Ɛfɛso 1:20 - Mɨkan wu Fi

²⁰ wɛrə a fáʼnɨ́ nɨ mɛrə a nkfu za wɛrə a zhwémnɨ́nɨ́ a Kristo a mbó nɨvwo, ntiʼ ngɨ a shiʼtɨ ntsi abó zə maʼə, a fɔməbvurə lá.

Ɛfɛso 1:20 Referans Kwoze

Ɛbal 10:12

Lá mbáʼ Yeso a ghánɨ́ atuəmbəm azhi a nye mɨtsuʼnɨ mɨ atú mɨ nɨnkoŋ mə mɨbvu táʼ nkfu lá, wɛrə a tíʼ shíʼtɨ́ ntsí a bagɨ abó Ŋwi zə maʼə,

Marɨkusɨ 16:19

Mbáʼ Maʼmbyí Yeso a mɛ́tɨ́nɨ́ a sóŋ ɨnu tsen ɨtsum a mbó bo, bɨ lɔ́gɨ́ ayi nkɔ́ʼ ngɛ́n nɨ zɨ a fɔməbvurə, a tiʼ shiʼtɨ ntsi a bagɨ abó Ŋwi zə maʼə ghe.

Ɛbal 1:3

Mɔn wa a lá malum wa bɨ lɔgɨnə ndzě nɨfáŋ nɨ Ŋwi ɨwu, mbe ngótɨ́ afi a Ŋwi ə. Mɨtən mɨ nɨgham ɨni byɛʼ mbyi-mbyi tsum ə. A nkfu za wɛrə a ghɨ́nə a ŋwɔn mɨsɔŋ a ntsu a fɛm a mbó mɨbvu ɨmyi lá, wɛrə a tíʼ nkɔ́ʼ ngɛ́n a fɔməbvurə, ɨ shiʼtɨ ntsi a bagɨ abó Ŋwi zə maʼə, zɨ wa a benɨ Mɨtən mɨ Akɔ́ʼɔ́ntsɨrə lá.

Matyo 28:18

Yeso a tíʼ nkɔ́ʼtɨ́ ngɛn a mbyɛn bo ɨ soŋ ngə́, “Bɨ ghanə mɨtən mɨtsum a fɔməbvurə bo atuəshe a mbó me ghe.

Kolose 3:1

Ŋwi a zhwemnɨnə awən bɨŋ bɨ Kristo a mbó nɨvwo ə. Ma lan, á nɨ tɛgɨ mɨntəm ɨmən a nye ɨdzúm tsa tsɨ tsinɨ a fɔməbvurə, adiʼ wa Kristo a shiʼtɨnɨ ntsi atú abərɨ azhi a bagɨ abó a Ŋwi zə maʼə lá.

Filibi 3:10

Atsum atsum za ma lɔnə, a nɨ nji Kristo ɨ kɨ zhwiʼtɨ ɨ zɛn mɨtən ma mɨ tsínɨ́ wə ɨnye a nkfu za wɛrə zhwémnɨ́nɨ́ a mbó nɨvwo, ɨ kɨ ze ngɨ́ʼ tso wɛrə, ɨ tiʼ kɨ kfo tso zɨ,

Roma 8:34

Ɨwa mɨ soŋ ngə́ bo vwo ɨsáʼ wu tsɛrə le? Nkeʼ Kristo Yeso be, zɨ wa a kfónɨ́, wa bɨ zhwémnɨ́nɨ́ a mbó nɨvwo, wa a tɛmnɨ a bagɨ abó Ŋwi zə maʼə mbúʼtɨ́ mbó a mbó Ŋwi a nkfu bɨgɨnə lá!

Ɨfaʼ 5:31

Ŋwi a tsɔ́ʼ ayi nkɔʼ ntɛgɨ a bagɨ abó zɨ zə maʼə tso Ntsagɨnɨ abɔʼnɨ Ndoŋ, ngə́ á gha abárɨ́ a mbó bə Izrai a mbəŋ mɨntəm ɨma a nye mɨbvu ɨma, á Ŋwi a lɨgɨnɨ mɨbvu ɨma ghe.

Marɨkusɨ 14:62

Yeso a chwɨ́gɨ́ ngə́, “Ma nɨ wɛrə ghe; nɨ ghɨ zɛ́n a Mɔn Ŋwɔn á shiʼtɨ ntsi a bagɨ abó Tamɨtən Mɨtsum zə maʼə ɨ kə́ yiŋnə a mu mbaʼ fɔməbvurə ghe!”

Matyo 26:64

Yeso a chwɨ́gɨ́ wəmbo ngə́, “A soŋ gho ghe. Lá ma soŋ a mbó bɨŋ ə: ɨ lɔgɨnɨ tɨtsɔŋnɨ ɨ ghěn nɨ mbyi, o ghɨ zɛ́n a Mɔn Ŋwɔn á shiʼtɨ ntsi abó maʼə zə Tamɨtən Mɨtsum, ɨ kə́ yenə a mu mbaʼ a fɔməbvurə ghe!”

Nkyɛʼə 1:17

Mbáʼ ma zɛ́nɨ́ ayi lá, ngvo a mɨku zɨ tso akfú a ŋwɔn ə. A nyɔ́ŋ abó azhi zə maʼə a ɨnye me ɨ soŋ ngə́, “Koʼ bɔgə! Ma nɨ ntsambyi ŋwɔn nkɨ mbe ntsɨrɨndzum ŋwɔn ə.

1 Bita 1:3

A bɨgɨnə gha a mɨya a mbó Ŋwi, zɨ wa nɨ Ta bɨ Maʼmbyí ɨwɨgɨnə Yeso Kristo lá! Mbɨ́ʼ a mɨlɨŋnɨ ɨyi wu ngwi wɛrə a ghá ntsi ntən zɨ fi a mbó bɨgɨnə a ntsǎ a ndzum adzaŋ za wɛrə a zhwémnɨ́nɨ́ a Yeso Kristo a mbó nɨvwo lá. Məzen a lwɨgɨ awɨgɨnə nɨ ntsiŋə nɨ ntəm tsum za ɨ tsinɨ atú ntən,

Ɛbal 13:20

A Ŋwi, zɨ wa a ghánɨ́ mbɔnɨ, zɨ wa a zhwémnɨ́nɨ́ a Maʼmbyí Yeso ɨwɨgɨnə a mbó nɨvwo, ntsiŋ mbyindzɨ wu ngwi, ntsa a ndzum alɛm akan zə nɨnkoŋ,

Ɛbal 2:9

Lá bɨgɨnə zě a Yeso, zɨ wa bɨ ghɨ́nɨ́ a tsi a shwúrɨ́ bɨtsen bɨ ndá bɨ Ŋwi a nye məkum a nkfu; taŋ a ntsǎ a ndzum abɔŋəntəm a Ŋwi a nye ɨbɛn, á wɛrə a ze ngɨ́ʼ nkfo atú ŋwɔn tsum ə. Tɨtsɔŋnɨ, bɨgɨnə zě ayi a mu nɨfáŋ, ŋwɔn tsum a tiʼə nkɔʼsə ayi atɨ́ mbɨ́ʼ abə́ŋ a nɨvwo za wɛrə a kfónə́.

Ɛfɛso 1:3

A bɨgɨnə gha a mɨya a mbó Ŋwi, zɨ wa a kɨnɨ nkɨ mbe Ta bɨ Maʼmbyí ɨwɨgɨnə Yeso Kristo lá. Ŋwi a fɔ́gə́ awɨgɨnə nɨ abə́ŋ a ɨfɔgə azhwi atsum za a lonɨ a fɔməbvurə ntsǎ a ndzum Yeso Kristo,

Roma 1:4

A ndzum Azhwi zə Fɛmnɨ, bɨ zhwémnɨ́ ayi a mbó nɨvwo, a tiʼ ndiʼ ngə́ wɛrə a nɨ Mɔn Ŋwi wa a tənɨ ə.

Ɨfaʼ 26:8

Bən ba nɨ tsinɨ ɨghan, a ghɨ ake nɨ ghuʼnə kɨ́káŋ a nɨŋ ntəm ɨwən ɨwu ngə́ Ŋwi a zhwémnɨ́ bɨkfú a mbó nɨvwo le?

Ɨfaʼ 10:40

Lá Ŋwi a zhwémnɨ́ ayi a ndzum njwi tsi tárə́, ngɨ ngə́ á wɛrə a fu a ɨshe a ɨshi,

Ɨfaʼ 4:10

bən bɨtsum tiʼ ntsi nɨ njiɛ, á ŋwɔn tsum a mu Izrai a kɨ nji ngə́ ŋwɔn wen wa a tɛmnɨ ɨghan a ɨshi bən a shwetɨ ɨ shiʼnɨ ntsa lá a ndzum mɨtən ma mɨ tsinɨ a nye ɨkum Yeso Kristo ŋwɔn Nazarɛ ghe. Yeso wa nɨ kwémtɨ́nɨ́ atɨ abaŋnɨ-baŋnɨ, lá Ŋwi a zhwemnɨ ayi a mbó nɨvwo lá.

Yoane 10:30

Bɨgɨ Tarɨ nɨ táʼ azúm ə.”

Yoane 10:18

Ka ŋwɔn tse a ndɔ́gə́ ayi ntsi ntən ɨzan a mbó me ghe. Ma ghǎ a zɛrə be a nkɔŋ me ghe. Ma tsi nɨ mɨtən a ngá nkɨ mbə ntsi nɨ mɨtən a nkwárə́ wədiʼ ə. Nə nɨ anu za Ta ɨghan a soŋnɨ ngə́ á ma ghɨə.”

Kolose 1:16

Mbɨ́ʼ ngə́ a ntsǎ a ndzum wɛrə Ŋwi a káʼ ɨdzúm ɨtsum a fɔməbvurə abɔʼnɨ atuəshe, ɨdzúm tsa bɨ zɛ́nə́ nkeʼ kə́ ndzě, nkwiʼtɨ bɨtsen bɨ ndá bɨ Ŋwi bɨtsum abɔʼnɨ ɨzhwi tsɨ tən ɨtsum tsa tsɨ sáʼnə́ a nɨkaŋ ə. Ŋwi a káʼ mbyi-mbyi tsum ntsa lá a ndzum wɛrə nkɨ mbe a mbó wɛrə ghe.