1 Bita 3:1 - Mɨkan wu Fi

¹ Ndəŋndəŋ, bɨŋ bəngye mɨ zagɨ zuʼnɨnə bɨlóm ɨbən, taŋ be a be ngə́ ŋwɔn nɨ bo wu tse a se nɨŋ ntəm ɨyi a nye nɨgham nɨ Ŋwi, muŋ mbɔm ɨzɨŋ mɨ ghɨ á bo bəŋ mɨntəm ɨma ɨ nɨŋ a mɛrə a nye Kristo ghe. Nɨ mɨ keʼ bə ntsi nɨ ngam nɨgham nə tsɛrə,

1 Bita 3:1 Referans Kwoze

Kolose 3:18

Bəngye, á nɨ ndzúʼnɨ́ bɨlóm ɨbən, mbɨ́ʼ ngə́ nə nɨ anu za nɨ tsinɨ nɨ ngɨə tso ɨbɛn ba bɨ zɔŋnə a Kristo ghe.

Ɛfɛso 5:33

Lá ɨ soŋ anu a mbó bən ngə́ ndóm tsum a tsi nɨ ɨ zagɨ kɔŋ a ngwe ɨyi tso atuəmbəm azhi, á mangye tsum a kɨ ndzagɨ ndzuʼnɨ a ndóm ɨyi ɛ.

1 Korɨnto 11:3

Lá ma lǒ ngə́ á nɨ zuʼ nkɨ nji ngə́ Kristo a nɨ atú a mbó ŋwɔn mbáŋnɨ́ tsum, ŋwɔn mbáŋnɨ́ tsum a be atú a mbó ngwe ɨyi, Ŋwi a be atú a mbó Kristo ghe.

1 Korɨnto 7:16

Gho mangye wen wa o nɨŋnɨ ntəm ɨgho a nye Kristo lá, o mɨ tsa lá ɨ nə́ ɨ zhi ɨ shiʼnɨ ngə́ aghagɨ a tsɛrə o ghɨ loŋ a ndóm ɨgho wen le? Kə gho ŋwɔn mbáŋnɨ́ wen wa o nɨŋnɨ ntəm ɨgho a nye Kristo lá, o mɨ tsa lá ɨ nə́ ɨ zhi ɨ shiʼnɨ ngə́ aghagɨ a tsɛrə o ghɨ loŋ a ngwe ɨgho wen le?

1 Bita 3:7

Ndəŋndəŋ, bɨŋ bɨlóm mɨ zagɨ tsinə bɨŋ bɨ bəngye ɨbən nɨ nji ɨ shiʼnɨ ngə́ bo bɔrɨkɨ ntsa awɨŋ ə. A nɨ ndǐʼ mbɔm zɨ shiʼnɨ a mbó bo, mbɨ́ʼ ngə́ bɨŋ bo bɨtsum ghɨ kwárɨ́ azúm zə ghanɨ zə Ŋwi mbáʼ a lá ntsi ntən lá. A nɨ ngɨə mə lan taŋ á azúm zə tsɛrə a keʼ nkɨ́ŋə́ atsaʼtɨ a Ŋwi azɨŋ ə.

Roma 7:2

A bɨgɨnə lɔgɨ ngə́, nyɔngɔŋ a soŋ ngə́ mangye nɨzɔ́ʼ a tsi nɨ nghɔŋə a mu nɨzɔ́ʼ bo ndóm ɨyi ngɔŋ nkfu tsum za ndóm ɨyi a tsinɨ atú ntɨŋ ə; lá be ndóm ɨyi a kfo, ka nyɔngɔŋ nɨzɔ́ʼ a bvurɨ nchwa ayi a wɛrə a nye ndóm ɨyi wa.

1 Korɨnto 14:34

á bəngye chwubtɨ mɨntsu ɨma a nkfu za ndáŋwi ɨ ghǒtɨnə. Ka bo tsi awa nɨ ngamə; tso mbáʼ Nyɔngɔŋ bə Yuda a soŋnɨ ngə́ ka bo tsi awa nɨ mbe ɨtú lá.

Matyo 18:15

“Be mɨma ɨgho wu mbáŋnɨ́ a fan anu a nye gho, ghɛn ɨ fɨʼtɨ afənu azhi wəmbo, mbáʼ a tsinɨ tsɛʼ bɨŋ zɨ bɨbá ghe. Be a be ngə́ a zuʼtɨ nji ntsu ɨzo, lá be ngə́ o səŋ, mbɨ́ʼ ngə́ o bə ntsi nɨ mɨma ɨgho wu mbáŋnɨ́ wa wədiʼ ə.

Kolose 4:5

A nɨ tsi nɨ zóŋ a nye ndóm wa nɨ ghɨnɨ mɨnu bɨŋ bɨ ɨbɛn ba bo se nɨŋ mɨntəm ɨma a nye Ŋwi, ɨ fáʼə nɨ abárɨ́ atsum za nɨ tsinɨ nɨ zɛrə a nye ndóm wu shiʼnɨ ə.

Ɛbal 11:8

A ndzum abeməntəm, Abraʼm a zúʼnɨ́ a Ŋwi a nkfu za Ŋwi a tɔ́ŋnɨ́ ayi ngə́ á fu ngɛn a nye adiʼ za zɨə mɨ gha wəmbo á tiʼ azhi ɛ. A fú ngɛn nkeʼ zhi adiʼ za zɨə kɨ́nə́ ngěn ɨwu ə.

2 Tesalonaika 1:8

nɨ ɨmugɨ wa ɨ kwárɨ́nə́, a nɨ́ŋ ngɨ́ʼ a nye ɨbɛn ba bɨ tonɨ a Ŋwi nkeʼ nkə́ ndzúʼnɨ́ Nkən wu Shiʼnɨ wa mbɨ́ʼ a Maʼmbyí ɨwɨgɨnə, Yeso lá.

Roma 6:17

Lá mɨya a mbó Ŋwi, ngə́ a yén mbe a nkfu tse lá nɨ be ɨbuʼ tsə ngɨ ɨbvu, lá tɨtsɔŋnɨ nɨ zuʼnɨnə nɨ mɨntəm ɨmən mɨtsum nkənu tsum za ɨ tsinɨ a mu anu za bɨ diʼnə awən ɨwu lá.

1 Bita 4:17

Nkfu ɨ kuʼnə á nɨsáʼ biʼnə. Ɨbɛn bɨ Ŋwi, a nɨ bo ba bɨ mɨ tsa mbyi ɨ sáʼ awa ghe. Be bɨ biʼnɨ nɨ bɨgɨnə, a ghɨ tíʼ lwɨgɨnɨ be ɨ nə́ nɨ ba bɨ se nɨŋ mɨntəm ɨma a nye Nkən wu Shiʼnɨ wa ɨ lonɨ a mbó Ŋwi lá le?

1 Bita 1:22

Tɨtsɔŋnɨ wa a ntsǎ a ndzum ndzuʼnɨ nkənu za, nɨ sugɨnɨ ɨtumbəm ɨtsən ɨ fɛm, nkɨ ntsi nɨ ngótɨ́ akɔŋnɨ a nye ɨbɛn ba bɨŋ bo nɨŋnɨ mɨntəm ɨmɨŋ bo a nye Kristo lá, á nɨ tiʼ nkɔŋ a ŋwɔn nɨ ŋwɔn nɨ mɨntəm ɨmən mɨtsum ə.

Ɛbal 5:9

A nkfu za Ŋwi a ghɨ́nɨ́ ayi a kɔʼ ntɛm ngə́ tsáŋ lá, a tíʼ mbé adiʼ za ɨloŋ nɨnkoŋ fúnə́ ɨwu a mbó ɨbɛn ba bɨ zúʼnɨ́nə́ ayi,

Roma 10:16

Lá ŋwɔn tsum a bvurɨ tɨ bem Nkən wu Shiʼnɨ wa. Asaya zɨmboŋ a bítɨ́ ngə́, “Maʼmbyí, a nɨ ɨwa wa a nɨ́ŋnɨ́ ntəm ɨyi a nye nkən ɨwɨgɨ le?”

1 Bita 3:2

mbɨ́ʼ ngə́ bo mɨ ze adzaŋ za mbɔm ɨzɨŋ ɨ lánɨ́ nkɨ ntsi nɨ nkɔʼsə atɨ́ ə.