Ɛfɛso 1:7 - Mɨkan wu Fi

⁷ A ntsǎ a ndzum alɛm a Kristo za bɨ chwírɨ́nɨ́ atɨ abaŋnɨ-baŋnɨ, bɨ zón atú azɨgɨnə, lá be ngə́, bɨ lɨgɨnɨ ɨfənu ɨtsɨgɨnə, ndzɔŋə a ndzum abɔŋəntəm azhi za a kwə́ŋnɨ́nə́,

Ɛfɛso 1:7 Referans Kwoze

1 Bita 2:24

Kristo zɨmboŋ a byɛ́ʼ mɨbvu ɨmɨgɨnə a mu ɨnye zɨ ngɛn nɨ mɛrə atɨ abaŋnɨ-baŋnɨ, taŋ á bɨgɨnə chi be tso ɨbɛn ba bɨ kfokɨnɨ mbáʼ be bɨ ngámə́ lá mbɨ́ʼ ɨbvu, ɨ kə́ tsinə taŋ ɨ ghɨnɨ ɨnu tsa tsɨ chinɨnɨ ə. Bɨ tsuʼnə awən ntsa lá a ndzum ɨlagɨ ɨchi ɛ.

Roma 3:24

Lá a ndzum azúm zə ghanɨ za a nɨ abɔŋəntəm a Ŋwi, Ŋwi a bem ngə́ ŋwɔn tsum a chinɨ a ɨshi ɨmɨgɨ zɨ ntiʼ ntsi bo zɨ ntsa a ndzum Kristo Yeso, zɨ wa a kyɛtɨnə mɨnkɨ mɨ abuʼ a nye bo lá.

Kolose 1:14

a ntsǎ a ndzum wɛrə, bɨ zonə ɨtú ɨtsɨgɨnə, lá be ngə́, bɨ lɨgɨnɨnə mɨbvu ɨmɨgɨnə ghe.

Ɛbal 9:22

Tsɛʼ a nkənu, a mu ntɨgə Mǒse, a nɨ tsɛʼ ɨnu a nɨ́sháŋnɨ́ tsa bɨ sě ngɨə á tsɨ fɛm a mu mbɔm nɨ alɛm ə: lá be bɨ tú alɛm chwirɨ, bɨ mɨ keʼ mɨbvu lɨgɨnə.

Matyo 26:28

nə nɨ alɛm azan a zen, mbáʼ lá fɛnwu akan a Ŋwi, alɛm azan za bɨ chwirɨnɨ a mbó bə ghaʼnɨ taŋ á bɨ lɨgɨnɨ mɨbvu ə.

Nkyɛʼə 5:9

Bo zɔ́bɨ́ azɔbɨ a nkyi zə fi ngə́: “O tsi nɨ ɨlɨŋ a nkwárɨ́ aŋwaʼnɨ zə karɨnɨ za ɨ kɨ ŋaʼ ɨfɛnwu ɨchi ɛ. Mbɨ́ʼ ngə́ bɨ zhwítɨ́ agho, a ntsǎ a ndzum nɨvwo nɨ mɨtsuʼnɨ mɨ atú ɨno, o zón a ngá a mbó Ŋwi ɨbɛn bɨ ɨtsé tsɨ wi ɨtsum, ɨbɛn ba bɨ ghamnɨ mɨgham mɨtsum, ɨbɛn bɨ ɨlaʼ ɨtsum abɔʼnɨ ɨbɛn bɨ ngwəgɨ mɔn ŋwɔn tsum ə.

1 Yoane 2:12

Ma ŋwaʼnə a mbó bən, nə ɨbɔ ɨban, mbɨ́ʼ ngə́ bɨ lɨgɨnɨnə mɨbvu ɨmən mbɨ́ʼ atú a Kristo ghe.

Filibi 4:19

Ŋwi ɨghan a mɨ gha atsum za nɨ lɔnə, ɨ lɔgɨ lá a nye afuʼ azhi za a kwə́ŋnɨ́nə́ tsɛʼ adaŋədaŋə a ntsǎ a ndzum Kristo Yeso ghe.

Ɛfɛso 2:7

Wɛrə a ghɨ́ a məzen lá ngə́ a mu mbyi za ɨ lo bə yen lá, wɛrə a chi diʼ abɔŋəntəm azhi za a ghaʼnɨ tsɛʼ a nkan lá a nye adzaŋ za wɛrə a ghɨ́nɨ́ ɨbɔŋ a nye bɨgɨnə ntsa a ndzum Kristo Yeso ghe.

1 Korɨnto 1:30

Lá Ŋwi a chintɨ awən a mbúm bɨŋ bɨ Kristo Yeso, ntiʼ ngɨ a Yeso a nye zóŋ ɨwɨgɨnə ghe. Bɨgɨnə tiʼ nchinɨ ntsa a ndzum wɛrə; ntiʼ ɨbɛn bɨ Ŋwi bə fɛmnɨ ba mɨnkɨ mɨ abuʼ se awa bə nkorə.

Ɛfɛso 3:16

Ma lɔ́ntə́ a mbó Ŋwi ngə́ á wɛrə a ghɛn a mu nɨfáŋ ɨni na nɨ ghaʼnɨ nga awən nɨ adaʼ ntsa a ndzum Azhwi azhi ngə́ á nɨ ntɨ́ŋə́ a mu azhwi azɨŋ ə.

2 Korɨnto 8:9

Nɨ zhi abɔŋəntəm a Maʼmbyí Yeso Kristo ɨwɨgɨnə ghe; wɛrə a tsí nɨ afuʼ tsɛʼ nkə, lá ngɨ atuəmbəm azhi a nye afúm mbɨ́ʼ atú azən, taŋ ɨ ghɨ awən a nye ngaŋ afuʼ ɨ tsa a ndzum afúm azhi ɛ.

Roma 2:4

Kə aghagɨ a tsɛrə o wágɨ́nɨ́ ɨbɔŋ wu wi wa Ŋwi a ghɨnə, achigəntəm azhi abɔʼnɨ nchigə ɨzhi ɛ. Tsɛʼ a nkənu, o zhi ngə́ ntəm Ŋwi a nɨ wa ɨ ghɨnə tsɛʼ ɨbɔŋ ə, mbɨ́ʼ ngə́ wɛrə a ghɨ̌ ɨnu ɨtsum a ndzé ngə́ o bəŋ ntəm ɨgho a nye mɨbvu ɨmo.

1 Yoane 2:2

Kristo nɨ mɨtsuʼnɨ mɨ atú ma Ŋwi a kyémnɨ́ mbɨ́ atú azɨgɨnə taŋ ɨ lɨgɨnɨ mɨbvu ɨmɨgɨnə, nkeʼ tsɛʼ ɨmɨgɨnə be, lá nkɨ mbe mɨbvu mɨ ŋwɔn tsum ə.

Tɨ́tósɨ 2:14

Wɛrə a ghá atuəmbəm azhi mbɨ́ʼ awɨgɨnə, a fɨ́gɨ́ bɨgɨnə a mbó abɨgəntəm atsum, ɨ kɨ ghɨ awɨgɨnə á bɨgɨnə be ɨbɛn ba bɨ lánɨ́ ba bɨ tsinɨ tsɛʼ a mbó zɨzɨ, nkə́ mbɛ́bə́ a ngɨ ɨbɔŋ ə.

Ɨfaʼ 2:38

Bita a chwɨ́gɨ́ a mbó bo ngə́, “Ŋwɔn nɨ bɨŋ tsum a tsi nɨ nyɛʼ mɨbvu ɨmyi, ɨ tiʼ kwarɨ nkyi nɨ ɨkum Yeso Kristo, taŋ á Ŋwi a tiʼ ndɨgɨnɨ mɨbvu ɨmyi; ɨ tiʼ kɨ gha Azhwi zə Fɛmnɨ a mbó bən, zɛrə za a lá azúm zə ghanɨ za wɛrə a káʼnɨ́ lá.

Matyo 20:28

tsɛʼ tso mbáʼ Mɔn Ŋwɔn a sé yen be ngə́ á bɨ faʼə a mbó zɨ, lá a faʼə a mbó ɨbɛn, ɨ kɨ gha ntsi ntən ɨzhi a ndzúŋ atú a ɨbɛn bə ghaʼnə.”

1 Yoane 4:10

Azúm za bɨ tɔ́ŋnə́ ngə́ akɔŋnɨ lá a zɛnə: ka a be ayi be ngə́ bɨgɨnə kɔŋ a Ŋwi ə, lá a nɨ be ngə́ wɛrə a kɔ́ŋ awɨgɨnə, ntiʼ ntsagɨ a Mɔn ɨyi ngə́ á wɛrə a be mɨtsuʼnɨ mɨ atú ma zɨə kyémnɨ́ mbɨ́ atú azɨgɨnə taŋ ɨ lɨgɨnɨ mɨbvu ɨmɨgɨnə ghe.

Ɨfaʼ 20:28

Ma lan, á nɨ lə atú nɨ ɨtumbəm ɨtsən nkɨ ndə atú a nye ɨbɛn ba bɨ nɨŋnɨ mɨntəm ɨma a nye Kristo ba Azhwi zə Fɛmnɨ a ghanɨ ngə́ á nɨ ndə̌tú nɨ bɛrə lá. A nɨ be bɨntsiŋ mɨnyam a nye ndáŋwi za a nɨ zɨ Ŋwi, za wɛrə a ghɨ́nɨ́ a nye ɨzhi ntsa a ndzum alɛm a Mɔn ɨyi lá.

1 Bita 3:18

A bɔŋ ngɛn nɨ mbyi a ndzé ngɨ́ʼ mbɨ́ʼ ngɨ anu zə kuʼnɨnɨ mbɨ́ʼ ngə́ Kristo a kfó mbɨ́ʼ mɨbvu táʼ nkfu wa a ghɔŋnɨ nɨnkoŋ ə. Ŋwɔn wu shiʼnɨ wa a kfónɨ́ mbɨ́ʼ atú a ngaŋ ngɨ mɨbvu, taŋ ɨ tsagɨnɨ awɨgɨnə a mbó Ŋwi ə. Bɨ zhwítɨ́ mbəmnye ɨzhi, lá bɨ ghɨ́ wɛrə a tsi ntən a mu azhwi ə.

Ɛfɛso 3:8

Ka ma kuʼ aghan ndwɨgɨnɨ ndzum ŋwɔn a tɨtərɨ ɨbɛn bɨ Ŋwi ə. Lá a mu abɔŋəntəm a Ŋwi, wɛrə a ghá abárɨ́ a mbó me a ndɔgɨ Nkən wu Shiʼnɨ ɨ ghɛn nɨ wɛrə a mbó ɨbɛn ba bɨ se bə Yuda be ə. Nkən məwiŋ be lá mbɨ́ʼ afuʼ a tɨmi za a tsinɨ a nye Kristo ghe.

Ɨfaʼ 10:43

Ntóm Ŋwi ɨtsum ghám mbɨ́ʼ ayi, ɨ soŋ ngə́, a ntsǎ a ndzum mɨtən mɨ ɨkum ɨyi, ɨbɛn bɨtsum ba bɨ nɨŋnɨ mɨntəm ɨma a nye zɨ, bɨ mɨ lɨgɨnɨ mɨbvu ɨma ghe.”

Yoane 20:23

Be nɨ lɨgɨnɨ mɨbvu mɨ ɨbɛn, muŋ bɨ lɨgɨnɨnə a mɛrə ghe; be nɨ tú mɨbvu ɨma ɨ lɨgɨnɨ, bɨ keʼ kɨ ndɨgɨnə.”

Marɨkusɨ 14:24

Yeso a sóŋ a mbó bo ngə́, “Nə nɨ alɛm azə a zen mbáʼ bɨ chwirɨnɨ a mbó bə ghaʼnɨ, alɛm azan za a nɨ fɛnwu akan zə fi ə.

Tɨ́tósɨ 3:6

Ŋwi a chwírɨ́ Azhwi zə Fɛmnɨ tɨ ghɨʼtɨ atú bɨgɨnə ntsa a ndzum Yeso Kristo Ndoŋ ɨwɨgɨnə,

1 Timotyo 2:6

zɨ wa a ghánɨ́ atuəmbəm azhi a ndzúŋ atú a ŋwɔn mɨsɔŋ a ntsu tsum ə. Məza a bé alɨgɨ a nye nyom wa a kúʼnɨ́nɨ́ ngə́ Ŋwi a lǒ ngə́ á bɨ loŋ a ŋwɔn tsum,

Kolose 2:13

A nkfu tse nɨ bé tso nɨ kfókɨ́ mbɨ́ʼ mɨbvu ɨmən nkɨ mbe mbɨ́ʼ ngə́ nɨ bé ba a se bə Yuda be nkeʼ nɨ Nyɔngɔŋ wa chyɛ. Lá Ŋwi a lɔgɨnə awən ngyen nɨ bən a mu ntsi mbyi bɨŋ bɨ Kristo ghe. Ŋwi a lɨ́gɨ́nɨ́ mɨbvu ɨmɨgɨnə mɨtsum;

Kolose 2:2

Ma ghɨə a məzen lá taŋ á bo kotɨ mbáŋnɨ́ ɨtsa, ntiʼ nchi kɨ ghótɨ́nə a mbúm a mu akɔŋnɨ ə. Ma lan, bo mɨ tiʼ tsi nɨ ngótɨ́ ndzuʼ kɨ zhi, adzaŋ məwen á nɨbɔgɨ nə tse keʼ ɨwu bə mbe. A nye ndóm məwen, bo mɨ zhi a za Ŋwi a lɛnɨ a nkubə, mbáʼ a lá Kristo zɨmboŋ ə.

Kolose 1:27

Akyaŋtɨ a Ŋwi a nɨ ngə́ á wɛrə a kyɛʼ anu a nkubə azhi a mbó ɨbɛn ɨbyi, anu a nkubə za a dɨrɨnɨ nkɨ ndon nɨ nɨfáŋ na wɛrə a lɛnɨ a mbó ɨbɛn bɨtsum lá. Anu a nkubə məzen a nɨ ngə́ Kristo a tsi a mu ɨnye bən, mbáʼ a diʼnɨ lá ngə́ nɨ ghɨ kɨ tsi nɨ nɨfáŋ nɨ Ŋwi ə.

Ɛfɛso 2:4

Lá, Ŋwi, zɨ wa a lonɨ nɨ mɨlɨŋnɨ, mbɨ́ʼ ngə́ wɛrə a kɔŋ awɨgɨnə be tɨ́sə́n,

Roma 9:23

Wɛrə a kɨ chyɛ nkə́ ndǒ nkyɛʼ nɨfáŋ ɨni na nɨ ghaʼnɨ be adaŋədaŋə, na bɨ chwírɨ́nɨ́ a nye bɨgɨnə ba nɨ ɨbɛn ba wɛrə a kónə́ a mɨlɨŋnɨ a nye bo lá. Bɨgɨnə lá ba wɛrə a kyaŋtɨnə a nkwárɨ́ nɨfáŋ ɨni ɛ.

Ɨfaʼ 3:19

Tiʼ lá nyɛʼnə mɨbvu ɨmən, mbəŋ mɨntəm ɨmən nga a mbó Ŋwi, taŋ á Ŋwi a chi lɨgɨnɨ mɨbvu ɨmɨŋ ə. Be nɨ ghɨ mə lan,

Alukasɨ 24:47

Nɨ ɨkum ɨyi, bɨ mɨ zagɨ laʼ nkən mbɨ́ʼ mbəŋ ntəm a nye mɨbvu ɨ tsi a bagɨ Ŋwi abɔʼnɨ ndɨgɨnɨ mɨbvu a mbó ɨlaʼ ɨtsum, ɨ biʼnɨ a Yerosalɛm ə.

Alukasɨ 1:77

ɨ fɨʼtɨ a mbó ɨbɛn ɨbyi ngə́ bɨ ghɨ lɨgɨnɨ mɨbvu ɨma, taŋ á ɨloŋ ɨ tiʼ mbe ɨwa ghe.

Nkyɛʼə 14:4

Bo lá ɨbɛn ba bɨ bvurɨ tɨ shwiʼ ɨtumbəm ɨtsa bo bɨ bəngye, bo nɨ ngo ghe. Bo zɔŋə a Mɔn Mbyindzɨ wa adiʼ atsum za wɛrə ghɛnə ghe. Bɨ zonɨ ɨtú ɨtsa a mbó ngwəgɨ ŋwɔn mɨsɔŋ a ntsu tsum, ntiʼ mbe bɨtsabɨmbyi ba bɨ ghanɨ awa a mbó Ŋwi nkɨ nga a mbó Mɔn Mbyindzɨ wa.

Ɛfɛso 1:6

A bɨgɨnə bontɨ a Ŋwi mbɨ́ʼ abɔŋəntəm a nɨfáŋ azhi za wɛrə a ghánɨ́ tə́ ndə́ŋtə́ mbɨ́ʼ a Mɔn ɨyi wa wɛrə a kɔ́ŋnɨ́ tsɛʼ a nkan lá.

Matyo 6:12

Lɨgɨnɨ mɨbvu ma bɨgɨ ghɨnə, tso mbáʼ bɨgɨ kɨ́nə́ ndɨ́gɨ́nɨ́ mɨbvu mɨ ɨbɛn bə mɔʼɔ ma bo fanə a nye bɨgɨ ə.

Roma 3:25

Ŋwi a ghá ayi ngə́, á alɛm azhi a tiʼ mbe ndómnji wa ɨbɛn tsanə ɨwu bɨ lɨgɨnɨnɨ mɨbvu ɨma ntsa a ndzum abeməntəm aza a nye Kristo ghe. Məzen a tsí lá a ndiʼə adzaŋ za Ŋwi a chinɨnɨ, mbɨ́ʼ ngə́ a mu nchigə ɨzhi tso Ŋwi, wɛrə a kə́ ngwágɨ́nə́ mɨbvu mɨ ɨbɛn a mbyi ɛ;

Ɛfɛso 1:8

za a chwítɨ́nɨ́ atú bɨgɨnə tsɛʼ adaŋədaŋə lá. A ntsǎ a ndzum zóŋ tsum abɔʼnɨ azhyɛ atsum

Ɛfɛso 1:14

Azhwi zə Fɛmnɨ məzen a tiʼ ntsi lá tso mɨntɨ ma bɨ bɛʼnɨ mɨ diʼnə ngə́ bɨgɨnə ghɨ tsí nɨ za Ŋwi a káʼnɨ́ awɨgɨnə nɨ zɛrə, ɨ kɔʼ kuʼ njwi za bɨgɨnə ghɨnɨ tsí nɨ zɛrə ghe. A bɨgɨnə bontɨ a Ŋwi ə!

Ɛfɛso 1:18

Ndǒ ngə́ á mɨntəm ɨmɨŋ ŋaʼnɨ, á nɨ ze nkaʼ ɨyi, taŋ á nɨ zhi ɨnu tsa ntsiŋə nɨ ntəm tsum ɨzən ɨ tsinɨ mbɨ́ʼ a tsɛrə mbáʼ wɛrə a tɔŋnɨ awən lá, ɨ kɨ zhi afuʼ zə wi za Ŋwi a kaʼnɨ ɨbɛn ɨbyi nɨ zɛrə ghe.