5 Mbɨ́ʼ ngə́ bəngye bə kɔ́ʼɔ́nguʼ ba bɨ fɛ́mnɨ́ nkɨ nɨŋ ntsiŋə nɨ ntəm tsum ɨza a nye Ŋwi kə́ ngɨ̌ nɨbɔŋ a nye bo lá adzaŋ za bo kɨ́nə́ ndzúʼnɨ́ bɨlóm ɨba ghe.
Nkfugɨ mangye wa a tsinɨ tɨ nkwatɨ, nkə́ nchyɛ̌ zɨzɨ, wɛrə a nɨŋ ntsiŋə nɨ ntəm ɨyi ɨtsum lá a nye Ŋwi ə. A ghěn nɨ mbyi ntsáʼtə́ a Ŋwi nkə́ ndɔ́ntə́ akwatɨ wəmbo nɨ ɨtfúʼ nɨ njwi ɛ.
bɨ kɨ nji ayi ngə́ a ghɨ̌ ɨnu tsɨ shiʼnɨ tso: mangye wa a kúgɨ́nɨ́ ɨbɔ ɨbyi ɨ shiʼnɨ, nkwárə́ bɨghən a ndá zɨ, ngɨ̌ ɨnu a mbó ɨbɛn ba bo bo zɔŋnə a Kristo tsa tsɨ díʼnɨ́ ngə́ a shíʼtɨ́ nɨ ɨnye ɨzhi a ɨshe, nkwatɨ ɨbɛn ba bɨ tsínɨ́ a ngɨ́ʼ nkɨ ntɛgɨ atú azhi a ngɨ ɨbɔŋ ə.
A Joba, mangye tse a tsí ɨwu ɨkum ɨyi be Tabɨta, wa a nɨ́ŋnɨ́ ntəm ɨyi a nye Ŋwi ə. (Ɨkum ɨyi a nye nɨgham nɨ bə Grikɨ nɨ Dɔkasɨ, ndiʼ lá ngə́, “chwi ə”.) Wɛrə a kə́ ngɨ̌ ɨbɔŋ nkə́ nkwátɨ́ ɨfúm a nye nkfu ɨzhi tsum ə.
A nyom məwa a bé ɨlom mɨghúm mi nɨfə̧ nɨ ntsɔb nɨkwa ghe. A sé a mu Ndáŋwi zɨ Ngwi a mbóŋə́ ghe; ngúʼsə́ a Ŋwi nəzhwɨgɨnɨ bo nɨ ɨtfúʼ, nchigɨ nji tsə ntsaʼtɨ Ŋwi a nye abaŋ zə sa nkə́ ntsáʼtə́ a Ŋwi ə.
A ndzum abeməntəm, Sara zɨmboŋ a kwárɨ́ mɨtən a ntɛ́mə́ nɨ mɔn, le buŋ ɨfɨʼ tsánə a mbó zɨ a ntɛ́mə́ nɨ mɔn mbɨ́ʼ ngə́ wɛrə a zhí ɨ shiʼnɨ ngə́ Ŋwi a lě akaʼ azhi ɛ.
A bɨgɨnə gha a mɨya a mbó Ŋwi, zɨ wa nɨ Ta bɨ Maʼmbyí ɨwɨgɨnə Yeso Kristo lá! Mbɨ́ʼ a mɨlɨŋnɨ ɨyi wu ngwi wɛrə a ghá ntsi ntən zɨ fi a mbó bɨgɨnə a ntsǎ a ndzum adzaŋ za wɛrə a zhwémnɨ́nɨ́ a Yeso Kristo a mbó nɨvwo lá. Məzen a lwɨgɨ awɨgɨnə nɨ ntsiŋə nɨ ntəm tsum za ɨ tsinɨ atú ntən,