Alukasɨ 1:1 - Mɨkan wu Fi

¹ O Tiofilo: Ɨbɛn bə ghaʼnɨ zhwəŋtɨnə ndaʼ ɨwa a ŋwaʼnɨ ɨnu tsa tsɨ fúnɨ́ a tɨtərɨ bɨgɨnə,

Alukasɨ 1:1 Referans Kwoze

1 Timotyo 3:16

Ŋwɔn tse a chi keʼ ton ngə́ ndóm wa bɨgɨnə zhinɨ a Ŋwi, a nɨ anu a nkubə zə wi ə: Wɛrə a fú a ɨshe a nye mbě ŋwɔn mɨsɔŋ a ntsu, Azhwi a diʼ ngə́ wɛrə a kuʼnɨ, ɨtsendá Ŋwi zɛ́n a wɛrə ghe. Bɨ ghám mbɨ́ʼ ayi a mbó ba a se bə Yuda be, atuəshe atsum a nɨŋ mɨntəm ɨma wə ɨnye, Ŋwi a tsɔ́ʼ a wɛrə nkɔʼ ngɛn nɨ zɨ a fɔməbvurə ghe.

Yoane 20:31

Lá bɨ ŋwaʼnɨ a tsen lá taŋ o chi nɨŋ ntəm ɨgho ɨwu ngə́ Yeso a nɨ Wa bɨ Zɔ́ʼnɨ́ nkɨ mbe Mɔn Ŋwi ə. Nkɨ mbe ngə́ a ntsǎ a ndzum abeməntəm azo wə nye, o chi tsi nɨ ntsi ntən nɨnkoŋ ə.

2 Timotyo 4:17

Lá Maʼmbyí a tsí bɨgɨ zɨ, nkɨ nga adaʼ a mbó me, adzaŋ məwen, ma tsí nɨ adaʼ a nchwítɨ́ nkən wu shiʼnɨ wa tsɛʼ ɨtsum á ba a se bə Yuda be bɨtsum zuʼə; ma lan, bɨ ghángə́ bɨ soŋə ngə́ ma vwo ɨsáʼ, bɨ tsi nɨ njwitɨ me, lá wɛrə a fɨ́gɨ́ aghan a mu məziŋ ə.

Marɨkusɨ 16:20

Bɨyɛʼ ɨbyi tíʼ fú ngɛ́n ntíʼə sǒŋ anu a Ŋwi tsɛʼ ɨdiʼ ɨtsum, Maʼmbyí a tiʼə nkə́ fáʼə bo bo, ntiʼə nkə́ ndiʼə ngə́ anu a Ŋwi za bo kɨ́nə́ sóŋə́ a bé nkənu a ntsǎ a ndzum ɨnu tsɨ yerɨnɨ-yerɨnɨ tsa bɨ kɨ́nə́ ngɨə ghe. A be lá.

Roma 4:21

nji a shwi a mu ntəm zɨ ngə́ anu za Ŋwi a káʼnɨ́ ayi ɨwu lá a ghɨ fuə.

Roma 14:5

Ɨbɛn bə tsɛrə kwaʼtɨ ngə́ njwi zɨ tse ɨ tsa a tsə mɔʼɔ ghe, mbáʼ ɨbɛn bə mɔʼɔ kwaʼtɨnɨ ngə́ njwi ɨtsum kuʼnɨ ə. A ŋwɔn tsum a zhi ɨ shiʼnɨ a mu atú zɨ ngə́ anu za zɨə kwaʼtɨnə lá a kuʼnɨ ə.

Kolose 2:2

Ma ghɨə a məzen lá taŋ á bo kotɨ mbáŋnɨ́ ɨtsa, ntiʼ nchi kɨ ghótɨ́nə a mbúm a mu akɔŋnɨ ə. Ma lan, bo mɨ tiʼ tsi nɨ ngótɨ́ ndzuʼ kɨ zhi, adzaŋ məwen á nɨbɔgɨ nə tse keʼ ɨwu bə mbe. A nye ndóm məwen, bo mɨ zhi a za Ŋwi a lɛnɨ a nkubə, mbáʼ a lá Kristo zɨmboŋ ə.

Kolose 4:12

Ebafrasɨ a kə́ ntɔ́ŋtə́ awɨŋ ə. Wɛrə nɨ táʼ ŋwɔn a mu ngǒtə ɨzən nkɨ mbe ngaŋ afaʼ Kristo Yeso ghe. Wɛrə a tsaʼtə a Ŋwi tsɛʼ nɨ ntəm ɨyi ɨtsum nkfu tsum mbɨ́ʼ awən, ndɔ́ntə́ a mbó Ŋwi ngə́ á wɛrə a ghɨ á nɨ tɛm ntɨŋə ngə́ twə́ŋ, nkwi, nkeʼ nɨ aməŋnɨ zə tsɛrə nyam ntsi mbɨ́ʼ ɨnɨŋ mɨntəm ɨzɨgɨnə a nye Kristo, nkɨ ntsi a mu ndzuʼnə a nɨ́lónɨ́ anu za Ŋwi a lɔnə ghe.

1 Tesalonaika 1:5

Mbɨ́ʼ ngə́ bɨgɨ yén nɨ Nkən wu Shiʼnɨ a mbó bən, nkeʼ tsɛʼ a mu nɨgham nɨ ntsu be, lá nkɨ mbe abɔʼnɨ mɨtən nkwiʼtɨ Azhwi zə Fɛmnɨ tə́ mə́ŋnə́ anu zə tsɛrə za a nɨ nkənu ə. Nɨ zhi adzaŋ za bɨgɨ kɨ́nə́ nchyɛ̌ a nkfu za bɨgɨ tsínɨ́ bɨgɨnə; a bé lá mbɨ́ʼ atú azɨŋ ə.

Ɛbal 6:11

Za bɨgɨ lɔnə nɨ mɨntəm ɨmɨgɨ mɨtsum a nɨ ngə́ á ŋwɔn tsum a tɨtərɨ bən a ngěn nɨ mbyi nɨ ntəm ɨyi ɨtsum a ngɨ ɨnu tsa a ghɨnə ɨ kɔʼ kuʼ a ndwitə, taŋ á anu za nɨ tsenə nɨ mɨntəm ɨmən mɨtsum a ghɨ́ fú mbe nkənu ə.

Ɛbal 10:22

A bɨgɨnə ghɛn ɨ fatɨ a Ŋwi nɨ ntəm wu nkənu, abɔʼnɨ abeməntəm za bɨgɨnə zhinɨ ngə́ a ghɨ fú a nye anu, nɨ mɨntəm ma bɨ sugɨnɨ a mbó ngvo ɨsáʼ tsum abɔʼnɨ mbəmnye tsa tsɨ fɛ́mnə́ tsɛʼ tso ngə́ bɨ sugɨ nɨ nkyi wu fɛmnɨ ə.