1 Bita 5:3 - Mɨkan wu Fi

³ A nɨ keʼ zhwəŋtɨ ɨ kɔʼ ɨ shiʼtɨ tsi atú ba bɨ lɛnɨ ngə́ á nɨ ndə̌tú a nye bo, nɨ baŋnɨ mbe be alisɨ a mbó akarɨ a mɨnyam za.

1 Bita 5:3 Referans Kwoze

2 Tesalonaika 3:9

Bɨgɨ ghɨ́ a məzen, nkeʼ be be mbɨ́ʼ ngə́ a sé adiʼ azɨgɨ be a mbítɨ́ mɨdzɨ ɨmɨgɨ; bɨgɨ ghɨ́ a zɛrə taŋ ɨ be alisɨ, á nɨ ndzɔ́ŋə́ ghe.

Filibi 3:17

Ɨbɔmbɨma ɨban, á nɨ ngěn nɨ mbyi ɨ nyíʼsə́ aghə. A nɨ tɛgɨ ɨmɨgɨ ɨmən a nye ɨbɛn ba bɨ zɔŋnə alisɨ zə shiʼnɨ za mbáʼ bɨgɨ diʼnə a mbó bɨŋ ə.

2 Korɨnto 1:24

Ka bɨgɨ sóŋə́ awən lá nɨ adzaŋ za nɨ tsinɨ nɨ ɨ nɨŋ mɨntəm ɨmən a nye Ŋwi ə; lá bɨgɨnə faʼə abó mɔ́ʼɔ́ taŋ á nɨ chi tsi nɨ nɨdorɨ, ɨ kɨ tɛm ɨ tɨŋənə a mu abeməntəm azɨŋ ə.

Tɨ́tósɨ 2:7

A nye ɨnu ɨtsum, gho mboŋ, o tsi nɨ mbe alisɨ a mbɔm zɨ shiʼnɨ ə. A sǒŋ nkənu ɨzo nkɨ nɨŋ atú a nye anu a Ŋwi za o diʼnə ghe.

1 Timotyo 4:12

Koʼ nyɛʼtɨ á ŋwɔn tse a wagɨnɨ agho mbɨ́ʼ ngə́ o nɨ nkaŋ ŋwɔn, lá be alisɨ a mbó ɨbɛn ba bɨ nɨŋnɨ mɨntəm ɨma a nye Ŋwi a mu nɨgham ɨno, ngɨnɨ mɨnu ɨmo, akɔŋnɨ azo, abeməntəm azo abɔʼnɨ nɨfɛm ɨno ə.

Ɨfaʼ 20:28

Ma lan, á nɨ lə atú nɨ ɨtumbəm ɨtsən nkɨ ndə atú a nye ɨbɛn ba bɨ nɨŋnɨ mɨntəm ɨma a nye Kristo ba Azhwi zə Fɛmnɨ a ghanɨ ngə́ á nɨ ndə̌tú nɨ bɛrə lá. A nɨ be bɨntsiŋ mɨnyam a nye ndáŋwi za a nɨ zɨ Ŋwi, za wɛrə a ghɨ́nɨ́ a nye ɨzhi ntsa a ndzum alɛm a Mɔn ɨyi lá.

Filibi 4:9

A nɨ ngɨ̌ ɨnu tsa nɨ yɛ́ʼnɨ́ nkɨ nkwárɨ́ a mbó me; ɨnu tsa nɨ kwárɨ́nɨ́ a nye mɨgham ɨman abɔʼnɨ ngɨnɨ mɨnu ɨman lá. Ŋwi, zɨ wa a ghánɨ́ mbɔnɨ a mbó bɨgɨnə a mɨ tiʼ tsi bɨŋ bo ghe.

2 Korɨnto 4:5

Nə nɨ anu za ka bɨgɨ sóŋə́ awɨgɨ lá anu mbɨ́ʼ ɨtumbəm ɨtsɨgɨ; bɨgɨ sóŋə́ lá anu mbɨ́ʼ a Yeso Kristo, zɨ wa nɨ Maʼmbyí, bɨgɨ kɨ ntiʼ mbe ngaŋ afaʼ ɨtsən mbɨ́ʼ atú a Yeso ghe.

1 Korɨnto 11:11

Lá a ɨshi ɨmɨgɨ Maʼmbyí, ŋwɔn mbáŋnɨ́ a chi keʼ faʼ tɨ mangye, mangye a chi keʼ kɨ faʼ tɨ ŋwɔn mbáŋnɨ́ ə.

1 Bita 2:9

Lá nɨ nɨ ngwəgɨ ŋwɔn mɨsɔŋ za bɨ tsɔ́ʼnɨ́, bɨntumshe bə ɨfɔ, alaʼ zə fɛmnɨ, ɨbɛn bɨ Ŋwi ba bɨ tsɔʼnɨ a nchwítɨ́ nkən mbɨ́ʼ ngɨnɨ mɨnu mə shiʼnɨ be tɨ́sə́n mə Ŋwi, zɨ wa a lɔ́gɨ́nɨ́ awən a mu ndzumnɨ ɨ fu ngyen nɨ bən a mu nkaʼ ɨyi wa ɨ nɨ wu shiʼnɨ be tɨ́sə́n lá.

1 Korɨnto 3:9

Mbɨ́ʼ ngə́ bɨgɨ bɨtsum nɨ ngaŋ afaʼ tsa tsɨ faʼnə a mbúm a mbó Ŋwi, nɨ be ɨshwom Ŋwi ə. Nɨ kɨ mbe ndá za Ŋwi a korɨnə.

1 Korɨnto 3:5

Abolo a nɨ ɨwa? Baolo a kɨ mbe ɨwa? Bɨgɨ lá tsɛʼ ngaŋ afaʼ Ŋwi tsa tsɨ tsɨ́ŋnɨ́nɨ́ awən nɨ nɨŋ mɨntəm ɨmən a nye Kristo Yeso ghe. Ŋwɔn nɨ bɨgɨ tsum a faʼə tsɛʼ afaʼ za Maʼmbyí a ghánɨ́ a faʼə ghe.

Yoane 13:15

Ma lo lá a ndiʼ alisɨ a mbó bɨŋ ə, taŋ á nɨ nyámə́ ngɨə tsɛʼ za ma ghɨnɨ a mbó bən lá.

1 Tesalonaika 1:7

Ma lan, nɨ tíʼ mbé alisɨ a mbó ɨbɛn bɨtsum ba bɨ nɨ́ŋnɨ́ mɨntəm ɨma a nye Kristo a Masedonia bo Akaiya ghe.