Ɛfɛso 1:1 - Mɨkan wu Fi

¹ Aŋwaʼnɨ zen a lo a mbó me, Baolo wa ma benɨ ntom Yeso zɨ Kristo Yeso adzaŋ za Ŋwi a lɔnə ghe. Ma ŋwaʼnə a zɛrə a mbó bɨŋ ɨbɛn bɨ Ŋwi a Ɛfɛso ba bɨ faʼnɨ ɨfaʼ ɨwa a mbó Kristo Yeso nɨ táʼ ntəm lá.

Ɛfɛso 1:1 Referans Kwoze

Kolose 1:2

A ghěn a mbó ɨbɛn bɨ Ŋwi ba bɨ tsinɨ a Kolose, bo ba bo nɨ ɨbɔmbɨma ɨbɨgɨnə ba bɨ faʼnə tsɛʼ nɨ táʼ ntəm, ba bɨ tsinɨ a mbúm bo bɨ Kristo lá. A Ŋwi, zɨ wa nɨ Ta ɨwɨgɨnə a gha abɔŋəntəm abɔʼnɨ mbɔnɨ a mbó bɨŋ ə.

2 Korɨnto 1:1

Aŋwaʼnɨ zen a lo a mbó Baolo wa a benɨ ntom Yeso zɨ Kristo Yeso ndzɔ̌ŋ adzaŋ za Ŋwi a lɔnə ghe. Ma ŋwaʼnə a zɛrə lá ntsi bɨgɨ Timotyo mɨma ɨwɨgɨnə ghe. A ghěn a mbó ndáŋwi za ɨ tsinɨ a Korɨnto, abɔʼnɨ ɨbɛn bɨ Ŋwi bɨtsum a mu Mbuʼ Akaiya tsum ə.

Galesha 1:1

Aŋwaʼnɨ zen a lo a mbó me, Baolo ghe. A tsɔ́ʼ Yeso Kristo abɔʼnɨ Ŋwi, zɨ wa a nɨ Tarɨ, zɨ wa a zhwémnɨ́nɨ́ a Yeso a mbó nɨvwo ntsɔʼ aghan a nye ntom Yeso ghe. A sé tsɔ́ʼ ŋwɔn mɨsɔŋ a ntsu ntsɔʼ aghan kə ngə́ bɨ tsá lá a ndzum ŋwɔn mɨsɔŋ a ntsu ntsɔʼ aghan a nye ntom Yeso ghe.

Roma 1:1

Aŋwaʼnɨ zen a lo a mbó me, Baolo ŋwɔn afaʼ Kristo Yeso ghe. Ma nɨ ntom Yeso za Ŋwi a tsɔʼnɨ ntyigɨ a sóŋ Nkən wu Shiʼnɨ ə.

Roma 1:7

Ma tiʼə ŋwaʼnə a mbó bən bɨtsum alaʼ Roma ghe. Ŋwi a kɔŋ awən nkɨ ntsɔʼ awən ngə́ á nɨ be ɨbɛn ɨbyi: A Ŋwi, zɨ wa a nɨ Ta ɨwɨgɨnə abɔʼnɨ Maʼmbyí Yeso Kristo gha abɔŋəntəm abɔʼnɨ mbɔnɨ a mbó bɨŋ ə.

Ɛfɛso 6:21

Taichikusɨ, mbɔŋ mɨma ɨwɨgɨnə wa a faʼnə a mbó Maʼmbyí nɨ ntəm ɨyi ɨtsum a mɨ soŋ ɨnu ɨtsum mbɨ́ʼ aghan taŋ á nɨ zhi adzaŋ za ma benə.

1 Korɨnto 4:17

Ma lan, ma tságɨ́ a Timotyo a mbó bən, zɨ wa a nɨ mbɔŋ mɔn ɨghan wa a faʼnə nɨ táʼ ntəm a nye ntsi mbyi ɨzhi a mbúm bo Maʼmbyí ɛ. A mɨ waʼtɨ awən mbɨ́ʼ ngɨnɨ mɨnu ɨman a mbúm bɨgɨ Kristo Yeso nkɨ mbe tsɛrə tsa ma diʼnə a ndáŋwi tsum ɨdiʼ ɨtsum tsa ma ghɛnə ɨwu ə.

Alukasɨ 16:10

Ŋwɔn tsum wa a tiʼtɨnɨ a mɨnya mɨ azúm nɨ táʼ ntəm a ghɨ kɨ́ tíʼtɨ́ ɨdzúm tsɨ wi nɨ táʼ ntəm ə; ŋwɔn tsum wa a chwɛnɨ ɨnu a nye mɨnya mɨ anu a ghɨ kɨ́ chwé ɨnu a nye ɨnu tsɨ wi ə.

Nkyɛʼə 2:10

A nɨ keʼ mbɔ́gɨ́ ngɨ́ʼ tse za nɨ mɨ ze. Zhwiʼtɨnə! Dəbɨrɨ a mɨ zhwəŋtɨ abeməntəm azən a ntsǎ ndzum ntsagɨ bən bə tse atsáŋ, ngɨ́ʼ ɨzɨŋ mɨ tiʼ tsi atú njwi tsi nɨghúm ə. A nkə faʼə tsɛʼ faʼnɨ a mbó me nɨ táʼ ntəm mbáʼ be a kwɛ ndiʼ be nɨvwo, ma mɨ gha ntsi ntən nɨnkoŋ a mbó bən tso ɨsáʼfɔ ayanguʼ azɨŋ ə.

Nkyɛʼə 17:14

Bo mɨ tǒkɨ a Mɔn Mbyindzɨ wa; lá Mɔn Mbyindzɨ wa abɔʼnɨ ɨbyi ba bɨ tsɔ́ʼnɨ́, ndzarɨ awa, bɨ kə́ ndzɔŋə ayi tsɛʼ nɨ táʼ ntəm lá, bo mɨ ghaʼ awa mbɨ́ʼ ngə́ wɛrə a nɨ Maʼmbyí bɨmaʼmbyí nkɨ mbe Ɨfɔ bɨfɔ ghe.”

Galesha 3:9

Abraʼm a tsí nɨ abeməntəm, Ŋwi a tiʼ fɔgɨ ayi; ma lan, ŋwɔn tsum wa a tsinɨ nɨ abeməntəm, Ŋwi mɨ fɔgɨ ayi tsɛʼ adzaŋ za wɛrə fɔ́gɨ́nɨ́ a Abraʼm lá.

Roma 8:1

Tɨtsɔŋnɨ, ka ngvo ɨsáʼ tse ɨ be ayi ɨwu a mbó ŋwɔn wa a tsínə́ a mbúm bo Kristo Yeso ghe.

Ɨfaʼ 16:15

Wɛrə abɔʼnɨ ŋwɔn tsum a mu ndá zɨ ghɨnə nkwárɨ́ nkyi, wɛrə a tiʼ ngon awɨgɨ ɨ sóŋə́ ngə́, “Yenə ngyen ntsi a mu ndá me mbáʼ be a be ngə́ nɨ zɛnə ngə́ ma nɨ nkasɨ ŋwɔn wa a nɨŋnɨ ntəm ɨyi a nye Maʼmbyí ɛ.” Wɛrə a lɛ́tɨ́ mɨntəm ɨmɨgɨ, bɨgɨ ghen.

Nkyɛʼə 2:13

Ma zhi adiʼ za nɨ tsínə́ ɨwu ə, ɨwu, mbáʼ Satan a tsinɨ nɨ abərɨ azhi lá. O sǒŋ nkənu a mbó me, o sé kɨ nyɛʼ abeməntəm azo a nye me a nkfu za tsɛʼ atɛmə-ndzě ɨghan Antibasɨ wa a faʼnə a mbó me nɨ táʼ ntəm, a bɨ zhwítɨ́nɨ́ ayi ɨwu, adiʼ wa Satan a tsínə́ lá.

1 Korɨnto 4:12

bɨgɨ faʼə tɨ́sə́n nɨ mbó ɨmɨgɨ ə. Bɨ lɔʼ awɨgɨ lá bɨgɨ baŋnɨ nga ɨfɔgə, bɨ dɨgɨ awɨgɨ lá bɨgɨ chigɨ ntəm;

Ɨfaʼ 9:13

Anania a chwɨ́gɨ́ ngə́, “Maʼmbyí, ɨbɛn bə ghaʼnɨ ghamnə a mbó me mbɨ́ʼ a ŋwɔn wen abɔʼnɨ ɨnu tsɨ tɔmnɨnɨ tsa a ghɨnə a nye ɨbɛn ɨbo a Yerosalɛm ə.

Ɨfaʼ 18:19

Bo yén fu a Ɛfɛso, adiʼ wa wɛrə a nyɛ́ʼtɨ́nɨ́ a Brɨsɨla bo Akwila ghe. Wɛrə a ghɛ́n a mu ndáŋwi bə Yuda, ntáŋ ɨnu bo bɨ bə Yuda ghe.

Ɨfaʼ 18:21

Wɛrə a báŋnɨ́ soŋ a mbó bo, mbáʼ a kɨ́nə́ nyɛʼtə awa ngə́, “Be Ŋwi a bemtɨ muŋ ma mɨ bə yiŋə.” Ma lan, wɛrə a yíŋ nɨyen a mu nkyi ndo a Ɛfɛso ghe.

Galesha 3:26

Nɨ nɨ ɨbɔ bɨ Ŋwi bɨtsum ba bɨ tsinɨ a mbúm bo bɨ Yeso Kristo ntsa lá a ndzum abeməntəm ə.

Galesha 3:28

Adzaŋ məwen, ka líʼ a tsi ayi ɨwu a tɨtərɨ bə Yuda bo bɨ ba a se bə Yuda be, a tɨtərɨ ɨbuʼ bo bɨ ɨbɛn ba a se ɨbuʼ be, a tɨtərɨ mbáŋnɨ́ bo bɨ bəngye; bən bɨtsum nɨ táʼ azúm mbɨ́ʼ ngə́ nɨ tsi a mbúm bɨŋ bɨ Yeso Kristo ghe.

Ɛfɛso 1:15

Mbɨ́ʼ a məzen, mbáʼ ma zuʼnə mbɨ́ʼ abeməntəm azən a nye Maʼmbyí Yeso abɔʼnɨ akɔŋnɨ za nɨ tsinɨ nɨ zɛrə a nye ɨbɛn bɨ Ŋwi bɨtsum lá,

Ɛfɛso 2:6

Wɛrə a zhwémnɨ́ awɨgɨnə, bɨgɨnə bɨ Kristo Yeso, ntiʼ ngɨ bɨgɨnə bo tsi a fɔməbvurə ghe.

Ɛfɛso 2:10

Mbɨ́ʼ ngə́ bɨgɨnə nɨ abó afaʼ azhi mbáʼ wɛrə a káʼnɨ́ ntsa a ndzum Kristo Yeso ngə́ á bɨgɨnə ngɨə tsɛʼ ɨnu tsɨ shiʼnɨ tsa Ŋwi a kwɛ́nə nkyaŋtɨ ngə́ á bɨgɨnə ngɨə tsɛʼ a tsɛrə lá.

Ɛfɛso 2:13

Lá tɨtsɔŋnɨ, mbɨ́ʼ ngə́ bɨgɨnə tsi a mbúm bɨgɨnə bɨ Kristo Yeso, bən wa aghagɨ azən a ságɨ́nɨ́ a Ŋwi lá, nɨ zhinə ayi mbɨ́ʼ alɛm a Yeso za bɨ chwirɨnɨ atɨ abaŋnɨ-baŋnɨ ə.