Ɛfɛso 2:15 - Mɨkan wu Fi

¹⁵ Wɛrə a fɨ́gɨ́ a nyɔngɔŋ Mosě abɔʼnɨ ntɨgə nɨ mbɔm, taŋ ɨ ghɨ a táʼ ngwəgɨ ŋwɔn mɨsɔŋ a ntsu á tsi a mbúm bo zɨ a nye ngwəgɨ mətsen tsi bá, adzaŋ məwen ɨ ghɨ á mbɔnɨ tiʼ nchyɛ.

Ɛfɛso 2:15 Referans Kwoze

Kolose 2:14

wɛrə a chíʼtɨ́ ɨnu tɨbɔŋ tsa bɨ ŋwánɨ́nɨ́ mbɨ́ʼ awɨgɨnə nkɨ nchiʼtɨ bɨnyɔngɔŋ ba bɨ kɨ́nə́ ngwɛmə awɨgɨnə ghe. Wɛrə a ghɨ́ ɨnu tɨbɔŋ mətsiŋ tiʼ ɨnu adaŋədaŋə adzaŋ za wɛrə a kwémtɨ́nɨ́ a tsɛrə atɨ abaŋnɨ-baŋnɨ ə.

Galesha 3:10

Ɨbɛn ba bɨ zɛʼtɨnɨ awa a nye ndzuʼnɨ Nyɔngɔŋ Mǒse, bɨ lɔʼ awa ghe. Mbɨ́ʼ ngə́ aŋwaʼnɨ a Ŋwi a soŋ ngə́, “Ŋwɔn tsum wa a se ndzúʼnɨ́ ɨnu ɨtsum tsa bɨ ŋwaʼnɨnɨ a mu aŋwaʼnɨ a Nyɔngɔŋ Mǒse nkfu tsum, Ŋwi a lɔʼnə ayi ɛ!”

Ɛbal 8:13

Be a be ngə́ Ŋwi a kə́ ngamə mbɨ́ʼ akan zə fi, lá be ngə́ zə mbyi a sé nɨ ɨlɨŋ bə nchyɛ. Məzen za a se nɨ ɨlɨŋ bə ntsi lá, a lvuŋnə ntiʼə ntsíŋə́ ngə́ á byékə́.

Kolose 3:10

ntiʼ ngwəgɨ mbəmnye zɨ fi za. Nə nɨ mbəmnye zɨ fi za Ŋwi, zɨ wa a káʼnɨ́ a zɛrə, a kwébtɨ́nɨ́ nkfu tsum á ɨ tiʼ zɨ fi a nye afi azhi, taŋ ɨ ghɨ á nɨ tsi nɨ azhyɛ mbɨ́ʼ ayi a nɨ́lónɨ́ ə.

Kolose 2:20

Nɨ kfonə bɨŋ bɨ Kristo ghe. Wɛrə a kɨnə nkɨ nkyɛtɨ mɨnkɨ mɨ abuʼ ma ɨzhwi tsa tsɨ sáʼnɨ́ mbyi-mbyi tsum korɨnɨ awən ɨwu ə. Ntsi mbyi ɨzɨŋ tiʼ ntsi tso nɨ tsi a mbó mbyi zen lá ngə́ ke le? Nɨ zúʼnɨ́ ntɨgə tsenə ngə́:

Galesha 6:15

Ka líʼ a tsi ayi ɨwu ngə́ ŋwɔn a tsəŋ alagɨ azhi kə nkeʼ tsəŋə; líʼ wa a tsinɨ ɨwu a nɨ ngə́ á ŋwɔn a be azúm zə kaʼnɨ zə fi ə.

Galesha 3:28

Adzaŋ məwen, ka líʼ a tsi ayi ɨwu a tɨtərɨ bə Yuda bo bɨ ba a se bə Yuda be, a tɨtərɨ ɨbuʼ bo bɨ ɨbɛn ba a se ɨbuʼ be, a tɨtərɨ mbáŋnɨ́ bo bɨ bəngye; bən bɨtsum nɨ táʼ azúm mbɨ́ʼ ngə́ nɨ tsi a mbúm bɨŋ bɨ Yeso Kristo ghe.

Ɛfɛso 4:16

Tso mbáʼ wɛrə a nɨ atú lá, Kristo a ghɨ̌ ɨlam ɨnye tsa ɨtsum bosɨnə adiʼ ziə mɔ́ʼɔ́, mɨkyebɨnɨ ma mɨ tsinɨ a mu mbəmnye za mɨ tiʼə nchíntɨ́ mbəmnye tsum táʼ adiʼ ə. Be a be ngə́ alam a ɨnye atsum a faʼə afaʼ azhi adzaŋ za a benɨ faʼ, mbəmnye tsum mɨ kwi ɨ tən, ɨ tsa a ndzum akɔŋnɨ ə.

2 Korɨnto 5:17

Ma lan, be ŋwɔn tse a tsi a mbúm bo Kristo, a tiʼ ŋwɔn wu fi ə, tsə lvuŋ tsanə, tsə fi yiŋə.

Ɛbal 7:16

Bɨ sé ghɨ ayi a nye ntumshe ndzɔ̌ŋ bɨnyɔngɔŋ ba ŋwɔn mɨsɔŋ a ntsu a lɛnə, bɨ ghɨ́ a wɛrə a nye ntumshe ntsa be a ndzum adaʼ a ntsi ntən zə tse za ka a ndwitə ayi ɛ.

Ɛbal 9:23

Ma lan, a kúʼnɨ́ ngə́ á bɨ sugɨ ɨfi ɨdzúm fɔməbvurə tsen á tsɨ fɛm a nye mbɔm məziŋ ə, lá ɨdzúm fɔməbvurə mətsen tsɨ lǒ mɨtsuʼnɨ mɨ atú ma mɨ tsanɨ ɨdzúm tsiŋ ə.

Ɛfɛso 2:10

Mbɨ́ʼ ngə́ bɨgɨnə nɨ abó afaʼ azhi mbáʼ wɛrə a káʼnɨ́ ntsa a ndzum Kristo Yeso ngə́ á bɨgɨnə ngɨə tsɛʼ ɨnu tsɨ shiʼnɨ tsa Ŋwi a kwɛ́nə nkyaŋtɨ ngə́ á bɨgɨnə ngɨə tsɛʼ a tsɛrə lá.

Ɛfɛso 2:14

Mbɨ́ʼ ngə́ Kristo zɨmboŋ a yen nɨ mbɔnɨ a mbó bɨgɨnə adzaŋ za wɛrə a bosɨnɨ bə Yuda abɔʼnɨ ɨbɛn ba a se bə Yuda be bɨ tiʼ táʼ azúm ə. Nɨ mbəmnye ɨzhi wɛrə a saʼ afə́ŋ a ndá a kɨban za a tsínɨ́ a tɨtərɨ bo lá.

Ɛfɛso 2:16

Nɨvwo nɨ Kristo atɨ abaŋnɨ-baŋnɨ lwítɨ́ a kɨban a tɨtərɨ bo ghe. A ntsǎ a ndzum abaŋnɨ-baŋnɨ məzen, wɛrə a chíntɨ́ awa bo tiʼ táʼ nkɨ ndɔgɨ awa mbən nɨ bo a mbó Ŋwi ə.

Kolose 3:11

Adzaŋ məwen, ka líʼ a be ayi ɨwu a tɨtərɨ ba a se bə Yuda be abɔʼnɨ bə Yuda, a tɨtərɨ ba bɨ tsəŋnɨ ɨlagɨ ɨtsa abɔʼnɨ ba bɨ se ɨlagɨ ɨtsa tsəŋ, bɨngyen-yenɨ, ɨbɛn ba bɨ finɨ ɨnyam mɨbaʼ, ɨbuʼ abɔʼnɨ ɨbɛn ba ka bo be awa ɨbuʼ, lá ka wu tse ŋwɔn a tsi ayi ɨwu wa a dɨtɨnɨ ntsatɨ a Kristo, Kristo a tsi a mu ɨnye ŋwɔn tsum ə.

Kolose 3:15

Mbɔnɨ za Kristo a ghánə́ ɨ tsi lá a ntsɨŋnɨ bən a nye ɨnu tsa nɨ tsɔ́ʼnə́ a mu mɨntəm ɨmən; mbɨ́ʼ ngə́ Ŋwi a chintɨ awən lá mbɨ́ʼ mbɔnɨ məzen a mu táʼ mbəmnye wa. A nɨ tsi nɨ mɨntəm mɨ nga mɨya ghe.