1 Bita 3:4 - Mɨkan wu Fi

⁴ A nɨbɔŋ ɨno baŋnɨ ntsi be a nye ngótɨ́ ŋwɔn wa o nɨ wɛrə a mu ntəm ɨgho, nɨbɔŋ na nɨ sě miə, nə azhwi za a bɔnɨnɨ nkeʼ ɨfubɨ a nkə́ ndǒ, mbáʼ nɨ lá nɨbɔŋ na nɨ tsinɨ nɨ ɨlɨŋ ntsa atsum a ɨshi ɨmɨgɨ Ŋwi lá.

1 Bita 3:4 Referans Kwoze

Kolose 3:12

Nɨ nɨ ɨbɛn bɨ Ŋwi ə; wɛrə a kɔ́ŋ awən, ntsɔʼ awən a nye ɨbɛn ɨbyi ɛ. Ma lan, nɨ tsi nɨ ɨ zagɨ ɨ diʼnə a mɨlɨŋnɨ, ngɨ ɨbɔŋ, ɨ shiʼtə nɨ ɨnye a ɨshe, ngɨ ɨnu nɨ mbɔnɨ abɔʼnɨ nchigə ghe.

Roma 2:29

Mbe ngótɨ́ ŋwɔn bə Yuda tsi lá a mu ntəm ə, ngótɨ́ ntsəŋ alagɨ a be anu za a fúnə́ be a mu ntəm ə, məzen a be lá afaʼ Azhwi a Ŋwi, nkeʼ afaʼ a Nyɔngɔŋ wu ŋwaʼnɨnɨ be. Ŋwɔn tso məwa a kwárə́ abontɨ azhi be a mbó Ŋwi, nkeʼ a mbó ɨbɛn be.

Matyo 11:29

A nɨ kwarɨ ɨnu tsa ma diʼnə, ngyɛʼ anu a mbó me, mbɨ́ʼ ngə́ ma bɔnɨ nkaʼ nkə́ ntsɛ́gɨ́nɨ́ ntəm; nɨ mɨ tiʼ tsi nɨ ashwetɨ a ntəm ə.

Tɨ́tósɨ 3:2

Soŋ a mbó bo ngə́ á bo keʼ ngǎm ɨnu tsɨ tɔmnɨnɨ mbɨ́ʼ a ŋwɔn tse, lá á bo tsi nɨ mbɔnɨ nkə́ ngɨ̌ bɨson bo bɨ ɨbɛn bə mɔʼɔ, nkə́ ndǐʼ mbɔm zɨ mbɔnɨnɨ a mbó ŋwɔn tsum nkfu tsum ə.

Matyo 23:26

Bɨŋ bə Farisao ba nɨ nɨ bɨfɨgɨ! Fom sugɨnə ɨmu ndɔ́ŋ za abɔʼnɨ ɨmu abatɨ akáŋ za taŋ á ndzum ɨzhi tiʼ nkɨ fɛmə!

Roma 7:22

A mu ɨsɔŋ me, ma tsi nɨ nɨdorɨ mbɨ́ʼ a nyɔngɔŋ Ŋwi ə.

2 Korɨnto 4:16

Ma lan, ka bɨgɨ ntsɛ́gɨ́nə́ awɨgɨ ɨnye ə. Ntsi mbyi mbəmnye ɨtsɨgɨ báʼtə́ ndékə́ ngěn lá, ntsi mbyi azhwi ɨtsɨgɨ baŋnə nkwiə nɨ njwi nɨ njwi ə.

1 Tesalonaika 4:11

A nɨ ghɨ á be anu za nɨ lɔnə nɨ mɨntəm ɨmən mɨtsum ngə́ á ntsi mbyi ɨzɨŋ keʼ ɨdiʼ a ngvwúŋə́, ntɛgɨ ɨtú ɨtsən tsɛʼ a nye ɨ ɨtsɨŋ ɨnu, ɨ faʼə bɔŋ ɨ dzɨnə, tsɛʼ adzaŋ za bɨgɨ kwɛ́nɨ́ sóŋ a mbó bən lá.

Ɛfɛso 4:2

A nɨ shíʼtə́ nɨ ɨtumbəm ɨtsən a tɨshe nkfu tsum, mbɔnɨ nkɨ ntsi nɨ nchigə ghe. A nɨ ndiʼə akɔŋnɨ azən a nye adzaŋ za nɨ chigɨnɨ ntəm bən nɨ bɨŋ ə.

1 Bita 3:15

Lá á nɨ nkɔ́ʼsə́ a Kristo atɨ́ a mu mɨntəm ɨmən tso Maʼmbyí ntsi mbyi ɨtsɨŋ ə. A nɨ kyaŋtɨ ɨnye ɨtsən a nchwɨ́gɨ́ ŋwɔn tsum nkfu tsum mbáʼ be a soŋ ngə́ á nɨ fɨʼtɨ ntsiŋə nɨ ntəm tsum za ɨ tsinɨ a mu ɨnye ɨtsɨŋ ə,

1 Timotyo 2:2

ghɨ a məzen atú bɨfɔ nkwiʼtɨ abvuʼ a ɨbɛn ba bɨ tsinɨ nɨ mɨtən a sáʼ ɨbɛn, taŋ á bɨgɨnə chi tsi nɨ ntsi mbyi za ɨ tsinɨ nɨ mbɔnɨ, nkɨ ntsi tɨ ndum, ntsi mbyi za ɨ tsinɨ nɨ nkɔʼsə atɨ́ tsum a mbó Ŋwi abɔʼnɨ mbɔm nchyɛ zɨ shiʼnɨ ə.

Alukasɨ 11:40

Ɨdzɨŋtɨ tsenə, Ŋwi wa a káʼnɨ́ abyɛn, a sé tsɛʼ zɨ kɨ mbé wa a káʼnɨ́ ɨmu le?

Jemsɨ 1:21

Ma lan, á nɨ nyɛʼ ɨbə́ŋ ɨtɨshwe mbɔm ɨtsum abɔʼnɨ ngɨnɨ mɨnu mɨ abɨgəntəm mɨtsum ə. A nɨ ndzúʼnə́ a Ŋwi nɨ ɨ shiʼtə nɨ ɨnye a ɨshe nkɨ mbem nɨgham nɨ Ŋwi na wɛrə a binɨ a mu mɨntəm ɨmən, nɛrə na nɨ chinɨ loŋ awən lá.

2 Timotyo 2:25

ndiʼ aŋwaʼnɨ wa a lɔgɨnə mbɔnɨ nchísɨ́ ɨbɛn ba bɨ tónə́ mɨgham ɨmyi ɨwu ə. Mbɨ́ʼ ngə́ a chi be ngə́ Ŋwi a ghɨ gha abárɨ́ a mbó bo ngə́ á bo bəŋ mɨntəm ɨma a nye mɨbvu ɨma ntiʼ nji nkənu ə.

2 Tesalonaika 3:12

Nɨ ɨkum Maʼmbyí Yeso Kristo, bɨgɨ sóŋə́ a mbó ɨbɛn məben nkə́ nkwántə́ awa ngə́ á bo tsi a mu ntsi mbyi za ɨ tsinɨ nɨ akyaŋtɨ nkə́ fáʼə taŋ ɨ chi ze aza azúm zə dzɨnə.

Matyo 5:5

Nɨdorɨ tsi a mbó ɨbɛn ba bo shíʼtɨ́nə́ nɨ ɨtumbəm ɨtsa a tɨshe; bo ghɨ tsí nɨ za Ŋwi a káʼnɨ́ awa nɨ zɛrə ghe!

Roma 6:6

Bɨgɨnə zhi ngə́ a tsi lá tso ngə́ bɨ kwémtɨ́ mbɔm tsɨ lvuŋ tsa bɨgɨnə tsínɨ́ nɨ tsɛrə bɨgɨnə bɨ Yeso atɨ abaŋnɨ-baŋnɨ lá taŋ ɨ chi tsənkɨ mbəmnye ɨtsɨgɨnə tsen tsa a nɨ tsə ngɨ̌ ɨbvu ɨ kɨ ghɨ ngə́ á bɨgɨnə keʼ ɨbuʼ a mbó ɨbvu bə nkwiʼ mbe.

Alukasɨ 16:15

Yeso a sóŋ a mbó bo ngə́, “A ghɨə bən ngə́ á ɨbɛn bə mɔʼɔ zɛn ngə́ ɨnu tsa nɨ ghɨnə tsɨ kuʼnə, lá Ŋwi a zhi mɨntəm ɨmɨŋ ə. Mbɨ́ʼ ngə́ ɨdzúm tsa ŋwɔn mɨsɔŋ a ntsu a lónkɨ́nə́ lá, tsɨ nɨ ɨdzúm adaŋədaŋə a ɨshi ɨmɨgɨ Ŋwi ə.

1 Bita 1:23

A nɨ kɔŋ a ŋwɔn nɨ ŋwɔn mbɨ́ʼ ngə́ a ntsǎ a ndzum nɨgham nɨ Ŋwi na nɨ ghánɨ́ ntsi ntən nkə́ nghɔ́ŋə́ nɨnkoŋ lá, bɨ bənə nkwiʼ njwi awən tso ɨbɔ bɨ tarɨ wa ka a nkfǒ ayi, nkeʼ ɨbɔ bɨ tarɨ wa a kfónə́ be.

Kolose 3:3

Mbɨ́ʼ ngə́ nɨ kfokɨnə, bɨ lwɛʼ ntsi mbyi ɨzɨgɨnə a mbúm bɨgɨnə bɨ Kristo a ɨshi ɨmɨgɨ Ŋwi ə.

Galesha 5:23

ɨ shiʼtə nɨ atuəmbəm azo a tɨshe abɔʼnɨ nchwatɨ ɨnye ɨzo ghe. Ka nyɔngɔŋ tse a ton ayi ɨbə́ŋ ɨnu tso mətsiŋ ə.

2 Korɨnto 10:1

Baolo, me mboŋ, ma bǔʼ mbó a mbó bən ntsa a ndzum Yeso Kristo wa a bɔnɨnɨ nkə́ ngɨ̌ ɨbɔŋ — me wa bɨ soŋnɨ ngə́ ma ghɨ ntsí a tɨtərɨ bən ma bɔgɨnɨ ngamə lá ntsi nɨ ntəm wu faŋnɨ a ngamə a mbó bən mbáʼ ma sa abɔʼnɨ bən tsi lá.

Matyo 21:5

“Soŋ a mbó ntáʼmbagə wu wi Zayɔn ngə́, Ze azo, ɨfɔ ɨgho a yiŋə a mbó gho ghe! A shiʼtɨ nɨ ɨnye ɨzhi a ɨshe, nkɔʼ ntsi atú jakashi, abɔʼnɨ mɨmu jakashi, mɨmu jakashi ɛ.”

Roma 1:23

ngúʼsɨ́ ɨbɔ bɨ abe ba bɨ ghɨnɨ bɨ be tso ɨbɛn bɨ mɨsɔŋ a ntsu ba bɨ kfókɨ́nə́ kə bɨsɨ́ŋ kə ɨnyam mɨbaʼ kə bɨkóŋə́she, mbaŋnɨ nyɛʼtɨ a ngúʼsɨ́ Ŋwi, zɨ wa a tsinɨ nɨ nɨfáŋ nkeʼ nkə́ nkfǒ lá.