1 Bita 4:8 - Mɨkan wu Fi

⁸ Za a tsanɨ atsum a nɨ ngə́ á nɨ kɔŋ a ŋwɔn nɨ ŋwɔn nɨ táʼ ntəm, mbɨ́ʼ ngə́ akɔŋnɨ a kúbɨ́nɨ́ mɨbvu mə ghaʼnɨ ə.

1 Bita 4:8 Referans Kwoze

Kolose 3:14

A akɔŋnɨ a tsi atú ɨnu tsen ɨtsum, zɛrə za a ghótɨ́nɨ́ ɨnu tsiŋ ɨtsum tsɨ tsinə a mbúm nkɔ́ʼə ntɛ́mə́ ngə́ tsáŋ lá.

1 Bita 1:22

Tɨtsɔŋnɨ wa a ntsǎ a ndzum ndzuʼnɨ nkənu za, nɨ sugɨnɨ ɨtumbəm ɨtsən ɨ fɛm, nkɨ ntsi nɨ ngótɨ́ akɔŋnɨ a nye ɨbɛn ba bɨŋ bo nɨŋnɨ mɨntəm ɨmɨŋ bo a nye Kristo lá, á nɨ tiʼ nkɔŋ a ŋwɔn nɨ ŋwɔn nɨ mɨntəm ɨmən mɨtsum ə.

Jemsɨ 5:20

á nɨ waʼtɨ a zen ngə́: ŋwɔn tsum wa a lɔgɨnɨ a ngaŋ ngɨ mɨbvu a nye ndóm ngɨ mɨbvu ɨyi wa mbə mbən nɨ zɨ, a mɨ loŋ a gharɨ ngaŋ ngɨ mɨbvu wa a mbó nɨvwo, ɨ kɨ ghɨ á ndɨgɨnɨ mɨbvu mə ghaʼnɨ be ɨwu ə.

1 Korɨnto 13:1

Be a be ngə́ ma chi gham mɨgham mɨ ŋwɔn mɨsɔŋ a ntsu kə ɨ kwiʼtɨ a nə bɨtsen bɨ ndá bɨ Ŋwi, lá nkaʼ nɨ akɔŋnɨ tsi muŋ ma tsi lá tsɛʼ tso nkəm za ɨ ghamnə kə tso ɨbabtɨ ɨbagɨ ɨtɨŋə tsa bɨ búʼnə́ ghe.

1 Tesalonaika 3:12

A Maʼmbyí a ghɨ á akɔŋnɨ azən a nye ŋwɔn nɨ ŋwɔn, nkɨ mbe a mbó ŋwɔn tsum a nkwǐ ɨ kwinɨ ntiʼ ngháʼ tso akɔŋnɨ azɨgɨ a nye bɨŋ ə.

Ɛbal 13:1

A ɨbɔmbɨma a ndzum Kristo ngěn nɨ mbyi nkɔŋnə awa bo nɨ bo ghe.

1 Timotyo 1:5

Anu za ntɨgə ziŋ tsinɨ nɨ faʼə a nɨ ngə́ ɨ tsi nɨ ngɨə á ɨnu tsenə ɨ chyɛ; akɔŋnɨ za a fúnə́ a mu ntəm wu fɛmnɨ, ntəm wa ɨ lánɨ́ abɔʼnɨ ngótɨ́ abeməntəm ə.

2 Tesalonaika 1:3

Ɨbɔmbɨma ɨbɨgɨ, bɨgɨ mɨ zagɨ ghanə a mɨya a mbó Ŋwi nkfu tsum mbɨ́ʼ awɨŋ ə. A kuʼnɨ a mbó bɨgɨ a ngɨə mə lan, mbɨ́ʼ ngə́ abeməntəm azən a kwiə tsɛʼ a nkan, akɔŋnɨ za ŋwɔn nɨ bɨŋ tsum a tsinɨ nɨ zɛrə a nye bə mɔʼɔ a kə́ ngháʼ ɨ ghaʼnɨ ə.

3 Yoane 1:2

Mbɔŋ ɨson ɨghan, ma tsaʼtə a Ŋwi ngə́ á ɨnu ɨtsum chi ghěnɨ ɨ shiʼnɨ a mbó gho, o kɨ ntsi ntə́ntə́ ndəŋndəŋ adzaŋ za o tsinɨ ɨ shiʼnɨ a mu azhwi lá.

Jemsɨ 5:12

Za a tsanɨ atsum nə ɨbɔmbɨma ɨban, a nɨ ngə́ á nɨ keʼ kan mbáʼ nɨ ghɨnə akaʼ ə. A nɨ keʼ kan nɨ ɨkum fɔməbvurə kə nɨ ɨkum atuəshe kə nɨ ɨkum azúm zə tsɛrə zədaŋ ə. A e ɨgho a be e, á ngáŋ ɨgho a be ngáŋ, taŋ á bɨ keʼ soŋ ngə́ o vwo ɨsáʼ ə.

1 Korɨnto 13:4

Akɔŋnɨ a nɨ nchyɛ nɨ nchigə abɔʼnɨ ntəm ngɨ ɨbɔŋ ə; akɔŋnɨ a sě ngɨ́ə á ɨbɛn nchyɛ̌ nɨ aghɨʼnɨ, nkeʼ nkə́ ngɨ́ə a ɨbɛn ŋǔʼ ɨnye;