Ɛfɛso 2:19 - Mɨkan wu Fi

¹⁹ Ma lan, bɨŋ ɨbɛn ba nɨ se bə Yuda be, ka nɨ bə nkwiʼ mbvurɨ awən bɨngyen-yenɨ kə bɨghən; nɨ tiʼ nkɨ mbe ndəŋndəŋ bɨŋ bɨ ɨbɛn bɨ Ŋwi nkɨ ntiʼ mbe ɨbɛn bɨ ngwəgɨ Ŋwi ə.

Ɛfɛso 2:19 Referans Kwoze

Filibi 3:20

Lá bɨgɨnə nɨ ngaŋ alaʼ a fɔməbvurə, bɨgɨnə bɛ́bə́ adzaŋ za bɨgɨnə tsenə a Ndoŋ ɨwɨgɨnə, Maʼmbyí Yeso Kristo ngə́ á lo a fɔməbvurə ngyiŋə.

1 Yoane 3:1

A nɨ ze adzaŋ za Tarɨ a kɔŋnɨ awɨgɨnə ghe! Akɔŋnɨ azhi a ghaʼ ngɛn nkuʼ a nye ɨfɨʼ za bɨ tɔ́ŋnə́ awɨgɨnə ngə́ ɨbɔ bɨ Ŋwi — ma lan, a nkənu, bɨgɨnə nɨ bɛrə ghe. Atuəshe zen a se awɨgɨnə zhi lá mbɨ́ʼ ngə́ ka a zhi ayi a Ŋwi ə.

Galesha 6:10

Ma lan, nkfu tsum za bɨgɨnə tsinɨ nɨ abárɨ́, á bɨgɨnə ghɨ ɨbɔŋ a mbó ŋwɔn tsum, tɨ́sə́n tɨ́sə́n a mbó bə ngwəgɨ ɨzɨgɨnə a mu abeməntəm ə.

Ɛfɛso 2:12

á nɨ waʼtɨ ngə́ a bé a nkfu məwa lá, nɨ sé a Kristo zhyɛ. Nɨ sé tsi a mu akan za a tsínɨ́ nɨ ɨkaʼ tsa Ŋwi a káʼnɨ́ ɨbɛn ɨbyi ɨwu lá. Nɨ kə́ nchyɛ̌ atuəshe tɨ ntsiŋə nɨ ntəm tsum, nkeʼ a Ŋwi kɨ njiɛ.

Ɛfɛso 3:6

Anu za bɨ lwɛ́ʼnɨ́ lá a nɨ ngə́, a ntsǎ a ndzum Nkən wu Shiʼnɨ, ɨbɛn ba bo se bə Yuda be chintɨ bə Yuda a nkwárɨ́ ɨfɔgə Ŋwi ə. Bo tiʼ mbe ɨlam ɨnye táʼ mbəmnye za, nkɨ ntiʼ ntsi a mu akaʼ za Ŋwi a káʼnɨ́, ntsa a ndzum Kristo Yeso ghe.

Ɛbal 11:13

A ndzum abeməntəm, bə kɔ́ʼɔ́nguʼ ben bɨtsum kfókɨ́ tɨgha bo kwárɨ́ akaʼ za Ŋwi a káʼnɨ́ awa nɨ zɛrə ghe. Lá bo zɛ́n a tsɛrə nəghagɨ nkɨ ndorɨtə. Bo tíʼ mbém ngə́ bo nɨ bɨghən bɨ atuəshe nkɨ mbe bɨngyen-yenɨ bɨ atuəshe ə.

Ɛfɛso 3:15

zɨ wa ngwəgɨ tsum a fɔməbvurə abɔʼnɨ atuəshe kwárɨ́nɨ́ ngótɨ́ mɨkum ɨma wəmbo ə.

Matyo 10:25

A kuʼnɨ a mbó ngyɛʼ a mbé tso ndiʼ aŋwaʼnɨ ɨyi, nkɨ mbe ndəŋndəŋ mbáʼ be abuʼ a tsi nɨ mɨtən tso tabuʼ ɨyi ɛ. Be bɨ tɔŋ a tanjwuʼ nɨ Bɛlzɛbu, bɨ ghɨ tɔ́ŋ ɨbɛn bɨ ngwəgɨ za nɨ mɨkum ma mɨ bɨ́gɨ́nɨ́ ntsa lá!”

Ɛbal 13:14

Mbɨ́ʼ ngə́ ɨghan atuəshe, ka bɨgɨnə tsi awɨgɨnə nɨ adiʼ zə tsinɨ ɨwu za a ghɔŋnɨ nɨnkoŋ, lá bɨgɨnə baŋnə ndǒ be ntáʼmbagə wu wi wa ɨ tsinɨ ɨ ghɨ yiŋə.

1 Bita 2:11

Bɨson ɨban, ma bǔʼ mbó a mbó bən tso ɨbɛn ba bo nɨ bɨngyen-yenɨ bɨ atuəshe abɔʼnɨ ɨbɛn ba bɨ tumnɨ nɨ fɨnyaʼ ntsagɨ atuəshe ə! A nɨ tsɔʼ mɨntəm ɨmən a nye ɨnu tsa mbəmnye lɔnə, ɨnu tsa tsɨ tónɨ́ ntso bo bɨ gharɨ ɨwən nkfu tsum lá.