Ɛfɛso 1:5 - Mɨkan wu Fi

⁵ A mu akɔŋnɨ, wɛrə a kwɛ́nə ndɛn a mu ntəm zɨ ngə́ bɨgɨnə ghɨ bé ngótɨ́ ɨbɔ ɨbyi ntsa a ndzum Yeso Kristo, ndzɔŋə adzaŋ za wɛrə kyáŋtɨ́nɨ́ nkə́ ndǒ ngə́ á be ə.

Ɛfɛso 1:5 Referans Kwoze

Ɛfɛso 1:11

Bɨ ghɨ̌ ɨnu ɨtsum ndzɔŋə lá akyaŋtɨ a Ŋwi abɔʼnɨ ntɛgɨnɨ ɨzhi; Ŋwi a zárɨ́ awɨgɨnə ngə́ á bɨgɨnə be ɨbɛn ɨbyi mbɨ́ʼ ngə́ bɨgɨnə tsi a mbúm bɨgɨnə bɨ Yeso Kristo, nkɨ ndzɔŋ mbe mbɨ́ʼ a za wɛrə a kɨ́nə́ ndǒ, ntsa a ndzum za wɛrə a lɛ́nɨ́ a ɨshe, nchwuʼnɨ a mbiʼnɨ mbyi ɛ.

1 Yoane 3:1

A nɨ ze adzaŋ za Tarɨ a kɔŋnɨ awɨgɨnə ghe! Akɔŋnɨ azhi a ghaʼ ngɛn nkuʼ a nye ɨfɨʼ za bɨ tɔ́ŋnə́ awɨgɨnə ngə́ ɨbɔ bɨ Ŋwi — ma lan, a nkənu, bɨgɨnə nɨ bɛrə ghe. Atuəshe zen a se awɨgɨnə zhi lá mbɨ́ʼ ngə́ ka a zhi ayi a Ŋwi ə.

Yoane 1:12

Lá bə tse kwárɨ́ ayi, nkɨ nɨŋ mɨntəm ɨma a nye zɨə; ma lan, wɛrə a ghá mɨtən a mbó bo a mbé ɨbɔ bɨ Ŋwi ə.

Roma 8:23

Lá ka a be ayi tsɛʼ ɨdzúm tsa Ŋwi a káʼnɨ́ tsa tsɨ dumnə a mu ndzaŋə; bɨgɨnə ba bɨ tsinɨ nɨ Azhwi tso ntsambyi azúm zə ghanɨ zə Ŋwi, kə́ ndúmə́ nɨ ndzaŋə ɨmu ɨmu, njwiʼtɨ njwi za a ghɨ ghɨ awɨgɨnə a nye ɨbɔ ɨbyi, ɨ tiʼ kɨ ghɨ awɨgɨnə á bɨgɨnə keʼ a mu atsáŋ zə tse bə ntsi a nye mɨndóm mɨtsum ə.

Galesha 3:26

Nɨ nɨ ɨbɔ bɨ Ŋwi bɨtsum ba bɨ tsinɨ a mbúm bo bɨ Yeso Kristo ntsa lá a ndzum abeməntəm ə.

2 Korɨnto 6:18

ma mɨ be Tá ɨwən, á nɨ tiʼ nkɨ mbe ɨbɔ ɨban bə mbáŋnɨ́ bo bə bəngye.”

Nkyɛʼə 21:7

Ɨbɛn ba bɨ tsinɨ nɨ ayanguʼ məziŋ mɨ kwarɨ a məzen a mbó me: ma mɨ be Ŋwi ɨwa, á bo tiʼ kɨ mbe ɨbɔ ɨbə.

Ɛfɛso 1:9

Ŋwi a ghɨ́ a za wɛrə a kyáŋtɨ́nɨ́, nkɨ nkyɛʼ a mbó bɨgɨnə akyaŋtɨ azhi zə nkubə za wɛrə a kwɛ́nə ntsɔʼ a mu ntəm zɨ ngə́ zɨə mɨ ghɨ á ghɛn fu a ndwitə ntsa lá a ndzum Kristo ghe.

Yoane 11:52

ɨ keʼ tsɛʼ mbɨ́ʼ atú aza be, lá ɨ kɨ ghotɨ ɨbɛn bɨ Ŋwi adiʼ a mɔ́ʼɔ́ ba bɨ dzagɨnɨnɨ nɨ ɨdiʼ nɨ ɨdiʼ ə.

2 Tesalonaika 1:11

Nə nɨ anu za bɨgɨ tsaʼtɨnə a Ŋwi mbɨ́ʼ awən nkfu tsum lá. Bɨgɨ lɔ́ntə́ a mbó Ŋwi ɨwɨgɨnə ngə́ á wɛrə a ghɨ á ntsi mbyi ɨzɨŋ kɔʼ nkuʼ ndvuŋ wa a tsɔʼnɨ awən ngə́ á nɨ tsi nɨ wɛrə ghe. A Ŋwi a ghɨ, ntsa a ndzum mɨtən ɨmyi, ngə́ á ɨnu tsɨ shiʼnɨ ɨtsum tsa nɨ lɔnɨ ngɨə á tsɨ fu, ɨ kɨ ghɨ ngə́ á ɨfaʼ ɨwən a mu abeməntəm kɔʼ nduŋə.

Alukasɨ 10:21

A bé a nkfu məwa lá, Azhwi zə Fɛmnɨ a lwɨ́gɨ́ ntəm Yeso nɨ nɨdorɨ, a soŋ ngə́, “Tarɨ, Maʼmbyí wu fɔməbvurə bo wu atuəshe! Ma gha a mɨya a mbó gho mbɨ́ʼ ngə́ o diʼ a mbó bɨtɨzhi ɨnu tsa o lwɛʼnə a mbó bɨzhyɛ. Eŋə, a Tarɨ, nə nɨ adzaŋ za o kɨ́nə́ ndǒ ngə́ á ghɨ́ fuə.

1 Korɨnto 1:21

Mbɨ́ʼ ngə́ Ŋwi a tsá a ndzum zóŋ ɨyi ngɨ ngə́ á tən be tɨ́sə́n a mbó ɨbɛn a nji zɨ ɨ tsa be a ndzum zóŋ ɨwa ghe. Ŋwi a báŋnɨ́ nɨ́ŋ a mu ntəm zɨ ngə́ zɨə mɨ loŋ ɨbɛn ba bɨ nɨŋnɨ mɨntəm ɨma a ɨnye zɨ ntsa be a ndzum nkən wen wa bɨgɨ sóŋnə́, wa bə tse sě nɨ anu zə tse a ntɔ́ŋə́ lá.

Yoane 20:17

Yeso a sóŋ wəmbo ngə́, “Njimbɨʼ o mɔmtɨ aghə, mbɨ́ʼ ngə́ ma bvurɨ tɨ bə nkɔʼ ngɛn nkon a mbó Tarɨ ə. Lá ghɛn soŋ a mbó ɨbɔmbɨma ɨban ngə́ ma tiʼnə mbɨŋə ngěn a mbó zɨ wa a nɨ Ta ɨghan nkɨ mbe Ta ɨwa, Ŋwi ɨghan nkɨ mbe Ŋwi ɨwa lá.”

Matyo 11:26

Eŋə, a Ta ɨghan, nə nɨ adzaŋ za o kɨ́nə́ ndǒ ngə́ á ghɨ fúə.

Alukasɨ 11:32

A lo bé a Njwi Nɨsáʼ, á ɨbɛn bɨ Ninive lo ntɛm nkɨ nkaŋ awən, mbɨ́ʼ ngə́ bɛrə bə́ŋ mɨntəm ɨma a nye mɨbvu ɨma ntiʼ ntsi a bagɨ Ŋwi a nkfu wa bɛrə zúʼnɨ́ anu a Ŋwi a mbó Yǒna ghe; ma tiʼə soŋə a mbó bən tsɛʼ a nkənu ngə́ ŋwɔn tse a tsi ɨghan ntsa a Yǒna ghe!”

Filibi 2:13

Mbɨ́ʼ ngə́ Ŋwi a faʼə nkfu tsum a nye bən a ngɨə ngə́ á nɨ ndǒ nkɨ chi zuʼnɨ ayi, ɨ kə́ zɔŋnə mɨndóm ɨmyi mə shiʼnɨ ə.

1 Korɨnto 1:1

Aŋwaʼnɨ zen a lo a mbó me, Baolo wa a benɨ ntom Yeso zɨ Kristo Yeso za Ŋwi a tsɔ́ʼnɨ́ ndzɔŋə adzaŋ za Ŋwi a kɨ́nə́ ndǒ, nkɨ ndo a mbó mɨma ɨwɨgɨnə Sɔstɛnisɨ,

Matyo 1:25

Lá bo ngwe ɨyi sé adiʼ chintɨ ɨ kɔʼ kuʼ njwi za Mɛrɨ a jwínɨ́ a mɔn mbáŋnɨ́ ɨyi wa. Yosɛb a tíʼ nchwi ayi ngə́ Yeso ghe.

Alukasɨ 12:32

“Nɨ lá tsɛʼ ɨbɛn a nɨ́sháŋnɨ́ ə, nɨ keʼ bɔgə, mbɨ́ʼ ngə́ nɨdorɨ tsi a ntəm Ta ɨwən a ngá nɨfɔ ɨni a mbó bɨŋ ə.

Ɨfaʼ 13:48

Mbáʼ ba a se bə Yuda be zúʼnɨ́ a məzen lá, ɨnye ɨtsa shá, ntiʼ nkɨ soŋ ngə́ nkən Maʼmbyí bɔŋ be tɨsɨŋə. Ɨbɛn ba bɨ kwɛ́nə ntsɔ́ʼ awa ngə́ á bɨ ghɨ́ ntsí nɨ ntsi ntən nɨnkoŋ za tíʼ mbəŋ mbe ɨbɛn ba bɨ nɨ́ŋnɨ́ mɨntəm ɨma a nye Kristo ghe.

Kolose 1:19

Mbɨ́ʼ ngə́ a bé lá a ntsǎ a ndzum ntsɔʼ a mu ntəm Ŋwi zɨmboŋ mbáʼ Mɔn ɨyi a benɨ tso Ŋwi a nye mɨndóm mɨtsum ə

Ɛbal 2:4

Ŋwi a kɨ́ ndiʼ ngə́ nkən məwen ɨ bé nkənu a nye adzaŋ za wɛrə a díʼnɨ́ ɨlɨgɨ abɔʼnɨ ɨnu tsɨ tsanɨnɨ nɨ ɨnu tsɨ yerɨnɨ-yerɨnɨ tsə ghaʼnɨ ə. Wɛrə a kɨ́ mbe atɛmə-ndzě a ntsǎ a ndzum ɨdzúm tsə ghanɨ tsə Azhwi zə Fɛmnɨ tsa wɛrə a ghánɨ́ a mbó bo a nkɔŋ zɨə.