Ɛfɛso 1:11 - Mɨkan wu Fi

¹¹ Bɨ ghɨ̌ ɨnu ɨtsum ndzɔŋə lá akyaŋtɨ a Ŋwi abɔʼnɨ ntɛgɨnɨ ɨzhi; Ŋwi a zárɨ́ awɨgɨnə ngə́ á bɨgɨnə be ɨbɛn ɨbyi mbɨ́ʼ ngə́ bɨgɨnə tsi a mbúm bɨgɨnə bɨ Yeso Kristo, nkɨ ndzɔŋ mbe mbɨ́ʼ a za wɛrə a kɨ́nə́ ndǒ, ntsa a ndzum za wɛrə a lɛ́nɨ́ a ɨshe, nchwuʼnɨ a mbiʼnɨ mbyi ɛ.

Ɛfɛso 1:11 Referans Kwoze

Roma 8:28

Bɨgɨnə zhi ngə́ anu atsum za a fúnə́ a nye bɨgɨnə, Ŋwi a kyáŋtə́ ngə́ á fu mbe zə shiʼnɨ a mbó bɨgɨnə ba bɨ kɔŋnɨ ayi, bɨgɨnə ba Ŋwi a tsɔʼnɨ taŋ ɨ ghɨ á anu za wɛrə a lɔnə á fuə.

1 Bita 1:4

ma lan, bɨgɨnə ghɨ tsí nɨ afuʼ zə wi za Ŋwi a lɛnə a mbó ɨbɛn ɨbyi lá. Wɛrə a len afuʼ zə wi məzen lá a mbó bən a fɔməbvurə, afuʼ za a chinɨ keʼ bye, kə á bɨ tsənkɨ a zɛrə, kə ɨ shwetɨ lá.

Ɛfɛso 1:14

Azhwi zə Fɛmnɨ məzen a tiʼ ntsi lá tso mɨntɨ ma bɨ bɛʼnɨ mɨ diʼnə ngə́ bɨgɨnə ghɨ tsí nɨ za Ŋwi a káʼnɨ́ awɨgɨnə nɨ zɛrə, ɨ kɔʼ kuʼ njwi za bɨgɨnə ghɨnɨ tsí nɨ zɛrə ghe. A bɨgɨnə bontɨ a Ŋwi ə!

Ɛfɛso 3:11

Ŋwi a ghɨ́ a məzen ndzɔ̌ŋ akyaŋtɨ azhi za a ghɨnɨ ghɔ́ŋ nɨnkoŋ ə. Wɛrə a ghɨ́ a məzen a fu ntsa a ndzum Kristo Yeso Maʼmbyí ɨwɨgɨnə ghe.

Ɛfɛso 1:5

A mu akɔŋnɨ, wɛrə a kwɛ́nə ndɛn a mu ntəm zɨ ngə́ bɨgɨnə ghɨ bé ngótɨ́ ɨbɔ ɨbyi ntsa a ndzum Yeso Kristo, ndzɔŋə adzaŋ za wɛrə kyáŋtɨ́nɨ́ nkə́ ndǒ ngə́ á be ə.

Galesha 3:18

Mbɨ́ʼ ngə́ be a be ngə́ azúm zə ghanɨ zə Ŋwi a zɛ́ʼtə́ ayi lá a nye Nyɔngɔŋ Mǒse, lá be ngə́ ka a bə ndzɛʼtɨ ayi a nye akaʼ azhi za. Lá Ŋwi a ghá azúm zə ghanɨ azhi a mbó Abraʼm lá mbɨ́ʼ akaʼ azhi za.

Ɛbal 6:17

A mbó ɨbɛn ba bɨ tsínɨ́ nɨ nkwarɨ za Ŋwi a káʼnɨ́ lá, Ŋwi a kə́ ndǒ ngə́ á tsi asaŋəsaŋ ngə́ zɨə láʼ keʼ kwebtɨ anu za zɨə a káʼnɨ́; ma lan, wɛrə a sé kaʼ tsɛʼ kaʼnɨ, wɛrə a ghɨ́ akaʼ zə tɨŋə.

Tɨ́tósɨ 3:7

taŋ, a ntsǎ a ndzum abɔŋəntəm azhi, bɨgɨnə chi tiʼ chinɨ a ɨshi ɨmɨgɨ Ŋwi ɨ kɨ tsi nɨ ntsi ntən nɨnkoŋ za bɨgɨnə tsenə nɨ mɨntəm ɨmɨgɨnə mɨtsum lá.

Roma 8:17

Mbáʼ bɨgɨnə nɨ ɨbɔ ɨbyi lá, bɨgɨnə mɨ tsi nɨ ɨfɔgə wa a lɛnə a mbó ɨbɛn ɨbyi ɛ. Bɨgɨnə mɨ kɨ tsi nɨ azúm za Ŋwi a lɛnɨ a mbó Kristo; mbɨ́ʼ ngə́ be bɨgɨnə ze ngɨ́ʼ bɨgɨnə bɨ Kristo, bɨgɨnə ghɨ kɨ tsi a mu nɨfáŋ ɨni ɛ.

Kolose 1:12

Ɨ kə́ ghanə a mɨya a mbó Tarɨ, zɨ wa a ghɨnə nɨ chi tiʼ tsi nɨ azɨŋ azúm a mu ɨdzúm tsa Ŋwi a lɛnɨ a mbó ɨbɛn ɨbyi a mu nɨfɔ nɨ nkaʼ ə.

Kolose 3:24

Zhinə ngə́ Maʼmbyí a ghɨ gha akyaŋə a mbó bən za wɛrə a káʼnɨ́ a mbó ɨbɛn ɨbyi lá. Mbɨ́ʼ ngə́ a nɨ Kristo, zɨ wa nɨ ngótɨ́ tafaʼ wa nɨ faʼnə wəmbo ə.

Ɨfaʼ 26:18

O mɨ ŋaʼ ɨmɨgɨ ɨma, ɨ kɨ fɨgɨ awa a mu ndzumnɨ ɨ tsagɨ a mu nkaʼ, ɨ fɨgɨ awa a mu mɨtən mɨ Satan ɨ tsagɨ a mu nɨfɔ nɨ Ŋwi, taŋ a ntsǎ a ndzum abeməntəm aza za bo tsinɨ nɨ zɛrə a nye me, bɨ mɨ lɨgɨnɨ mɨbvu ɨma, ɨ tiʼ tsi nɨ adiʼ za bo tsinɨ nɨ nchyɛ nɨ zɛrə a tɨtərɨ ɨbɛn ba Ŋwi a tsɔʼnə ghe.›

Ɨfaʼ 20:32

Tɨtsɔŋnɨ ma nɨŋ awən a mu mbó Ŋwi, nkə́ sóŋə́ a mbó bən ngə́ á nɨ waʼtɨ nkən mbɨ́ʼ abɔŋəntəm a Ŋwi za bɨgɨnə tsinɨ wə shwúrɨ́, nkən wa ɨ chinɨ ghɨ á nɨ kwi ɨ kɨ gha awən nɨ ɨfɔgə wa Ŋwi a tsinɨ nɨ wɛrə a mbó ɨbɛn ɨbyi bɨtsum lá.

Ɨfaʼ 2:23

Ndzɔ̌ŋ akyaŋtɨ za Ŋwi a kwɛ́nɨ́ ndɛ́n a ɨshe, Ŋwi a tsɔ́ʼ a mu ntəm zɨ ngə́ á bɨ ghɨ́ mbəŋ ayi nga a mbó bən; á nɨ zhwitɨ ayi ntsa a ndzum adzaŋ za nɨ nyɛ́ʼtɨ́nɨ́ mbáŋnɨ́ tsə ngɨ mɨbvu kwemtɨ ayi atɨ abaŋnɨ-baŋnɨ ə.

Ɨfaʼ 20:27

Mbɨ́ʼ ngə́ ka ma chwa aghan anu zə tse a ndzum a nkfu za ma chwítɨ́nə́ a mbó bən, ɨnu ɨtsum tsa Ŋwi a kyáŋtɨ́nɨ́ mbɨ́ʼ awɨŋ ə.

Ɨfaʼ 4:28

Bo bómnkɨ́ lá a ngɨ ɨnu ɨtsum tsa o kwɛ́nə nkyaŋtɨ ngə́ á tsɨ fu ntsa a ndzum mɨtən ɨmo abɔʼnɨ adzaŋ za o kɨ́nə́ ndǒ ghe.

1 Bita 3:9

A nɨ keʼ ntfútɨ́ mbɔʼ anu zə tɔmnɨnɨ nɨ anu zə tɔmnɨnɨ, kə ndɔʼə nɨ ndɔʼə ghe. A nɨ mbáŋnə́ ntfútə́ nɨ ɨfɔgə, mbɨ́ʼ ngə́ ɨfɔgə nɨ azúm za Ŋwi a káʼnɨ́ awən nɨ zɛrə a nkfu wa wɛrə a tsɔ́ʼnɨ́ awən lá.

Roma 11:34

Adzaŋ za aŋwaʼnɨ a Ŋwi a soŋnɨ ngə́: “Ɨwa zhi ɨnu tsa Maʼmbyí a kwaʼtɨnə a mu atú azhi le? Ɨwa a chi tɨgɨtɨ ayi le?

Jemsɨ 2:5

O ɨbɔmbɨma ɨban, zuʼnə! Ŋwi a tsɔ́ʼ ngaŋ afúm tsɨ atuəshe zen ngə́ á bo be ngaŋ afuʼ zə wi a mu abeməntəm aza, ɨ kɨ tsi nɨ nɨfɔ na wɛrə a káʼnɨ́ a mbó ɨbɛn ba bɨ kɔŋnɨ ayi ɛ.

Ɛfɛso 1:8

za a chwítɨ́nɨ́ atú bɨgɨnə tsɛʼ adaŋədaŋə lá. A ntsǎ a ndzum zóŋ tsum abɔʼnɨ azhyɛ atsum

Ɨfaʼ 13:48

Mbáʼ ba a se bə Yuda be zúʼnɨ́ a məzen lá, ɨnye ɨtsa shá, ntiʼ nkɨ soŋ ngə́ nkən Maʼmbyí bɔŋ be tɨsɨŋə. Ɨbɛn ba bɨ kwɛ́nə ntsɔ́ʼ awa ngə́ á bɨ ghɨ́ ntsí nɨ ntsi ntən nɨnkoŋ za tíʼ mbəŋ mbe ɨbɛn ba bɨ nɨ́ŋnɨ́ mɨntəm ɨma a nye Kristo ghe.

Roma 8:29

Ɨbɛn ba Ŋwi a kwɛ́nə ntsɔʼ lá, wɛrə a kɨ́ ntíntɨ́ awa ntɛgɨ táʼ bagɨ ngə́ á bo be tso Mɔn ɨyi, taŋ á Mɔn ɨyi məwen a tiʼ ntsi a mbó bo tso asándóm a mu ngwəgɨ zɨ ngwi ə.

Roma 8:30

Ma lan, a tiʼ ndiʼ ngə́ ɨbɛn ba Ŋwi a tíntɨ́nɨ́ ntɛgɨ táʼ bagɨ lá ɨbɛn ba wɛrə a tsɔ́ʼnə́; ɨbɛn ba wɛrə a tsɔ́ʼnɨ́ lá, wɛrə a ghɨ́ bɨ tɛmnɨ a ɨshi ɨmɨgɨ zɨ, a kɨ ntiʼ nga nɨfáŋ ɨni a mbó bo ghe.

Roma 9:11

Tsɛʼ mbáʼ bɨ bvúrɨ́nɨ́ ɨbɔ ben tɨ jwi, kə ngə́ bɨ ghɨ́ anu zə tse zə shiʼnɨ kə zə tɨbɔŋ, a ngɨə ngə́ á afaʼ a Ŋwi zə ntyé ɨbɛn ɨbyi a ngěn nɨ mbyi, nkeʼ be be ngə́ bo fáʼ anu zə tsɛrə, lá mbaŋnɨ mbe be mbɨ́ʼ ntyé ɨzhi,

Ɛfɛso 1:9

Ŋwi a ghɨ́ a za wɛrə a kyáŋtɨ́nɨ́, nkɨ nkyɛʼ a mbó bɨgɨnə akyaŋtɨ azhi zə nkubə za wɛrə a kwɛ́nə ntsɔʼ a mu ntəm zɨ ngə́ zɨə mɨ ghɨ á ghɛn fu a ndwitə ntsa lá a ndzum Kristo ghe.

Ɛfɛso 1:18

Ndǒ ngə́ á mɨntəm ɨmɨŋ ŋaʼnɨ, á nɨ ze nkaʼ ɨyi, taŋ á nɨ zhi ɨnu tsa ntsiŋə nɨ ntəm tsum ɨzən ɨ tsinɨ mbɨ́ʼ a tsɛrə mbáʼ wɛrə a tɔŋnɨ awən lá, ɨ kɨ zhi afuʼ zə wi za Ŋwi a kaʼnɨ ɨbɛn ɨbyi nɨ zɛrə ghe.

Tɨ́tósɨ 2:14

Wɛrə a ghá atuəmbəm azhi mbɨ́ʼ awɨgɨnə, a fɨ́gɨ́ bɨgɨnə a mbó abɨgəntəm atsum, ɨ kɨ ghɨ awɨgɨnə á bɨgɨnə be ɨbɛn ba bɨ lánɨ́ ba bɨ tsinɨ tsɛʼ a mbó zɨzɨ, nkə́ mbɛ́bə́ a ngɨ ɨbɔŋ ə.