2 Bita 3:3 - Mɨkan wu Fi

³ A mbyi ɨnu ɨtsum, nɨ mɨ zagɨ zuʼ ɨ kɨ zhi ngə́ a mu njwi tsə lwitɨnɨ tsen, ɨbɛn bə tse mɨ fu a ɨshe ba ɨnu tsa mbəmnye ɨtsa lɔnə mɨ tsɨŋnɨnɨ ntsi mbyi ɨtsa ghe. Bo mɨ werɨ awən

2 Bita 3:3 Referans Kwoze

Judɨ 1:18

Bo sóŋ a mbó bən ngə́, “Njwi ntsɨrɨndzum ghɨ ngyén, muŋ ɨbɛn ghɨ fú a ɨshe ba bɨ ghɨ werɨ awɨŋ ə. Nə ghɨ bé ɨbɛn ba bɨ zɔŋnɨ ɨnu tsɨ tɔmnɨnɨ tsa mbəmnye ɨtsa lɔnə tsa ka Ŋwi a bemtɨ ayi lá.”

2 Bita 2:10

tɨ́sə́n tɨ́sə́n, ɨbɛn ba bɨ ghɨnɨ ɨnyaʼnɨ ɨnu tsa mbəmnye lɔnə nkə́ ngwágɨ́nɨ́ mɨtən mɨ Ŋwi lá. Bɨdiʼ bɨ aŋwaʼnɨ bɨ ɨchwenu məbiŋ tsi nɨ mɨntəm mə fankɨnɨ nkɨ ntsi nɨ kɨtɛrɨ ngvo, nkeʼ nkə́ ndǐʼ mbɔm zɨ shiʼnɨ a mbó ɨdzúm tsə kaʼnɨ tsə nɨfáŋ tsa tsɨ tsinɨ atɨ́; bo baŋnə ndzɔ́mə́ awa ghe.

Judɨ 1:16

Ɨbɛn biŋ zhwuʼnə tsɛʼ nkfu tsum nkə́ ngǎ ɨfərɨ ɨbɛn bə mɔʼɔ tsɛʼ nkfu tsum; bo zɔ̌ŋ ɨnu tsɨ tɔmnɨnɨ tsa mbəmnye ɨtsa lɔnə; bo tɛrə mbɨ́ʼ ɨtumbəm ɨtsa nkə́ sǒŋ ɨnu tsɨ shiʼnɨ mbɨ́ʼ ɨbɛn bə mɔʼɔ taŋ ɨ tsi nɨ ndóm ɨwa ghe.

2 Korɨnto 4:2

Bɨgɨ tintɨnɨ ɨnu tsa ɨbɛn lwɛʼnə ntɛgɨ a ngɔbə, ɨnu tsa tsɨ yenə nɨ adɨrətú lá; ka bɨgɨ ngɨə awɨgɨ ɨnu ɨbankɨ kə ntwɛ́ntɨ́ nɨgham nɨ Ŋwi; lá a mu nkənu tsum za bɨgɨ ghamnə asaŋəsaŋ, bɨgɨ fɨʼtɨ ɨtumbəm ɨtsɨgɨ a ɨshi Ŋwi a nye ndóm wa ŋwɔn tsum a mɨ zhi ngə́ mɨntəm ɨmɨgɨ fɛmə.

2 Bita 1:20

Za a tsanɨ atsum a nɨ ngə́ á nɨ waʼtɨ ngə́ ŋwɔn tse a chi keʼ tsɛʼ nɨ atú azhi zɨmboŋ fɨʼtɨ nkən ntom Ŋwi a mu aŋwaʼnɨ a Ŋwi ə.

2 Timotyo 3:1

Ma lǒ ngə́ o zhi ngə́ ɨbvu ghɨ gháʼ a nye njwi ntsɨrɨndzum ə.

1 Yoane 2:18

Ɨbɔ ɨban, ndwitə ɨ tiʼ abó ə! Bɨ sóŋ a mbó bən ngə́ ngaŋ kɨban Kristo ghɨ yen; tɨtsɔŋnɨ ngaŋ kɨban Kristo tsə ghaʼnɨ binə fu a ɨshe, ma lan, bɨgɨnə tiʼ nji ngə́ ndwitə ɨ tiʼ abó ə.

Yoane 12:48

Ŋwɔn tsum wa a tonɨ ayi aghan, nkeʼ nkən ɨghan kwarɨ, a tsi nɨ ŋwɔn wa mbáʼ a ghɨnɨ sáʼ ayi ɛ. Mɨgham ma ma ghamnə ghɨ sáʼ ayi a ntsɨrɨndzum njwi ɛ!

Ɛbal 1:2

Lá a nye njwi tsen tsa tsɨ lwɨgɨnɨnɨ lá, Ŋwi a ghamnə a mbó bɨgɨnə ntsǎ a ndzum Mɔn ɨyi ɛ. Ŋwi a káʼ mbyi-mbyi tsum ntsa lá wə ndzum, zɨ wa Ŋwi a tsɔʼnɨ ngə́ á ghɨ ntsí nɨ ɨdzúm ɨtsum a ndwitə lá.