2 Bita 1:3 - Mɨkan wu Fi

³ Mɨtən mɨ Ŋwi mə fɔməbvurə ghanə atsum za bɨgɨnə lɔnə a nchyɛ́ tso ɨbɛn ba bɨ zhinɨ a Ŋwi ntsa a ndzum nji zɨ wa a tsɔ́ʼnɨ́ awɨgɨnə ngə́ á bɨgɨnə kɨ ntsi a mu nɨfáŋ ɨni abɔʼnɨ ɨbɔŋ ɨyi lá.

2 Bita 1:3 Referans Kwoze

1 Bita 5:10

Lá mbáʼ nɨ zɛnɨ ngɨ́ʼ a nye məkum a nkfu, Ŋwi, zɨ wa a diʼnə abɔŋəntəm azhi nkfu tsum, zɨ wa a tsɔʼnɨ awən ngə́ á nɨ kɨ ntsi a mu nɨfáŋ ɨni nə nɨnkoŋ, a mbúm bɨŋ bɨ Kristo, zɨmboŋ a mɨ ghɨ á nɨ kɔʼ ntəm ngə́ tsáŋ, ɨ kɨ ghɨ á nɨ tɛm nkeʼ nchíʼnə́, ɨ tsi nɨ adaʼ, ɨ kɨ ghɨ á mɨngaŋ ɨmɨŋ shwi a ɨshe ə.

2 Timotyo 1:9

Wɛrə a lóŋ awɨgɨnə nkɨ ntsɔʼ awɨgɨnə ngə́ á bɨgɨnə be ɨbɛn ɨbyi, nkeʼ be be mbɨ́ʼ anu za bɨgɨnə ghɨnə, lá mbe be mbɨ́ʼ adzaŋ za wɛrə a lɔnə abɔʼnɨ abɔŋəntəm azhi ɛ. Wɛrə a ghá abɔŋəntəm məzen a mbó bɨgɨnə ntsa a ndzum Kristo Yeso bɔŋ á mbyi mbíʼnə́,

Roma 8:32

Tsɛʼ a nkənu a mɨ keʼ Ŋwi be. Zɨ wa a sé ghɨʼtɨ a Mɔn ɨyi, lá ɨ nyɛʼtɨ bɨ zhwitɨ ayi mbɨ́ʼ atú azɨgɨnə bɨtsum, njingə a mɨ keʼ ɨdzúm ɨtsum a mbó bɨgɨnə gha adaŋədaŋə le?

2 Korɨnto 12:9

Lá achwɨgə azhi a bé ngə́, “Abɔŋəntəm azan a nɨ atsum za o lɔnə, mbɨ́ʼ ngə́ mɨtən ɨmə gháʼə ntsǎ mbó lá a nkfu za o bɔrɨnə.” Nɨdorɨ tiʼ ntsi a nye me be tɨ́sə́n, a ŋuʼ ɨnye mbɨ́ʼ adzaŋ za ma bɔrɨkɨnɨ, taŋ ɨ zuʼ a mu ɨnye me mɨtən mɨ Kristo ma mɨ kɨ́nkɨ́nɨ́ aghə.

1 Bita 2:21

Ŋwi a tsɔ́ʼ awən lá mbɨ́ʼ a məziŋ ə. Mbɨ́ʼ ngə́ Kristo zɨmboŋ a zé ngɨ́ʼ lá mbɨ́ʼ awən, ntiʼ nkɨ nyɛʼtɨ alisɨ a mbó bən, taŋ á nɨ ndzɔ̌ŋ ɨbuʼ mɨku ɨchi ɛ.

2 Tesalonaika 2:14

Ŋwi a tsɔ́ʼ awən a nye məzen ntsa lá a ndzum Nkən wu Shiʼnɨ wa bɨgɨ sóŋnɨ́ a mbó bən; wɛrə a tsɔ́ʼ awən lá ngə́ á nɨ tsi nɨ azɨŋ abagɨ a nɨfáŋ nɨ Maʼmbyí Yeso Kristo ɨwɨgɨnə ghe.

1 Bita 2:9

Lá nɨ nɨ ngwəgɨ ŋwɔn mɨsɔŋ za bɨ tsɔ́ʼnɨ́, bɨntumshe bə ɨfɔ, alaʼ zə fɛmnɨ, ɨbɛn bɨ Ŋwi ba bɨ tsɔʼnɨ a nchwítɨ́ nkən mbɨ́ʼ ngɨnɨ mɨnu mə shiʼnɨ be tɨ́sə́n mə Ŋwi, zɨ wa a lɔ́gɨ́nɨ́ awən a mu ndzumnɨ ɨ fu ngyen nɨ bən a mu nkaʼ ɨyi wa ɨ nɨ wu shiʼnɨ be tɨ́sə́n lá.

1 Tesalonaika 2:12

Bɨgɨ wɔ́ŋtɨ́ awən, ndɛtɨ mɨntəm ɨmən nkeʼ kɨ nkyɛntɨ a nyíʼtɨ́ bən ngə́ á nɨ tsi nɨ abə́ŋ a ntsi mbyi za a ghɨnə ɨnye Ŋwi bɔŋənə, zɨ wa a tɔ́ŋnə́ awən ngə́ á nɨ yen nkɨ ntsi a mu Nɨfɔ ɨni abɔʼnɨ nɨfáŋ ɨni lá.

1 Tesalonaika 4:7

Ŋwi a sé tsɔ́ʼ awɨgɨnə lá ngə́ á bɨgɨnə nchyɛ̌ a mu ɨnu ntɔrɨ ɨlɛbɨ, lá nchyɛ̌ be a mu nɨfɛm ə.

1 Bita 1:15

A nɨ baŋnɨ fɛm a nye ɨnu ɨtsum tsa nɨ ghɨnə, tsɛʼ adzaŋ za Ŋwi, zɨ wa a tsɔ́ʼnɨ́ awən a fɛmnɨ lá.

Ɛfɛso 4:1

Me wa ma nɨ ngaŋ atsáŋ mbɨ́ʼ ngə́ ma faʼə a mbó Maʼmbyí, ma tiʼə mbúʼtɨ́ mbó a mbó bən ngə́ á ntsi mbyi ɨzɨŋ tsi a nye ɨfɨʼ za ɨ diʼnɨ ngə́ nɨ lá ɨbɛn ba Ŋwi a tsɔʼnə.

1 Korɨnto 1:9

Nɨ tsi nɨ nɨŋ mɨntəm ɨmən a nye Ŋwi, zɨ wa a tsɔʼnɨ awən ngə́ á nɨ ndzɨ́nə́ bɨŋ bɨ Mɔn ɨyi Yeso Kristo, Maʼmbyí ɨwɨgɨnə ghe.

2 Bita 1:2

A abɔŋəntəm abɔʼnɨ mbɔnɨ be ɨtsən a nɨ́lónɨ́ ntsa a ndzum adzaŋ za nɨ zhinɨ a Ŋwi bo Yeso Maʼmbyí ɨwɨgɨnə ghe.

2 Bita 1:5

Nə nɨ anu za mbáʼ nɨ tsinɨ nɨ ngɨ atsum za nɨ chinɨ ghɨ a nkwiʼtɨ ɨbɔŋ a nye abeməntəm azən; ɨ kwiʼtɨ azhyɛ a nye ɨbɔŋ ɨwən;

1 Bita 3:9

A nɨ keʼ ntfútɨ́ mbɔʼ anu zə tɔmnɨnɨ nɨ anu zə tɔmnɨnɨ, kə ndɔʼə nɨ ndɔʼə ghe. A nɨ mbáŋnə́ ntfútə́ nɨ ɨfɔgə, mbɨ́ʼ ngə́ ɨfɔgə nɨ azúm za Ŋwi a káʼnɨ́ awən nɨ zɛrə a nkfu wa wɛrə a tsɔ́ʼnɨ́ awən lá.

Kolose 1:16

Mbɨ́ʼ ngə́ a ntsǎ a ndzum wɛrə Ŋwi a káʼ ɨdzúm ɨtsum a fɔməbvurə abɔʼnɨ atuəshe, ɨdzúm tsa bɨ zɛ́nə́ nkeʼ kə́ ndzě, nkwiʼtɨ bɨtsen bɨ ndá bɨ Ŋwi bɨtsum abɔʼnɨ ɨzhwi tsɨ tən ɨtsum tsa tsɨ sáʼnə́ a nɨkaŋ ə. Ŋwi a káʼ mbyi-mbyi tsum ntsa lá a ndzum wɛrə nkɨ mbe a mbó wɛrə ghe.

1 Timotyo 4:8

Ɨ shintɨ ɨkwɛn ɨnye ɨ tsi nɨ ɨlɨŋ tse ghe, lá ɨ mərɨsɨ atuəmbəm azo a mu azhwi tsi nɨ ɨlɨŋ bɨbagɨ bɨtsum, mbɨ́ʼ ngə́ ɨ kaʼə ntsi ntən tɨtsɔŋnɨ abɔʼnɨ nkfu za ɨ ghɨnɨ yiŋə.

Ɛfɛso 4:4

A tsi táʼ mbəmnye, a kɨ ntsi táʼ Azhwi, tsɛʼ adzaŋ za a tsinɨ táʼ ntsiŋə nɨ ntəm tsum za Ŋwi a tsɔ́ʼnɨ́ awən mbɨ́ʼ a zɛrə lá.

Filibi 4:8

A ndwɨgɨnə nə ɨbɔmbɨma ɨban, á nɨ lwɨgɨ ɨtú ɨtsən nɨ ɨnu tsə shiʼnɨ, ɨnu tsa tsɨ tsinɨ ngə́ á bɨ bontɨ a tsɛrə ghe. Ɨnu tsen lá ɨnu tsa a nɨ tsə nkənu, tsa tsɨ yenə nɨ nkɔʼsə atɨ́, tsə kuʼnɨnɨ, tsə fɛmnɨ, tsa bɨ kɔŋnɨ abɔʼnɨ tsa tsɨ bɔŋnɨ ɨbɛn ə.

Matyo 28:18

Yeso a tíʼ nkɔ́ʼtɨ́ ngɛn a mbyɛn bo ɨ soŋ ngə́, “Bɨ ghanə mɨtən mɨtsum a fɔməbvurə bo atuəshe a mbó me ghe.

Ɛbal 1:3

Mɔn wa a lá malum wa bɨ lɔgɨnə ndzě nɨfáŋ nɨ Ŋwi ɨwu, mbe ngótɨ́ afi a Ŋwi ə. Mɨtən mɨ nɨgham ɨni byɛʼ mbyi-mbyi tsum ə. A nkfu za wɛrə a ghɨ́nə a ŋwɔn mɨsɔŋ a ntsu a fɛm a mbó mɨbvu ɨmyi lá, wɛrə a tíʼ nkɔ́ʼ ngɛ́n a fɔməbvurə, ɨ shiʼtɨ ntsi a bagɨ abó Ŋwi zə maʼə, zɨ wa a benɨ Mɨtən mɨ Akɔ́ʼɔ́ntsɨrə lá.

1 Bita 1:5

A tsi lá a mbó bən ba a ntsǎ a ndzum abeməntəm, mɨtən mɨ Ŋwi kɨnkə awən ɨ kɔʼ kuʼ njwi za nɨ ghɨnɨ tsi nɨ ɨloŋ, ɨloŋ wa ɨ tsenə ngə́ á bɨ ghɨ nkyɛʼ a nye ntsɨrɨndzum nkfu lá.

Roma 9:24

Mbɨ́ʼ ngə́ bɨgɨnə lá ɨbɛn ba wɛrə a tsɔ́ʼnɨ́, ba bɨ se fu tsɛʼ a mbó bə Yuda, lá nkɨ ndzɔŋ fu a tɨtərɨ ba a se bə Yuda be lá.

Filibi 3:8

Ka a be ayi tsɛʼ ɨdzúm mətsa; ma tiʼə nkwǎʼ azúm atsum tso byé wa a ghɛnɨ ndwitɨ mbɨ́ʼ atú anu za a tsinɨ nɨ ɨlɨŋ ngɛn nɨ mbyi, mbe lá azhyɛ a Kristo Yeso Maʼmbyí ɨghə. Mbɨ́ʼ atú azhi ma nyɛʼnə azúm atsum; ma tiʼə ndə́ŋtə́ a tsɛrə ɨtsum tso ntsaʼ, taŋ á abi azə a be ngə́ ma tiʼ ŋwɔn Kristo

2 Bita 1:6

ɨ kwiʼtɨ nchwatɨ ɨnye a nye azhyɛ azən; ɨ kwiʼtɨ achigəntəm a nye nchwatɨ ɨnye ɨzən; ɨ kwiʼtɨ ngɨ ɨnu tsa Ŋwi a lɔnə a nye achigəntəm azən;

2 Bita 1:8

Nə nɨ ɨbə́ŋ ɨnu tsa nɨ lɔnə a mu ntsi mbyi ɨtsɨŋ ə. Be nɨ kɨ ntsi nɨ tsɛrə tsɨ ghaʼ tsɛʼ nkan muŋ tsɨ mɨ ghɨ á nɨ ngɨ̌ mɨnu, ɨ kə́ ghɨnə a mɛrə ɨ shiʼnɨ a nye adzaŋ za nɨ zhinɨ a Maʼmbyí Yeso Kristo ɨwɨgɨnə lá.

2 Bita 1:10

Ma lan nə ɨbɔmbɨma ɨban, á nɨ zhwəŋtɨ a nye mɨndóm mɨtsum a ngɨə ngə́ ntsɔʼə za Ŋwi a tsɔ́ʼnɨ́ awən nkɨ ndzarɨ awɨŋ ghɔŋ nɨnkoŋ; be nɨ ghɨ ma lan muŋ nɨ mɨ láʼ keʼ abeməntəm azən nyɛʼə.

2 Bita 2:20

Be a be ngə́ ɨbɛn funə awa a mu adaʼ a twɛfɨ atuəshe ntsa a ndzum nji Maʼmbyí bo Ndoŋ ɨwɨgɨnə Yeso Kristo, adaʼ a twɛfɨ atuəshe məzen a bə nkwiʼ nko awa nkɔʼ shiʼtɨ ntsi atú bo, ɨbɛn məba bɨ́gɨ́ ntsa adzaŋ za bo bénɨ́ a mbiʼnə ghe.

2 Bita 3:18

Lá á nɨ ngěn nɨ mbyi nkwiə a mu abɔŋəntəm abɔʼnɨ nji Maʼmbyí, Ndoŋ ɨwɨgɨnə Yeso Kristo ghe. A nɨfáŋ tsi wəmbo tɨtsɔŋnɨ, nkɨ ntsi wəmbo nɨnkoŋ ə! A be lá.