1 Bita 3:8 - Mɨkan wu Fi

⁸ A ndwɨgɨnə: bən bɨtsum mɨ zagɨ tsi nɨ táʼ mbɔm ɨ kə́ konə a mɨlɨŋnɨ a nye ŋwɔn nɨ ŋwɔn; á nɨ kɔŋnɨ ɨtumbəm ɨtsən ŋwɔn nɨ ŋwɔn, ntsi nɨ ntəm ngɨ ɨbɔŋ a nye ŋwɔn nɨ ŋwɔn, nkə́ shíʼtə́ nɨ ɨtumbəm ɨtsən a ɨshe a ɨshi ŋwɔn nɨ ŋwɔn ə.

1 Bita 3:8 Referans Kwoze

Roma 12:10

nkɔŋnɨ awən bən nɨ bən nɨ táʼ ntəm; á nɨ nkɔ́ʼsɨ́ ɨbɛn bə mɔʼɔ atɨ́ ntsa ɨtumbəm ɨtsɨŋ ə.

1 Bita 1:22

Tɨtsɔŋnɨ wa a ntsǎ a ndzum ndzuʼnɨ nkənu za, nɨ sugɨnɨ ɨtumbəm ɨtsən ɨ fɛm, nkɨ ntsi nɨ ngótɨ́ akɔŋnɨ a nye ɨbɛn ba bɨŋ bo nɨŋnɨ mɨntəm ɨmɨŋ bo a nye Kristo lá, á nɨ tiʼ nkɔŋ a ŋwɔn nɨ ŋwɔn nɨ mɨntəm ɨmən mɨtsum ə.

Ɛfɛso 4:31

A nɨ nyɛʼ ɨnu tsa tsɨ tɔ́bɨ́nɨ́ mɨntəm mɨ ɨbɛn, mɨlwi abɔʼnɨ alwɛntɔŋ, ɨŋwankə a nchyɛ́ nɨ azúm kə anu abɔʼnɨ nɨgham nɨ ntsənkɨ ɨkum ŋwɔn wu shiʼnɨ nkwiʼtɨ awiʼtɨ a kɨban atsum ə.

Jemsɨ 3:17

Lá zóŋ wa a lonɨ a fɔməbvurə a fom ntsambyi ndán, ntiʼ ndzɔŋtɨ, ngyíŋə́ nɨ mbɔnɨ, nkwáʼtə́ mbɨ́ʼ a bə mɔʼɔ, nkɨ mbe ɨson ə; a lon nɨ akômɨlɨŋnɨ nkə́ nkónə́ a za bɨ fuʼnə a be ngɨnɨ mɨnu mə shiʼnɨ ə; a se nɨ nkyerɨ abɔʼnɨ ntamtɨ ɨdiʼ chyɛ.

Ɛfɛso 4:2

A nɨ shíʼtə́ nɨ ɨtumbəm ɨtsən a tɨshe nkfu tsum, mbɔnɨ nkɨ ntsi nɨ nchigə ghe. A nɨ ndiʼə akɔŋnɨ azən a nye adzaŋ za nɨ chigɨnɨ ntəm bən nɨ bɨŋ ə.

Kolose 3:12

Nɨ nɨ ɨbɛn bɨ Ŋwi ə; wɛrə a kɔ́ŋ awən, ntsɔʼ awən a nye ɨbɛn ɨbyi ɛ. Ma lan, nɨ tsi nɨ ɨ zagɨ ɨ diʼnə a mɨlɨŋnɨ, ngɨ ɨbɔŋ, ɨ shiʼtə nɨ ɨnye a ɨshe, ngɨ ɨnu nɨ mbɔnɨ abɔʼnɨ nchigə ghe.

1 Korɨnto 12:26

Be táʼ alam a ɨnye a mbəmnye a ndzǔʼ ndzaŋə muŋ ɨlam ɨnye ɨtsum mɨ kɨ zuʼnɨ ndzaŋə ghe; be bɨ kɔʼsɨ a táʼ alam a ɨnye atɨ́ muŋ ɨlam ɨnye tsɨ mɔʼɔ ɨtsum mɨ dorɨkɨ tso za bɨ kɔʼsɨnɨ atɨ́ lá.

Matyo 18:33

O lo nchi koʼ kɨ nko a mɨlɨŋnɨ a nye ŋwɔn afaʼ wen wa bɨŋ zɨ faʼnə, tsɛʼ tso mbáʼ ma lonɨ nko a mɨlɨŋnɨ a nye gho lá le?›

1 Yoane 3:14

Bɨgɨnə zhi ngə́ bɨgɨnə funə a mu nɨvwo ntiʼ ntsa a bagɨ ntsi ntɨŋ ə; bɨgɨnə zhi a zɛrə mbɨ́ʼ ngə́ bɨgɨnə kɔŋ ɨbɔmbɨma ɨbɨgɨnə ghe. Ŋwɔn tsum wa ka a nkɔ́ŋə́ ayi, a bvurɨ ntsi a shwúrɨ́ mɨtən mɨ nɨvwo ə.

1 Korɨnto 1:10

Ɨbɔmbɨma ɨban a ndzum Kristo, nɨ ɨkum Maʼmbyí Yeso Kristo ɨwɨgɨnə, ma bǔʼ mbó a mbó bən ngə́ á nɨ tsi ntsu mɔ́ʼɔ́ taŋ á ayɛbtɨ a keʼ a tɨtərɨ bən chyɛ. A nɨ lánɨ́ ntsi a mbúm, nɨ táʼ akwaʼtɨ abɔʼnɨ táʼ anu za nɨ lɔnɨ ngɨə ghe.

Ɨfaʼ 4:32

Ngǒtə ɨbɛn ba bɨ nɨ́ŋnɨ́ mɨntəm ɨma a nye Ŋwi bé lá tsɛʼ táʼ azúm a ntəm bo abɔʼnɨ akwaʼtɨ aza ghe. Ŋwɔn tse a tɨtərɨ bo a sé sóŋ ngə́ azúm zə tsɛrə za zɨə tsínɨ́ nɨ zɛrə a nɨ tsɛʼ azhi ɛ. Bo kə́ ngyɛbtɨ ɨdzúm ɨtsa tsɛʼ ɨtsum a tɨtərɨ bo ghe.

1 Bita 5:5

Ndəŋndəŋ, bɨŋ nkaŋ ŋwɔn mɨ zagɨ zuʼnɨnə bɨlyi ɨbɨŋ ə. Bən bɨtsum mɨ zagɨ wəgɨ ɨshíʼtə́ nɨ ɨnye a ɨshe tso ngə́ nɨ wəgɨ ɨtsɛʼ, adzaŋ za nɨ faʼnə a mbó ŋwɔn nɨ ŋwɔn; mbɨ́ʼ ngə́ aŋwaʼnɨ a Ŋwi a soŋ ngə́, “Ŋwi a furɨ ndzum ɨzhi ngǎ a mbó ɨbɛn ba bɨ ŋúʼnɨ́ ɨnye ɨtsa, lá ngǎ abɔŋəntəm a mbó ɨbɛn ba bɨ shíʼtɨ́nə́ nɨ ɨnye ɨtsa a ɨshe ə.”

Ɛbal 13:1

A ɨbɔmbɨma a ndzum Kristo ngěn nɨ mbyi nkɔŋnə awa bo nɨ bo ghe.

2 Bita 1:7

ɨ kwiʼtɨ akɔŋnɨ a nye ŋwɔn nɨ ŋwɔn a nye ngɨ ɨnu tsa Ŋwi a lɔnə; ɨ kwiʼtɨ akɔŋnɨ a nye bədaŋ a nye akɔŋnɨ a nye a ŋwɔn nɨ ŋwɔn ə.

1 Bita 2:17

A nɨ nkɔ́ʼsə́ a ŋwɔn tsum atɨ́, nkɔŋ a ŋwɔn tsum wa bɨŋ bo nɨŋnɨ mɨntəm ɨmɨŋ bo a nye Kristo, mbɔ́gɨ́tə́ a Ŋwi, nkə́ ndǐʼ mbɔm zɨ shiʼnɨ a mbó Kaisa ghe.

Jemsɨ 5:11

Bɨgɨnə lɔgɨ awa tso ɨbɛn ba bɨ fɔ́gɨ́nɨ́ lá mbɨ́ʼ ngə́ bo chígɨ́ ntəm ə. Nɨ zuʼnə mbɨ́ʼ nchigə zɨ Jobɨ, nkɨ nji adzaŋ za Maʼmbyí a ghánɨ́ wəmbo a ndwitə ghe. Maʼmbyí a lon nɨ akômɨlɨŋnɨ abɔʼnɨ ngɨ ɨbɔŋ ə.

Jemsɨ 2:13

Mbɨ́ʼ ngə́ a nkfu za Ŋwi a sáʼnə́, wɛrə a ghɨ keʼ ko a mɨlɨŋnɨ ŋwɔn wa a sé ko a mɨlɨŋnɨ; lá tsɛʼ nɨsáʼ nɨ Ŋwi tsi nɨ akômɨlɨŋnɨ ə.

Filibi 3:16

Lá kə a be be ɨ nə́ muŋ, á bɨgɨnə ghɛn nɨ mbyi ndzɔ̌ŋ mbɔm za bɨgɨnə kwɛ́nə́ ndzɔŋə ɨ kɔʼ kuʼ tɨtsɔŋnɨ ə.

Roma 15:5

A Ŋwi, zɨ wa a ghánə́ achigəntəm abɔʼnɨ ngwɔŋtə a kwatɨ awən a ntsi ntsu mɔ́ʼɔ́ ndzɔŋə alisɨ a Kristo Yeso ghe.

Ɨfaʼ 28:7

Abɨŋ a ɨshe zə tse a tsí a kárɨ́kɨ́ adiʼ wa mbe ɨshe Bubliyosɨ, wa a bénɨ́ talaʼ adiʼ za nkyi kárɨ́sɨ́nɨ́ lá. Wɛrə a kwárɨ́ awɨgɨ tsɛʼ ɨ shiʼnɨ, bɨgɨ tiʼ nkɨ ntsi a ndá zɨ atú njwi tsi tárə́ ghe.

Ɨfaʼ 27:3

Njwi zɨ mɔʼɔ lanə, bɨgɨ yen nkon a Saidɔn ə. Jurɨyɔsɨ a tsí nɨ ntəm ngɨ ɨbɔŋ a ɨnye Baolo, ɨ nyɛʼtɨ ayi ngə́ á ghɛn ndzɛn bɨson ɨbyi, á bɨ gha ayi nɨ azúm za a kɨ́nə́ ndǒ ghe.

Ɨfaʼ 2:1

Njwi nɨdorɨ nɨ bə Yuda za bɨ kɨ́nə́ ntɔ́ŋə́ ngə́ Bɛntɛkɔsɨ ghɨnə nkúʼ, ɨbɛn ba bɨ nɨ́ŋnɨ́ mɨntəm ɨma a nye Ŋwi ghótɨ́ táʼ adiʼ ə.

Alukasɨ 10:33

Lá ŋwɔn bə Samaria wa a kɨ́nə́ ntsǎ a ndóm məwa, a yén ɨ fu a nye ŋwɔn wa, mɨlɨŋnɨ a lwɨgɨ ntəm ɨyi ɛ.

Ɛfɛso 4:32

A nɨ báŋnə́ ngɨ̌ ɨbɔŋ bən nɨ bən, nchyɛ̌ nɨ abɔnəntəm, ndɨ́gɨ́nə́ mɨbvu mɨ ŋwɔn nɨ ŋwɔn, tso mbáʼ Ŋwi, a ndzum Kristo a lɨgɨnɨnə mɨbvu ɨmən lá.

Filibi 2:3

A nɨ keʼ ghɨ anu zə tsɛrə a ntɛ́mə́ a mbyi ŋwɔn tsum taŋ á bɔŋ tsɛʼ a mbó bən kə a ndiʼ ɨnye, lá nɨ shíʼtə́ nɨ ɨnye ɨtsən a tɨshe a mbó ŋwɔn nɨ ŋwɔn, nkwáʼtə́ anu mbɨ́ʼ ɨbɛn bə mɔʼɔ a mbyi ntsa awɨŋ ə.