1 Bita 5:2 - Mɨkan wu Fi

² á nɨ be bɨntsiŋ mɨnyam bɨ akarɨ a mɨnyam za Ŋwi a ghánɨ́ a mbó bən, ɨ kə́ lənə atú nɨ tsɛrə mbáʼ ka bɨ nyəmə ayi awən, tsɛʼ adzaŋ za Ŋwi a lɔnə lá. Nɨ faʼ afaʼ azən, keʼ be tsɛʼ ngə́ nɨ mɨ səŋ ɨwu, á baŋnɨ mbe be ngə́ nɨ lánə́ ndǒ ɨ faʼə tsɛʼ nɨ mɨntəm ɨmən mɨtsum ə.

1 Bita 5:2 Referans Kwoze

Tɨ́tósɨ 1:7

Mbɨ́ʼ ngə́, mbáʼ atú a ndáŋwi tso məza a lánə́ atú a nye afaʼ a Ŋwi lá, a tsi nɨ nchyɛ tɨ ɨfərɨ ə. A tsi nɨ ɨ zagɨ tsi tɨ atságɨ́ kə ɨ keʼ a ngwáŋnə́ ndwi ntɔŋ, kə ɨ be abarə mɨluʼ kə ɨ be ŋwɔn wa a bvugɨnɨ ndum kə amiɛnɨngám a nye ɨnu nkáb ə.

1 Timotyo 3:8

Ɨbɛn ba bɨ kwátɨ́nə́ a ndáŋwi tsi nɨ ɨ zagɨ tsi nɨ mbɔm zɨ shiʼnɨ, ɨ kə́ soŋnɨ nkənu; ka bo tsi awa nɨ ɨ no mɨluʼ tɨ́sə́n kə ɨ be bɨ amiɛnɨngám a nye ɨnu nkáb;

Tɨ́tósɨ 3:1

Kwemtɨ a mbó ɨbɛn ɨbo ngə́ á bo ndzúʼnɨ́ bɨta bɨ ɨlaʼ abɔʼnɨ bɨsáʼ bɨ ɨlaʼ ə. A bo ndzúʼnə́ awa, nkɨ nkyaŋtɨ ɨnye ɨtsa a ngɨ ɨbɔŋ a nye mɨndóm mɨtsum ə.

1 Timotyo 3:3

a se tsi nɨ mbe abarə mɨluʼ kə ŋwɔn wa a bvugɨnɨ ndum, lá ɨ be ŋwɔn abɔnəntəm abɔʼnɨ ŋwɔn mbɔnɨ; a se tsi nɨ nkɔŋ nkáb;

1 Korɨnto 9:7

Nɨ láʼnə ndzuʼ ngə́ gwe a faʼə, lá ɨ fɨ́gɨ́ nkáb be aban zɨ ntfúə atuəmbəm azhi ɨwu le? A nɨ ɨwa ndyiʼ mɨshwom wa a se ndzɨ̌ mɨntam mɨ atɨ ma mɨ lonɨ a nye ako atɨ a mɨntam mɨ atɨ za a binɨ le? A nɨ ɨwa ntsiŋ mɨnyam wa a sě nǒ a mɨlɨgɨ wa a lonɨ a nye mbyindzɨ tsa a lɛnɨ le?

2 Bita 2:3

A mu ɨnu amiɛnɨngám ɨtsa, bɨdiʼ bɨ aŋwaʼnɨ bɨ ɨchwenu biŋ ghɨ ghɨ abi a nye adzaŋ za bo sóŋnɨ́ njalaʼ tsa bo kyaŋtɨnɨ a mbó bɨŋ ə. A nɨ abaŋ zə sa tɨtsɔŋnɨ mbáʼ Ŋwi, zɨ wa nɨ Tabyɛn ɨwa a kyaŋtɨnɨ ɨnye ɨzhi a ntsənkɨ bo ghe!

Ɛbal 12:15

A nɨ zagɨ ndzɛn ngə́ ŋwɔn tsum a tɨtərɨ bən a kwarɨ abɔŋəntəm a Ŋwi; á ŋwɔn tse a tɨtərɨ bən a keʼ tsi tso atɨ a ndyíʼ za a tomnɨ taŋ ɨ bvugɨ ndum, ɨ shwiʼ a bə ghaʼnɨ ə.

Tɨ́tósɨ 1:11

Bɨ tsi nɨ ɨ soŋə á bo kyɛntɨ ɨbə́ŋ mɨgham ɨma məmen, mbɨ́ʼ ngə́ bo tɔ́bɨ́ ɨtú ɨbɛn bɨtsum a mu ngwəgɨ tsɨ tse nɨ adzaŋ za bo diʼnɨ ɨnu tsa bo se tsi nɨ ndiʼə lá. Məziŋ atsum a tsi lá mbɨ́ʼ akyaŋtɨ adɨrətú zə nchyɛ nɨ nkáb ə.

Alukasɨ 12:32

“Nɨ lá tsɛʼ ɨbɛn a nɨ́sháŋnɨ́ ə, nɨ keʼ bɔgə, mbɨ́ʼ ngə́ nɨdorɨ tsi a ntəm Ta ɨwən a ngá nɨfɔ ɨni a mbó bɨŋ ə.

Firɨmɔn 1:14

Lá ka ma ndǒ aghan ɨ nyəm gho ngə́ o kwatɨ aghə; ma baŋnə ndǒ ngə́ o kwatɨ aghan a nkɔŋ gho ghe. Ma lan, ma mɨ kaʼ ghɨ anu zə tsɛrə tɨgha o bemtə.

Tɨ́tósɨ 2:14

Wɛrə a ghá atuəmbəm azhi mbɨ́ʼ awɨgɨnə, a fɨ́gɨ́ bɨgɨnə a mbó abɨgəntəm atsum, ɨ kɨ ghɨ awɨgɨnə á bɨgɨnə be ɨbɛn ba bɨ lánɨ́ ba bɨ tsinɨ tsɛʼ a mbó zɨzɨ, nkə́ mbɛ́bə́ a ngɨ ɨbɔŋ ə.

Roma 1:15

Ma lan, ɨmugɨ tse ɨ kɨə a mu ntəm me ngə́ á ma kɨ soŋ Nkən wu Shiʼnɨ a mbó bən ba nɨ tsinɨ a Roma lá.

Ɨfaʼ 21:13

Lá wɛrə a chwɨ́gɨ́ ngə́, “Nɨ ghɨə lá ake adzaŋ wiŋ ə, mbúgə́ a nye ndóm wen ɨsɔ́bɨ́ ntəm ɨghan le? Ma kyaŋtɨ ɨnye ɨzan ngə́ á bɨ keʼ aghan tsɛʼ korɨnɨ korɨ a Yerosalɛm, lá be a be be nkfǒ ɨwu mbɨ́ʼ atú a Maʼmbyí Yeso, ma tsi ɨwu ə.”

Ɨfaʼ 20:29

Ma zhi ngə́ a nkfu za ma mɨ nyɛʼtɨ awən lá, ɨbɛn mɨ kon a tɨtərɨ bən tso bəngwabaʼ bə mɨtsɛ́gɨ́ ɨ keʼ nyɛʼtɨ ɨbɛn ba bɨ nɨŋnɨ mɨntəm ɨma a nye Kristo tɨ satɨ awa ghe.