1 Bita 5:4 - Mɨkan wu Fi

⁴ A nkfu za atú a ngaŋ ntsiŋ mɨnyam a ghɨnɨ fú a ɨshe, nɨ ghɨ kwárɨ́ ɨsáʼfɔ zɨ nɨfáŋ za ka ɨ shwetə ayi lá.

1 Bita 5:4 Referans Kwoze

Jemsɨ 1:12

Nɨdorɨ tsi a mbó ba bɨ chigɨnɨ ntəm a nkfu za bɨ zhwəŋtɨnɨ awa, mbɨ́ʼ ngə́ be bo tsa abə́ŋ a njwəŋtə məza muŋ bo mɨ kwarɨ mɨkyaŋnɨ ma mɨ lá ntsi mbyi za Ŋwi a kaʼnɨ a mbó ba bɨ kɔŋnɨ ayi ɛ.

1 Korɨnto 9:25

Ŋwɔn nɨkɨə tsum a tɛ́gɨ́ atú azhi tsɛʼ ɨ shiʼnɨ a nye mɨndóm mɨtsum tsɛʼ taŋ ɨ kwarɨ mɨkyaŋnɨ ma mɨ mɨ keʼ ghɔŋ nɨnkoŋ ə; lá bɨgɨnə ghɨə mə lan lá a nkwárɨ́ mɨkyaŋnɨ ma mɨ mɨ ghɔŋ nɨnkoŋ ə.

1 Yoane 3:2

O bɨson ɨban, tɨtsɔŋnɨ bɨgɨnə nɨ ɨbɔ bɨ Ŋwi ə, lá azúm za bɨgɨnə lonɨ be zɛrə, a bvurɨ tɨ lə̌. Lá bɨgɨnə zhi ngə́ a nkfu za Kristo a funɨ a ɨshe, bɨgɨnə mɨ be tso zɨ, mbɨ́ʼ ngə́ bɨgɨnə ghɨ zɛ́n ayi tsɛʼ adzaŋ za a lanɨ mbe.

2 Timotyo 4:8

Azúm za a zhwíʼtɨ́nə́ aghan tɨtsɔŋnɨ a nɨ ndɔ́ŋ ayanguʼ mbɨ́ʼ ngə́ ma tsinə ntsi mbyi za ɨ chinɨnɨ a ɨshi ɨmɨgɨ Ŋwi, zɛrə za Maʼmbyí, zɨ wa a nɨ Tabyɛn, a ghɨnɨ gha a mbó me a Njwi wa. Wɛrə a mɨ keʼ tsɛʼ a mbó me gha, lá ɨ kɨ gha a mbó ŋwɔn tsum wa a tsenə a wɛrə nɨ akɔŋnɨ ngə́ á wɛrə a ghɨ fú a ɨshe lá.

1 Bita 1:4

ma lan, bɨgɨnə ghɨ tsí nɨ afuʼ zə wi za Ŋwi a lɛnə a mbó ɨbɛn ɨbyi lá. Wɛrə a len afuʼ zə wi məzen lá a mbó bən a fɔməbvurə, afuʼ za a chinɨ keʼ bye, kə á bɨ tsənkɨ a zɛrə, kə ɨ shwetɨ lá.

Nkyɛʼə 3:11

A bvurɨ tsɛʼ məbaŋtɨ á ma yiŋə. A nɨ ngěn nɨ mbyi ntiʼtɨ abeməntəm azən ɨ shiʼnɨ, taŋ á ŋwɔn tse a keʼ kwarɨ nɨ adaʼ ɨsáʼfɔ ɨzən za ɨ nɨ mɨkyaŋnɨ ɨmən lá.

Nkyɛʼə 2:10

A nɨ keʼ mbɔ́gɨ́ ngɨ́ʼ tse za nɨ mɨ ze. Zhwiʼtɨnə! Dəbɨrɨ a mɨ zhwəŋtɨ abeməntəm azən a ntsǎ ndzum ntsagɨ bən bə tse atsáŋ, ngɨ́ʼ ɨzɨŋ mɨ tiʼ tsi atú njwi tsi nɨghúm ə. A nkə faʼə tsɛʼ faʼnɨ a mbó me nɨ táʼ ntəm mbáʼ be a kwɛ ndiʼ be nɨvwo, ma mɨ gha ntsi ntən nɨnkoŋ a mbó bən tso ɨsáʼfɔ ayanguʼ azɨŋ ə.

1 Bita 2:25

Nɨ bé lá tso mbyindzɨ tsa tsɨ fánɨ́ ndómnji ɨwa, lá bɨ bənə ndɔgɨ awən ngyen nɨ bən ngə́ á nɨ ndzɔ́ŋə́ a Ntsiŋ mɨnyam, nkɨ mbe ŋwɔn wa a kɨnkɨnɨ bɨgharɨ ɨbən lá.

1 Bita 5:2

á nɨ be bɨntsiŋ mɨnyam bɨ akarɨ a mɨnyam za Ŋwi a ghánɨ́ a mbó bən, ɨ kə́ lənə atú nɨ tsɛrə mbáʼ ka bɨ nyəmə ayi awən, tsɛʼ adzaŋ za Ŋwi a lɔnə lá. Nɨ faʼ afaʼ azən, keʼ be tsɛʼ ngə́ nɨ mɨ səŋ ɨwu, á baŋnɨ mbe be ngə́ nɨ lánə́ ndǒ ɨ faʼə tsɛʼ nɨ mɨntəm ɨmən mɨtsum ə.

Ɛbal 13:20

A Ŋwi, zɨ wa a ghánɨ́ mbɔnɨ, zɨ wa a zhwémnɨ́nɨ́ a Maʼmbyí Yeso ɨwɨgɨnə a mbó nɨvwo, ntsiŋ mbyindzɨ wu ngwi, ntsa a ndzum alɛm akan zə nɨnkoŋ,

Nkyɛʼə 1:7

Ze azo, wɛrə a yiŋə atú mbaʼ ə! Ŋwɔn tsum a mɨ zɛn ayi, ɨ kwiʼtɨ ɨbɛn ba bɨ sɔ́btɨ́nɨ́ ayi lá. Ɨbɛn bɨtsum atuəshe mɨ zɛʼ ayi ɛ. Nə nɨ adzaŋ za a ghɨnɨ be! A be lá.

Yoane 10:11

Ma nɨ ntsiŋ mɨnyam wu shiʼnɨ ə. Ntsiŋ mɨnyam wu shiʼnɨ a chi kfo bɔm mbyindzɨ ɨchi ɛ.