Ɛfɛso 1:8 - Mɨkan wu Fi

⁸ za a chwítɨ́nɨ́ atú bɨgɨnə tsɛʼ adaŋədaŋə lá. A ntsǎ a ndzum zóŋ tsum abɔʼnɨ azhyɛ atsum

Ɛfɛso 1:8 Referans Kwoze

Nkyɛʼə 5:12

tíʼ ndzɔbɨ nɨ nji za ɨ kɔ́ʼnɨ́ atɨ́ ngə́: “Mɔn Mbyindzɨ wa bɨ zhwítɨ́nɨ́ lá a tsi nɨ ɨlɨŋ a nkwárɨ́ mɨtən, afuʼ, zóŋ abɔʼnɨ adaʼ, nkɔʼsə atɨ́, nɨfáŋ abɔʼnɨ mbontə ghe!”

Kolose 2:3

Wɛrə lá akugɨ za a ŋáʼnɨ́ mɨntsu mɨndá mɨtsum mɨ afuʼ zə lwɛʼnɨ zə Ŋwi za a nɨ zóŋ abɔʼnɨ azhyɛ lá.

Ɛfɛso 3:10

taŋ a nkfu tɨtsɔŋnɨ, ntsa a ndzum ndáŋwi, bɨtsen bɨ ndá bɨ Ŋwi ba bɨ sáʼnə́ abɔʼnɨ ɨzhwi tsɨ tən tsa tsɨ sáʼnə́ a fɔməbvurə chi zhi mɨndóm mɨtsum ma zóŋ Ŋwi a tsinɨ nɨ mɛrə ghe.

Roma 5:15

Lá bo wa bɨbá se ndəŋndəŋ be, mbɨ́ʼ ngə́ azúm zə ghanɨ za Ŋwi a ghánə́ adaŋədaŋə a se tso ɨbvu Adam be. A nɨ nkənu ngə́ ɨbɛn bə ghaʼnɨ kfókɨ́ mbɨ́ʼ ɨbvu táʼ ŋwɔn məwiŋ ə. Lá abɔŋəntəm a Ŋwi a ghaʼ ngɛn nɨ mbyi ɛ, ma lan, nə nɨ adzaŋ za azúm zə ghanɨ azhi za wɛrə a ghánə́ a mbó ɨbɛn bə ghaʼnɨ adaŋədaŋə a benɨ, ntsa a ndzum abɔŋəntəm a táʼ ŋwɔn məwen, mbe Yeso Kristo ghe.

Judɨ 1:25

a mbó Ŋwi, wa a nunɨ zɨzɨ, ndoŋ ɨwɨgɨnə, ɨ tsa a ndzum Yeso Kristo Maʼmbyí ɨwɨgɨnə, á nɨfáŋ, nɨfɔ, adaʼ abɔʼnɨ mɨtən tsi wəmbo, ɨ lɔgɨnɨ bɔŋ á mbyi biʼnɨ, tɨtsɔŋnɨ, ɨ ghɛn gha nɨnkoŋ ə! A be lá.

Ɛfɛso 1:11

Bɨ ghɨ̌ ɨnu ɨtsum ndzɔŋə lá akyaŋtɨ a Ŋwi abɔʼnɨ ntɛgɨnɨ ɨzhi; Ŋwi a zárɨ́ awɨgɨnə ngə́ á bɨgɨnə be ɨbɛn ɨbyi mbɨ́ʼ ngə́ bɨgɨnə tsi a mbúm bɨgɨnə bɨ Yeso Kristo, nkɨ ndzɔŋ mbe mbɨ́ʼ a za wɛrə a kɨ́nə́ ndǒ, ntsa a ndzum za wɛrə a lɛ́nɨ́ a ɨshe, nchwuʼnɨ a mbiʼnɨ mbyi ɛ.

1 Korɨnto 2:7

Lá zóŋ wa bɨgɨ chwítɨ́nə́ a nɨ zóŋ Ŋwi wa a tsinɨ a nkubə, zóŋ wa wɛrə a kwɛ́nə ndɛn bɔŋ ɨ káʼ atuəshe a ngá nɨfáŋ ɨnɨgɨnə a mbó bɨgɨnə ghe.

Roma 11:33

Afuʼ a Ŋwi a ghaʼ be tɨsɨŋə! Zóŋ ɨyi bo azhyɛ azhi shwi be tɨsɨŋə. Ɨwa chi fɨʼtɨ ɨnu tsa wɛrə a tsɔ́ʼnə́ a mu ntəm zɨ le? Ɨwa ŋwɔn chi zhi ngɨnɨ mɨnu ɨmyi le?

Matyo 11:19

Mɔn Ŋwɔn a ghɨnə ngyén, ndzɨ mɨdzɨ nkɨ no mɨluʼ, nɨ soŋ ngə́, ‹Zɛnə a mba wiŋ ə! A nɨ ndánɨdzɨ nkɨ mbe abarə a mɨluʼ, mbe ɨson bɨ bɨkwárɨ́ bɨ ashɛbɨ bo ngaŋ ngɨ mɨbvu bə mɔʼɔ ghe!› Lá bɨ zhyɛ̌ a zóŋ Ŋwi lá a nye ɨnu tsɨ kuʼnɨnɨ tsa ɨbɛn ghɨnə ghe.”

Ɛfɛso 1:7

A ntsǎ a ndzum alɛm a Kristo za bɨ chwírɨ́nɨ́ atɨ abaŋnɨ-baŋnɨ, bɨ zón atú azɨgɨnə, lá be ngə́, bɨ lɨgɨnɨ ɨfənu ɨtsɨgɨnə, ndzɔŋə a ndzum abɔŋəntəm azhi za a kwə́ŋnɨ́nə́,

Ɛfɛso 1:9

Ŋwi a ghɨ́ a za wɛrə a kyáŋtɨ́nɨ́, nkɨ nkyɛʼ a mbó bɨgɨnə akyaŋtɨ azhi zə nkubə za wɛrə a kwɛ́nə ntsɔʼ a mu ntəm zɨ ngə́ zɨə mɨ ghɨ á ghɛn fu a ndwitə ntsa lá a ndzum Kristo ghe.