Ɛfɛso 2:14 - Mɨkan wu Fi

¹⁴ Mbɨ́ʼ ngə́ Kristo zɨmboŋ a yen nɨ mbɔnɨ a mbó bɨgɨnə adzaŋ za wɛrə a bosɨnɨ bə Yuda abɔʼnɨ ɨbɛn ba a se bə Yuda be bɨ tiʼ táʼ azúm ə. Nɨ mbəmnye ɨzhi wɛrə a saʼ afə́ŋ a ndá a kɨban za a tsínɨ́ a tɨtərɨ bo lá.

Ɛfɛso 2:14 Referans Kwoze

Galesha 3:28

Adzaŋ məwen, ka líʼ a tsi ayi ɨwu a tɨtərɨ bə Yuda bo bɨ ba a se bə Yuda be, a tɨtərɨ ɨbuʼ bo bɨ ɨbɛn ba a se ɨbuʼ be, a tɨtərɨ mbáŋnɨ́ bo bɨ bəngye; bən bɨtsum nɨ táʼ azúm mbɨ́ʼ ngə́ nɨ tsi a mbúm bɨŋ bɨ Yeso Kristo ghe.

Kolose 3:11

Adzaŋ məwen, ka líʼ a be ayi ɨwu a tɨtərɨ ba a se bə Yuda be abɔʼnɨ bə Yuda, a tɨtərɨ ba bɨ tsəŋnɨ ɨlagɨ ɨtsa abɔʼnɨ ba bɨ se ɨlagɨ ɨtsa tsəŋ, bɨngyen-yenɨ, ɨbɛn ba bɨ finɨ ɨnyam mɨbaʼ, ɨbuʼ abɔʼnɨ ɨbɛn ba ka bo be awa ɨbuʼ, lá ka wu tse ŋwɔn a tsi ayi ɨwu wa a dɨtɨnɨ ntsatɨ a Kristo, Kristo a tsi a mu ɨnye ŋwɔn tsum ə.

Kolose 3:15

Mbɔnɨ za Kristo a ghánə́ ɨ tsi lá a ntsɨŋnɨ bən a nye ɨnu tsa nɨ tsɔ́ʼnə́ a mu mɨntəm ɨmən; mbɨ́ʼ ngə́ Ŋwi a chintɨ awən lá mbɨ́ʼ mbɔnɨ məzen a mu táʼ mbəmnye wa. A nɨ tsi nɨ mɨntəm mɨ nga mɨya ghe.

Ɛfɛso 2:15

Wɛrə a fɨ́gɨ́ a nyɔngɔŋ Mosě abɔʼnɨ ntɨgə nɨ mbɔm, taŋ ɨ ghɨ a táʼ ngwəgɨ ŋwɔn mɨsɔŋ a ntsu á tsi a mbúm bo zɨ a nye ngwəgɨ mətsen tsi bá, adzaŋ məwen ɨ ghɨ á mbɔnɨ tiʼ nchyɛ.

Kolose 1:20

A ntsǎ a ndzum Mɔn məwen, Ŋwi a tíʼ ntsɔ́ʼ a mu ntəm zɨ a ndɔgɨ mbyi-mbyi tsum ɨ bə yen nɨ zɛrə a mbó atuəmbəm azhi ɛ. Ŋwi a ghɨ́ ngə́ á mbɔnɨ tsi ntsa lá a ndzum alɛm a Mɔn ɨyi za a chwínɨ́nɨ́ atɨ abaŋnɨ-baŋnɨ, ma lan, wɛrə a lɔ́gɨ́ ɨdzúm ɨtsum atuəshe abɔʼnɨ fɔməbvurə ngyen nɨ tsɛrə a mbó atuəmbəm azhi ɛ.

Kolose 2:20

Nɨ kfonə bɨŋ bɨ Kristo ghe. Wɛrə a kɨnə nkɨ nkyɛtɨ mɨnkɨ mɨ abuʼ ma ɨzhwi tsa tsɨ sáʼnɨ́ mbyi-mbyi tsum korɨnɨ awən ɨwu ə. Ntsi mbyi ɨzɨŋ tiʼ ntsi tso nɨ tsi a mbó mbyi zen lá ngə́ ke le? Nɨ zúʼnɨ́ ntɨgə tsenə ngə́:

Roma 5:1

Tɨtsɔŋnɨ wa Ŋwi a bemnɨ awɨgɨnə tso ɨbɛn ba bɨ chinɨnɨ a ɨshi ɨmɨgɨ zɨ ntsa a ndzum abeməntəm lá, mbɔnɨ tiʼ ntsi a tɨtərɨ Ŋwi abɔʼnɨ bɨgɨnə ntsa a ndzum Maʼmbyí ɨwɨgɨnə Yeso Kristo ghe.

Ɨfaʼ 10:36

Nɨ zhi nkən wa wɛrə a tságɨ́nɨ́ a mbó ɨbɛn bə Izrai lá, wɛrə a kə́ nchwítɨ́ Nkən wu Shiʼnɨ wu mbɔnɨ ntsa a ndzum Yeso Kristo, zɨ wa a nɨ Maʼmbyí ŋwɔn tsum lá.

Ɨfaʼ 10:28

Wɛrə a sóŋ a mbó bo ngə́, “Bɨŋ mboŋ nɨ zhi ɨ shiʼnɨ ngə́ ka mbɔm nguʼsɨ Ŋwi bə Yuda bem ayi ngə́ á ŋwɔn bə Yuda a ghantɨ kə ngyenə bo bɨ ba a se bə Yuda be ə. Lá Ŋwi a diʼnə a mbó me ngə́ á ma zagɨ nkaʼ a ŋwɔn tse lɔgɨ tso wa a se fɛm a mu mbɔm kə wa bɨ shwiʼnə.

Ɛbal 13:20

A Ŋwi, zɨ wa a ghánɨ́ mbɔnɨ, zɨ wa a zhwémnɨ́nɨ́ a Maʼmbyí Yeso ɨwɨgɨnə a mbó nɨvwo, ntsiŋ mbyindzɨ wu ngwi, ntsa a ndzum alɛm akan zə nɨnkoŋ,

Alukasɨ 2:14

“Nɨfáŋ a mbó Ŋwi a fɔməbvurə atú a təntsánɨ́, á mbɔnɨ tiʼ ntsi atuəshe a mbó ɨbɛn ba ntəm ɨyi dórɨ́nə́ mbɨ́ʼ awa ghe!”

Yoane 10:16

Ma kɨ ntsi nɨ mbyindzɨ tsɨ mɔʼɔ tsa mbáʼ ka tsɨ tsi awa a mu ndá mbyi ziŋ ə. Ma tsi nɨ ɨ kɨ zagɨ yen nɨ tsɛrə; tsɨ mɨ zuʼ nji ntsu ɨzan, tsɨ mɨ tiʼ be táʼ akarɨ ntsi nɨ táʼ ntsiŋ mɨnyam ə.

Alukasɨ 1:79

ɨ kɨ tá a mbó ɨbɛn ba bɨ tsinɨ a ndzumnɨ abɔʼnɨ ba bɨ tsinɨ a ntsu nɨvwo, á bɨgɨnə kɨ nkwarɨ azhyɛ za a mɨ diʼ ndómnji ntsi ntən wa ɨ yenə nɨ mbɔnɨ ə.”

Ɛbal 7:2

Abraʼm a tíʼ ngyɛbtɨ ɨdzúm tsa wɛrə a kɨ́nə́ nkwě nɨ tsɛrə a ntso wa a nye ɨdiʼ tsi nɨghúm, nga a táʼ adiʼ a mbó Mɛkisɛdɛkɨ ə. Ntsambyi anu za ɨkum wen ngə́ Mɛkisɛdɛkɨ ɨ diʼnɨ a nɨ ngə́, “Ɨfɔ ɨnu tsɨ Chinɨnɨ ə.” Nkɨ ndzɔŋtɨ mbe ngə́ wɛrə a bé Ɨfɔ Salɛm, ɨkum ɨyi diʼ lá ngə́, “Ɨfɔ Mbɔnɨ ə.”

Ɛfɛso 4:16

Tso mbáʼ wɛrə a nɨ atú lá, Kristo a ghɨ̌ ɨlam ɨnye tsa ɨtsum bosɨnə adiʼ ziə mɔ́ʼɔ́, mɨkyebɨnɨ ma mɨ tsinɨ a mu mbəmnye za mɨ tiʼə nchíntɨ́ mbəmnye tsum táʼ adiʼ ə. Be a be ngə́ alam a ɨnye atsum a faʼə afaʼ azhi adzaŋ za a benɨ faʼ, mbəmnye tsum mɨ kwi ɨ tən, ɨ tsa a ndzum akɔŋnɨ ə.

Ɛfɛso 3:15

zɨ wa ngwəgɨ tsum a fɔməbvurə abɔʼnɨ atuəshe kwárɨ́nɨ́ ngótɨ́ mɨkum ɨma wəmbo ə.

Yoane 16:33

Ma soŋ a məzen a mbó bən lá taŋ á nɨ tsi nɨ mbɔnɨ a ntsǎ a ndzum adzaŋ za nɨ tsinɨ a mbúm bɨgɨnə ghe. Atuəshe mɨ diʼ ngɨ́ʼ a mbó bɨŋ ə. Lá nɨ kotɨ mbáŋnɨ́ ɨtsɨŋ ə! Awa ma ghaʼnə atuəshe!”

Yoane 11:52

ɨ keʼ tsɛʼ mbɨ́ʼ atú aza be, lá ɨ kɨ ghotɨ ɨbɛn bɨ Ŋwi adiʼ a mɔ́ʼɔ́ ba bɨ dzagɨnɨnɨ nɨ ɨdiʼ nɨ ɨdiʼ ə.

Ɛfɛso 2:17

Ma lan, Kristo a yén sóŋ Nkən wu Shiʼnɨ wa ɨ yenə nɨ mbɔnɨ a mbó bən, ɨbɛn ba a sé bə Yuda be ba aghagɨ aza a ságɨ́nɨ́ a nye Ŋwi, nkɨ soŋ a wɛrə a mbó bə Yuda ba bɨ fátɨ́nɨ́ a Ŋwi ə.