Ɛfɛso 1:13 - Mɨkan wu Fi

¹³ Ntsa a ndzum zɨ, bən ba nɨ kɨnə nkɨ ndzuʼ nɨgham nɨ nkənu, Nkən wu Shiʼnɨ wu ndoŋ bɨŋ ə. Nɨ kɨnə nkɨ nɨŋ mɨntəm ɨmən a nye Kristo, Ŋwi a lyigɨ awən nɨ Azhwi zə Fɛmnɨ za wɛrə a káʼnɨ́ lá.

Ɛfɛso 1:13 Referans Kwoze

2 Korɨnto 1:22

Ŋwi a nɨŋnə alyigɨ a nye bɨgɨnə a ndiʼə ngə́ bɨgɨnə tiʼ ɨbyi, nkɨ nɨŋ a Azhwi zə Fɛmnɨ a mu mɨntəm ɨmɨgɨnə tso mɨntɨ ma a bɛʼnɨ a ndiʼə ngə́ bɨgɨnə ghɨ kwárɨ́ atsum za zɨə lɛnɨ a mbó bɨgɨnə ghe.

Ɛfɛso 4:30

Njimbɨʼ nɨ ghɨ Gharɨ Ŋwi wu Fɛmnɨ a tsi nɨ adzə́ŋnɨ; mbɨ́ʼ ngə́ Azhwi zə Fɛmnɨ a nɨ alɨgɨ a Ŋwi a nye bən a ndiʼə ngə́ nɨ nɨ ɨbɛn ɨbyi, mbe mɨntɨ mə bɛʼnɨ ngə́ Njwi ghɨ yen za Ŋwi a ghɨnɨ loŋ awɨŋ ə.

2 Timotyo 2:19

Lá atsé ndá za Ŋwi a tumnɨ bɨ chi keʼ a zɛrə chiʼtɨ; bɨ kɨ ŋwaʼnɨ mɨgham men wu atú ngə́: “Maʼmbyí a zhi ɨbɛn ba bɨ nɨ ɨbyi” abɔʼnɨ “Ɨbɛn bɨtsum ba bɨ soŋnɨ ngə́ bo tsi a mbó Maʼmbyí mɨ zagɨ bəŋ mɨntəm ɨma a nye ɨbvu ə.”

1 Tesalonaika 2:13

Anu zə mɔʼɔ a tsi ɨwu za a ghɨnə ngə́ á bɨgɨ ngǎ a mɨya a mbó Ŋwi nkfu tsum ə. A nkfu za bɨgɨ yénɨ́ nɨ nkən Ŋwi a mbó bən lá, nɨ zúʼ a wɛrə nkɨ mbem a wɛrə, nkeʼ be be tso nkən wa ɨ lonɨ a mbó ŋwɔn mɨsɔŋ a ntsu lá mbe be tso nkən Ŋwi, mbáʼ tsɛʼ a nkənu ɨ kɨnɨ mbe wɛrə ghe. Mbɨ́ʼ ngə́ Ŋwi a faʼə a mu ɨnye ɨtsən, bən wa nɨ nɨŋnɨ mɨntəm ɨmən a nye wɛrə lá.

Roma 4:11

Bɨ tsə́ŋ alagɨ a wɛrə tso alɨgɨ kə fɛnwu za ɨ díʼnɨ́ ngə́ wɛrə a chínə́. Nchinə ɨzhi məzen a tsí nɨ zɛrə ntsa lá a ndzum abeməntəm a nkfu za bɨ bvúrɨ́ tɨ tsəŋ alagɨ azhi ɛ. Anu za a ghɨ́nɨ́ a fu adzaŋ məwen lá a nɨ ngə́ á wɛrə be ta bɨ ɨbɛn ba bɨ nɨŋnɨ mɨntəm ɨma a nye Ŋwi tɨgha bɨ tsəŋ ɨlagɨ ɨtsa taŋ á bɨ tiʼ nkɨ soŋ ngə́ bo nɨ ɨbɛn ba Ŋwi a ghɨ́nɨ́ bo chinɨ ə.

Tɨ́tósɨ 2:11

Mbɨ́ʼ a məzen, Ŋwi a kyɛʼnə abɔŋəntəm taŋ á bɨ loŋ a ŋwɔn mɨsɔŋ a ntsu tsum ə.

Galesha 3:14

Kristo a ghɨ́ a məzen lá taŋ á ɨfɔgə wa Ŋwi a káʼnɨ́ Abraʼm nɨ wɛrə, bɨ chi gha a wɛrə a mbó ba a se bə Yuda be a ntsǎ a ndzum Kristo Yeso, taŋ a ntsǎ a ndzum abeməntəm bɨgɨnə chi kwarɨ Azhwi za Ŋwi a káʼnɨ́ awɨgɨnə nɨ zɛrə lá.

Roma 1:16

Ka ma ndɨrə aghə atú a nye nkən wu shiʼnɨ ə; ɨ lá mɨtən mɨ Ŋwi a ndoŋ ŋwɔn tsum wa a nɨŋnɨ ntəm ɨyi a nye zɨ, a ntsambyi, bə Yuda, ntiʼ ndzɔŋtɨ nɨ ba a se bə Yuda be ə.

Ɨfaʼ 2:33

Ŋwi, Ta ɨyi, a tsɔ́ʼ ayi nkɔʼ ngɛn nɨ zɨ a bagɨ abó zɨ zə maʼə ghe. Yeso a kɨnə nkɨ nkwarɨ Azhwi zə Fɛmnɨ a mbó Tarɨ, adzaŋ za wɛrə a káʼnə́. Za nɨ zɛ́nə́ tɨtsɔŋnɨ nkə́ ndzúʼə lá, a nɨ azúm zə ghanɨ zə Yeso za a ghanɨ a mbó bɨgɨ ə.

Yoane 14:26

Nkwatɨ, Azhwi zə Fɛmnɨ wa Tarɨ a ghɨ tsagɨ nɨ ɨkum ɨghan lá, a ghɨ diʼ awən nɨ anu atsum, ɨ kɨ ghɨ á nɨ waʼtɨ ɨnu ɨtsum tsa ma kwɛnə soŋ a mbó bɨŋ ə.

Yoane 1:17

Ŋwi a ghá a nyɔngɔŋ ntsa lá a ndzum Mǒse, lá abɔŋəntəm abɔʼnɨ nkənu yén ntsa lá a ndzum Yeso Kristo ghe.

Alukasɨ 24:49

Me mboŋ ma mɨ tsagɨ a mbó bən a wɛrə wa Ta ɨghan a kaʼnə awən nɨ wɛrə ghe. Lá nɨ tsi nɨ ɨ zagɨ ghɔŋ a mu ntáʼmbagə wu wi ɨ kuʼnɨ nkfu za mɨtən mɨ lo atɨ́ ɨ shiʼ atú bɨŋ ə.”

1 Bita 2:10

A bé a nkfu tse lá nɨ keʼ ɨbɛn bɨ Ŋwi be, lá tɨtsɔŋnɨ nɨ nɨ ɨbɛn ɨbyi ɛ; a bé a nkfu tse lá nɨ keʼ a mɨlɨŋnɨ Ŋwi zhyɛ, lá tɨtsɔŋnɨ nɨ kwarɨnə a mɨlɨŋnɨ ɨyi ɛ.

Roma 6:17

Lá mɨya a mbó Ŋwi, ngə́ a yén mbe a nkfu tse lá nɨ be ɨbuʼ tsə ngɨ ɨbvu, lá tɨtsɔŋnɨ nɨ zuʼnɨnə nɨ mɨntəm ɨmən mɨtsum nkənu tsum za ɨ tsinɨ a mu anu za bɨ diʼnə awən ɨwu lá.

Ɨfaʼ 1:4

A njwi tse za a tsínɨ́ bo bo ndzɨ́ə, a ghá ntɨgə zen a mbó bo ngə́: ‘‘A nɨ keʼ a Yerosalɛm fu, lá á nɨ ntsíŋə́ azúm zə ghanɨ za Ta ɨghan a káʼnɨ́ awən nɨ zɛrə, za ma ghámnɨ́ mbɨ́ʼ a zɛrə a mbó bən lá.

Yoane 15:26

Nkwatɨ, zɨ wa a nɨ Azhwi zə nkənu lá, a ghɨ yiŋə, wa a kyɛʼnɨ nkənu mbɨ́ʼ a Ŋwi, wa a kɨnɨ ndo lá a mbó Tarɨ lá. Ma mɨ kwarɨ ayi a mbó Tarɨ ɨ tsagɨ a mbó bən, á tiʼ ngam mbɨ́ʼ aghə.

Ɨfaʼ 13:26

Ɨbɔmbɨma ɨban, ɨbɛn bɨ ɨlə̌ Abraʼm abɔʼnɨ bən bɨtsum ba bɨ ghúʼsɨ́nə́ a Ŋwi: bɨ tsagɨ nkən ɨloŋ məwen lá a mbó bɨgɨnə ghe!

Yoane 6:27

A nɨ keʼ faʼə a nchyɛ́ nɨ mɨdzɨ ma mɨ chinɨ bye; á nɨ báŋnə́ faʼə be a ndǒ mɨdzɨ ma mbáʼ nɨ dzɨ, nɨ tsi nɨ ntsi ntən nɨnkoŋ ə. Nə nɨ mɨdzɨ ma Mɔn Ŋwɔn a ghɨ ghá a mbó bən, mbɨ́ʼ ngə́ Ŋwi, zɨ wa a nɨ Tarɨ, a nɨŋnə alyigɨ azhi wə ɨnye za a diʼnɨ ngə́ zɨə bemtɨ ayi ɛ.”

Alukasɨ 11:13

Be bən wa nɨ bɨ́gɨ́nɨ́, nɨ zhi adzaŋ a ngá ɨdzúm tsɨ shiʼnɨ a mbó ɨbɔ ɨbən, a ghɨ tiʼ bə be ɨ nə́ a mbó Tarɨ a fɔməbvurə a ngá Azhwi zə Fɛmnɨ a mbó ɨbɛn ba bɨ bitɨnɨ wəmbo le!”

Nkyɛʼə 7:2

Ma kwíʼ ndzɛ́n ntsendá Ŋwi zɨ mɔʼɔ ɨ lo a sáʼnyom nkɔ́ʼə ngyiŋə nɨ alyigɨ a Ŋwi, zɨ wa a tsinɨ ntɨŋ ə. A tɔ́nkɨ́ nɨ nji zɨ ntən a mbó ɨtsendá Ŋwi tsa tsi nɨkwa tsa Ŋwi a ghánɨ́ adaʼ a mbó bo a ntsənkɨ atuəshe bo sagɨrə wu ngwi lá.

Jemsɨ 1:18

A ntsǎ a ndzum adzaŋ za wɛrə a kɨ́nə́ ndǒ, wɛrə a káʼ awɨgɨnə ntsa a ndzum nɨgham nɨ nkənu, taŋ á bɨgɨnə be ntsambyi nɨfuʼ na bɨ ghanɨ a mbó wɛrə tso akáŋ a Ŋwi ə.

Ɛbal 2:3

Nɨ kwaʼtɨ ngə́ bɨgɨnə ghɨ lɛʼ ɨnɨŋ ngɨ́ʼ məzen lá ɨ nə́ mbáʼ be bɨgɨnə tú tɛgɨ ɨtú ɨtsɨgɨnə a nye ɨloŋ wu wi məwen le? Nkən mbɨ́ʼ ɨloŋ məwen a fóm nchwítɨ́ Maʼmbyí Yeso zɨmboŋ, ɨbɛn ba bɨ zúʼnɨ́ ɨnu tsa wɛrə a sóŋnɨ́ tíʼ ndiʼ a mbó bɨgɨ ngə́ ɨ nɨ nkənu ə.

2 Timotyo 3:15

nkɨ nji ngə́ nchwuʼnɨ mbáʼ o bénɨ́ wu mbɔrɨ, o zhinə ɨnu tsa bɨ ŋwaʼnɨnɨ a mu Aŋwaʼnɨ a Ŋwi zə Fɛmnɨ, zɛrə za a chinɨ gha a zóŋ wa a tsagɨnɨnə agho a mu ɨloŋ a ntsǎ a ndzum abeməntəm azo a nye Kristo Yeso lá.

2 Timotyo 2:15

Ghɨ atsum a ndzé ngə́ o tɛm a ɨshi ɨmɨgɨ Ŋwi tso ŋwɔn wa bɨ bemtɨnɨ ayi, tso ngaŋ afaʼ za ka ɨ ndɨrə ayi atú mbɨ́ʼ afaʼ azhi, ŋwɔn wa a diʼnɨ nkən mbɨ́ʼ nkənu Ŋwi ɨ shiʼnɨ ə.

Ɛfɛso 4:21

Tsɛʼ a nkənu, nɨ zúʼ anu mbɨ́ʼ ayi ɛ. Tso ɨbɛn ba bɨ nɨŋnɨ mɨntəm ɨma a nye Kristo, bɨ díʼ awən nɨ nkənu za ɨ tsinɨ a nye Yeso ghe.

2 Korɨnto 6:7

Nkən wa bɨgɨ sóŋnə́ nɨ nkən wu nkənu, nkə́ ndɔ́gə́ lá mɨtən mɨ Ŋwi ɨ sóŋə́ a wɛrə ɨwu ə. Mbɨ́ʼ ngə́ anu za bɨgɨ ghɨnə nɨ anu zə chinɨnɨ, ka ŋwɔn tse a tsi ayi nɨ anu a tɨbɔŋ zə tsɛrə a sóŋə́ mbɨ́ʼ ɨfaʼ ɨwɨgɨ ə.

Yoane 3:33

Lá ŋwɔn wa a bemnɨ nkən ɨyi a bemtɨ lá a zɛnə ngə́ Ŋwi a nɨ nkənu ə.

Jemsɨ 1:21

Ma lan, á nɨ nyɛʼ ɨbə́ŋ ɨtɨshwe mbɔm ɨtsum abɔʼnɨ ngɨnɨ mɨnu mɨ abɨgəntəm mɨtsum ə. A nɨ ndzúʼnə́ a Ŋwi nɨ ɨ shiʼtə nɨ ɨnye a ɨshe nkɨ mbem nɨgham nɨ Ŋwi na wɛrə a binɨ a mu mɨntəm ɨmən, nɛrə na nɨ chinɨ loŋ awən lá.