1 Bita 5:1 - Mɨkan wu Fi

¹ Me wa ma nɨ atú a ndáŋwi me mboŋ, ma bǔʼ mbó a mbó ɨtú ndáŋwi a tɨtərɨ bɨŋ ə. Ma nɨ atɛmə-ndzě a nye ngɨ́ʼ za Kristo a zɛ́nɨ́, ma ghɨ kɨ́ tsi a mu nɨfáŋ na bɨ ghɨnɨ kyɛʼ lá. Ma bǔʼ mbó a mbó bən ngə́

1 Bita 5:1 Referans Kwoze

Alukasɨ 24:48

Nɨ lá bətɛmə-ndzě a nye ɨnu tsiŋ ɨtsum ə.

Nkyɛʼə 1:9

A nɨ me Yoane, mɨma ɨwɨŋ ə. Me tso táʼ ŋwɔn wa a zɔŋnə a Yeso, ma nɨ ŋwɔn aku ɨwən a nye adzaŋ za ma chigɨnɨ ntəm a mu ngɨ́ʼ za ɨ yenə a mbó ɨbɛn ba bɨ tsinɨ a mu nɨfɔ ɨni ɛ. Bɨ tságɨ́ aghan a Batɨmɔsɨ, adiʼ za nkyi karɨsɨnɨ mbɨ́ʼ ngə́ ma sóŋ anu a Ŋwi abɔʼnɨ ɨnu tsa bɨgɨ zɛ́nɨ́ mbɨ́ʼ a Yeso ghe.

2 Yoane 1:1

Aŋwaʼnɨ zen a lo a mbó Nkum — Ngěn a mbó Nɨmo wa bɨ tsɔʼnɨ nkə́ ngěn a mbó ɨbɔ ɨbyi, bo ba ma kɔŋnɨ tsɛʼ nkə. Ka a be ayi tsɛʼ me me; ɨbɛn bɨtsum ba bɨ zhinɨ nkənu bɨ kɔŋ awən,

1 Bita 5:4

A nkfu za atú a ngaŋ ntsiŋ mɨnyam a ghɨnɨ fú a ɨshe, nɨ ghɨ kwárɨ́ ɨsáʼfɔ zɨ nɨfáŋ za ka ɨ shwetə ayi lá.

1 Yoane 3:2

O bɨson ɨban, tɨtsɔŋnɨ bɨgɨnə nɨ ɨbɔ bɨ Ŋwi ə, lá azúm za bɨgɨnə lonɨ be zɛrə, a bvurɨ tɨ lə̌. Lá bɨgɨnə zhi ngə́ a nkfu za Kristo a funɨ a ɨshe, bɨgɨnə mɨ be tso zɨ, mbɨ́ʼ ngə́ bɨgɨnə ghɨ zɛ́n ayi tsɛʼ adzaŋ za a lanɨ mbe.

1 Bita 1:7

Njwəŋtə məzen tsi lá a ndiʼə ngə́ abeməntəm azən a nɨ ngótɨ́ zɛrə ghe. Tsɛʼ ŋwaʼŋwaʼ mbáʼ a nɨ azúm za bɨ chinɨ tsənkɨ, bɨ zhwə́ŋtə́ a wɛrə nɨ ɨmugɨ; ma lan, abeməntəm azən mbáʼ a nɨ azúm za a bɔŋnɨ ntsa a ŋwaʼŋwaʼ, bɨ tsi nɨ ɨ kɨ zagɨ zhwəŋtɨ a zɛrə, taŋ á chi diʼ ngə́ a nɨ ngótɨ́ abeməntəm ə. Nɨ ghɨ tíʼ kwarɨ mbontə, nɨfáŋ abɔʼnɨ nkɔʼsə atɨ́ a Njwi wa bɨ ghɨnɨ kyɛʼ a Yeso Kristo ghe.

Ɨfaʼ 14:23

A mu ndáŋwi ɨtsum tsa bo ghɛ́nɨ́ ɨwu, bo tsɔ́ʼ ɨtú ndáŋwi ntiʼ nɨŋ awa nɨ ɨtsaʼtɨ Ŋwi abɔʼnɨ nchigɨ nji tsə ntsaʼtɨ Ŋwi a mu mbó Maʼmbyí, zɨ wa bo nɨ́ŋnɨ́ mɨntəm ɨma wə ɨnye lá.

Ɨfaʼ 11:30

Bo ghɨ́ a məziŋ ə, ntiʼ ntsagɨ nkáb zɨ wu a mbó Banabasɨ bo Sɔlɨ ngə́ á bo ghɛn nga a mbó ɨtú ndáŋwi ə.

1 Bita 1:12

Ŋwi a kyɛ́ʼ a mbó ntóm Ŋwi tsen ngə́ afaʼ aza a sé tsi ngə́ á bo sə́ŋə́ ɨwu, lá ngə́ nɨ ghɨ baŋnɨ sə́ŋ ɨwu, adzaŋ za bo ghámnɨ́ mbɨ́ʼ ɨnu tsa nɨ zuʼnə mbɨ́ʼ a tsɛrə a mbó ntóm tsa tsɨ chwítɨ́nɨ́ Nkən wu Shiʼnɨ wa lá. Bo chwítɨ́ a wɛrə ntsa lá a ndzum mɨtən mɨ Azhwi zə Fɛmnɨ ma mɨ lónɨ́ a fɔməbvurə ghe. Nə nɨ ɨnu tsa tsɛʼ bɨtsen bɨ ndá bɨ Ŋwi mɨ kɔŋ a ndzúʼə kɨ zhyɛ.

Firɨmɔn 1:9

Lá mbɨ́ʼ ngə́ ma kɔŋ agho, ma baŋnɨ mbitɨ agho ɨ bitɨnə. Ma baʼtɨ mbe Baolo ɨ benɨ, me wa ma nɨ tamandóm Kristo Yeso, nkɨ mbe ngaŋ atsáŋ mbɨ́ʼ atú azhi tɨtsɔŋnɨ lá, ma ghɨ a məziŋ ə.

Tɨ́tósɨ 1:5

Ma nyɛ́ʼtɨ́ agho a Kritɨ lá taŋ o kyaŋtɨ ɨnu tsa tsɨ tsínɨ́ ngə́ á bɨ mɛtɨ nkyaŋtɨ, ɨ kɨ núm tsɔʼtɨ ɨtú ndáŋwi a mu ntáʼmbagə ɨtsum ə. Waʼtɨ ɨtɨgɨtɨ ɨtsan ngə́:

2 Timotyo 4:8

Azúm za a zhwíʼtɨ́nə́ aghan tɨtsɔŋnɨ a nɨ ndɔ́ŋ ayanguʼ mbɨ́ʼ ngə́ ma tsinə ntsi mbyi za ɨ chinɨnɨ a ɨshi ɨmɨgɨ Ŋwi, zɛrə za Maʼmbyí, zɨ wa a nɨ Tabyɛn, a ghɨnɨ gha a mbó me a Njwi wa. Wɛrə a mɨ keʼ tsɛʼ a mbó me gha, lá ɨ kɨ gha a mbó ŋwɔn tsum wa a tsenə a wɛrə nɨ akɔŋnɨ ngə́ á wɛrə a ghɨ fú a ɨshe lá.

1 Timotyo 5:19

Koʼ zhwiʼtɨ ɨsáʼ wa bɨ kaŋnɨ atú a ndáŋwi nɨ wɛrə tɨkə a yiŋ bətɛmə-ndzě bɨbá kə ntsa bɨbá ghe.

1 Timotyo 5:1

Koʼ a ndvuŋ ŋwɔn mbáŋnɨ́ ghamtɨ, lá gham wəmbo tso ngə́ a lo mbe ta ɨgho ghe. Tiʼtɨ nɨ ntəm wu fɛmnɨ; ngwaʼ ngwasom bə mbáŋnɨ́ tso ɨbɔmbɨma ɨbo,

Filibi 1:19

mbɨ́ʼ ngə́ ma zhi ngə́ a ntsǎ a ndzum atsaʼtɨ a Ŋwi azən abɔʼnɨ akwatɨ za a lonə a mbó Azhwi a Yeso Kristo, bɨ ghɨ fɨgɨ aghan atsáŋ wiŋ ə.

2 Korɨnto 5:1

Bɨgɨnə zhi ngə́ a nkfu za ntaŋ wen wa bɨgɨnə tsínə́ wə mu — mbe lá mbəmnye ɨzɨgɨnə ɨghan atuəshe — bɨ kum, Ŋwi a mɨ tsi nɨ ndá a mbó bɨgɨnə a nchyɛ̌ ɨwu a fɔməbvurə, njwuʼ za a vwunɨ zɨmboŋ, za ɨ ghɨnɨ ghɔŋ nɨnkoŋ ə.

Ɨfaʼ 21:18

Njwi zɨ mɔʼɔ bənə ndán, bɨgɨ bɨ Baolo ghɛn a ndzé Jemsɨ; ɨtú ndáŋwi ɨtsum tsi ɨwu ə.

Ɨfaʼ 20:28

Ma lan, á nɨ lə atú nɨ ɨtumbəm ɨtsən nkɨ ndə atú a nye ɨbɛn ba bɨ nɨŋnɨ mɨntəm ɨma a nye Kristo ba Azhwi zə Fɛmnɨ a ghanɨ ngə́ á nɨ ndə̌tú nɨ bɛrə lá. A nɨ be bɨntsiŋ mɨnyam a nye ndáŋwi za a nɨ zɨ Ŋwi, za wɛrə a ghɨ́nɨ́ a nye ɨzhi ntsa a ndzum alɛm a Mɔn ɨyi lá.

Ɨfaʼ 20:17

Mbáʼ Baolo a tsínɨ́ a Milɛtusɨ lá, wɛrə a tságɨ́ nkən a Ɛfɛso, ntɔŋ ɨtú ndáŋwi ngə́ á tsɨ yen mbom ayi ɛ.

Ɨfaʼ 15:6

Ntóm Yeso abɔʼnɨ ɨtú ndáŋwi bómnkɨ́ adiʼ ziə mɔ́ʼɔ́ a ndéntɨ́ anu məziŋ ə.

Ɨfaʼ 15:4

Bo ghɨnə ngyén fu a Yerosalɛm, ndáŋwi, ntóm Yeso abɔʼnɨ ɨtú ndáŋwi tsa tsɨ tsínɨ́ ɨwu kwarɨ awa tsɛʼ ɨ shiʼnɨ ə. Bo tíʼ fɨʼtɨ ɨnu ɨtsum tsa Ŋwi a tsánɨ́ a ndzum bo ngɨ a mbó ɨbɛn ben a Yerosalɛm ə.

Ɨfaʼ 2:32

Ŋwi a zhwemnɨnə a Yeso məwen a mbó nɨvwo, bɨgɨnə bɨtsum kɨ mbe bətɛmə-ndzě mbɨ́ʼ anu məziŋ ə.

Ɨfaʼ 1:22

ndɔgɨnɨ nkfu za Yoane a kɨ́nə́ sǒŋ anu a nkwarɨ nkyi, ɨ kɔʼ kuʼ nkfu za Ŋwi a lɔ́gɨ́nɨ́ a Yeso a fɔməbvurə lá. Táʼ ŋwɔn abɔʼnɨ məben a tsi nɨ ɨ zagɨ kon a tɨtərɨ bɨgɨnə ɨ tiʼ be ŋwɔn wa a númnə́ soŋə anu mbɨ́ʼ adzaŋ za Yeso a zhwémnɨ́nɨ́ a mbó nɨvwo ə.”

Ɨfaʼ 1:8

Lá a nkfu za Azhwi zə Fɛmnɨ a ghɨnɨ shíʼ atú bən, a ghɨ gha adaʼ a mbó bən, á nɨ be ɨbɛn ba bɨ númnə́ sóŋə́ anu azan a Yerosalɛm, a mu Yudiya tsum nɨ Samaria, ɨ ghɛn kuʼ a ndwitɨ atuəshe ə.”

2 Korɨnto 5:8

Bɨgɨ lon nɨ nkotɨ mbáŋnɨ́, nkɨ nkɔŋ nyɛʼtɨ mbəmnye zɨ atuəshe, ɨ tiʼə tsinə bɨgɨ bɨ Maʼmbyí ɛ.

Ɨfaʼ 3:15

Nɨ zhwítɨ́ a ŋwɔn wa a ghánɨ́ ntsi ntɨŋ ə. Lá Ŋwi a zhwémnɨ́ ayi a mbó nɨvwo ə. Bɨgɨ nɨ bətɛmə-ndzě a nye anu məziŋ ə.

Ɛbal 12:1

Ma lan, mbáʼ bətɛmə-ndzě a ɨnɔ karɨsɨnɨ awɨgɨnə lá, á bɨgɨnə tiʼ nkɨ nyɛʼ ntasɨ tsum abɔʼnɨ ɨbvu ɨtsum wa ɨ korɨnɨ awɨgɨnə tso ŋwɔn a laʼnɨ a mu mɨndyiʼ, ntintɨ a tsɛrə ndɛn táʼ bagɨ ə. A bɨgɨnə nkɨə nɨkɨə nɨ amaŋnɨ na nɨ tsinɨ a ɨshi bɨgɨnə nɨ achigəntəm,

1 Bita 4:13

A nɨ báŋnə́ ndórə́ be ngə́ nɨ kə́ ndzě ngɨ́ʼ za Kristo a zɛ́nɨ́, taŋ á nɨ chi lon nɨ nɨdorɨ a nkfu za Ŋwi a kyɛʼnɨ nɨfáŋ ɨni ɛ.

3 Yoane 1:1

Aŋwaʼnɨ zen a lo a mbó Yoane, me wa ma nɨ Nkum ə. A ghěn a mbó gho Gayosɨ mbɔŋ ɨson ɨghan wa ma kɔŋnɨ nɨ táʼ ntəm ə.