Ɛfɛso 1:6 - Mɨkan wu Fi

⁶ A bɨgɨnə bontɨ a Ŋwi mbɨ́ʼ abɔŋəntəm a nɨfáŋ azhi za wɛrə a ghánɨ́ tə́ ndə́ŋtə́ mbɨ́ʼ a Mɔn ɨyi wa wɛrə a kɔ́ŋnɨ́ tsɛʼ a nkan lá.

Ɛfɛso 1:6 Referans Kwoze

Kolose 1:13

Wɛrə a fɨ́gɨ́ awɨgɨnə a mu mbó zɨ wa a sáʼnɨ́ ɨdiʼ ndzumnɨ, nkɨ ngyen nɨ bɨgɨnə tsɛʼ ɨ shiʼnɨ ɨ shiʼnɨ a mu nɨfɔ nɨ mɔn ɨyi wa wɛrə a kɔŋnɨ,

Ɛfɛso 1:12

Bɨgɨnə ba bɨ tsánɨ́ mbyi ntsi nɨ ntsiŋə nɨ ntəm tsum a nye Kristo, bɨ tiʼ ntsɔʼ awɨgɨnə ngə́ á ntsi mbyi ɨzɨgɨnə ɨ tsi a mbontɨ nɨfáŋ ɨni ɛ.

Filibi 4:19

Ŋwi ɨghan a mɨ gha atsum za nɨ lɔnə, ɨ lɔgɨ lá a nye afuʼ azhi za a kwə́ŋnɨ́nə́ tsɛʼ adaŋədaŋə a ntsǎ a ndzum Kristo Yeso ghe.

Matyo 3:17

Nji zɨ tse tíʼ ndo a fɔməbvurə, ɨ soŋ ngə́, “Mɔn wen a nɨ mɔn ɨghan wa ma kɔŋnɨ tsɛʼ nkə, a ghɨə ɨnye ɨzə bɔŋənə ghe.”

1 Bita 2:9

Lá nɨ nɨ ngwəgɨ ŋwɔn mɨsɔŋ za bɨ tsɔ́ʼnɨ́, bɨntumshe bə ɨfɔ, alaʼ zə fɛmnɨ, ɨbɛn bɨ Ŋwi ba bɨ tsɔʼnɨ a nchwítɨ́ nkən mbɨ́ʼ ngɨnɨ mɨnu mə shiʼnɨ be tɨ́sə́n mə Ŋwi, zɨ wa a lɔ́gɨ́nɨ́ awən a mu ndzumnɨ ɨ fu ngyen nɨ bən a mu nkaʼ ɨyi wa ɨ nɨ wu shiʼnɨ be tɨ́sə́n lá.

Filibi 1:11

Ntsi mbyi ɨtsɨŋ mɨ lon nɨ ngótɨ́ ngɨnɨ mɨnu mə shiʼnɨ mbáʼ mɨ lonə tsɛʼ a mbó Yeso Kristo, a ngá nɨfáŋ abɔʼnɨ mbontə a mbó Ŋwi ə.

Ɛfɛso 1:14

Azhwi zə Fɛmnɨ məzen a tiʼ ntsi lá tso mɨntɨ ma bɨ bɛʼnɨ mɨ diʼnə ngə́ bɨgɨnə ghɨ tsí nɨ za Ŋwi a káʼnɨ́ awɨgɨnə nɨ zɛrə, ɨ kɔʼ kuʼ njwi za bɨgɨnə ghɨnɨ tsí nɨ zɛrə ghe. A bɨgɨnə bontɨ a Ŋwi ə!

1 Bita 4:11

ŋwɔn tsum wa a tsinɨ nɨ anu zə soŋnɨ, a mɨ zagɨ soŋ a zɛrə lá tso nkən wa ɨ lonɨ a mbó Ŋwi; ŋwɔn tsum wa a faʼnə, a tsi nɨ faʼə nɨ adaʼ za Ŋwi a ghanɨ wəmbo, taŋ a nye ɨnu ɨtsum, bɨ chi bontɨ a Ŋwi ɨ tsa a ndzum Yeso Kristo, zɨ wa nɨfáŋ tsinɨ wəmbo abɔʼnɨ mɨtən nɨnkoŋ lá. A be lá.

2 Korɨnto 5:21

Kristo a sé nɨ ɨbvu tse a nye zɨ chyɛ, lá mbɨ́ʼ atú azɨgɨnə Ŋwi a ghɨ́ wɛrə a kɨ ntsi nɨ ɨbvu ɨwɨgɨnə, taŋ a nchyɛ̌ a mbúm bɨgɨnə bɨ wɛrə, bɨgɨnə chi kɨ be adzaŋ za Ŋwi a chinɨnɨ lá.

2 Korɨnto 4:15

Zen atsum a tsi lá mbɨ́ʼ atú azən, taŋ á be ngə́, tsɛʼ tso mbáʼ abɔŋəntəm a Ŋwi a lamnɨnə ngěn a mbó ɨbɛn bə ghaʼnɨ lá, a mɨ ghɨ á ɨbɛn bə ghaʼnɨ ngǎ mɨya ngěn nɨ mbyi; a ngá nɨfáŋ a mbó Ŋwi ə.

1 Bita 2:5

Yenə tso ngɔʼ tsa tsɨ ghánɨ́ ntsi ntən, ɨ nyɛʼtɨ ɨtumbəm ɨtsən á bɨ lɔgɨ a tsɛrə ngvwu nɨshwim nɨ azhwi na ɨwu, mbe adiʼ za nɨ mɨ faʼnə ɨwu tso bɨntumshe bə fɛmnɨ a ngá mɨtsuʼnɨ mɨ atú mɨ azhwi ma bɨ bemnɨ a mbó Ŋwi ntsa a ndzum Yeso Kristo ghe.

Ɛfɛso 1:18

Ndǒ ngə́ á mɨntəm ɨmɨŋ ŋaʼnɨ, á nɨ ze nkaʼ ɨyi, taŋ á nɨ zhi ɨnu tsa ntsiŋə nɨ ntəm tsum ɨzən ɨ tsinɨ mbɨ́ʼ a tsɛrə mbáʼ wɛrə a tɔŋnɨ awən lá, ɨ kɨ zhi afuʼ zə wi za Ŋwi a kaʼnɨ ɨbɛn ɨbyi nɨ zɛrə ghe.

Roma 8:1

Tɨtsɔŋnɨ, ka ngvo ɨsáʼ tse ɨ be ayi ɨwu a mbó ŋwɔn wa a tsínə́ a mbúm bo Kristo Yeso ghe.

Yoane 10:17

Tarɨ a kɔŋ aghan mbɨ́ʼ ngə́ ma bem nɨvwo, taŋ ɨ bə kwarɨ ntsi ntən ɨzan wədiʼ ə.

Yoane 3:35

Tarɨ a kɔŋ a Mɔn ɨyi wu Mbáŋnɨ́, wɛrə a kɨnə nkɨ nɨŋ atsum wə mu mbó ə.

Alukasɨ 2:14

“Nɨfáŋ a mbó Ŋwi a fɔməbvurə atú a təntsánɨ́, á mbɔnɨ tiʼ ntsi atuəshe a mbó ɨbɛn ba ntəm ɨyi dórɨ́nə́ mbɨ́ʼ awa ghe!”

Matyo 17:5

A kə́ mbvúrə́ ngámə́ mbáʼ mbaʼ zɨ ŋwenɨnɨ zɨ tse ɨ shíʼnɨ́ mbɔ́m awa, nji zɨ tse fu wə mu ɨ soŋ ngə́, “Nə nɨ Mɔn ɨghə wen wa ma kɔŋnɨ, ɨnye zə kə́ mbɔ́ŋə́ wə ɨnye; nɨ zuʼ wəmbo ə!”

Filibi 3:9

ɨ tsi a mbúm tsum tsum bɨgɨ zɨ ə. Ka ma bə nkwiʼ ntsi aghan nɨ nchinə zɨ tse za a nɨ ɨzə, za o tsínə́ zɨ zɛrə ntsa a ndzum ndzuʼnɨ Nyɔngɔŋ lá. Tɨtsɔŋnɨ, ma tsi nɨ nchinə za bɨ ghanɨ ntsa a ndzum abeməntəm a nye Kristo, nchinə za ɨ lonə a mbó Ŋwi ndzɛʼtɨ ayi a nye abeməntəm lá.

Ɛfɛso 2:7

Wɛrə a ghɨ́ a məzen lá ngə́ a mu mbyi za ɨ lo bə yen lá, wɛrə a chi diʼ abɔŋəntəm azhi za a ghaʼnɨ tsɛʼ a nkan lá a nye adzaŋ za wɛrə a ghɨ́nɨ́ ɨbɔŋ a nye bɨgɨnə ntsa a ndzum Kristo Yeso ghe.

Matyo 20:9

Ba bɨ lɔ́gɨ́nɨ́ awa afaʼ tso bɨnyom bɨtə̧̂ a nkwɛfɔ lá, bɨ kɔ́ʼtɨ́, ŋwɔn nɨbo tsum a kwarɨ nkáb afaʼ táʼ njwi ɛ.