Ɛfɛso 1:10 - Mɨkan wu Fi

¹⁰ Akyaŋtɨ zen za Ŋwi a ghɨ ghɨ á ghɛn fu a ndwitə a nye nkfu za ɨ ghɨnɨ kuʼ lá, a be lá mbosɨ ɨdzúm ɨtsum tsa zɨə a káʼnɨ́ táʼ adiʼ; ɨdzúm fɔməbvurə abɔʼnɨ ɨdzúm atuəshe, á Kristo a tsi a mbyi tsɛrə ɨtsum ə.

Ɛfɛso 1:10 Referans Kwoze

Kolose 1:20

A ntsǎ a ndzum Mɔn məwen, Ŋwi a tíʼ ntsɔ́ʼ a mu ntəm zɨ a ndɔgɨ mbyi-mbyi tsum ɨ bə yen nɨ zɛrə a mbó atuəmbəm azhi ɛ. Ŋwi a ghɨ́ ngə́ á mbɔnɨ tsi ntsa lá a ndzum alɛm a Mɔn ɨyi za a chwínɨ́nɨ́ atɨ abaŋnɨ-baŋnɨ, ma lan, wɛrə a lɔ́gɨ́ ɨdzúm ɨtsum atuəshe abɔʼnɨ fɔməbvurə ngyen nɨ tsɛrə a mbó atuəmbəm azhi ɛ.

Galesha 4:4

Lá ngótɨ́ nkfu ghɨnə ngyén, Ŋwi a tsagɨ a Mɔn ɨyi ɛ. A jwí mangye njwi ayi, wɛrə nkɨ nkwi a shwúrɨ́ Nyɔngɔŋ bə Yuda,

Marɨkusɨ 1:15

ngə́, “Nyom a kuʼə, Nɨfɔ nɨ Ŋwi tiʼ tsɛʼ abó ə! Bəŋnə mɨntəm ɨmən a nye mɨbvu ɨmən, ntiʼ nɨŋ mɨntəm ɨmən a nye Nkən wu Shiʼnɨ ə!”

Ɛbal 1:2

Lá a nye njwi tsen tsa tsɨ lwɨgɨnɨnɨ lá, Ŋwi a ghamnə a mbó bɨgɨnə ntsǎ a ndzum Mɔn ɨyi ɛ. Ŋwi a káʼ mbyi-mbyi tsum ntsa lá wə ndzum, zɨ wa Ŋwi a tsɔʼnɨ ngə́ á ghɨ ntsí nɨ ɨdzúm ɨtsum a ndwitə lá.

Kolose 1:16

Mbɨ́ʼ ngə́ a ntsǎ a ndzum wɛrə Ŋwi a káʼ ɨdzúm ɨtsum a fɔməbvurə abɔʼnɨ atuəshe, ɨdzúm tsa bɨ zɛ́nə́ nkeʼ kə́ ndzě, nkwiʼtɨ bɨtsen bɨ ndá bɨ Ŋwi bɨtsum abɔʼnɨ ɨzhwi tsɨ tən ɨtsum tsa tsɨ sáʼnə́ a nɨkaŋ ə. Ŋwi a káʼ mbyi-mbyi tsum ntsa lá a ndzum wɛrə nkɨ mbe a mbó wɛrə ghe.

1 Bita 1:20

Bɨ tsɔ́ʼ a wɛrə bɔŋ á Ŋwi a kaʼ atuəshe, nkɨ nkyɛʼ ayi a nye njwi ntsɨrɨndzum tsen lá mbɨ́ʼ atú azɨŋ ə.

Ɛfɛso 3:15

zɨ wa ngwəgɨ tsum a fɔməbvurə abɔʼnɨ atuəshe kwárɨ́nɨ́ ngótɨ́ mɨkum ɨma wəmbo ə.

Nkyɛʼə 5:9

Bo zɔ́bɨ́ azɔbɨ a nkyi zə fi ngə́: “O tsi nɨ ɨlɨŋ a nkwárɨ́ aŋwaʼnɨ zə karɨnɨ za ɨ kɨ ŋaʼ ɨfɛnwu ɨchi ɛ. Mbɨ́ʼ ngə́ bɨ zhwítɨ́ agho, a ntsǎ a ndzum nɨvwo nɨ mɨtsuʼnɨ mɨ atú ɨno, o zón a ngá a mbó Ŋwi ɨbɛn bɨ ɨtsé tsɨ wi ɨtsum, ɨbɛn ba bɨ ghamnɨ mɨgham mɨtsum, ɨbɛn bɨ ɨlaʼ ɨtsum abɔʼnɨ ɨbɛn bɨ ngwəgɨ mɔn ŋwɔn tsum ə.

Ɛfɛso 1:22

Ŋwi a kɨ ndzumtɨ ɨdzúm ɨtsum ntsagɨ a shwúrɨ́ mɨku Kristo, ngɨ ayi a nye atú ɨdzúm ɨtsum a mu ndáŋwi ə.

1 Korɨnto 11:3

Lá ma lǒ ngə́ á nɨ zuʼ nkɨ nji ngə́ Kristo a nɨ atú a mbó ŋwɔn mbáŋnɨ́ tsum, ŋwɔn mbáŋnɨ́ tsum a be atú a mbó ngwe ɨyi, Ŋwi a be atú a mbó Kristo ghe.

Ɛbal 11:40

mbɨ́ʼ ngə́ Ŋwi a kyáŋtɨ́ a za a bɔŋnɨ ngɛn nɨ mbyi a mbó bɨgɨnə ghe. Nə nɨ mbɨ́ʼ ngə́ Ŋwi a mɨ ghɨ á bo kɔʼ ntɛm ngə́ tsáŋ tsɛʼ a nkfu za bɨgɨnə bo tsinə.

Kolose 3:11

Adzaŋ məwen, ka líʼ a be ayi ɨwu a tɨtərɨ ba a se bə Yuda be abɔʼnɨ bə Yuda, a tɨtərɨ ba bɨ tsəŋnɨ ɨlagɨ ɨtsa abɔʼnɨ ba bɨ se ɨlagɨ ɨtsa tsəŋ, bɨngyen-yenɨ, ɨbɛn ba bɨ finɨ ɨnyam mɨbaʼ, ɨbuʼ abɔʼnɨ ɨbɛn ba ka bo be awa ɨbuʼ, lá ka wu tse ŋwɔn a tsi ayi ɨwu wa a dɨtɨnɨ ntsatɨ a Kristo, Kristo a tsi a mu ɨnye ŋwɔn tsum ə.

Ɛfɛso 2:15

Wɛrə a fɨ́gɨ́ a nyɔngɔŋ Mosě abɔʼnɨ ntɨgə nɨ mbɔm, taŋ ɨ ghɨ a táʼ ngwəgɨ ŋwɔn mɨsɔŋ a ntsu á tsi a mbúm bo zɨ a nye ngwəgɨ mətsen tsi bá, adzaŋ məwen ɨ ghɨ á mbɔnɨ tiʼ nchyɛ.

1 Korɨnto 10:11

Ɨnu tsiŋ ɨtsum fú a nye bo lá tso ɨlisɨ a mbó bə mɔʼɔ, bɨ kɨ ŋwaʼnɨ a tsɛrə a tɨshe lá taŋ ɨ kwantɨ awɨgɨnə mbɨ́ʼ ngə́ bɨgɨnə tsi a nye nkfu zɨ tse za mbáʼ ndwitə ɨ tiʼ tsɛʼ abó ə.

Matyo 25:32

Ɨbɛn bɨ ɨlaʼ ɨtsum lo bomnkɨ wə ɨshi, á wɛrə tiʼ ntyé awa ɨ fɨgɨ tso mbáʼ ntsiŋ mɨnyam a tyénɨ́ mbyindzɨ a tɨtərɨ mbyindɔ́ŋ lá.

Ɛbal 9:10

mbɨ́ʼ ngə́ tsɨ tsi nɨ anu tsɛʼ mbɨ́ʼ mɨdzɨ, mɨluʼ abɔʼnɨ ɨ sugɨ ɨnye ɨ fɛm a mu mbɔm ə. Mətsiŋ lá mbɔm abyɛn abyɛn tsa tsɨ tsinɨ ɨ kuʼ nkfu za Ŋwi a ghɨnɨ kyaŋtɨ mbɔm zɨ fi za.

Ɛfɛso 3:2

Ma kwaʼtɨ ngə́ nɨ zagɨnə ndzuʼ ngə́ Ŋwi, a mu abɔŋəntəm azhi, a ghanə afaʼ zen a mbó me mbɨ́ʼ ɨbɔŋ ɨwɨŋ ə.