Ɛfɛso 1:17 - Mɨkan wu Fi

¹⁷ ngə́ Ŋwi wu Maʼmbyí Yeso Kristo ɨwɨgɨnə, Ta bɨ nɨfáŋ, a chi gha Azhwi a zóŋ a mbó bən ɨ kɨ ghɨ á nɨ zhi a Ŋwi ɨ shiʼnɨ ə.

Ɛfɛso 1:17 Referans Kwoze

2 Bita 1:3

Mɨtən mɨ Ŋwi mə fɔməbvurə ghanə atsum za bɨgɨnə lɔnə a nchyɛ́ tso ɨbɛn ba bɨ zhinɨ a Ŋwi ntsa a ndzum nji zɨ wa a tsɔ́ʼnɨ́ awɨgɨnə ngə́ á bɨgɨnə kɨ ntsi a mu nɨfáŋ ɨni abɔʼnɨ ɨbɔŋ ɨyi lá.

2 Bita 3:18

Lá á nɨ ngěn nɨ mbyi nkwiə a mu abɔŋəntəm abɔʼnɨ nji Maʼmbyí, Ndoŋ ɨwɨgɨnə Yeso Kristo ghe. A nɨfáŋ tsi wəmbo tɨtsɔŋnɨ, nkɨ ntsi wəmbo nɨnkoŋ ə! A be lá.

Ɛfɛso 1:3

A bɨgɨnə gha a mɨya a mbó Ŋwi, zɨ wa a kɨnɨ nkɨ mbe Ta bɨ Maʼmbyí ɨwɨgɨnə Yeso Kristo lá. Ŋwi a fɔ́gə́ awɨgɨnə nɨ abə́ŋ a ɨfɔgə azhwi atsum za a lonɨ a fɔməbvurə ntsǎ a ndzum Yeso Kristo,

Yoane 17:3

Ɨ tiʼ tsi ntən nɨnkoŋ ɨ nɨ ngə́ á bo zhi agho, Ŋwi ɨ nu zɨzɨ tɨ wə daŋ, abɔʼnɨ nji Yeso Kristo wa o tságɨ́nə́.

Matyo 11:27

Ta ɨghan a ghanə ɨdzúm ɨtsum a mbó me ghe. Ka ŋwɔn tse a zhi ayi a Mɔn ntsa a Tarɨ, ŋwɔn tse a keʼ kɨ nji a Tarɨ ntsa a Mɔn abɔʼnɨ ba Mɔn a zarɨnɨ taŋ ɨ kyɛʼ a ta ɨyi a mbó bo ghe.

1 Korɨnto 2:10

Lá Ŋwi a kyɛ́ʼ anu azhi zə nkubə məzen lá a mbó bɨgɨ ntsa a ndzum Azhwi azhi ɛ. Azhwi a kwábɨ́ ɨnu ɨtsum ə, tsɛʼ ɨnu tsa Ŋwi a kyáŋtɨ́nə́ tsa tsɨ shwinɨ, Azhwi a kwábə́ a tsɛrə ghe.

Ɛfɛso 3:5

A bé a mbyi lá bɨ keʼ anu zə lwɛʼnɨ məzen a mbó ŋwɔn mɨsɔŋ ghumtə, lá Ŋwi a kyɛʼ a zɛrə a mbó ntóm Yeso tsə fɛmnɨ bo ntóm Ŋwi tsa tsɨ kɨnɨ fɛm ntsa a ndzum Azhwi azhi ɛ.

Yoane 20:17

Yeso a sóŋ wəmbo ngə́, “Njimbɨʼ o mɔmtɨ aghə, mbɨ́ʼ ngə́ ma bvurɨ tɨ bə nkɔʼ ngɛn nkon a mbó Tarɨ ə. Lá ghɛn soŋ a mbó ɨbɔmbɨma ɨban ngə́ ma tiʼnə mbɨŋə ngěn a mbó zɨ wa a nɨ Ta ɨghan nkɨ mbe Ta ɨwa, Ŋwi ɨghan nkɨ mbe Ŋwi ɨwa lá.”

Ɨfaʼ 6:10

Lá Azhwi zə Fɛmnɨ a ghá a zóŋ wu ngwi a mbó Sɨtifa adzaŋ za, be a be ngə́ a ghám bo kɨ chi keʼ tuŋə.

Matyo 6:13

Koʼ nyɛʼtɨ á bɨgɨ ghɨ ɨbvu mbáʼ be bɨ kwaʼnɨ awɨgɨ, lá kwarɨ awɨgɨ a mbó Wu Ntɔmnɨnɨ wa.›

Yoane 14:26

Nkwatɨ, Azhwi zə Fɛmnɨ wa Tarɨ a ghɨ tsagɨ nɨ ɨkum ɨghan lá, a ghɨ diʼ awən nɨ anu atsum, ɨ kɨ ghɨ á nɨ waʼtɨ ɨnu ɨtsum tsa ma kwɛnə soŋ a mbó bɨŋ ə.

2 Korɨnto 12:1

Ma tsi nɨ ntɛrə ghe, ntɛrə məzen mɨ keʼ anu zə tsɛrə kwatɨ ɨ kwatɨnɨ lá, ma mɨ tɛrə. Tɨtsɔŋnɨ ma mɨ tiʼ gham mbɨ́ʼ ndzɛm nəzhwɨgɨnɨ abɔʼnɨ ɨnu tsɨ kyɛʼnɨ tsa Maʼmbyí a díʼnɨ́ a mbó me ghe.

Alukasɨ 21:15

mbɨ́ʼ ngə́ ma ghɨ ghá nɨgham abɔʼnɨ zóŋ a mbó bən adzaŋ za tsɛʼ táʼ ŋwɔn kɨban ɨwən a chinɨ keʼ ton kə nkwənkɨ anu za nɨ sóŋnə́ ghe.

1 Korɨnto 12:8

Azhwi a Ŋwi a ghɨə táʼ ŋwɔn a ghamnɨ nɨgham na nɨ lonɨ nɨ zóŋ, lá ndəŋndəŋ Azhwi ghɨənə wu mɔʼɔ ŋwɔn a ghamnɨ nɨgham na nɨ lonɨ nɨ azhyɛ ghe.

1 Korɨnto 2:8

Wu tse a tɨtərɨ bɨta bɨ ɨlaʼ atuəshe wiŋ sé zúʼ nkɨ njí a zóŋ məwiŋ ə. Bo bá bé zhi muŋ bo sé kwemtɨ a Maʼmbyí, wa a nɨ wu nɨfáŋ atɨ abaŋnɨ-baŋnɨ ə.

Roma 15:6

Taŋ á bən bɨtsum a mbúm chi bontɨ a Ŋwi, zɨ wa a nɨ Ta bɨ Maʼmbyí Yeso Kristo ɨwɨgɨnə nɨ táʼ nji ɛ.

Yoane 16:3

Ɨbɛn ghɨ ghɨ ɨnu tsen a nye bən mbɨ́ʼ ngə́ ka bo zhi awa a Tarɨ kə aghə.

Yoane 14:17

Nkwatɨ wa nɨ Azhwi, zɨ wa a kyɛʼnɨ nkənu mbɨ́ʼ a Ŋwi ə. Ɨbɛn bɨ atuəshe wiŋ chi keʼ ayi kwarɨ, mbɨ́ʼ ngə́ bo chi keʼ ayi zɛn kə nkɨ nji ayi ɛ. Lá nɨ zhi ayi, mbɨ́ʼ ngə́ a chyɛ̌ bɨŋ bo, nkɨ ntsi a mu ɨnye bɨŋ ə.

Matyo 16:17

Yeso a chwɨ́gɨ́ ayi ngə́, “Mbɔnɨ tsi atú gho a Samɔn mɔn Yoane! Ka nkənu zen a mbó gho a kyɛʼ ayi ŋwɔn mɨsɔŋ a ntsu ə, ɨ lanɨ ndo lá a mbó Ta ɨghan mbáʼ a tsinɨ a fɔməbvurə ghe.

Matyo 11:25

A nkfu məwa Yeso a sóŋ ngə́, “Tarɨ, Maʼmbyí, gho wa o tsinɨ nɨ fɔməbvurə abɔʼnɨ atuəshe! Ma gha a mɨya a mbó gho mbɨ́ʼ ngə́ o diʼnə a mbó ɨbɔ bə bɔrɨ ɨnu tsa o lwɛʼnɨ a mbó ba bɨ kwaʼtɨnɨ ngə́ bo nɨ bə zóŋ abɔʼnɨ bə ayigɨnɨ ə.

Nkyɛʼə 7:12

ɨ sóŋə́ ngə́, “A be lá! Mbontə, nɨfáŋ, zóŋ, ngǎ mɨya, nkɔʼsə atɨ́, mɨtən abɔʼnɨ adaʼ tsi a mbó Ŋwi ɨwɨgɨnə nɨnkoŋ nɨnkoŋ ə! A be lá!”

Tɨ́tósɨ 1:1

Aŋwaʼnɨ zen a lo a mbó me Baolo wa ma benɨ ngaŋ afaʼ Ŋwi, nkɨ mbe ntom Yeso zɨ Yeso Kristo lá. Bɨ tsɔ́ʼ aghan ntsagɨ ngə́ á ma kwatɨ ntintɨ abeməntəm a ɨbɛn bɨ Ŋwi ba bɨ tsɔ́ʼnɨ́, á ngěn nɨ mbyi, ɨ kɨ tsagɨnɨ awa á bo ghɛn nkon a mu nkənu za ndóm wa bɨgɨnə zhinɨ a Ŋwi ɨ diʼnə,

Jemsɨ 2:1

Ɨbɔmbɨma ɨban, tso ɨbɛn ba bɨ nɨŋnɨ mɨntəm ɨma a nye Maʼmbyí Yeso Kristo ɨwɨgɨnə, Maʼmbyí wu nɨfáŋ, nɨ mɨ zagɨ ɨ keʼ ngɨ̌ ɨnu a nye ɨbɛn atú atú ndzɔ̌ŋ adzaŋ za nkyerɨ za ɨ benə.

1 Korɨnto 14:6

Ma lan nə ɨbɔmbɨma ɨban, a mɨ kwatɨ awən a nye ake mbáʼ be ma yen a mbó bən ngǎm mɨgham mɨ ɨtóm ɨtóm le? A mɨ keʼ awən tsɛʼ mɨnyiə kwatə. A mɨ baŋnɨ kwatɨ awən mbáʼ be ma yen nɨ anu zə tse za Ŋwi a kyɛʼnɨ a mbó me kə azhyɛ zə tse kə nkən wu tse wa ɨ lonɨ a mbó Ŋwi kə zə tse anu za be ma diʼ awən nɨ zɛrə ghe.

Alukasɨ 12:12

Mbɨ́ʼ ngə́ Azhwi zə Fɛmnɨ a ghɨ diʼ awən a nyom məwa nɨ anu za nɨ tsinɨ nɨ ɨ soŋə ghe.”

Alukasɨ 2:14

“Nɨfáŋ a mbó Ŋwi a fɔməbvurə atú a təntsánɨ́, á mbɔnɨ tiʼ ntsi atuəshe a mbó ɨbɛn ba ntəm ɨyi dórɨ́nə́ mbɨ́ʼ awa ghe!”

2 Timotyo 2:25

ndiʼ aŋwaʼnɨ wa a lɔgɨnə mbɔnɨ nchísɨ́ ɨbɛn ba bɨ tónə́ mɨgham ɨmyi ɨwu ə. Mbɨ́ʼ ngə́ a chi be ngə́ Ŋwi a ghɨ gha abárɨ́ a mbó bo ngə́ á bo bəŋ mɨntəm ɨma a nye mɨbvu ɨma ntiʼ nji nkənu ə.

Roma 1:28

Tso mbáʼ ɨbɛn məba tonɨ awa a nɨ́ŋ ɨnu nkənu tsa bo tsinɨ nɨ njiɛ mbɨ́ʼ a Ŋwi a mu ɨtú ɨtsa lá, wɛrə a nyɛʼtɨ awa a mbó ɨkwaʼtɨ nkobɨ ɨtsa ngə́ á bo tiʼə ngɨ̌ ɨnu tsa bo benɨ keʼ ngɨə ghe.

Ɨfaʼ 7:2

Sɨtifa a chwɨ́gɨ́ ngə́, “Ɨbɔmbɨma abɔʼnɨ bɨtarɨ, á nɨ zuʼ anu za ma sóŋnə́ ghe! Bɔŋ á ta ɨwɨgɨnə wu kɔ́ʼɔ́nguʼ Abraʼm a ndáʼə ngěn Araŋ, ɨ tiʼə tsinə ɨwu lá, Ŋwi, zɨ wa a nɨ wu nɨfáŋ a fú a ɨshi zɨ a mbuʼ Mesobotemia

Ɛfɛso 4:13

Ma lan, bɨgɨnə bɨtsum ghɨ tíʼ yen bomnkɨ ɨ tsi a mbúm, ɨ be táʼ azúm a nye abeməntəm abɔʼnɨ adzaŋ za bɨgɨnə zhinɨ a Mɔn Ŋwi ə; bɨgɨnə ghɨ tíʼ be nchíkɨ́ ɨbɛn tso Kristo, ɨ kɨ be tso zɨ a nye mɨndóm mɨtsum,

Filibi 3:15

Bɨgɨnə bɨtsum ba bɨ kwinɨ a mu abeməntəm tsi nɨ nchyɛ nɨ ndəŋndəŋ mbɔm məziŋ ə. Lá be bən bə tse tsi nɨ mbɔm zə daŋ, muŋ Ŋwi a mɨ ghɨ á lán a mbó bɨŋ ə.

Matyo 20:33

Bo chwɨ́gɨ́ wəmbo ngə́, “Tə̧, ghɨ á ɨmɨgɨ ɨmɨgɨ ŋaʼnə!”