨnto 4:1

Ma lan, mbáʼ a nɨ mbɨ́ʼ a mɨlɨŋnɨ Ŋwi mbáʼ bɨgɨ faʼnə afaʼ məzen lá, ka bɨgɨ ntsɛ́gɨ́nə́ awɨgɨ ɨnye ə.

Filibi 2:18

Ndəŋndəŋ, nɨ kɨ ndzagɨ ntsi nɨ nchyɛ a mu nɨdorɨ, á ma kɨ ntsi a mu nɨdorɨ ɨnən məniŋ ə.