1 Bita 2:16 - Mɨkan wu Fi

¹⁶ A nɨ nchyɛ̌ tso ɨbɛn nɨ atú azɨŋ ə; lá á nɨ keʼ tsa a ndzum nchyɛ nɨ atú azən məzen ngɨ anu zə tɔmnɨnɨ zə tse; á nɨ nchyɛ̌ be tso ngaŋ afaʼ Ŋwi ə.

1 Bita 2:16 Referans Kwoze

Galesha 5:13

A mbó bən nə ɨbɔmbɨma ɨban, Ŋwi tsɔ́ʼ awən lá ngə́ á nɨ tiʼ mbe ɨbɛn nkeʼ ɨbuʼ bə mbe ə. Lá á nɨ keʼ nyɛʼtɨ á nchyɛ nɨ atú azən məziŋ be anu za a mɨ ghɨ á ɨnu tsa mbəmnye lɔnə tiʼə ntsɨŋnə awɨŋ ə. A nɨ baŋnɨ nyɛʼtɨ á akɔŋnɨ a be azúm za a mɨ ghɨ á nɨ faʼə a mbó ŋwɔn nɨ ŋwɔn ə.

Roma 6:22

Lá tɨtsɔŋnɨ wa bɨ kyɛtɨnɨ mɨnkɨ mɨ ɨbvu a nye bən, ntiʼ mbəŋ awən a nye ɨbuʼ Ŋwi lá, abi azhi a nɨ ngə́ bɨ ghɨ nɨ fɛm, ndwitɨ ɨzhi be ntsi ntən nɨnkoŋ ə.

1 Korɨnto 7:22

Mbɨ́ʼ ngə́ abuʼ za Maʼmbyí a tsɔʼnɨ, Maʼmbyí a kyɛtɨnə mɨnkɨ mɨ abuʼ ɨmyi, ntiʼ ndɔgɨ ayi ɛ; ndəŋndəŋ ŋwɔn tsum wa a se abuʼ be, wa Maʼmbyí a tsɔʼnɨ ayi, a tiʼ abuʼ a mbó Maʼmbyí ɛ.

Roma 6:18

Mbáʼ bɨ kwárɨ́nɨ́ awən a mbó ɨbvu lá, nɨ tiʼ mbe ɨbuʼ ɨnu tsɨ chinɨnɨ ə.

Galesha 5:1

Nchyɛ̌ nɨ atú azɨgɨnə nɨ azúm za bɨgɨnə tsinɨ nɨ zɛrə ghe. Kristo a kyɛtɨnə mɨnkɨ mɨ abuʼ a nye bɨgɨnə ghe! Tɛmnə, nchikɨnə tso ɨbɛn nɨ atú aza, nkeʼ bə nkwiʼ nyɛʼtɨ ɨtumbəm ɨtsən a nye ɨbuʼ ə.

Jemsɨ 1:25

Lá ɨbɛn ba bɨ yɛʼnɨ ɨ shiʼnɨ a nyɔngɔŋ wa a kɔʼnɨ ntɛm ngə́ tsáŋ lá, wa a kyɛtɨnɨ mɨnkɨ mɨ abuʼ a nye ɨbɛn, nkɨ nchigɨ ntəm nɨ wɛrə, nkeʼ tsɛʼ zhwiʼtɨnɨ a njwíʼtə́ ɨ tiʼ kɨ lɨgɨnɨ, lá ngɨə anu za a sóŋnə́ — Ŋwi a mɨ fɔgɨ awa a nye za bo ghɨnə ghe.

Jemsɨ 2:12

A nɨ ngámə́ nkə́ ngɨ̌ mɨnu tso ɨbɛn ba bɨ ghɨ sáʼ awa nɨ nyɔngɔŋ wa a kyɛtɨnɨ mɨnkɨ mɨ abuʼ a nye bɨgɨnə ghe.

Ɛfɛso 6:6

A nɨ keʼ ngɨə a məzen tsɛʼ mbáʼ bo tɛmnɨ ɨwu ndzě awən mbɨ́ʼ ngə́ nɨ lǒ ngə́ á bo bemtɨ awən; lá á nɨ ngɨ̌ ɨnu ɨtsum tsa Ŋwi a lɔnə nɨ táʼ ntəm, tso ɨbuʼ Kristo ghe.

2 Bita 2:19

Bo kaʼə awa nɨ ɨfɨgɨ bo a mu ɨfaʼ abuʼ mbáʼ bo mboŋ benɨ ɨbuʼ a mbó ngɨnɨ mɨnu ma mɨ tsənkɨnə — mbɨ́ʼ ngə́ ŋwɔn mɨsɔŋ a ntsu a nɨ abuʼ a mbó anu atsum za a kɔʼnɨ ɨ shiʼtɨ ntsi atú zɨə.

Kolose 3:24

Zhinə ngə́ Maʼmbyí a ghɨ gha akyaŋə a mbó bən za wɛrə a káʼnɨ́ a mbó ɨbɛn ɨbyi lá. Mbɨ́ʼ ngə́ a nɨ Kristo, zɨ wa nɨ ngótɨ́ tafaʼ wa nɨ faʼnə wəmbo ə.

Matyo 23:13

“Wei ngɨ́ʼ zɨ ngwi a nye bɨŋ bɨdiʼ bɨ Nyɔngɔŋ abɔʼnɨ bə Farisao! Bɨŋ ngaŋ ngɨ ɨtsi! Nɨ vwuʼnɨ ntsundá a mbó ɨbɛn a nkúŋə́ a mu Nɨfɔ nɨ fɔməbvurə ghe. Bɨŋ mboŋ ka nɨ kə́ nkúŋə́ awən ɨwu, nkeʼ nkə́ nyɛ́ʼtə́ á ɨbɛn ba bɨ lɔnɨ nkuŋə ɨwu, á bɨ kuŋə.

Judɨ 1:4

Mbɨ́ʼ ngə́ bɨtɨbeməŋwi bə tsɛrə lwɔnə nkon a tɨtərɨ bɨgɨnə ghe. Bo nɨ ɨbɛn ba bɨ twɛ́ntɨ́nɨ́ nkən wa mbɨ́ʼ abɔŋəntəm a Ŋwi ɨwɨgɨnə taŋ ɨ ghɨnɨ ɨnu ntɔrɨ ɨlɛbɨ ɨtsa, nkɨ mbe ɨbɛn ba bɨ tonɨ awa a Yeso Kristo, zɨ wa a nɨ tsɛʼ zɨzɨ wa a nɨ Tafaʼ abɔʼnɨ Maʼmbyí ɨwɨgɨnə lá. A ngúʼə ngúʼə Aŋwaʼnɨ a Ŋwi a kwɛ́nə ngam mbɨ́ʼ nɨsáʼ abɔʼnɨ ɨnɨŋ ngɨ́ʼ zen za bo kwarɨnə lá, ngə́ ɨ ghɨ fuə.

1 Tesalonaika 2:5

Nɨ zhi ɨ shiʼnɨ ngə́ bɨgɨ sé yen a mbó bən lá nɨ mɨgham mə shiʼnɨ a ntámtɨ́ bən, kə ɨ lɔgɨ mɨgham ɨ kɨŋtɨ ɨnu amiɛnɨngám nɨ mɛrə — Ŋwi a nɨ atɛmə-ndzě ɨwɨgɨ a nye məziŋ ə!

Yoane 15:22

Ma bá bé tú yen gham a mbó bo muŋ ka bo vwo awa ɨsáʼ ngə́ bo ghɨ ɨbvu ə; adzaŋ za a tsinɨ, tɨtsɔŋnɨ bo chi keʼ soŋ ngə́, ‹Bɨgɨ sé zhi ngə́ ɨnu tsa bɨgɨ ghɨ́nɨ́ lá tsɨ bé mɨbvu ə.›