2 Bita 2:3 - Mɨkan wu Fi

³ A mu ɨnu amiɛnɨngám ɨtsa, bɨdiʼ bɨ aŋwaʼnɨ bɨ ɨchwenu biŋ ghɨ ghɨ abi a nye adzaŋ za bo sóŋnɨ́ njalaʼ tsa bo kyaŋtɨnɨ a mbó bɨŋ ə. A nɨ abaŋ zə sa tɨtsɔŋnɨ mbáʼ Ŋwi, zɨ wa nɨ Tabyɛn ɨwa a kyaŋtɨnɨ ɨnye ɨzhi a ntsənkɨ bo ghe!

2 Bita 2:3 Referans Kwoze

2 Korɨnto 2:17

Mbɨ́ʼ ngə́ ka bɨgɨ be awɨgɨ lá tso bə mɔʼɔ bə ghaʼnɨ, ba bɨ lɔgɨnə anu a Ŋwi ntáŋə́ a mɨtan ɨwu; lá mbɨ́ʼ ngə́ Ŋwi a tsagɨ awɨgɨ, bɨgɨ ghǎm nkənu nɨ mɨntəm ɨmɨgɨ mɨtsum wə ɨshi, tso ngaŋ afaʼ Kristo ghe.

1 Tesalonaika 2:5

Nɨ zhi ɨ shiʼnɨ ngə́ bɨgɨ sé yen a mbó bən lá nɨ mɨgham mə shiʼnɨ a ntámtɨ́ bən, kə ɨ lɔgɨ mɨgham ɨ kɨŋtɨ ɨnu amiɛnɨngám nɨ mɛrə — Ŋwi a nɨ atɛmə-ndzě ɨwɨgɨ a nye məziŋ ə!

Roma 16:18

Mbɨ́ʼ ngə́ ɨbɛn ba bɨ ghɨnɨ ɨbə́ŋ ɨnu mətsen se faʼə lá a mbó Kristo Maʼmbyí ɨwɨgɨnə ghe. Bo baŋnə ngɨə be ɨnu tsa tsɨ bɔŋnə tsɛʼ mɨfúʼ mɨ ntɔŋ ɨma ghe. Bo lɔgə mɨgham mɨ ndɛtɨ ɨbɛn abɔʼnɨ mɨgham mɨ ntám a shwuŋ ɨbɛn ba mɨntəm ɨma bɔrɨnɨ ɨ fɨgɨ a mu anu a Maʼmbyí ɛ.

Judɨ 1:15

á bo yen nɨ nɨsáʼ a nye ŋwɔn tsum, ɨ nɨŋ ngɨ́ʼ a nye bo bɨtsum mbɨ́ʼ ɨnu bɨtɨbeməŋwi tsa bo ghɨnə ghe. Ŋwi a mɨ kɨ nɨŋ ngɨ́ʼ a nye ngaŋ ngɨ mɨbvu, mbe bɨtɨbeməŋwi mbɨ́ʼ mɨgham mɨ tɨbɔŋ mɨtsum ma bo ghamnə mbɨ́ʼ ayi ɛ!”

Tɨ́tósɨ 1:11

Bɨ tsi nɨ ɨ soŋə á bo kyɛntɨ ɨbə́ŋ mɨgham ɨma məmen, mbɨ́ʼ ngə́ bo tɔ́bɨ́ ɨtú ɨbɛn bɨtsum a mu ngwəgɨ tsɨ tse nɨ adzaŋ za bo diʼnɨ ɨnu tsa bo se tsi nɨ ndiʼə lá. Məziŋ atsum a tsi lá mbɨ́ʼ akyaŋtɨ adɨrətú zə nchyɛ nɨ nkáb ə.

1 Timotyo 6:5

ndɨʼkə nkfu tsum a tɨtərɨ ɨbɛn ba ka ɨtú ɨtsa faʼə ayi, ba ka bɨ bə mbvurɨ ntiʼtɨ awa nkənu ə. Bo wiʼtɨ ngə́ nji Ŋwi nɨ ndómnji nchyɛ nɨ nkáb ə.

2 Bita 2:9

Ma lan, Maʼmbyí a zhi adzaŋ za a fɨ́gɨ́nə́ a mu ngɨ́ʼ ɨbɛn ba bɨ zhinɨ a Ŋwi a nye ɨnu tsa tsɨ zhwə́ŋtɨ́nə́ awa, ɨ kɨ nɨŋ ngɨ́ʼ a nye ngaŋ abɨgəntəm, ɨ tsiŋənɨ Njwi Nɨsáʼ,

2 Bita 2:1

Ntóm Ŋwi ɨchwenu fú a ɨshe a tɨtərɨ ɨbɛn a mbyi, ndəŋndəŋ bɨdiʼ bɨ aŋwaʼnɨ bɨ ɨchwenu ghɨ kɨ fu a ɨshe a tɨtərɨ bɨŋ ə. Bo mɨ yen nɨ mbɔ́m ndiʼ anu a Ŋwi tsa tsɨ tsənkɨnə nkɨ mbe tsɨ ɨchwenu, ɨ kɨ ton awa a Tafaʼ wa a zónɨ́ atú aza, ma lan, bo mɨ yen nɨ ntsənkə za ɨ mɨ vwukɨ yen a nye ɨtumbəm ɨtsa tɨgha bo zhyɛ.

2 Bita 1:16

Bɨgɨ se zɛʼtɨ awɨgɨ lá a nye njalaʼ tsɨ kɔ́ʼɔ́nguʼ a ngɨə á nɨ zhi ngə́ Maʼmbyí Yeso Kristo ɨwɨgɨnə a lo bə tɨ yiŋə, ɨ yiŋənə nɨ adaʼ ə. Nɨ ɨmɨgɨ ɨmɨgɨ, bɨgɨ zé adzaŋ a ŋwɔn wu ngwi za wɛrə nɨ wɛrə ghe.

1 Bita 5:2

á nɨ be bɨntsiŋ mɨnyam bɨ akarɨ a mɨnyam za Ŋwi a ghánɨ́ a mbó bən, ɨ kə́ lənə atú nɨ tsɛrə mbáʼ ka bɨ nyəmə ayi awən, tsɛʼ adzaŋ za Ŋwi a lɔnə lá. Nɨ faʼ afaʼ azən, keʼ be tsɛʼ ngə́ nɨ mɨ səŋ ɨwu, á baŋnɨ mbe be ngə́ nɨ lánə́ ndǒ ɨ faʼə tsɛʼ nɨ mɨntəm ɨmən mɨtsum ə.

Tɨ́tósɨ 1:7

Mbɨ́ʼ ngə́, mbáʼ atú a ndáŋwi tso məza a lánə́ atú a nye afaʼ a Ŋwi lá, a tsi nɨ nchyɛ tɨ ɨfərɨ ə. A tsi nɨ ɨ zagɨ tsi tɨ atságɨ́ kə ɨ keʼ a ngwáŋnə́ ndwi ntɔŋ, kə ɨ be abarə mɨluʼ kə ɨ be ŋwɔn wa a bvugɨnɨ ndum kə amiɛnɨngám a nye ɨnu nkáb ə.

Judɨ 1:11

Wei ngɨ́ʼ zɨ ngwi a nye bo ghe! Bo zɔŋnə ɨbuʼ mɨku Kain ə. Mbɨ́ʼ atú a nkáb bo nyɛʼtɨnɨ ɨtumbəm ɨtsa tsɨ ghɛn a mu ngɨ afənu za Balam a ghɨ́nə́. Bo tənə atú adzaŋ za Kɔra a tə́nɨ́, tso zɨ bɨ tsənkɨnə awa ghe.

Judɨ 1:7

Waʼtɨnə a Sodom bo Gomora abɔʼnɨ ntáʼmbagə tsa tsɨ tsínɨ́ a kárɨ́kɨ́ tsɛrə, tsa ɨbɛn ɨba ghɨ́nɨ́ mɨnu tso bɨtsen bɨ ndá bɨ Ŋwi ba, ntiʼ nkɨ ngɨ ɨnu ntɔrɨ ɨlɛbɨ abɔʼnɨ mbɨŋnə a nye ɨnu ntɔrɨ ɨlɛbɨ tsa ka tsɨ tsi awa a mu mbɔm za bɨ káʼnɨ́ ɨbɛn: bo zě ngɨ́ʼ a mu ɨmugɨ nɨnkoŋ wa mbá a lá akwantɨ za a tsinɨ asaŋəsaŋ a mbó ŋwɔn tsum ə.

Judɨ 1:4

Mbɨ́ʼ ngə́ bɨtɨbeməŋwi bə tsɛrə lwɔnə nkon a tɨtərɨ bɨgɨnə ghe. Bo nɨ ɨbɛn ba bɨ twɛ́ntɨ́nɨ́ nkən wa mbɨ́ʼ abɔŋəntəm a Ŋwi ɨwɨgɨnə taŋ ɨ ghɨnɨ ɨnu ntɔrɨ ɨlɛbɨ ɨtsa, nkɨ mbe ɨbɛn ba bɨ tonɨ awa a Yeso Kristo, zɨ wa a nɨ tsɛʼ zɨzɨ wa a nɨ Tafaʼ abɔʼnɨ Maʼmbyí ɨwɨgɨnə lá. A ngúʼə ngúʼə Aŋwaʼnɨ a Ŋwi a kwɛ́nə ngam mbɨ́ʼ nɨsáʼ abɔʼnɨ ɨnɨŋ ngɨ́ʼ zen za bo kwarɨnə lá, ngə́ ɨ ghɨ fuə.

1 Bita 2:8

Adiʼ zə mɔʼɔ a mu aŋwaʼnɨ a Ŋwi a kɨ soŋ ngə́: “Nə nɨ ngɔʼ za ɨ mɨ ghɨ á ɨbɛn kɔmnkɨ ngvo a tɨshe, aláŋsə́ ngɔʼ za a mɨ ghɨ á bo vwo a tɨshe ə.” Bo kɔ́mnkɨ́ ngvo a tɨshe lá mbɨ́ʼ ngə́ bo sé nɨŋ mɨntəm ɨma a nye nɨgham na; a bé anu za Ŋwi a kɨ́nə́ ndǒ ngə́ á fu a nye bo ghe.

1 Timotyo 3:8

Ɨbɛn ba bɨ kwátɨ́nə́ a ndáŋwi tsi nɨ ɨ zagɨ tsi nɨ mbɔm zɨ shiʼnɨ, ɨ kə́ soŋnɨ nkənu; ka bo tsi awa nɨ ɨ no mɨluʼ tɨ́sə́n kə ɨ be bɨ amiɛnɨngám a nye ɨnu nkáb;

1 Timotyo 3:3

a se tsi nɨ mbe abarə mɨluʼ kə ŋwɔn wa a bvugɨnɨ ndum, lá ɨ be ŋwɔn abɔnəntəm abɔʼnɨ ŋwɔn mbɔnɨ; a se tsi nɨ nkɔŋ nkáb;

1 Tesalonaika 5:3

A nkfu za ɨbɛn ghɨnɨ sóŋ ngə́, “Mbɔnɨ ɨ tsi, bɨgɨ keʼ nɨ nɨbɔgɨ kɨ nchyɛ,” muŋ ntsənkɨ ɨnu mɨ vwukɨ warɨ awa ghe! Ɨ mɨ vwukɨ yen tso mangye a chiʼ a mɔn, ɨbɛn chi keʼ a zɛrə lɛʼə.

Yoane 2:16

Wɛrə a sóŋ a mbó ɨbɛn ba bɨ kɨ́nə́ fǐŋ bɨbvugɨrə-fɨkon ba ngə́, “Lɔgɨnə ɨdzúm tsenə ntsa fukɨnə nɨ tsɛrə ɨghə! Nɨ kyɛntɨ a ngɨ ndá Ta ɨghan a nye adiʼ a mɨtan ə!”

Alukasɨ 22:47

Yeso a kə́ mbvúrə́ ngámə́ mbáʼ ɨnɔ ɨbɛn wa ɨ yénə́, Yudasɨ mbáʼ a bénɨ́ táʼ ngyɛʼ a tɨtərɨ ba nɨghúm ntsɔb bá lá a tsá mbyi ɛ. Wɛrə a kɔ́ʼ ngɛn a nchwɨgɨ Yeso ghe.

Alukasɨ 20:20

Bo tíʼə ndǒ a nyom wu shiʼnɨ ə. Bo ghá nkáb abó a ndzum a mbó ɨbɛn bə tse ngə́ á bo ghɨ ɨtsi ngə́ bo nɨ ɨbɛn bə shiʼnɨ, ntiʼ ntsagɨ awa ngə́ á bo bentɨ a Yeso nɨ ɨbítɨ mɨgham, taŋ ɨ tiʼ tsa ɨwu ɨ ko ayi ɨ gha a mbó Gobɨna á tiʼ ntsi a shwúrɨ́ mɨtən mɨ bə Roma ghe.

Alukasɨ 18:8

Ma soŋ a mbó bɨŋ ə, a mɨ waŋnɨ sáʼ ɨ byigɨ a bagɨ bɛrə ghe. Lá, a nkfu za Mɔn Ŋwɔn a ghɨnɨ yen, a ghɨ mɛrɨ zɛ́n ɨbɛn ba bɨ tsinɨ nɨ abeməntəm atuəshe wen le?”

Judɨ 1:16

Ɨbɛn biŋ zhwuʼnə tsɛʼ nkfu tsum nkə́ ngǎ ɨfərɨ ɨbɛn bə mɔʼɔ tsɛʼ nkfu tsum; bo zɔ̌ŋ ɨnu tsɨ tɔmnɨnɨ tsa mbəmnye ɨtsa lɔnə; bo tɛrə mbɨ́ʼ ɨtumbəm ɨtsa nkə́ sǒŋ ɨnu tsɨ shiʼnɨ mbɨ́ʼ ɨbɛn bə mɔʼɔ taŋ ɨ tsi nɨ ndóm ɨwa ghe.

Matyo 23:14