1 Bita 4:3 - Mɨkan wu Fi

³ A be ngə́ nkfu za ɨ tsanə ɨ kuʼnɨ a ngɨ ɨnu tsa ba a se bə Yuda be kɔŋnɨ a ngɨə lá. Ntsi mbyi ɨtsɨŋ tsí lá a ngɨ ɨtɨshwe ɨnu, ntɛgɨ ntɔŋ a nye ɨdzúm tsa mbəmnye lɔnə, mbanɨ mɨluʼ, afágɨ́nɨ, nchyɛ a nye bɨmandzɔŋ bɨ no mɨluʼ ɨ banɨ, abɔʼnɨ nguʼsɨ ɨbɔ bɨ abe, anu zə tse za ŋwɔn a se tsi nɨ ɨ láʼ ghɨə.

1 Bita 4:3 Referans Kwoze

1 Korɨnto 6:11

Nə nɨ adzaŋ za bən bə mɔʼɔ benə. Lá bɨ súgɨ́ awən a mbó ɨbvu, ntiʼ ndɛn awən a mbó Ŋwi, ngɨ Ŋwi a bemtɨ ngə́ nɨ chinɨ a ɨshi ɨmɨgɨ zɨ nɨ ɨkum Maʼmbyí Yeso Kristo abɔʼnɨ Azhwi a Ŋwi ɨwɨgɨnə ghe.

Ɛfɛso 5:18

A nɨ nkeʼ mbánɨ́ mɨluʼ ə. Məzen a mɨ tsənkɨ awɨŋ ə; á nɨ baŋnɨ ndon nɨ Azhwi a Ŋwi ə.

1 Tesalonaika 4:5

A ŋwɔn tse a keʼ mbɛ́bə́ a nɔŋə nɨ mangye tso mbáʼ Bɨtɨbeməŋwi, bo ba bɨ se a Ŋwi nɨ azúm zə tsɛrə a ntɔ́ŋə́ a bɨ ghɨnə lá.

1 Bita 1:14

A nɨ ndzúʼnə́ a Ŋwi, nkeʼ kɨ nyɛʼtɨ á ɨnu tsa nɨ kɨ́nə́ ndǒ a nkfu za nɨ bvúrɨ́nɨ́ tɨ zhi anu zə tsɛrə á tsɨ ntsɨŋnɨ ntsi mbyi ɨtsɨŋ ə.

Galesha 5:21

nchyɛ̌ nɨ aghɨʼnɨ, ɨ nǒ mbánə́, nchyɛ̌ a mu nɨdorɨ tə́ nchwátɨ́ ɨnye nkə́ ngɨ̌ ɨbə́ŋ ɨnu tsə mɔʼɔ tso mətsiŋ ə. Ma kwantə awən tɨtsɔŋnɨ tso mbáʼ ma kwɛ́nə nkwantɨ lá ngə́: ɨbɛn ba bɨ ghɨnɨ ɨnu mətsiŋ láʼ keʼ kon a mu Nɨfɔ nɨ Ŋwi ə.

Galesha 5:19

Ɨnu tsa mbəmnye ghɨnə tsɨ tsi tsɛʼ asaŋəsaŋ ə. Tsɨ dǐʼ ɨtumbəm ɨtsa a ngɨ̌ ɨnu ntɔrɨ ɨlɛbɨ, ɨ nɔnkɨnə tso ngvo tɨ adɨrətú,

Judɨ 1:4

Mbɨ́ʼ ngə́ bɨtɨbeməŋwi bə tsɛrə lwɔnə nkon a tɨtərɨ bɨgɨnə ghe. Bo nɨ ɨbɛn ba bɨ twɛ́ntɨ́nɨ́ nkən wa mbɨ́ʼ abɔŋəntəm a Ŋwi ɨwɨgɨnə taŋ ɨ ghɨnɨ ɨnu ntɔrɨ ɨlɛbɨ ɨtsa, nkɨ mbe ɨbɛn ba bɨ tonɨ awa a Yeso Kristo, zɨ wa a nɨ tsɛʼ zɨzɨ wa a nɨ Tafaʼ abɔʼnɨ Maʼmbyí ɨwɨgɨnə lá. A ngúʼə ngúʼə Aŋwaʼnɨ a Ŋwi a kwɛ́nə ngam mbɨ́ʼ nɨsáʼ abɔʼnɨ ɨnɨŋ ngɨ́ʼ zen za bo kwarɨnə lá, ngə́ ɨ ghɨ fuə.

Ɨfaʼ 17:30

Ŋwi a sé nɨ́ŋ ngɨ́ʼ a nye ɨbɛn a nkfu za bo sé ayi zhi, lá tɨtsɔŋnɨ wɛrə a sóŋə́ a mbó bo ɨdiʼ ɨtsum ngə́ á bo bəŋ mɨntəm ɨma a nye ɨnu tsə tɔmnɨnɨ tsa bo ghɨnə ghe.

Tɨ́tósɨ 3:3

Mbɨ́ʼ ngə́ bɨgɨnə mboŋ, a bé a nkfu tse lá bɨgɨnə dzɨŋtɨ, ntɨŋə atú nkə́ fə̌ ghe. Bɨgɨnə bé ɨbuʼ a mbó ɨnu tsa mbəmnye lɔnə abɔʼnɨ ɨbə́ŋ ɨnu ɨtsum tsa tsɨ ghɨnə ɨnye ŋwɔn bɔŋənə ghe. Bɨgɨnə lén ntsi mbyi ɨzɨgɨnə tsum tsɛʼ a nye abɨgəntəm abɔʼnɨ aghɨʼnɨ; ɨbɛn bə mɔʼɔ bán awɨgɨnə, bɨgɨnə kɨ mban awa ghe.

2 Korɨnto 12:21

Ma bɔ́gə́ ngə́ nyom wa ma mɨ kwiʼ yen a ndzé bən, Ŋwi ɨghan a mɨ nɨŋ adɨrətú a ɨnye me a ɨshi bən, ma mɨ kɨ bugɨ mbɨ́ʼ a bə ghaʼnɨ ba bɨ ghɨ́nɨ́ mɨbvu a mbyi, mbvurɨ tɨ bəŋ mɨntəm ɨma ɨ fɨgɨ a nye ɨnu ntɔrɨ ɨlɛbɨ tsa bo ghɨnə tso ndyiŋ mangye ɨ ghɨʼnɨ abɔʼnɨ mɨbvu mɨ nɔŋə nɨ mangye kə mə nɔŋə nɨ mbáŋnɨ́ abɔʼnɨ ɨnyaʼnɨ ɨnu tsə mɔʼɔ tsa tsɨ yenə nɨ adɨrətú a nye ŋwɔn ə.

1 Korɨnto 12:2

Nɨ zhi ngə́ a nkfu za nɨ bvúrɨ́nɨ́ mbé bɨtɨbeməŋwi lá, bɨ tíntɨ́ awən a nye mɨndóm mə ghaʼnɨ ntsagɨ a mu ɨfənu a ngúʼsɨ́ ɨbɔ bɨ abe, ɨdzúm tsa ka tsɨ ngamə awa ghe.

Roma 13:13

Bɨgɨnə tsi nɨ ɨ zagɨ ghɨnɨ ɨnu tsɛʼ adzaŋ za bɨ ghɨnɨ ɨnu, tso ɨbɛn ba bɨ tsinɨ a mu nkaʼ — nkeʼ nchyɛ̌ nɨ afágɨ́nɨ, nkeʼ nǒ mɨluʼ mbánə́, nkeʼ ntɔrɨ ɨlɛbɨ kə ngɨ̌ ɨtɨshwe ɨnu, nkeʼ ndzɔŋnə kə nghɨ́ʼnə́ ghe.

Marɨkusɨ 7:22

achwurɨ, mbe amiɛnɨngám, abɨgəntəm, ntám, nɨshwe, aghɨʼnɨ, nɨgham nɨ ntsənkɨ ɨkum ŋwɔn wu shiʼnɨ, ɨŋuʼ ɨnye abɔʼnɨ ngɨ ɨnu atərɨ ə.