Ɛfɛso 1:21 - Mɨkan wu Fi

²¹ Kristo a tsi ɨwu, ɨ sáʼə ɨzhwi tsɨ tən ɨtsum tsa tsɨ sáʼnɨ́ fɔməbvurə ghe. Ɨkum ɨyi tsi atú mɨkum mɨtsum ma bɨ chwinɨ atuəshe wen abɔʼnɨ mbyi za ɨ lo bə yen lá.

Ɛfɛso 1:21 Referans Kwoze

Kolose 2:10

Bɨ kɨnə nkɨ nga ntsi ntən a nɨ́lónɨ́ a mbó bən a mbúm bɨŋ bo ghe. Wɛrə a tsi atú ɨzhwi ɨtsum abɔʼnɨ mɨtən mɨtsum ə.

1 Bita 3:22

zɨ wa a kɔʼnə ngɛn a fɔməbvurə, ntiʼ ntsi a bagɨ abó Ŋwi zə maʼə, ɨ sáʼə bɨtsen bɨ ndá bɨ Ŋwi bɨtsum abɔʼnɨ bɨsáʼ bɨ ɨlaʼ bə fɔməbvurə nɨ ɨdzɔŋ ɨlaʼ tsə fɔməbvurə lá.

Ɛbal 1:4

Mɔn Ŋwi a tsi atú bɨtsen bɨ ndá bɨ Ŋwi tso mbáʼ ɨkum wa Ŋwi a ghánɨ́ wəmbo ɨ tsanɨ wu bɨtsen bɨ ndá ɨbyi lá.

Ɨfaʼ 4:12

Bɨ chi loŋ a ŋwɔn ɨ tsa lá tsɛʼ a ndzum zɨ, nkeʼ ŋwɔn adaŋ be; a mu mbyi ziŋ tsum, ka ŋwɔn adaŋ a tsi ayi ɨwu wa Ŋwi a ghanə mbáʼ a chinɨ loŋ awɨgɨnə ghe.”

Kolose 2:15

Atɨ abaŋnɨ-baŋnɨ wa, Kristo a kyɛ́tɨ́ mɨnkɨ mɨ abuʼ a nye zɨmboŋ nkɨ nkwarɨ adaʼ ɨzhwi tɨbɔŋ tsa tsɨ sáʼnə́ a nɨkaŋ; ngaʼ awa ghe.

Ɛfɛso 3:10

taŋ a nkfu tɨtsɔŋnɨ, ntsa a ndzum ndáŋwi, bɨtsen bɨ ndá bɨ Ŋwi ba bɨ sáʼnə́ abɔʼnɨ ɨzhwi tsɨ tən tsa tsɨ sáʼnə́ a fɔməbvurə chi zhi mɨndóm mɨtsum ma zóŋ Ŋwi a tsinɨ nɨ mɛrə ghe.

Ɛfɛso 6:12

Mbɨ́ʼ ngə́ ka bɨgɨnə ntǒ awɨgɨnə lá ɨbɛn bɨ mɨsɔŋ a ntsu, bɨgɨnə tǒ be ɨzhwi tsɨ tən tsa tsɨ sáʼnə́ a fɔməbvurə mbe tsə abɨgəntəm lá.

Ɛbal 4:14

Tso mbáʼ bɨgɨnə tsinɨ nɨ ntumshe wu ngwi, Yeso, Mɔn Ŋwi, zɨ wa a ghɛnə adiʼ wa Ŋwi a tsinɨ ɨwu lá, á bɨgɨnə chwa anu za bɨgɨnə nɨŋnɨ mɨntəm ɨmɨgɨnə ɨwu lá, ɨ shiʼnɨ ə.

Matyo 12:32

Ŋwɔn tsum wa a soŋnɨ anu zə tse nkwənkɨ a Mɔn Ŋwɔn nɨ zɛrə, Ŋwi a chi lɨgɨnɨ ɨbvu ɨyi ɛ; lá ŋwɔn tsum wa a soŋnɨ anu zə tse nkwənkɨ Azhwi zə Fɛmnɨ, wɛrə a láʼ keʼ ɨbvu ɨyi lɨgɨnɨ tɨtsɔŋnɨ, ɨ láʼ keʼ kɨ mbe.”

Ɛbal 2:5

Ka Ŋwi a lɛn ayi bɨtsen bɨ ndá bɨ Ŋwi ngə́ á bɨ sáʼə mbyi zɨ fi za ɨ ghɨnɨ yen lá — mbyi za bɨgɨnə ghamnə mbɨ́ʼ a zɛrə lá.

Ɛfɛso 2:2

ma nɨ tsínɨ́ wə mu, ndzɔ̌ŋ ɨtɔmnɨ ɨnu tsɨ atuəshe wen, ndzɔ̌ŋ a zɨ wa a sáʼnɨ́ ɨzhwi ɨtsum a mu ɨfɛgɨ; azhwi za, tɨtsɔŋnɨ a tíʼnə́ ntsɨ́ŋnɨ́ ɨbɛn ba bɨ tənə atú a mbó Ŋwi lá.