1 Bita 2:5 - Mɨkan wu Fi

⁵ Yenə tso ngɔʼ tsa tsɨ ghánɨ́ ntsi ntən, ɨ nyɛʼtɨ ɨtumbəm ɨtsən á bɨ lɔgɨ a tsɛrə ngvwu nɨshwim nɨ azhwi na ɨwu, mbe adiʼ za nɨ mɨ faʼnə ɨwu tso bɨntumshe bə fɛmnɨ a ngá mɨtsuʼnɨ mɨ atú mɨ azhwi ma bɨ bemnɨ a mbó Ŋwi ntsa a ndzum Yeso Kristo ghe.

1 Bita 2:5 Referans Kwoze

1 Bita 2:9

Lá nɨ nɨ ngwəgɨ ŋwɔn mɨsɔŋ za bɨ tsɔ́ʼnɨ́, bɨntumshe bə ɨfɔ, alaʼ zə fɛmnɨ, ɨbɛn bɨ Ŋwi ba bɨ tsɔʼnɨ a nchwítɨ́ nkən mbɨ́ʼ ngɨnɨ mɨnu mə shiʼnɨ be tɨ́sə́n mə Ŋwi, zɨ wa a lɔ́gɨ́nɨ́ awən a mu ndzumnɨ ɨ fu ngyen nɨ bən a mu nkaʼ ɨyi wa ɨ nɨ wu shiʼnɨ be tɨ́sə́n lá.

1 Korɨnto 3:9

Mbɨ́ʼ ngə́ bɨgɨ bɨtsum nɨ ngaŋ afaʼ tsa tsɨ faʼnə a mbúm a mbó Ŋwi, nɨ be ɨshwom Ŋwi ə. Nɨ kɨ mbe ndá za Ŋwi a korɨnə.

Nkyɛʼə 5:10

O ghɨnə awa bo be nɨfɔ na ɨbɛn bɨtsum ɨwu nɨ bɨntumshe ba bɨ faʼnə a mbó Ŋwi ɨwɨgɨnə, bo ghɨ bé bɨta bɨ ɨlaʼ bɨ atuəshe.”

1 Korɨnto 3:16

Tsɛʼ a nkənu, nɨ zhi ngə́ nɨ lá nɨshwim nɨ Ŋwi, Azhwi a Ŋwi a chyɛnə lá a mu ɨnye ɨtsɨŋ ə!

Ɛbal 3:6

Lá Kristo a faʼə nɨ táʼ ntəm a mbó ɨbɛn bɨ Ŋwi bɨtsum tso mɔn mbáŋnɨ́ ə. Bɨgɨnə nɨ ɨbɛn bɨ Ŋwi mbáʼ be bɨgɨnə ngěn nɨ mbyi nɨ nkotɨ mbáŋnɨ́ abɔʼnɨ nchyɛ̌ tɨ nɨbɔgɨ a nye ntsiŋə nɨ ntəm tsum za bɨgɨnə tsinɨ nɨ zɛrə lá.

Nkyɛʼə 20:6

Nɨdorɨ abɔʼnɨ ɨfɔgə zɨ ngwi tsi a mbó ba bɨ nɨŋnɨ awa a mu ntsambyi nzhwemnə a mbó nɨvwo məziŋ ə. Ka nɨvwo na nɨ zɔŋtɨnɨ a nye ɨdiʼ tsi bá tsi ayi nɨ mɨtən mə tsɛrə atú bo ghe; bo ghɨ bé bɨntumshe bɨ Ŋwi kɨ be a mbó Kristo, bo mɨ sáʼ bo bɨ wɛrə atú ɨlom táʼ nchwuʼ ə.

1 Korɨnto 6:19

O so zhi ngə́ mbəmnye ɨzo nɨ nɨshwim nɨ Ŋwi na Azhwi zə Fɛmnɨ a tsínə́ wə mu, Azhwi zə Fɛmnɨ za Ŋwi a ghánɨ́ a mbó gho lá le? Ntsi mbyi ɨzo se lá a nkfu gho chyɛ, ntsi mbyi ɨzo tsi lá a nkfu Ŋwi;

Roma 12:1

Ma lan, ma tiʼə mbǔʼ mbó a mbó bən nə ɨbɔmbɨma ɨban, mbɨ́ʼ a mɨlɨŋnɨ wu ngwi wa Ŋwi a tsinɨ nɨ wɛrə a nye bɨgɨnə, ngə́ nɨ gha ɨtumbəm ɨtsən a mbó Ŋwi tso mɨtsuʼnɨ mɨ atú ma mɨ tsinɨ ntən, ɨ fɛm nkə́ ngɨə ɨnye Ŋwi bɔŋənə ghe. Nə nɨ ngótɨ́ aghuʼsɨ za nɨ tsinɨ nɨ nga a mbó Ŋwi ə.

Nkyɛʼə 1:6

ngɨ awɨgɨnə bɨgɨnə tiʼ nɨfɔ na ɨbɛn ɨbyi nɨ bɨntumshe, ngə́ á bɨ faʼə a mbó Ŋwi ɨyi wa a kɨnɨ nkɨ mbe Tarɨ lá. A nɨfáŋ bo mɨtən tsi a mbó Yeso Kristo nɨnkoŋ nɨnkoŋ ə! A be lá.

Filibi 4:18

Ma sóŋə́ lá ngə́ ma kwarɨ ɨdzúm ɨtsum tsa nɨ ghanɨ a mbó me ghe. Tsɨ ghaʼ ntsa adzaŋ za ma lɔnə ghe! Ma tsi nɨ atsum za ma lɔnə tɨtsɔŋnɨ wa Ebafrɔditusɨ a yenə nɨ ɨdzúm tsə ghanɨ ɨtsɨŋ ɨtsum a mbó me lá. Tsɨ tsi lá tso akáŋ a Ŋwi za a nyúʼtɨ́nɨ́ ɨ shiʼnɨ a mɨlwí Ŋwi, mɨtsuʼnɨ mɨ atú ma wɛrə a bemnɨ, mɨ kə́ ngɨə ɨnye wɛrə bɔŋənə ghe.

2 Korɨnto 6:16

Be nɨshwim nɨ Ŋwi bo bɨ ɨbɔ bɨ abe bemnɨ lá ɨ nə́ le? Ma soŋə a məzen lá mbɨ́ʼ ngə́ bɨgɨnə lá nɨshwim nɨ Ŋwi, zɨ wa a tsinɨ ntɨŋ ə! Ŋwi zɨmboŋ a soŋ ngə́: “Ma mɨ ghɨ njwuʼ ɨzan a tɨtərɨ ɨbɛn ɨban ɨ tiʼ tsi a tɨtərɨ bɛrə; ma mɨ be Ŋwi ɨwa, á bo tiʼ mbe ɨbɛn ɨbə.

Nkyɛʼə 3:12

Ma mɨ ghɨ á ɨbɛn ba bɨ tokɨnɨ ntsi nɨ ayanguʼ məzen tiʼ ntɛʼ a mu nɨshwim nɨ Ŋwi ɨghə. Bo láʼ keʼ a nɛrə nyɛʼtə. Ma mɨ ŋwaʼnɨ a nye bo ɨkum Ŋwi ɨghan abɔʼnɨ ɨkum ntáʼmbagə wu wi wu Ŋwi ɨghan, Yerosalɛm wu fi wa a mɨ lo a mbó Ŋwi ɨghan a fɔməbvurə lá. Ma mɨ kɨ ŋwaʼnɨ ɨkum ɨghan wu fi a nye bo ghe.

Roma 15:16

a mbé ngaŋ afaʼ Kristo Yeso za ɨ faʼnə a mbó ba a se bə Yuda be tso ntumshe a sóŋ Nkən wu Shiʼnɨ wa ɨ lonɨ a mbó Ŋwi, taŋ á ba a se bə Yuda be tiʼ mbe tso akáŋ a Ŋwi za Ŋwi a bemnə. Azhwi zə Fɛmnɨ a ghɨə akáŋ a Ŋwi məzen a fɛmə.

1 Timotyo 3:15

Lá be bɨ chwuŋsɨ aghan, muŋ aŋwaʼnɨ zen a mɨ ghɨ o zhi adzaŋ za bɨgɨnə tsinɨ nɨ ngɨ ɨnu a mu ndáŋwi, mbáʼ ɨ lá ndáŋwi zɨ Ŋwi, zɨ wa a tsinɨ ntən, mbe ntɛʼ abɔʼnɨ atwɛmtɨ a nkənu lá.

Kolose 3:17

Anu atsum za nɨ ghɨnə kə ɨ sóŋə́, nɨ tsi nɨ ngɨ zɛrə lá nɨ ɨkum Maʼmbyí Yeso, adzaŋ za nɨ ghánə́ a mɨya a mbó Ŋwi, zɨ wa nɨ Tarɨ ntsǎ a ndzum wɛrə lá.

Filibi 2:17

Aghagɨ a tsɛrə bɨ mɨ zhwitɨ aghan, ɨ chwirɨ alɛm azan tso akáŋ a Ŋwi za bɨ nyɔŋnɨ atú mɨtsuʼnɨ mɨ atú ə. Mɨtsuʼnɨ mɨ atú məmen ma bɨ ghánə́ a mbó Ŋwi be lá abeməntəm aziŋ ə. Be a be lá adzaŋ məwen, ma dórɨ́tə́, bən bɨtsum kɨ ntsi a mu nɨdorɨ məniŋ ə.

1 Bita 4:11

ŋwɔn tsum wa a tsinɨ nɨ anu zə soŋnɨ, a mɨ zagɨ soŋ a zɛrə lá tso nkən wa ɨ lonɨ a mbó Ŋwi; ŋwɔn tsum wa a faʼnə, a tsi nɨ faʼə nɨ adaʼ za Ŋwi a ghanɨ wəmbo, taŋ a nye ɨnu ɨtsum, bɨ chi bontɨ a Ŋwi ɨ tsa a ndzum Yeso Kristo, zɨ wa nɨfáŋ tsinɨ wəmbo abɔʼnɨ mɨtən nɨnkoŋ lá. A be lá.

Filibi 1:11

Ntsi mbyi ɨtsɨŋ mɨ lon nɨ ngótɨ́ ngɨnɨ mɨnu mə shiʼnɨ mbáʼ mɨ lonə tsɛʼ a mbó Yeso Kristo, a ngá nɨfáŋ abɔʼnɨ mbontə a mbó Ŋwi ə.

Galesha 6:10

Ma lan, nkfu tsum za bɨgɨnə tsinɨ nɨ abárɨ́, á bɨgɨnə ghɨ ɨbɔŋ a mbó ŋwɔn tsum, tɨ́sə́n tɨ́sə́n a mbó bə ngwəgɨ ɨzɨgɨnə a mu abeməntəm ə.

1 Bita 4:17

Nkfu ɨ kuʼnə á nɨsáʼ biʼnə. Ɨbɛn bɨ Ŋwi, a nɨ bo ba bɨ mɨ tsa mbyi ɨ sáʼ awa ghe. Be bɨ biʼnɨ nɨ bɨgɨnə, a ghɨ tíʼ lwɨgɨnɨ be ɨ nə́ nɨ ba bɨ se nɨŋ mɨntəm ɨma a nye Nkən wu Shiʼnɨ wa ɨ lonɨ a mbó Ŋwi lá le?