Ɛfɛso 1:23 - Mɨkan wu Fi

²³ Ndáŋwi lá mbəmnye wɛrə, za bɨ lwɨgɨnɨ nɨ Kristo, zɨ wa a lwɨ́gɨ́nɨ́ ɨnu ɨtsum adiʼ atsum lá.

Ɛfɛso 1:23 Referans Kwoze

Yoane 1:16

Mbɨ́ʼ abɔŋəntəm azhi za a tsinɨ a nɨ́lónɨ́, wɛrə a fɔgɨnə awɨgɨnə bɨtsum, ɨfɔgɨ ghěnə zɨ mɔʼɔ zɔŋənə ghe.

Ɛfɛso 4:12

Wɛrə a ghɨ́ a məzen lá taŋ ɨ kyaŋtɨ ɨbɛn bɨ Ŋwi a faʼ ɨfaʼ Kristo, taŋ ɨ kyaŋtɨ mbəmnye Kristo za ɨ kɔʼ ntɛm ə.

Ɛfɛso 3:19

Nɨ chi ghɨ zhi akɔŋnɨ azhi ɨ tiʼ kɨ be tso Ŋwi a nye mɨndóm mɨtsum — le buŋ bɨ chi láʼ keʼ zhi a zɛrə ɨ ghɛn mɛtə.

Ɛfɛso 4:10

Lá be ngə́ ŋwɔn wa a shíʼnɨ́ ngyén atuəshe a nɨ ndəŋndəŋ ŋwɔn wa a kɔ́ʼnɨ́ ngɛ́n atɨ́ ntsa fəŋ fɔməbvurə, ntiʼ ntsi ɨdiʼ ɨtsum a mu mbyi-mbyi tsum ə.

1 Korɨnto 15:28

Lá, a nkfu za bɨ zumtɨnɨ ɨdzúm ɨtsum ntsagɨ a shwúrɨ́ mɨtən mɨ Kristo, a nkfu məwa, Mɔn wen zɨmboŋ a mɨ tiʼ lɛn atuəmbəm azhi a shwúrɨ́ Ŋwi, zɨ wa a zúmtɨ́nɨ́ ɨdzúm ɨtsum a shwúrɨ́ Kristo, á Ŋwi a tiʼ ntsi atú ɨdzúm ɨtsum, ɨ sáʼə a tsɛrə ghe.

Kolose 1:24

Tɨtsɔŋnɨ ma dórə́ mbɨ́ʼ ngɨ́ʼ za ma zɛ́nə́ mbɨ́ʼ awən, mbɨ́ʼ ngə́ a ntsǎ a ndzum ngɨ́ʼ məzen za ma zɛ́nə́ a mbəmnye me, ma zě ngɨ́ʼ tsum adzaŋ za Kristo a lɔnə ngə́ á ma zɛn mbɨ́ʼ atú azhi, mbe lá ndáŋwi ə.

Kolose 3:15

Mbɔnɨ za Kristo a ghánə́ ɨ tsi lá a ntsɨŋnɨ bən a nye ɨnu tsa nɨ tsɔ́ʼnə́ a mu mɨntəm ɨmən; mbɨ́ʼ ngə́ Ŋwi a chintɨ awən lá mbɨ́ʼ mbɔnɨ məzen a mu táʼ mbəmnye wa. A nɨ tsi nɨ mɨntəm mɨ nga mɨya ghe.

Kolose 3:11

Adzaŋ məwen, ka líʼ a be ayi ɨwu a tɨtərɨ ba a se bə Yuda be abɔʼnɨ bə Yuda, a tɨtərɨ ba bɨ tsəŋnɨ ɨlagɨ ɨtsa abɔʼnɨ ba bɨ se ɨlagɨ ɨtsa tsəŋ, bɨngyen-yenɨ, ɨbɛn ba bɨ finɨ ɨnyam mɨbaʼ, ɨbuʼ abɔʼnɨ ɨbɛn ba ka bo be awa ɨbuʼ, lá ka wu tse ŋwɔn a tsi ayi ɨwu wa a dɨtɨnɨ ntsatɨ a Kristo, Kristo a tsi a mu ɨnye ŋwɔn tsum ə.

Ɛfɛso 2:16

Nɨvwo nɨ Kristo atɨ abaŋnɨ-baŋnɨ lwítɨ́ a kɨban a tɨtərɨ bo ghe. A ntsǎ a ndzum abaŋnɨ-baŋnɨ məzen, wɛrə a chíntɨ́ awa bo tiʼ táʼ nkɨ ndɔgɨ awa mbən nɨ bo a mbó Ŋwi ə.

1 Korɨnto 12:6

Mɨndómɨnji tsi ɨwu tsɛʼ mə ghaʼnɨ a faʼ afaʼ, lá a nɨ tsɛʼ táʼ Ŋwi wa a ghɨnə ŋwɔn a chi faʼ mbúŋ afaʼ wa a nɨ ɨyi ɛ.

Roma 13:5

Ka o tsi agho nɨ ndzuʼnɨ ɨbɛn ba bɨ sáʼnə́ lá tsɛʼ mbɨ́ʼ ngə́ bo mɨ nɨŋ ngɨ́ʼ za Ŋwi a lɔnə atú gho ghe, o tsi nɨ ngɨə ma lan lá mbɨ́ʼ ngə́ o mɔmtɨ ntəm ɨgho nji ngə́ a kuʼnɨ a ngɨə mə lá.

Ɛfɛso 4:4

A tsi táʼ mbəmnye, a kɨ ntsi táʼ Azhwi, tsɛʼ adzaŋ za a tsinɨ táʼ ntsiŋə nɨ ntəm tsum za Ŋwi a tsɔ́ʼnɨ́ awən mbɨ́ʼ a zɛrə lá.

Ɛfɛso 3:10

taŋ a nkfu tɨtsɔŋnɨ, ntsa a ndzum ndáŋwi, bɨtsen bɨ ndá bɨ Ŋwi ba bɨ sáʼnə́ abɔʼnɨ ɨzhwi tsɨ tən tsa tsɨ sáʼnə́ a fɔməbvurə chi zhi mɨndóm mɨtsum ma zóŋ Ŋwi a tsinɨ nɨ mɛrə ghe.

Ɛfɛso 4:13

Ma lan, bɨgɨnə bɨtsum ghɨ tíʼ yen bomnkɨ ɨ tsi a mbúm, ɨ be táʼ azúm a nye abeməntəm abɔʼnɨ adzaŋ za bɨgɨnə zhinɨ a Mɔn Ŋwi ə; bɨgɨnə ghɨ tíʼ be nchíkɨ́ ɨbɛn tso Kristo, ɨ kɨ be tso zɨ a nye mɨndóm mɨtsum,

Kolose 2:19

Bo kyɛntɨnə a ndzúʼnɨ́ Kristo, zɨ wa a nɨ atú a mbəmnye za. Atú a tsɨŋnɨ mbəmnye tsum, ndzɨgə a zɛrə nkə́ mbósə́ a zɛrə táʼ adiʼ a nye mɨkyebɨnɨ mɨ ɨnye, ɨ tiʼə nkə́ nkwiə adzaŋ za Ŋwi a lɔnə ngə́ á ɨ nkwiə ghe.