Ɛfɛso 2:3 - Mɨkan wu Fi

³ A nkfu tse, bɨgɨnə tsí a tɨtərɨ məbiŋ ɨbɛn ngɨ̌ ɨnu tsa mbəmnye bɨ́ŋnɨ́nə́ mbɨ́ʼ a tsɛrə, ndzɔ̌ŋ ɨnu tsa mbəmnye abɔʼnɨ akwaʼtɨ lɔnə ghe. Adzaŋ məwen, bɨgɨnə tíʼ mbe ɨbɔ ba bɨ ghɨnɨ zɛ́n alwɛntɔ́ŋ a Ŋwi, ndəŋndəŋ tso mbáʼ ŋwɔn mɨsɔŋ tsum a ghɨnɨ zɛ́n lá.

Ɛfɛso 2:3 Referans Kwoze

Tɨ́tósɨ 3:3

Mbɨ́ʼ ngə́ bɨgɨnə mboŋ, a bé a nkfu tse lá bɨgɨnə dzɨŋtɨ, ntɨŋə atú nkə́ fə̌ ghe. Bɨgɨnə bé ɨbuʼ a mbó ɨnu tsa mbəmnye lɔnə abɔʼnɨ ɨbə́ŋ ɨnu ɨtsum tsa tsɨ ghɨnə ɨnye ŋwɔn bɔŋənə ghe. Bɨgɨnə lén ntsi mbyi ɨzɨgɨnə tsum tsɛʼ a nye abɨgəntəm abɔʼnɨ aghɨʼnɨ; ɨbɛn bə mɔʼɔ bán awɨgɨnə, bɨgɨnə kɨ mban awa ghe.

1 Bita 1:14

A nɨ ndzúʼnə́ a Ŋwi, nkeʼ kɨ nyɛʼtɨ á ɨnu tsa nɨ kɨ́nə́ ndǒ a nkfu za nɨ bvúrɨ́nɨ́ tɨ zhi anu zə tsɛrə á tsɨ ntsɨŋnɨ ntsi mbyi ɨtsɨŋ ə.

Ɛfɛso 4:22

Ma lan, á nɨ nyɛʼ ɨlvuŋ ngɨnɨ mɨnu ɨtsən, mbáʼ tsɨ kɨ́nə́ ngɨə nɨ tsinə adzaŋ za nɨ kɨ́nə́ nchyɛ̌ lá. Ɨlvuŋ ɨnu ɨtsən tsa tsɨ kɨ́nə́ ndǒ tsɛʼ ɨnu ntámtɨ tsa tsɨ kɨ́nə́ ntsənkə awən lá.

Roma 13:14

Lá, á nɨ tsi nɨ mbɔm Maʼmbyí Yeso Kristo, nkeʼ ɨtú ɨtsən tɛgɨ a nye ɨdzúm tsa mbəmnye lɔnə taŋ ɨ ghɨ ɨnu tsa mbəmnye lɔnə lá.

Roma 6:12

A nɨ keʼ nyɛʼtɨ á ɨbvu ɨ tsi nɨ mɨtən atú mbəmnye ɨtsən tsa tsɨ kfónə́ lá taŋ á nɨ tiʼə ndzúʼnə́ tsɛʼ ɨnu tsa mbəmnye lɔnə lá.

1 Yoane 2:16

Azúm atsum za a nɨ zə atuəshe — za mbəmnye zɨ mɨbvu lɔnə, za ɨbɛn zɛ́nə́ nkə́ ndǒ nchyɛ nɨ zɛrə, abɔʼnɨ azúm atsum atuəshe wen za a ghɨnə ɨbɛn ŋúʼnɨ́ ɨnye be tɨ́sə́n mbɨ́ʼ a zɛrə — ka zen zə tsɛrə a ndǒ ayi lá a mbó Tarɨ; ɨtsum lǒ atuəshe ə.

Ɛfɛso 2:2

ma nɨ tsínɨ́ wə mu, ndzɔ̌ŋ ɨtɔmnɨ ɨnu tsɨ atuəshe wen, ndzɔ̌ŋ a zɨ wa a sáʼnɨ́ ɨzhwi ɨtsum a mu ɨfɛgɨ; azhwi za, tɨtsɔŋnɨ a tíʼnə́ ntsɨ́ŋnɨ́ ɨbɛn ba bɨ tənə atú a mbó Ŋwi lá.

Yoane 8:44

Nɨ nɨ ɨbɔ bɨ ta ɨwɨŋ Dəbɨrɨ, nɨ kə́ ndǒ ndzɔŋ ɨnu tsa ta ɨwən a lɔnə ghe. A bé ngwarɨ ŋwɔn ɨ lɔgɨnɨ a mbiʼnə, a láʼnə nkeʼ nɨ anu zə tse a ngɨə nɨ nkənu tsi, mbɨ́ʼ ngə́ ka nkənu zɨ tsɛrə ɨ tsi ayi wə ɨnye. A chwe ɨnu lá, a ghamnə lá nɨgham na nɨ tsinɨ a mu mbɔm ɨzhi, mbɨ́ʼ ngə́ a nɨ ŋwɔn ɨchwenu nkɨ mbe ta bɨ ɨchwenu ə.

2 Korɨnto 7:1

Mbáʼ bɨ ghɨnə ɨkaʼ tsen ɨtsum a mbó bɨgɨnə lá, nə bɨbɔŋ bɨson ɨban, á bɨgɨnə sugɨ ɨtumbəm ɨtsɨgɨnə a nye ɨnu ɨtsum tsa tsɨ ghɨnə mbəmnye nɨ azhwi keʼ fɛ́mə́, ngɨə á nɨfɛm kɔʼ ndon a mu mbɔgɨtɨ Ŋwi ə.

1 Korɨnto 4:7

Ŋwɔn wa a soŋnɨ ngə́ o tsa a ŋwɔn a nɨ ɨwa le? Azúm za o tsinɨ nɨ zɛrə tɨgha bɨ gha ɨ ghanɨ a nɨ ake le? Be a be ngə́ bɨ ghá ɨ ghanɨ, o tiʼə ntɛ́rə́ lá ɨ nə́ tsɛʼ tso ngə́ a se azúm zə ghanɨ be le?

Roma 7:18

Ma zhi ngə́ ka ɨbɔŋ wu tse ɨ tsi ayi a mu ɨnye me ghe — ma sóŋə́ lá mbě ɨzan tso ŋwɔn mɨsɔŋ a ntsu ə. Mbɨ́ʼ ngə́, ma baʼtə ndǒ ngɨ anu zə kuʼnɨnɨ ɨ ghɨnɨ lá, ma chi kaʼ a zɛrə ghɨə.

Marɨkusɨ 4:19

lá ɨnu atuəshe bo bɨ akɔŋnɨ aza a nye afuʼ, abɔʼnɨ ntɛgɨ ntɔŋ a nye ɨbə́ŋ ɨdzúm tsa bo lɔnə, ɨ kon njiʼ nkən wa, nkən wa keʼ mɨntam konə.

Roma 11:30

Bɨŋ ɨbɛn ba nɨ se bə Yuda be, nɨ tə́n atú a mbó Ŋwi a mbyi ɛ; lá tɨtsɔŋnɨ Ŋwi a konə a mɨlɨŋnɨ a nye bən, mbɨ́ʼ ngə́ bə Yuda tə́n atú ə.

Roma 9:22

Ndəŋndəŋ anu nɨ nkənu mbɨ́ʼ anu za Ŋwi a ghɨnə ghe. Wɛrə a kə́ ndǒ ndiʼ alwɛntɔ́ŋ azhi, ɨ kɨ ghɨ á bɨ zhi mɨtən ɨmyi ɛ. Lá wɛrə a tsí nɨ nchigə abɔʼnɨ achigəntəm a nye ɨbɛn ba ntɔŋ ɨyi kɨ́nə́ ndwɛ̌ a nye bo, bo ba bɨ tsínɨ́ ɨ ghɨ tsənkɨ awa lá.

Yoane 1:13

Bo sé bé ɨbɔ bɨ Ŋwi lá adzaŋ za ŋwɔn a bénə́ mɔn, lá be ngə́, bɨ sé jwi awa tso ɨbɔ bɨ tarɨ wu atuəshe; Ŋwi zɨmboŋ a bé Ta ɨwa ghe.

2 Bita 2:18

Bo ghamə nɨ nji tsɨ tən mɨgham mɨ ŋǔʼ ɨnye mə dzɨŋtɨ, nkə́ ndɔ́gɨ́ ɨnu ntɔrɨ ɨlɛbɨ tsa mbəmnye ɨ kɔŋnɨ a mbentɨ ɨ ko ɨbɛn ba bɨ bvurɨnɨ mbiʼnɨ a fu bo a tɨtərɨ ɨbɛn ba bɨ tsínə́ awa a mu afənu ə.

2 Bita 2:14

O chi zɛn achwurɨ a ɨmɨgɨ bo; o chi koʼ zhwurɨsɨ awa a nye ngɨ mɨbvu ɨza ghe. Bo tsagɨnɨ ɨbɛn ba mɨntəm ɨma bɔrɨkɨnɨ a mu ndab ə. Bɨ mərɨsɨ mɨntəm ɨma ngə́ á mɨ be mə amiɛnɨngám ə. Ŋwi a lɔʼ awa ghe!

1 Timotyo 6:9

Lá ɨbɛn ba bɨ lɔnɨ nchyɛ nɨ afuʼ, bɨ vwǒ a mu akwaʼnɨ, makyɛn ɨdzúm ɨdzɨŋtɨ abɔʼnɨ tsə ngá ngɨ́ʼ tsa bo lɔnə a ko awa, ntiʼ shwuŋ awa bo bɛʼkɨ ntiʼ nkɨ ntsənkɨ awa ghe.

Galesha 3:22

Lá aŋwaʼnɨ a Ŋwi a soŋ ngə́ mbyi tsum lǒ ngɨ ɨbvu tsɛʼ nkfu tsum; ma lan, azúm zə ghanɨ za bɨ káʼnɨ́ a zɛʼtɨ ayi a nye abeməntəm a nye Yeso Kristo, bɨ ghá lá a mbó ɨbɛn ba bɨ nɨŋnɨ mɨntəm a nye Kristo ghe.

Roma 1:24

Ma lan, Ŋwi a nyɛʼtɨ awa ngə́ á bo ghɨ ɨtɨshwe ɨnu tsa mɨntəm ɨma lɔnə, tsa tsɨ shwɨgɨnɨ ɨnye ɨtsa, ŋwɔn bo mɨma ɨyi ɛ.

1 Yoane 2:8

Lá, ntɨgə za ma ŋwaʼnɨnə tɨtsɔŋnɨ a mbó bən, ɨ nɨ zɨ fi, mbɨ́ʼ ngə́ nkənu ɨzhi bɨ zě a nye ntsi mbyi Kristo, nkɨ mbe a nye ntsi mbyi ɨzɨŋ ə. Mbɨ́ʼ ngə́ ndzumnɨ tsǎ ngěn ayi, ngótɨ́ nkaʼ kwɛnə ntiʼə ntǎ ghe.

Ɨfaʼ 14:16

A bé a mbyi lá, wɛrə a nyɛʼtɨ ɨbɛn bɨtsum ghɨnɨ ɨnu ɨtsum tsa bo kɔ́ŋnə́.

Roma 2:14

Ba a se bə Yuda be sé kwárɨ́ a Nyɔngɔŋ wa a mbó Mǒse ghe; lá nkfu tsum za mɨntəm ɨma soŋnɨ bo ghɨ anu za Nyɔngɔŋ wa a soŋnɨ, bo diʼ lá ngə́ bo zhi anu za a kuʼnɨnɨ a ngɨə kə za bo se tsi nɨ ngɨə, lá mbáʼ bo báʼtɨ́ nkeʼ nɨ Nyɔngɔŋ wa kɨ ntsi ɨ tsinə.

Roma 5:9

Ntsa a ndzum alɛm azhi, bɨ ghɨ Ŋwi a bem ngə́ bɨgɨnə chinɨ a ɨshi ɨmɨgɨ zɨə; Kristo a mɨ loŋ awɨgɨnə a mbó alwɛntɔ́ŋ a Ŋwi ɨ ghɛn nɨ mbyi ɛ.

Roma 5:10

Bɨgɨnə bé ngaŋ kɨban Ŋwi ə; lá bɨ ghɨ́ awɨgɨnə a nye bɨson ɨbyi ntsa a ndzum nɨvwo nɨ Mɔn ɨyi ɛ. Tɨtsɔŋnɨ wa bɨ ghɨnə awɨgɨnə a nye bɨson ɨbyi lá, bɨ mɨ loŋ awɨgɨnə ɨ ghɛn nɨ mbyi ɨ tsa a ndzum ntsi ntən Kristo ghe.

Kolose 1:21

A bé a nkfu tse, mbáʼ nɨ bvúrɨ́nɨ́ tɨ nɨŋ mɨntəm ɨmən a nye Kristo lá, aghagɨ azən a ságɨ́ tɨ́sə́n a nye Ŋwi, nɨ kɨ mbe ngaŋ kɨban ɨchi, mbɨ́ʼ mɨbvu ma nɨ kɨ́nə́ nkwaʼtə nkə́ ngɨə ghe.

1 Tesalonaika 4:13

Ɨbɔmbɨma ɨbɨgɨ, bɨgɨ lǒ ngə́ á nɨ zhi nkənu za ɨ tsinɨ ɨwu mbɨ́ʼ ɨbɛn ba bɨ kfonə, taŋ á adzə́ŋnɨ a keʼ a mu mɨntəm ɨmən tsi, tso mbáʼ ɨbɛn ba bɨ se nɨ ntsiŋə nɨ ntəm tsum tse tsi a bɨ dzə́ŋnɨ́nə́ lá.

1 Tesalonaika 5:6

Ma lan, á bɨgɨnə keʼ ndyě tso bə mɔʼɔ ghe; á bɨgɨnə tsi a nɨkyerə nkə́ nchwátɨ́ ɨnye ɨtsɨgɨnə ghe.