Ɛfɛso 1:9 - Mɨkan wu Fi

⁹ Ŋwi a ghɨ́ a za wɛrə a kyáŋtɨ́nɨ́, nkɨ nkyɛʼ a mbó bɨgɨnə akyaŋtɨ azhi zə nkubə za wɛrə a kwɛ́nə ntsɔʼ a mu ntəm zɨ ngə́ zɨə mɨ ghɨ á ghɛn fu a ndwitə ntsa lá a ndzum Kristo ghe.

Ɛfɛso 1:9 Referans Kwoze

2 Timotyo 1:9

Wɛrə a lóŋ awɨgɨnə nkɨ ntsɔʼ awɨgɨnə ngə́ á bɨgɨnə be ɨbɛn ɨbyi, nkeʼ be be mbɨ́ʼ anu za bɨgɨnə ghɨnə, lá mbe be mbɨ́ʼ adzaŋ za wɛrə a lɔnə abɔʼnɨ abɔŋəntəm azhi ɛ. Wɛrə a ghá abɔŋəntəm məzen a mbó bɨgɨnə ntsa a ndzum Kristo Yeso bɔŋ á mbyi mbíʼnə́,

Ɛfɛso 1:11

Bɨ ghɨ̌ ɨnu ɨtsum ndzɔŋə lá akyaŋtɨ a Ŋwi abɔʼnɨ ntɛgɨnɨ ɨzhi; Ŋwi a zárɨ́ awɨgɨnə ngə́ á bɨgɨnə be ɨbɛn ɨbyi mbɨ́ʼ ngə́ bɨgɨnə tsi a mbúm bɨgɨnə bɨ Yeso Kristo, nkɨ ndzɔŋ mbe mbɨ́ʼ a za wɛrə a kɨ́nə́ ndǒ, ntsa a ndzum za wɛrə a lɛ́nɨ́ a ɨshe, nchwuʼnɨ a mbiʼnɨ mbyi ɛ.

Ɛfɛso 3:11

Ŋwi a ghɨ́ a məzen ndzɔ̌ŋ akyaŋtɨ azhi za a ghɨnɨ ghɔ́ŋ nɨnkoŋ ə. Wɛrə a ghɨ́ a məzen a fu ntsa a ndzum Kristo Yeso Maʼmbyí ɨwɨgɨnə ghe.

Galesha 1:12

Ma sá kwarɨ a wɛrə a mbó ŋwɔn mɨsɔŋ a ntsu tse, ka ŋwɔn tse a kɨ ndiʼ ayi aghan nɨ wɛrə ghe. A bé Yeso Kristo zɨmboŋ wa a kyɛ́ʼnɨ́ a wɛrə a mbó me ghe.

1 Timotyo 3:16

Ŋwɔn tse a chi keʼ ton ngə́ ndóm wa bɨgɨnə zhinɨ a Ŋwi, a nɨ anu a nkubə zə wi ə: Wɛrə a fú a ɨshe a nye mbě ŋwɔn mɨsɔŋ a ntsu, Azhwi a diʼ ngə́ wɛrə a kuʼnɨ, ɨtsendá Ŋwi zɛ́n a wɛrə ghe. Bɨ ghám mbɨ́ʼ ayi a mbó ba a se bə Yuda be, atuəshe atsum a nɨŋ mɨntəm ɨma wə ɨnye, Ŋwi a tsɔ́ʼ a wɛrə nkɔʼ ngɛn nɨ zɨ a fɔməbvurə ghe.

Roma 8:28

Bɨgɨnə zhi ngə́ anu atsum za a fúnə́ a nye bɨgɨnə, Ŋwi a kyáŋtə́ ngə́ á fu mbe zə shiʼnɨ a mbó bɨgɨnə ba bɨ kɔŋnɨ ayi, bɨgɨnə ba Ŋwi a tsɔʼnɨ taŋ ɨ ghɨ á anu za wɛrə a lɔnə á fuə.

Galesha 1:16

a nkyɛʼ Mɔn ɨyi a mbó me taŋ á ma chi soŋ Nkən wu Shiʼnɨ wa mbɨ́ʼ ayi a mbó ba a se bə Yuda be, ma sá ghɛn a mbó ŋwɔn tse ngə́ á tɨgɨtɨ aghə.

Ɨfaʼ 13:48

Mbáʼ ba a se bə Yuda be zúʼnɨ́ a məzen lá, ɨnye ɨtsa shá, ntiʼ nkɨ soŋ ngə́ nkən Maʼmbyí bɔŋ be tɨsɨŋə. Ɨbɛn ba bɨ kwɛ́nə ntsɔ́ʼ awa ngə́ á bɨ ghɨ́ ntsí nɨ ntsi ntən nɨnkoŋ za tíʼ mbəŋ mbe ɨbɛn ba bɨ nɨ́ŋnɨ́ mɨntəm ɨma a nye Kristo ghe.

Matyo 13:11

Yeso a chwɨ́gɨ́ ngə́, “Bɨ ghanə azhyɛ mbɨ́ʼ ɨnu nkubə tsə Nɨfɔ nɨ fɔməbvurə a mbó bən, lá nkeʼ a mbó bo be.

Ɨfaʼ 4:28

Bo bómnkɨ́ lá a ngɨ ɨnu ɨtsum tsa o kwɛ́nə nkyaŋtɨ ngə́ á tsɨ fu ntsa a ndzum mɨtən ɨmo abɔʼnɨ adzaŋ za o kɨ́nə́ ndǒ ghe.

Ɨfaʼ 2:23

Ndzɔ̌ŋ akyaŋtɨ za Ŋwi a kwɛ́nɨ́ ndɛ́n a ɨshe, Ŋwi a tsɔ́ʼ a mu ntəm zɨ ngə́ á bɨ ghɨ́ mbəŋ ayi nga a mbó bən; á nɨ zhwitɨ ayi ntsa a ndzum adzaŋ za nɨ nyɛ́ʼtɨ́nɨ́ mbáŋnɨ́ tsə ngɨ mɨbvu kwemtɨ ayi atɨ abaŋnɨ-baŋnɨ ə.

Alukasɨ 2:14

“Nɨfáŋ a mbó Ŋwi a fɔməbvurə atú a təntsánɨ́, á mbɔnɨ tiʼ ntsi atuəshe a mbó ɨbɛn ba ntəm ɨyi dórɨ́nə́ mbɨ́ʼ awa ghe!”

Alukasɨ 12:32

“Nɨ lá tsɛʼ ɨbɛn a nɨ́sháŋnɨ́ ə, nɨ keʼ bɔgə, mbɨ́ʼ ngə́ nɨdorɨ tsi a ntəm Ta ɨwən a ngá nɨfɔ ɨni a mbó bɨŋ ə.

Roma 11:25

Ɨbɔmbɨma ɨban, ma lǒ ngə́ á nɨ zuʼ nkɨ nji a məziŋ nkənu za ɨ tsinɨ a nkubə lá, mbɨ́ʼ nɨ kwaʼtɨ ngə́ nɨ tsi nɨ zóŋ be tɨsɨŋə. Ɨ nɨ ngə́, atɨŋətú a bə Yuda mɨ keʼ ghɔŋ nɨnkoŋ ə, a mɨ tsi ɨ kɔʼ kuʼ tsɛʼ a nkfu za ba a se bə Yuda be bɨtsum mɨ yen a mbó Ŋwi ə.

1 Korɨnto 1:21

Mbɨ́ʼ ngə́ Ŋwi a tsá a ndzum zóŋ ɨyi ngɨ ngə́ á tən be tɨ́sə́n a mbó ɨbɛn a nji zɨ ɨ tsa be a ndzum zóŋ ɨwa ghe. Ŋwi a báŋnɨ́ nɨ́ŋ a mu ntəm zɨ ngə́ zɨə mɨ loŋ ɨbɛn ba bɨ nɨŋnɨ mɨntəm ɨma a ɨnye zɨ ntsa be a ndzum nkən wen wa bɨgɨ sóŋnə́, wa bə tse sě nɨ anu zə tse a ntɔ́ŋə́ lá.

Galesha 1:15

Lá Ŋwi a mu abɔŋəntəm azhi a zárɨ́ aghan ngə́ á ma be ɨyi ŋwɔn bɔŋ á bɨ láʼ njwi aghan, ntiʼ ntɔŋ aghan ngə́ á ma yen faʼ a mbó zɨə. A nkfu za wɛrə a tsɔ́ʼnɨ́ a mu ntəm zɨ

Ɛfɛso 1:8

za a chwítɨ́nɨ́ atú bɨgɨnə tsɛʼ adaŋədaŋə lá. A ntsǎ a ndzum zóŋ tsum abɔʼnɨ azhyɛ atsum