2 Bita 1:2 - Mɨkan wu Fi

² A abɔŋəntəm abɔʼnɨ mbɔnɨ be ɨtsən a nɨ́lónɨ́ ntsa a ndzum adzaŋ za nɨ zhinɨ a Ŋwi bo Yeso Maʼmbyí ɨwɨgɨnə ghe.

2 Bita 1:2 Referans Kwoze

2 Bita 3:18

Lá á nɨ ngěn nɨ mbyi nkwiə a mu abɔŋəntəm abɔʼnɨ nji Maʼmbyí, Ndoŋ ɨwɨgɨnə Yeso Kristo ghe. A nɨfáŋ tsi wəmbo tɨtsɔŋnɨ, nkɨ ntsi wəmbo nɨnkoŋ ə! A be lá.

Filibi 3:8

Ka a be ayi tsɛʼ ɨdzúm mətsa; ma tiʼə nkwǎʼ azúm atsum tso byé wa a ghɛnɨ ndwitɨ mbɨ́ʼ atú anu za a tsinɨ nɨ ɨlɨŋ ngɛn nɨ mbyi, mbe lá azhyɛ a Kristo Yeso Maʼmbyí ɨghə. Mbɨ́ʼ atú azhi ma nyɛʼnə azúm atsum; ma tiʼə ndə́ŋtə́ a tsɛrə ɨtsum tso ntsaʼ, taŋ á abi azə a be ngə́ ma tiʼ ŋwɔn Kristo

Yoane 17:3

Ɨ tiʼ tsi ntən nɨnkoŋ ɨ nɨ ngə́ á bo zhi agho, Ŋwi ɨ nu zɨzɨ tɨ wə daŋ, abɔʼnɨ nji Yeso Kristo wa o tságɨ́nə́.

1 Bita 1:2

Bɨ tsɔ́ʼ awən ndzɔ̌ŋ adzaŋ za Ŋwi, zɨ wa nɨ Tarɨ, a kɨ́nə́ ndǒ, nkɨ ngɨ awən a nye ɨbɛn bə fɛmnɨ ntsa a ndzum Azhwi azhi, ngə́ á nɨ ndzúʼnə́ a Yeso Kristo, á alɛm azhi za bɨ chwírɨ́nɨ́ atɨ abaŋnɨ-baŋnɨ a tiʼ sugɨ awɨŋ ə. A abɔŋəntəm abɔʼnɨ mbɔnɨ tsi a mbó bən a nɨ́lónɨ́ ə.

Judɨ 1:2

A Ŋwi a ghɨ á mɨlɨŋnɨ, mbɔnɨ abɔʼnɨ akɔŋnɨ tsi a mbó bən a nɨ́lónɨ́ ə.

Roma 1:7

Ma tiʼə ŋwaʼnə a mbó bən bɨtsum alaʼ Roma ghe. Ŋwi a kɔŋ awən nkɨ ntsɔʼ awən ngə́ á nɨ be ɨbɛn ɨbyi: A Ŋwi, zɨ wa a nɨ Ta ɨwɨgɨnə abɔʼnɨ Maʼmbyí Yeso Kristo gha abɔŋəntəm abɔʼnɨ mbɔnɨ a mbó bɨŋ ə.

Alukasɨ 10:22

Ta ɨghan a ghanə ɨdzúm ɨtsum a mbó me ghe. Ka ŋwɔn tse a zhi ayi a ŋwɔn wa a nɨ Mɔn ntsa a Tarɨ, ŋwɔn tse a keʼ kɨ nji a ŋwɔn wa a nɨ Tarɨ ntsa a Mɔn, nkwiʼtɨ ɨbɛn ba Mɔn a zarɨnɨ ngə́ á bɨ zhi a Tarɨ ə.”

Nkyɛʼə 1:4

Ndo a mbó Yoane ngěn a mbó ndáŋwi tsa tsi samba tsa tsɨ tsinɨ a mu mbuʼ Esha lá. A abɔŋəntəm abɔʼnɨ mbɔnɨ tsi a mbó bən ndo a mbó Ŋwi, zɨ wa a benɨ, wa a bénɨ́, wa a lo láʼ yen, nkɨ ndo a mbó ɨzhwi tsa tsi samba tsa tsɨ tsinɨ a ɨshi abərɨ azhi,

2 Bita 2:20

Be a be ngə́ ɨbɛn funə awa a mu adaʼ a twɛfɨ atuəshe ntsa a ndzum nji Maʼmbyí bo Ndoŋ ɨwɨgɨnə Yeso Kristo, adaʼ a twɛfɨ atuəshe məzen a bə nkwiʼ nko awa nkɔʼ shiʼtɨ ntsi atú bo, ɨbɛn məba bɨ́gɨ́ ntsa adzaŋ za bo bénɨ́ a mbiʼnə ghe.

2 Bita 1:8

Nə nɨ ɨbə́ŋ ɨnu tsa nɨ lɔnə a mu ntsi mbyi ɨtsɨŋ ə. Be nɨ kɨ ntsi nɨ tsɛrə tsɨ ghaʼ tsɛʼ nkan muŋ tsɨ mɨ ghɨ á nɨ ngɨ̌ mɨnu, ɨ kə́ ghɨnə a mɛrə ɨ shiʼnɨ a nye adzaŋ za nɨ zhinɨ a Maʼmbyí Yeso Kristo ɨwɨgɨnə lá.

2 Bita 1:3

Mɨtən mɨ Ŋwi mə fɔməbvurə ghanə atsum za bɨgɨnə lɔnə a nchyɛ́ tso ɨbɛn ba bɨ zhinɨ a Ŋwi ntsa a ndzum nji zɨ wa a tsɔ́ʼnɨ́ awɨgɨnə ngə́ á bɨgɨnə kɨ ntsi a mu nɨfáŋ ɨni abɔʼnɨ ɨbɔŋ ɨyi lá.

2 Korɨnto 4:6

A nɨ Ŋwi, zɨ wa a sóŋnɨ́ ngə́, “A nkaʼ fu a mu ndzumnɨ mbaŋə,” a nɨ ndəŋndəŋ Ŋwi, zɨ wa a ghɨnɨ nkaʼ ɨyi baŋ a mu mɨntəm ɨmɨgɨnə, a ngɨə á bɨgɨnə zhi nɨfáŋ nɨ Ŋwi na nɨ tánə́ ndǒ a nye Yeso Kristo lá.

2 Bita 1:5

Nə nɨ anu za mbáʼ nɨ tsinɨ nɨ ngɨ atsum za nɨ chinɨ ghɨ a nkwiʼtɨ ɨbɔŋ a nye abeməntəm azən; ɨ kwiʼtɨ azhyɛ a nye ɨbɔŋ ɨwən;