Ɛfɛso 1:4 - Mɨkan wu Fi

⁴ ndɔgɨnɨ mbáʼ a tsɔ́ʼnɨ́ awɨgɨnə ntsa a ndzum wɛrə mbɔŋə mbyi biʼnɨ, ngə́ á bɨgɨnə fɛm nkɨ ntsi tɨ ɨfərɨ a ɨshi zɨə.

Ɛfɛso 1:4 Referans Kwoze

2 Timotyo 1:9

Wɛrə a lóŋ awɨgɨnə nkɨ ntsɔʼ awɨgɨnə ngə́ á bɨgɨnə be ɨbɛn ɨbyi, nkeʼ be be mbɨ́ʼ anu za bɨgɨnə ghɨnə, lá mbe be mbɨ́ʼ adzaŋ za wɛrə a lɔnə abɔʼnɨ abɔŋəntəm azhi ɛ. Wɛrə a ghá abɔŋəntəm məzen a mbó bɨgɨnə ntsa a ndzum Kristo Yeso bɔŋ á mbyi mbíʼnə́,

Ɛfɛso 2:10

Mbɨ́ʼ ngə́ bɨgɨnə nɨ abó afaʼ azhi mbáʼ wɛrə a káʼnɨ́ ntsa a ndzum Kristo Yeso ngə́ á bɨgɨnə ngɨə tsɛʼ ɨnu tsɨ shiʼnɨ tsa Ŋwi a kwɛ́nə nkyaŋtɨ ngə́ á bɨgɨnə ngɨə tsɛʼ a tsɛrə lá.

Matyo 25:34

Adiʼ məwa, Ɨfɔ a mɨ tiʼ soŋ a mbó ba a bagɨ abó zɨ zə maʼə ngə́, ‹Yenə, bən wa Ta ɨghan a fɔgɨnɨ awɨŋ ə! Nɨ yen ndzɨ nɨfɔ na bɨ kyáŋtɨ́nɨ́ a mbó bən ɨ lɔgɨnɨ mbáʼ bɨ káʼnɨ́ atuəshe ə.

Jemsɨ 2:5

O ɨbɔmbɨma ɨban, zuʼnə! Ŋwi a tsɔ́ʼ ngaŋ afúm tsɨ atuəshe zen ngə́ á bo be ngaŋ afuʼ zə wi a mu abeməntəm aza, ɨ kɨ tsi nɨ nɨfɔ na wɛrə a káʼnɨ́ a mbó ɨbɛn ba bɨ kɔŋnɨ ayi ɛ.

1 Bita 2:9

Lá nɨ nɨ ngwəgɨ ŋwɔn mɨsɔŋ za bɨ tsɔ́ʼnɨ́, bɨntumshe bə ɨfɔ, alaʼ zə fɛmnɨ, ɨbɛn bɨ Ŋwi ba bɨ tsɔʼnɨ a nchwítɨ́ nkən mbɨ́ʼ ngɨnɨ mɨnu mə shiʼnɨ be tɨ́sə́n mə Ŋwi, zɨ wa a lɔ́gɨ́nɨ́ awən a mu ndzumnɨ ɨ fu ngyen nɨ bən a mu nkaʼ ɨyi wa ɨ nɨ wu shiʼnɨ be tɨ́sə́n lá.

Nkyɛʼə 13:8

Ɨbɛn bɨtsum atuəshe mɨ ghuʼsɨ ayi, lá ɨbɛn ba bɨ ŋwáʼnɨ́nɨ́ mɨkum ɨma bɔŋ ɨ káʼ atuəshe a mu aŋwaʼnɨ a ba bɨ tsinɨ atú ntən, aŋwaʼnɨ a Mɔn Mbyindzɨ wa bɨ zhwítɨ́nɨ́ lá, məbiŋ mɨ keʼ ayi ghuʼsə.

Yoane 15:16

Nɨ sé aghan zarɨ; ma zárɨ́ awən nkɨ ntsɔ́ʼ awən ngə́ á nɨ ghɛn nkónɨ́ mɨntam mə ghaʼnɨ, ɨbə́ŋ mɨntam ma mɨ ghɔ́ŋnə́ nɨnkoŋ ə. Ma lan, Tarɨ a mɨ gha azúm atsum za nɨ bitɨnɨ wəmbo nɨ ɨkum ɨghə.

1 Bita 1:2

Bɨ tsɔ́ʼ awən ndzɔ̌ŋ adzaŋ za Ŋwi, zɨ wa nɨ Tarɨ, a kɨ́nə́ ndǒ, nkɨ ngɨ awən a nye ɨbɛn bə fɛmnɨ ntsa a ndzum Azhwi azhi, ngə́ á nɨ ndzúʼnə́ a Yeso Kristo, á alɛm azhi za bɨ chwírɨ́nɨ́ atɨ abaŋnɨ-baŋnɨ a tiʼ sugɨ awɨŋ ə. A abɔŋəntəm abɔʼnɨ mbɔnɨ tsi a mbó bən a nɨ́lónɨ́ ə.

1 Bita 1:20

Bɨ tsɔ́ʼ a wɛrə bɔŋ á Ŋwi a kaʼ atuəshe, nkɨ nkyɛʼ ayi a nye njwi ntsɨrɨndzum tsen lá mbɨ́ʼ atú azɨŋ ə.

Kolose 3:12

Nɨ nɨ ɨbɛn bɨ Ŋwi ə; wɛrə a kɔ́ŋ awən, ntsɔʼ awən a nye ɨbɛn ɨbyi ɛ. Ma lan, nɨ tsi nɨ ɨ zagɨ ɨ diʼnə a mɨlɨŋnɨ, ngɨ ɨbɔŋ, ɨ shiʼtə nɨ ɨnye a ɨshe, ngɨ ɨnu nɨ mbɔnɨ abɔʼnɨ nchigə ghe.

Kolose 1:22

Lá tɨtsɔŋnɨ, a ntsǎ a ndzum nɨvwo nɨ Mɔn ɨyi, Ŋwi a ghɨnə awən a nye bɨson ɨbyi, taŋ ɨ tiʼ yen nɨ bən a ɨshi zɨ á nɨ fɛm, nkeʼ nɨ alɔʼ zə tsɛrə tsi nkɨ ntsi tɨ ɨfərɨ wu tsɛrə,

Ɛfɛso 5:27

taŋ ɨ tsɔʼ ndáŋwi tɛgɨ a mbó atuəmbəm azhi a mu nɨbɔŋ ɨni nɨtsum ə. A ndáŋwi məzen ɨ fɛm nkɨ ntsi tɨ ɨfərɨ tse, tɨ adiʼ zə tse za a nyaʼnɨnɨ kə ɨŋabɨrɨ kə nkeʼ kɨ nkɔʼ ntɛm ngə́ tsáŋ ə.

Nkyɛʼə 17:8

Ɨnyam mɨbaʼ za kwɛ́ ntsi ntɨŋə, lá ka ɨ bvurɨ ntsi ayi atú ntɨŋə; ɨ tsi a ndóm a fuə a mu abɨ́ a kfúrɨ́mándzó, ɨ kɔʼ ghɛn á bɨ tsənkɨ ayi ɛ. Ɨbɛn ba bɨ tsínə́ atuəshe mbáʼ bɨ bvúrɨ́nɨ́ tɨ ŋwaʼnɨ mɨkum ɨma bɔŋ á bɨ káʼ mbyi, a mu aŋwaʼnɨ a ɨbɛn ba bɨ ghɨnɨ tsi ntən, a mɨ kɨʼnɨ awa bɨtsum adzaŋ za bo lenə ɨnyam mɨbaʼ za. Ɨ kwɛ́ ntsi ntən nkfu tsɛrə; tɨtsɔŋnɨ ka ɨ bə mbvurɨ ayi, lá ɨ ghɨ bə fu a ɨshe ə.

Ɨfaʼ 13:48

Mbáʼ ba a se bə Yuda be zúʼnɨ́ a məzen lá, ɨnye ɨtsa shá, ntiʼ nkɨ soŋ ngə́ nkən Maʼmbyí bɔŋ be tɨsɨŋə. Ɨbɛn ba bɨ kwɛ́nə ntsɔ́ʼ awa ngə́ á bɨ ghɨ́ ntsí nɨ ntsi ntən nɨnkoŋ za tíʼ mbəŋ mbe ɨbɛn ba bɨ nɨ́ŋnɨ́ mɨntəm ɨma a nye Kristo ghe.

Yoane 17:24

Tarɨ! O ghanə awa a mbó me, ma kə ntiʼə ndǒ ngə́ á bo tsi adiʼ atsum za ma tsinɨ ɨwu, taŋ á bo chi ze nɨfáŋ ɨnan, nɨfáŋ na o ghánɨ́; mbɨ́ʼ ngə́ o kɔ́ŋ aghan bɔŋ ɨ káʼ atuəshe.

1 Tesalonaika 4:7

Ŋwi a sé tsɔ́ʼ awɨgɨnə lá ngə́ á bɨgɨnə nchyɛ̌ a mu ɨnu ntɔrɨ ɨlɛbɨ, lá nchyɛ̌ be a mu nɨfɛm ə.

Filibi 2:15

taŋ á nɨ chi be bɨmbuʼ ɨ keʼ nɨ ɨfərɨ wu tse tsi tso ɨbɔ bɨ Ŋwi ba bɨ kɔʼnɨ ntɛm ngə́ tsáŋ, ba bɨ tsínə́ a mu mbyi za ɨ lonɨ nɨ nkobɨ abɔʼnɨ ngaŋ ngɨ mɨbvu ə. Nɨ tsi nɨ ɨ zagɨ ɨ tánə tso mɨndzɔŋ ma mɨ tánə́ a nɨkaŋ,

2 Timotyo 2:19

Lá atsé ndá za Ŋwi a tumnɨ bɨ chi keʼ a zɛrə chiʼtɨ; bɨ kɨ ŋwaʼnɨ mɨgham men wu atú ngə́: “Maʼmbyí a zhi ɨbɛn ba bɨ nɨ ɨbyi” abɔʼnɨ “Ɨbɛn bɨtsum ba bɨ soŋnɨ ngə́ bo tsi a mbó Maʼmbyí mɨ zagɨ bəŋ mɨntəm ɨma a nye ɨbvu ə.”

Ɨfaʼ 18:10

mbɨ́ʼ ngə́ ma tsi bɔgə ghe. Ŋwɔn tse a chi keʼ anu a ɨnye gho ghɨ, mbɨ́ʼ ngə́ bə ghaʼnɨ a mu ntáʼmbagə wu wi wen a nɨ ɨbɛn ɨbə.”

2 Timotyo 2:10

Ma lan, ma chigɨ ntəm a nye ɨnu ɨtsum mbɨ́ʼ atú a ɨbɛn bɨ Ŋwi ba wɛrə a tsɔʼnɨ, taŋ á bo chi kɨ tsi nɨ ɨloŋ wa ɨ yenə ntsǎ a ndzum Kristo Yeso, wa ɨ kɨ́nə́ nkə́ ngyíŋə́ nɨ nɨfáŋ nə nɨnkoŋ lá.

Ɛfɛso 4:2

A nɨ shíʼtə́ nɨ ɨtumbəm ɨtsən a tɨshe nkfu tsum, mbɔnɨ nkɨ ntsi nɨ nchigə ghe. A nɨ ndiʼə akɔŋnɨ azən a nye adzaŋ za nɨ chigɨnɨ ntəm bən nɨ bɨŋ ə.

1 Korɨnto 1:8

Ŋwi a mɨ kɨ ghɨ á nɨ tɛm ntɨŋə ɨ ghɛn kuʼ a ndwɨgɨnə, taŋ á nɨ ghɨ́ nkeʼ nɨ ɨfənu tse tsi a Njwi wa Maʼmbyí Yeso Kristo a lo bə yen lá.

Matyo 24:31

Ntaŋ ghɨ tɔ́ŋ nɨ nji zɨ ngwi, á wɛrə tiʼ ntsagɨ bɨtsen bɨ ndá bɨ Ŋwi ɨbyi a nye bɨbagɨ bɨ mbyi ben bi nɨkwa, á bo ghotɨ ɨbɛn ɨbyi ba wɛrə a tsɔʼnə ɨ lɔgɨnɨ a nye táʼ bagɨ atuəshe ɨ ghɛn kuʼ a nye wu mɔʼɔ ghe.”

Ɛfɛso 5:2

Akɔŋnɨ a tsi nɨ ntsɨŋnɨ ntsi mbyi ɨzən, tso mbáʼ Kristo a kɔ́ŋnɨ́ awɨgɨnə, nga ntsi mbyi ɨzhi tso mɨtsuʼnɨ mɨ atú a nkfu bɨgɨnə tso akáŋ a Ŋwi za nyúʼtɨ́nɨ́ ɨ shiʼnɨ, ngɨə ɨnye Ŋwi bɔŋənə lá.

Yoane 10:16

Ma kɨ ntsi nɨ mbyindzɨ tsɨ mɔʼɔ tsa mbáʼ ka tsɨ tsi awa a mu ndá mbyi ziŋ ə. Ma tsi nɨ ɨ kɨ zagɨ yen nɨ tsɛrə; tsɨ mɨ zuʼ nji ntsu ɨzan, tsɨ mɨ tiʼ be táʼ akarɨ ntsi nɨ táʼ ntsiŋ mɨnyam ə.

1 Tesalonaika 3:12

A Maʼmbyí a ghɨ á akɔŋnɨ azən a nye ŋwɔn nɨ ŋwɔn, nkɨ mbe a mbó ŋwɔn tsum a nkwǐ ɨ kwinɨ ntiʼ ngháʼ tso akɔŋnɨ azɨgɨ a nye bɨŋ ə.

Ɛfɛso 3:17

Ma kə́ ntsáʼtə́ a Ŋwi ngə́ á Kristo a vwu njwuʼ ɨzhi a mu mɨntəm ɨmən ntsa a ndzum abeməntəm ə. Ma tsaʼtə a Ŋwi ngə́ á nɨ twəŋ mɨngaŋ ɨmən á mɨ shwi, ntən a mu akɔŋnɨ,

Galesha 5:13

A mbó bən nə ɨbɔmbɨma ɨban, Ŋwi tsɔ́ʼ awən lá ngə́ á nɨ tiʼ mbe ɨbɛn nkeʼ ɨbuʼ bə mbe ə. Lá á nɨ keʼ nyɛʼtɨ á nchyɛ nɨ atú azən məziŋ be anu za a mɨ ghɨ á ɨnu tsa mbəmnye lɔnə tiʼə ntsɨŋnə awɨŋ ə. A nɨ baŋnɨ nyɛʼtɨ á akɔŋnɨ a be azúm za a mɨ ghɨ á nɨ faʼə a mbó ŋwɔn nɨ ŋwɔn ə.

Roma 8:33

Ɨwa mɨ kaŋ ɨbɛn bɨ Ŋwi ba wɛrə a tsɔʼnɨ le? Ŋwi zɨmboŋ a soŋ ngə́ ka bo vwo a wa ɨsáʼ wu tsɛrə ghe!

Matyo 24:24

Mbɨ́ʼ ngə́ bɨ Wa Bɨ Zɔ́ʼnɨ́ bɨ ɨchwenu abɔʼnɨ ntóm Ŋwi ɨchwenu ghɨ fú a ɨshe, ɨ ghɨnɨ ɨnu tsɨ yerɨnɨ-yerɨnɨ abɔʼnɨ ɨnu tsɨ tsanɨnɨ taŋ ɨ tintɨ ɨnɔ ɨbɛn ɨ tsagɨ a mɨ́tfúŋ, mbáʼ be a chi fu, ɨ kɨ tsagɨ ɨbɛn ba Ŋwi a tsɔʼnɨ awa ghe.

Matyo 24:22

Lá Ŋwi a kwɛnə shwɛʼtɨ ndvuŋ njwi mətsa ə. Wɛrə a tú mə lá fom ghɨ muŋ bɨ ghɨ keʼ a ŋwɔn mɨsɔŋ a ntsu tse loŋə. Lá, mbɨ́ʼ atú a ɨbɛn ɨbyi ba wɛrə a tsɔʼnə, Ŋwi a mɨ shwɛʼtɨ njwi mətsa.

1 Yoane 4:16

Ma lan, bɨgɨnə zhi nkɨ nɨŋ mɨntəm ɨmɨgɨnə a nye akɔŋnɨ za Ŋwi a tsinɨ nɨ zɛrə a nye bɨgɨnə ghe. Ŋwi a nɨ akɔŋnɨ ə, ɨbɛn ba bɨ tsínə́ a mu akɔŋnɨ, bo chyɛ̌ a mbúm bo bɨ Ŋwi, Ŋwi a kə nchyɛ̌ a mbúm bo bo ghe.

2 Bita 3:14

Ma lan, nə bɨson ɨban, mbáʼ nɨ tsenɨ Njwi za lá, á nɨ ghɨ atsum a ndə́, ɨ kɨ tsi tɨ ɨfərɨ a ɨshi ɨmɨgɨ Ŋwi, ɨ kɨ tsi a mu mbɔnɨ bɨŋ bɨ wɛrə ghe.

Kolose 2:2

Ma ghɨə a məzen lá taŋ á bo kotɨ mbáŋnɨ́ ɨtsa, ntiʼ nchi kɨ ghótɨ́nə a mbúm a mu akɔŋnɨ ə. Ma lan, bo mɨ tiʼ tsi nɨ ngótɨ́ ndzuʼ kɨ zhi, adzaŋ məwen á nɨbɔgɨ nə tse keʼ ɨwu bə mbe. A nye ndóm məwen, bo mɨ zhi a za Ŋwi a lɛnɨ a nkubə, mbáʼ a lá Kristo zɨmboŋ ə.

Galesha 5:22

Lá Azhwi a Ŋwi a jwiə akɔŋnɨ, nɨdorɨ, mbɔnɨ, nchigə, nchyɛ nɨ ntəm ngɨ ɨbɔŋ, ɨbɔŋ, ɨfaʼə nɨ táʼ ntəm,

Galesha 5:6

Mbɨ́ʼ ngə́, mbáʼ bɨgɨ tsinɨ a mbúm bɨgɨ bɨ Kristo Yeso lá, ka líʼ a tsi ayi ɨwu mbáʼ be o tsəŋ alagɨ azo kə o koʼ tsəŋə; anu za a tsinɨ nɨ ɨlɨŋ a nɨ ngə́ á nɨ ndǐʼ abeməntəm azən ntsa a ndzum nkɔŋ ŋwɔn nɨ ŋwɔn ə.

Ɨfaʼ 15:18

Nə nɨ anu za me Maʼmbyí a soŋnɨ, me wa ma ghɨ́nɨ́ bɨ zhi a məzen nchwuʼnɨ a ngúʼə ngúʼə lá.›”