1 Bita 4:4 - Mɨkan wu Fi

⁴ Tɨtsɔŋnɨ, a kɨʼnɨ a ba a se bə Yuda be ngə́ ka nɨ mbvúrə́ ngěn awən á bɨŋ bo ngɨə tɨ ɨfɨʼ ɨnu tsa mbəmnye lɔnə, nkeʼ nkə́ nchwátɨ́ ɨnye, ma lan, bo tiʼə ndzɔmə awɨŋ ə.

1 Bita 4:4 Referans Kwoze

1 Bita 3:16

lá á nɨ ngɨə mə lan nɨ mbɔnɨ abɔʼnɨ ndiʼ mbɔm zɨ shiʼnɨ ə. A mɨntəm ɨmɨŋ keʼ awən a sáʼə, taŋ bɨ zɔm awən, ɨbɛn ba bɨ ghamnɨ ɨnu tsə tɔmnɨnɨ mbɨ́ʼ mbɔm ɨzən zɨ shiʼnɨ tso ɨbɛn ba bɨ zɔŋnə a Kristo mɨ tsi nɨ adɨrətú mbɨ́ʼ ɨnu tsa bo sóŋnə́ ghe.

1 Bita 2:12

Mbɔm ɨzən a tɨtərɨ ba a se bə Yuda be tsi nɨ mbɔŋə be tɨ́sə́n a nye ndóm wa a nkfu za bɨ kaŋnɨ awən ngə́ nɨ nɨ ngaŋ ngɨ ɨnu tsɨ tɔmnɨnɨ, bɨ mɨ ze ngɨnɨ mɨnu ɨmən mə shiʼnɨ, ma lan, ɨ bontɨ a Ŋwi a Njwi wa wɛrə a lo bə yen lá.

Ɨfaʼ 18:6

Mbáʼ bo tónɨ́ awa anu za wɛrə a kɨ́nə́ sóŋə́ nkɨ soŋ ɨnu tsɨ tɔmnɨnɨ mbɨ́ʼ ayi lá, wɛrə a myígɨ́ atú azhi a nye adzaŋ za wɛrə a kfútɨ́nɨ́ abvuŋnɨ a nye ɨtsɛʼ ɨchi, ɨ sóŋə́ a mbó bo ngə́, “Be nɨ ghɨ́ mbyé, muŋ ɨfərɨ mɨ be ɨwɨŋ ə! Ma nɨ mbuʼ ə. A ndɔgɨnə tɨtsɔŋnɨ ma mɨ ghɛn aghan a mbó ba a se bə Yuda be ə.”

Judɨ 1:10

Lá ɨbɛn biŋ jintə anu atsum za ka bo zuʼ nkɨ nji awa a zɛrə nɨ ndzɔm; ɨnu mətsen tsa bo zhínə́ tɨgha bo yɛʼ tso ɨnyam mɨbaʼ, tsa tsɨ tsənkɨnə awa lá.

Ɨfaʼ 13:45

Bə Yuda ghɨnə ndzɛ́n ɨnɔ ɨbɛn wa, aghɨʼnɨ a lwɨgɨ mɨntəm ɨma; bo tiʼ ndɨʼkɨ anu za Baolo a kɨ́nə́ sóŋə́ nkɨ ndzɔm ayi ɛ.

2 Bita 2:22

Anu za a fúnɨ́ a nye bo a diʼ ngə́ mɨgham mə nanɨ men soŋ nkənu ngə́: “Ngvo bən ngɛn a nye afɨ́kɨ́ azhi ɛ” nkɨ mbe ngə́ “Kə bɨ sugɨ akfunyam be ɨ nə́ muŋ a chi keʼ lɨgɨnɨ ɨ bə ghɛn a mu atətsáʼnɨ́ ə.”

2 Bita 2:12

Lá ɨbɛn məbiŋ ghɨ mɨnu tə́ nkwáʼtə́ tso ɨnyam mɨbaʼ tsa tsɨ tsinɨ tsɛʼ ngə́ á bɨ ko njwitɨ; bo chwúʼtə́ anu atsum za bo se zuʼ nkɨ nji tsɛʼ nɨ ndzɔm ə. Bɨ ghɨ zhwítɨ́ awa ndəŋndəŋ tso mbáʼ bɨ zhwítɨ́nɨ́ ɨnyam mɨbaʼ,

Roma 13:13

Bɨgɨnə tsi nɨ ɨ zagɨ ghɨnɨ ɨnu tsɛʼ adzaŋ za bɨ ghɨnɨ ɨnu, tso ɨbɛn ba bɨ tsinɨ a mu nkaʼ — nkeʼ nchyɛ̌ nɨ afágɨ́nɨ, nkeʼ nǒ mɨluʼ mbánə́, nkeʼ ntɔrɨ ɨlɛbɨ kə ngɨ̌ ɨtɨshwe ɨnu, nkeʼ ndzɔŋnə kə nghɨ́ʼnə́ ghe.

Alukasɨ 15:13

A ndzum njwi tsɨ tse ndzɔŋ ndzum wa a ghótɨ́ ɨdzúm ɨchi ɨtsum ɨ fentɨ ngantɨ ngɛn ayi alaʼ zə tse zə sa, ɨwu a ghɔ́ʼ azúm atsum tsɛʼ tɨ alə̌tú ə.

Ɛfɛso 5:18

A nɨ nkeʼ mbánɨ́ mɨluʼ ə. Məzen a mɨ tsənkɨ awɨŋ ə; á nɨ baŋnɨ ndon nɨ Azhwi a Ŋwi ə.

Matyo 23:25

Wei ngɨ́ʼ zɨ ngwi a nye bɨŋ bɨdiʼ bɨ Nyɔngɔŋ abɔʼnɨ bə Farisao! Bɨŋ ngaŋ ngɨ ɨtsi! Nɨ sugɨ ndzum ndɔ́ŋ ɨtsən abɔʼnɨ ndzum ɨbatɨ ɨkáŋ ɨtsən, lá ɨmu ɨtsa lon nɨ ɨdzúm tsa nɨ kwarɨnɨ nɨ adaʼ abɔʼnɨ mbɔm amyiɛnɨngam ə.