Ɛfɛso 2:18 - Mɨkan wu Fi

¹⁸ A ntsǎ ndzum Kristo, bɨgɨnə bɨtsum, bə Yuda abɔʼnɨ ba a se bə Yuda be a mu táʼ azhwi wa, bɨgɨnə chi ghɛn a mbyi Tarɨ ə.

Ɛfɛso 2:18 Referans Kwoze

Ɛfɛso 3:12

A ntsǎ a ndzum adzaŋ za bɨgɨnə tsinɨ a mbúm bɨgɨnə bɨ Kristo abɔʼnɨ abeməntəm wə ɨnye, bɨgɨnə tiʼ ntsi nɨ mɨtən a ngěn a ɨshi Ŋwi tɨ nɨbɔgɨ ə.

1 Korɨnto 12:13

Ndəŋndəŋ, bɨgɨnə bɨtsum, kə nɨ be be bə Yuda kə nɨ be be ba a se bə Yuda be, kə nɨ be be ɨbuʼ kə ɨbɛn nɨ ɨtú ɨtsa muŋ, ndəŋndəŋ Azhwi məzen a nɨŋnə nkyi atú bɨgɨnə bɨtsum a mu táʼ mbəmnye za, bɨgɨnə bɨtsum kɨnə nkɨ no ndəŋndəŋ Azhwi məza.

Roma 5:2

A ndzum Yeso Kristo bɨgɨnə zɛnə abɔʼ ɨ tsa ɨwu ɨ tsi nɨ abɔŋəntəm məzen za bɨgɨnə tíʼnə́ nchyɛ̌ wə mu lá. Ma lan, bɨgɨnə tɛrə mbɨ́ʼ ntsiŋə nɨ mɨntəm ɨmɨgɨnə mɨtsum ngə́ bɨgɨnə ghɨ kɨ tsi nɨ nɨfáŋ nɨ Ŋwi ə.

Ɛfɛso 4:4

A tsi táʼ mbəmnye, a kɨ ntsi táʼ Azhwi, tsɛʼ adzaŋ za a tsinɨ táʼ ntsiŋə nɨ ntəm tsum za Ŋwi a tsɔ́ʼnɨ́ awən mbɨ́ʼ a zɛrə lá.

Yoane 14:6

Yeso a chwɨ́gɨ́ ayi ngə́, “Ma nɨ ndómnji wa, nkənu za, nkɨ mbe ntsi ntən za; ŋwɔn tse a chi keʼ ghɛn nkuʼ a mbó Tarɨ tɨ tsa a ndzum me ghe.

Yoane 10:9

Ma nɨ ntsu nká ə. Ŋwɔn tsum wa a tsanɨ a ndzum me nkon, bɨ ghɨ loŋ ayi; bo mɨ kon ɨ yen ɨ tiʼ fu ghɛn zɛn ngyɛn zɨ nkfurɨnə.

Yoane 10:7

Ma lan, Yeso a tíʼ nkwátɨ́ sóŋ a mbó bo ngə́, “Ma soŋə tsɛʼ nkənu a mbó bɨŋ ə: ma nɨ ntsu nká a mbó mbyindzɨ ə.

Kolose 1:12

Ɨ kə́ ghanə a mɨya a mbó Tarɨ, zɨ wa a ghɨnə nɨ chi tiʼ tsi nɨ azɨŋ azúm a mu ɨdzúm tsa Ŋwi a lɛnɨ a mbó ɨbɛn ɨbyi a mu nɨfɔ nɨ nkaʼ ə.

Galesha 4:6

A ndiʼə ngə́ nɨ nɨ ɨbɔ bɨ Ŋwi, Ŋwi a tságɨ́ azhwi a Mɔn ɨyi a mu mɨntəm ɨmɨgɨnə, Azhwi za a búgɨ́nə́ nɨ nji zɨ ntən ngə́, “Tarɨ, Ta ɨghan” lá.

Roma 8:15

Mbɨ́ʼ ngə́ Azhwi za Ŋwi a ghanɨ a mbó bən ka a ghɨ ayi awən a nye ɨbuʼ, nkeʼ kə́ ngɨə ngə́ á nɨ tsi nɨ nɨbɔgɨ ə; Azhwi məzen a baŋnə ngɨə awən a nye ɨbɔ bɨ Ŋwi, a mu mɨtən mɨ Azhwi məzen, bɨgɨnə chi tiʼ bugɨ ɨ tɔŋ a Ŋwi ngə́, “Tarɨ! Ta ɨghan!”

1 Bita 3:18

A bɔŋ ngɛn nɨ mbyi a ndzé ngɨ́ʼ mbɨ́ʼ ngɨ anu zə kuʼnɨnɨ mbɨ́ʼ ngə́ Kristo a kfó mbɨ́ʼ mɨbvu táʼ nkfu wa a ghɔŋnɨ nɨnkoŋ ə. Ŋwɔn wu shiʼnɨ wa a kfónɨ́ mbɨ́ʼ atú a ngaŋ ngɨ mɨbvu, taŋ ɨ tsagɨnɨ awɨgɨnə a mbó Ŋwi ə. Bɨ zhwítɨ́ mbəmnye ɨzhi, lá bɨ ghɨ́ wɛrə a tsi ntən a mu azhwi ə.

Ɛfɛso 6:18

A nɨ ngɨə a məzen a mu atsaʼtɨ a Ŋwi, mbítə́ akwatɨ a Ŋwi ə. A nɨ ntsáʼtə́ a Ŋwi nkfu tsum adzaŋ za Azhwi a tsɨŋnɨnə awɨŋ ə. Mbɨ́ʼ a məzen, nɨ lə̌tú ɨtsən, nkə́ nchigɨ ntəm a nye ɨnu ɨtsum; ntsaʼtə a Ŋwi nkfu tsum mbɨ́ʼ ɨbɛn bɨ Ŋwi bɨtsum ə.

1 Korɨnto 8:6

a mbó bɨgɨnə a tsi tsɛʼ táʼ Ŋwi, Tarɨ, zɨ wa a káʼnɨ́ ɨdzúm ɨtsum, zɨ wa ntsi mbyi ɨtsigɨnə tsinɨ a nkfu zɨ; a kɨ ntsi tsɛʼ táʼ Maʼmbyí, Yeso Kristo, zɨ wa bɨ káʼnɨ́ ɨdzúm ɨtsum ntsa a ndzum zɨ, bɨgɨnə kə́ nchyɛ̌ atuəshe wen ntsǎ lá a ndzum zɨ lá.

Ɛbal 7:19

(Nyɔngɔŋ Mǒse a kɨ chi keʼ ghɨ anu zə tsɛrə á kɔʼ ntɛm ngə́ tsáŋ ə); lá tɨtsɔŋnɨ, bɨ ghɨnə bɨgɨnə tsi nɨ ntsiŋə nɨ ntəm tsum za ɨ bɔŋtɨnɨ, za bɨgɨnə mɨ tsa ɨwu ɨ yen fatɨ a Ŋwi ə.

Ɛfɛso 3:14

Mbɨ́ʼ anu məzen ma kwem mɨkwiʼtɨ ɨman a ɨshi Tarɨ,

Judɨ 1:20

Lá bən nə bɨson ɨban, á nɨ nkwi ɨ kwinɨ a mu abeməntəm azən za a fɛmnɨ ntsa atsum lá. A nɨ ntsáʼtə́ a Ŋwi adzaŋ za Azhwi zə Fɛmnɨ a tsɨŋnɨnə awən,

1 Bita 1:21

A ntsǎ a ndzum wɛrə, nɨ tsi nɨ abeməntəm a nye Ŋwi, zɨ wa a zhwémnɨ́nɨ́ a wɛrə a mbó nɨvwo nkɨ nga nɨfáŋ wəmbo; ma lan, abeməntəm azən abɔʼnɨ ntsiŋə nɨ ntəm tsum ɨzɨŋ tiʼ ntsi lá a nye Ŋwi ə.

1 Bita 1:17

Nɨ tɔ́ŋə́ ayi ngə́ Tarɨ, a nkfu za nɨ tsaʼtɨnə a Ŋwi a mbó Ŋwi, zɨ wa a sáʼnə́ a ŋwɔn tsum nɨ ndəŋndəŋ ɨfɨʼ, ndzɔŋə anu za ŋwɔn tsum ɨ mɔ́ʼɔ́ mɔ́ʼɔ́ a ghɨnɨ; ma lan, á nɨ tiʼə nchyɛ̌ abvuʼ a ntsi mbyi azən atuəshe wen adiʼ wa nɨ tsinɨ ɨwu tso bɨngyen-yenɨ lá a mbɔ́gɨ́tɨ́ wɛrə ghe.

Matyo 28:19

Tiʼ ngɛnə lá, a mbó ɨbɛn bɨtsum ɨdiʼ ɨtsum, ngɨ awa a nye bɨyɛʼ ɨban: ngǎ nkyi a mbó bo nɨ ɨkum Tarɨ, nɨ wu Mɔn, nɨ wu Azhwi zə Fɛmnɨ,

Jemsɨ 3:9

Bɨgɨnə ghǎ a mɨya a mbó Maʼmbyí ɨwɨgɨnə abɔʼnɨ Ta ɨwɨgɨnə nɨ zɛrə, nkə́ ndɔʼə ɨbɛn bə mɔʼɔ ba Ŋwi a káʼnɨ́ a nye afi azhi tsɛʼ nɨ alɛm məza.