Ɛfɛso 1:22 - Mɨkan wu Fi

²² Ŋwi a kɨ ndzumtɨ ɨdzúm ɨtsum ntsagɨ a shwúrɨ́ mɨku Kristo, ngɨ ayi a nye atú ɨdzúm ɨtsum a mu ndáŋwi ə.

Ɛfɛso 1:22 Referans Kwoze

Kolose 1:18

Wɛrə nɨ atú a mbəmnye ɨzhi, mbe lá ndáŋwi; ntsi ntɨŋ mbəmnye za lǒ lá a mbó wɛrə ghe. Wɛrə nɨ ntsambyi Mɔn, wa Ŋwi a zhwémnɨ́nɨ́ a mbó nɨvwo, taŋ á be tsɛʼ zɨzɨ wa a chinɨ tsi nɨ ntsambyi adiʼ a nye ɨnu ɨtsum ə.

Kolose 2:10

Bɨ kɨnə nkɨ nga ntsi ntən a nɨ́lónɨ́ a mbó bən a mbúm bɨŋ bo ghe. Wɛrə a tsi atú ɨzhwi ɨtsum abɔʼnɨ mɨtən mɨtsum ə.

Ɛbal 2:8

nkɨ ngɨ ayi a saʼnɨ ɨdzúm ɨtsum ə.” Aŋwaʼnɨ a Ŋwi a soŋ ngə́ Ŋwi a ghɨ́ ayi a nye “Ɨsáʼə ɨdzúm ɨtsum ə”; məzen ka a tɔʼ ayi azúm zə tsɛrə ghe. Lá tɨtsɔŋnɨ ka bɨgɨnə ndzě awɨgɨnə ayi á sáʼə ɨdzúm ɨtsum ə.

Kolose 2:19

Bo kyɛntɨnə a ndzúʼnɨ́ Kristo, zɨ wa a nɨ atú a mbəmnye za. Atú a tsɨŋnɨ mbəmnye tsum, ndzɨgə a zɛrə nkə́ mbósə́ a zɛrə táʼ adiʼ a nye mɨkyebɨnɨ mɨ ɨnye, ɨ tiʼə nkə́ nkwiə adzaŋ za Ŋwi a lɔnə ngə́ á ɨ nkwiə ghe.

Ɛfɛso 5:23

Mbɨ́ʼ ngə́ ndóm a tsi nɨ mɨtən atú ngwe ɨyi tso mbáʼ Kristo a tsinɨ nɨ mɨtən atú ndáŋwi lá; Kristo zɨmboŋ nɨ ndoŋ ndáŋwi za nɨ mbəmnye ɨzhi lá.

1 Korɨnto 11:3

Lá ma lǒ ngə́ á nɨ zuʼ nkɨ nji ngə́ Kristo a nɨ atú a mbó ŋwɔn mbáŋnɨ́ tsum, ŋwɔn mbáŋnɨ́ tsum a be atú a mbó ngwe ɨyi, Ŋwi a be atú a mbó Kristo ghe.

Ɨfaʼ 20:28

Ma lan, á nɨ lə atú nɨ ɨtumbəm ɨtsən nkɨ ndə atú a nye ɨbɛn ba bɨ nɨŋnɨ mɨntəm ɨma a nye Kristo ba Azhwi zə Fɛmnɨ a ghanɨ ngə́ á nɨ ndə̌tú nɨ bɛrə lá. A nɨ be bɨntsiŋ mɨnyam a nye ndáŋwi za a nɨ zɨ Ŋwi, za wɛrə a ghɨ́nɨ́ a nye ɨzhi ntsa a ndzum alɛm a Mɔn ɨyi lá.

Ɛfɛso 3:21

á nɨfáŋ tsi wəmbo, ndo a mbó ndáŋwi, nkɨ ndo a mbó Kristo Yeso, nkfu tsum, nɨnkoŋ nɨnkoŋ ə. A be lá.

1 Timotyo 3:15

Lá be bɨ chwuŋsɨ aghan, muŋ aŋwaʼnɨ zen a mɨ ghɨ o zhi adzaŋ za bɨgɨnə tsinɨ nɨ ngɨ ɨnu a mu ndáŋwi, mbáʼ ɨ lá ndáŋwi zɨ Ŋwi, zɨ wa a tsinɨ ntən, mbe ntɛʼ abɔʼnɨ atwɛmtɨ a nkənu lá.

Matyo 16:18

Ma lan, ma soŋ a mbó gho ghe, gho Bita, o nɨ aláŋsə́ ngɔʼ, atú aláŋsə́ ngɔʼ məzen ma mɨ korɨ ndaŋwi ɨzan, á mɨtən mɨ nɨvwo keʼ nɨ mɨtən mə tsɛrə atú zɛrə chyɛ.

Kolose 1:8

Wɛrə a soŋnə a mbó bɨgɨ adzaŋ za Azhwi zə Fɛmnɨ a ghɨnə ngə́ á nɨ nkɔŋnə awən bən nɨ bɨŋ ə.