Ɛfɛso 1:19 - Mɨkan wu Fi

¹⁹ Nɨ mɨ kɨ zhi adzaŋ za mɨtən ɨmyi ma bɨ chinɨ keʼ fɨʼnɨ, a mɨ faʼnə a mu ɨnye bɨgɨnə ba bɨ nɨŋnɨ mɨntəm ɨmɨgɨnə a nye zɨ lá. Mɨtən məmen ma mɨ faʼnə a mu ɨnye bɨgɨnə tsi ndəŋndəŋ bo mɨtən mə wi ma

Ɛfɛso 1:19 Referans Kwoze

Filibi 2:13

Mbɨ́ʼ ngə́ Ŋwi a faʼə nkfu tsum a nye bən a ngɨə ngə́ á nɨ ndǒ nkɨ chi zuʼnɨ ayi, ɨ kə́ zɔŋnə mɨndóm ɨmyi mə shiʼnɨ ə.

Ɛfɛso 3:20

A mbó Ŋwi, zɨ wa a faʼnə nɨ mɨtən ma mɨ faʼnə a mu ɨnye bɨgɨnə, a chi faʼ nɨ mɛrə ɨ ghɨ a za a tsanɨ a za bɨgɨnə chinɨ bitɨ kə ɨ kwaʼtɨ,

Kolose 2:12

Mbɨ́ʼ ngə́ a nkfu za nɨ kwárɨ́nɨ́ nkyi lá, bɨ twə́ŋ awən bɨŋ bɨ Kristo ghe. A nkwárɨ́ nkyi məwen, Ŋwi a kɨ́ nzhwémnɨ́ awən bɨŋ bɨ Kristo ntsa a ndzum abeməntəm azən a nye mɨtən mɨ Ŋwi ma mɨ faʼnə ghe. Ŋwi a zhwémnɨ́ ayi a mbó nɨvwo ə.

2 Korɨnto 4:7

Lá bɨgɨ wa bɨ tsinɨ nɨ azúm atɨŋndvuŋ məziŋ be lá tso bənto bɨ ɨshe ba bɨ nɨ ɨdzúm nkfúndvuŋ, taŋ ɨ diʼ ngə́ mɨtən ma mɨ kɔʼnɨ ntsɨrɨ mɨtən mɨtsum tsi be a mbó Ŋwi, nkeʼ be a mbó bɨgɨ be.

Kolose 1:29

A ngɨə á məzen a fu, ma faʼə nɨ adaʼ azə atsum, ɨ faʼə nɨ adaʼ zə wi za Kristo a ghánə́, a tsi a mu ɨnye me ɨ faʼə ɨwu lá.

Ɛfɛso 6:10

A ndwɨgɨnə, á nɨ tɛm ntɨ́ŋə́ a nye ntsi ɨzən bɨŋ bɨ Maʼmbyí, ntsǎ a ndzum adaʼ azhi za ka a tsi ayi nɨ ɨfɨʼ lá.

Ɛfɛso 3:7

Ŋwi a ghɨ́ aghan ma be ŋwɔn afaʼ Nkən wu Shiʼnɨ ntsa a ndzum azúm zə ghanɨ mbe abɔŋəntəm azhi za a ghanɨ a mbó me ntsa a ndzum adzaŋ za mɨtən ɨmyi faʼnə ghe.

Ɛfɛso 2:10

Mbɨ́ʼ ngə́ bɨgɨnə nɨ abó afaʼ azhi mbáʼ wɛrə a káʼnɨ́ ntsa a ndzum Kristo Yeso ngə́ á bɨgɨnə ngɨə tsɛʼ ɨnu tsɨ shiʼnɨ tsa Ŋwi a kwɛ́nə nkyaŋtɨ ngə́ á bɨgɨnə ngɨə tsɛʼ a tsɛrə lá.

Roma 1:16

Ka ma ndɨrə aghə atú a nye nkən wu shiʼnɨ ə; ɨ lá mɨtən mɨ Ŋwi a ndoŋ ŋwɔn tsum wa a nɨŋnɨ ntəm ɨyi a nye zɨ, a ntsambyi, bə Yuda, ntiʼ ndzɔŋtɨ nɨ ba a se bə Yuda be ə.

Jemsɨ 1:18

A ntsǎ a ndzum adzaŋ za wɛrə a kɨ́nə́ ndǒ, wɛrə a káʼ awɨgɨnə ntsa a ndzum nɨgham nɨ nkənu, taŋ á bɨgɨnə be ntsambyi nɨfuʼ na bɨ ghanɨ a mbó wɛrə tso akáŋ a Ŋwi ə.

2 Tesalonaika 1:11

Nə nɨ anu za bɨgɨ tsaʼtɨnə a Ŋwi mbɨ́ʼ awən nkfu tsum lá. Bɨgɨ lɔ́ntə́ a mbó Ŋwi ɨwɨgɨnə ngə́ á wɛrə a ghɨ á ntsi mbyi ɨzɨŋ kɔʼ nkuʼ ndvuŋ wa a tsɔʼnɨ awən ngə́ á nɨ tsi nɨ wɛrə ghe. A Ŋwi a ghɨ, ntsa a ndzum mɨtən ɨmyi, ngə́ á ɨnu tsɨ shiʼnɨ ɨtsum tsa nɨ lɔnɨ ngɨə á tsɨ fu, ɨ kɨ ghɨ ngə́ á ɨfaʼ ɨwən a mu abeməntəm kɔʼ nduŋə.

1 Tesalonaika 1:5

Mbɨ́ʼ ngə́ bɨgɨ yén nɨ Nkən wu Shiʼnɨ a mbó bən, nkeʼ tsɛʼ a mu nɨgham nɨ ntsu be, lá nkɨ mbe abɔʼnɨ mɨtən nkwiʼtɨ Azhwi zə Fɛmnɨ tə́ mə́ŋnə́ anu zə tsɛrə za a nɨ nkənu ə. Nɨ zhi adzaŋ za bɨgɨ kɨ́nə́ nchyɛ̌ a nkfu za bɨgɨ tsínɨ́ bɨgɨnə; a bé lá mbɨ́ʼ atú azɨŋ ə.

2 Korɨnto 5:17

Ma lan, be ŋwɔn tse a tsi a mbúm bo Kristo, a tiʼ ŋwɔn wu fi ə, tsə lvuŋ tsanə, tsə fi yiŋə.

Ɨfaʼ 26:18

O mɨ ŋaʼ ɨmɨgɨ ɨma, ɨ kɨ fɨgɨ awa a mu ndzumnɨ ɨ tsagɨ a mu nkaʼ, ɨ fɨgɨ awa a mu mɨtən mɨ Satan ɨ tsagɨ a mu nɨfɔ nɨ Ŋwi, taŋ a ntsǎ a ndzum abeməntəm aza za bo tsinɨ nɨ zɛrə a nye me, bɨ mɨ lɨgɨnɨ mɨbvu ɨma, ɨ tiʼ tsi nɨ adiʼ za bo tsinɨ nɨ nchyɛ nɨ zɛrə a tɨtərɨ ɨbɛn ba Ŋwi a tsɔʼnə ghe.›

Yoane 3:6

A jwíə ŋwɔn mɨsɔŋ a ntsu njwiə a ŋwɔn mɨsɔŋ a ntsu, lá a jwíə Azhwi njwiə azhwi ə.

Filibi 3:21

Wɛrə a mɨ kwebtɨ ɨbɔrɨkɨ ɨnyam ɨnye ɨtsɨgɨnə tsa tsɨ nɨ ɨdzúm nɨvwo, ɨ tiʼ ghɨ a tsɛrə tso ɨnye ɨzhi za ɨ tsinɨ nɨ nɨfáŋ, ɨ faʼnə nɨ mɨtən ma a ntsǎ a ndzum mɛrə, wɛrə a ghɨə ɨdzúm ɨtsum yenə a shwúrɨ́ nɨsáʼ ɨni ɛ.

1 Bita 4:11

ŋwɔn tsum wa a tsinɨ nɨ anu zə soŋnɨ, a mɨ zagɨ soŋ a zɛrə lá tso nkən wa ɨ lonɨ a mbó Ŋwi; ŋwɔn tsum wa a faʼnə, a tsi nɨ faʼə nɨ adaʼ za Ŋwi a ghanɨ wəmbo, taŋ a nye ɨnu ɨtsum, bɨ chi bontɨ a Ŋwi ɨ tsa a ndzum Yeso Kristo, zɨ wa nɨfáŋ tsinɨ wəmbo abɔʼnɨ mɨtən nɨnkoŋ lá. A be lá.