1 Bita 2:1 - Mɨkan wu Fi

¹ Ma lan, á nɨ kyɛntɨ ɨnu tsɨ tɔmnɨnɨ ɨtsum; nkeʼ mbɨŋə nchwě ɨnu kə mbɨŋə ngɨ̌ ɨtsi kə nkwiʼə nchyɛ̌ nɨ aghɨʼnɨ kə ngǎm mɨgham mɨ ntsənkɨ ɨkum ŋwɔn wu shiʼnɨ ə.

1 Bita 2:1 Referans Kwoze

Ɛfɛso 4:31

A nɨ nyɛʼ ɨnu tsa tsɨ tɔ́bɨ́nɨ́ mɨntəm mɨ ɨbɛn, mɨlwi abɔʼnɨ alwɛntɔŋ, ɨŋwankə a nchyɛ́ nɨ azúm kə anu abɔʼnɨ nɨgham nɨ ntsənkɨ ɨkum ŋwɔn wu shiʼnɨ nkwiʼtɨ awiʼtɨ a kɨban atsum ə.

Jemsɨ 1:21

Ma lan, á nɨ nyɛʼ ɨbə́ŋ ɨtɨshwe mbɔm ɨtsum abɔʼnɨ ngɨnɨ mɨnu mɨ abɨgəntəm mɨtsum ə. A nɨ ndzúʼnə́ a Ŋwi nɨ ɨ shiʼtə nɨ ɨnye a ɨshe nkɨ mbem nɨgham nɨ Ŋwi na wɛrə a binɨ a mu mɨntəm ɨmən, nɛrə na nɨ chinɨ loŋ awən lá.

Jemsɨ 4:11

Ɨbɔmbɨma ɨban á nɨ keʼ ngǎm ɨnu tsɨ tɔmnɨnɨ mbɨ́ʼ a ŋwɔn nɨ ŋwɔn ə. Be nɨ ngǎm ɨnu tsɨ tɔmnɨnɨ mbɨ́ʼ ɨbɛn ba bɨŋ bo zɔŋnə a Kristo kə ɨ sáʼə awa, nɨ ghǎm ɨnu tsɨ tɔmnɨnɨ lá mbɨ́ʼ a Nyɔngɔŋ nkə́ sáʼə a wɛrə ghe. Be o sáʼə a Nyɔngɔŋ, lá be ngə́ ka o bvurɨ mbe agho ŋwɔn wa a zúʼnɨ́nə́ a Nyɔngɔŋ, lá mbe be ŋwɔn wa a sáʼnə́ a wɛrə ghe.

1 Bita 3:10

Tso mbáʼ aŋwaʼnɨ a Ŋwi a soŋnɨ ngə́: “Ŋwɔn tsum wa a lɔnɨ ndzɨ ntsi mbyi zɨ shiʼnɨ nkə́ ndǒ ndzě njwi tsə shiʼnɨ, a mɨ zagɨ kyɛntɨ a sóŋ ɨnu tsɨ tɔmnɨnɨ ɨ kɨ kyɛntɨ a nchwé ɨnu ə.

1 Bita 4:4

Tɨtsɔŋnɨ, a kɨʼnɨ a ba a se bə Yuda be ngə́ ka nɨ mbvúrə́ ngěn awən á bɨŋ bo ngɨə tɨ ɨfɨʼ ɨnu tsa mbəmnye lɔnə, nkeʼ nkə́ nchwátɨ́ ɨnye, ma lan, bo tiʼə ndzɔmə awɨŋ ə.

1 Bita 4:2

Ma lan, ɨ lɔgɨnɨ tɨtsɔŋnɨ ɨ ghenə nɨ mbyi, nɨ mɨ zagɨ tsinɨ abvuʼ a ntsi mbyi azən atuəshe wen a nye ndóm wa Ŋwi a lɔnə, nkeʼ be be a nye wa mbəmnye lɔnə ghe.

Jemsɨ 5:9

Ɨbɔmbɨma ɨban, á nɨ keʼ nzhwúʼnə́ mbɨ́ʼ a ŋwɔn nɨ ŋwɔn, taŋ á Ŋwi a keʼ awən sáʼə. Zɛnə azɨŋ ə, Tabyɛn a tɛm a nkom ntsu ndá ə.

Ɛbal 12:1

Ma lan, mbáʼ bətɛmə-ndzě a ɨnɔ karɨsɨnɨ awɨgɨnə lá, á bɨgɨnə tiʼ nkɨ nyɛʼ ntasɨ tsum abɔʼnɨ ɨbvu ɨtsum wa ɨ korɨnɨ awɨgɨnə tso ŋwɔn a laʼnɨ a mu mɨndyiʼ, ntintɨ a tsɛrə ndɛn táʼ bagɨ ə. A bɨgɨnə nkɨə nɨkɨə nɨ amaŋnɨ na nɨ tsinɨ a ɨshi bɨgɨnə nɨ achigəntəm,

1 Timotyo 3:11

Bəngye tsi nɨ ɨ kɨ zagɨ tsi nɨ mbɔm zɨ shiʼnɨ, ɨ keʼ ɨbɛn ba bɨ sóŋnɨ́ mɨnu a ntsənkɨ ɨkum ŋwɔn wu shiʼnɨ ɨwu be; ɨ keʼ ngɨ̌ mɨnu ɨ tsǎ fəŋnɨ ɨfɨʼ, ɨ kə́ soŋənə tsɛʼ nkənu ɨza a nye ɨnu ɨtsum ə.

1 Bita 2:22

Wɛrə a sé ɨbvu tse ghɨə, ŋwɔn tse a láʼ keʼ kɨ ndzuʼ nɨgham nɨ ntám nə tse fu a ntsu zɨə.

Tɨ́tósɨ 2:3

Ndəŋndəŋ, tɨgɨtɨ bɨtankaŋ bɨ bəngye ngə́ á bo ngɨ̌ ɨnu adzaŋ za bəngye ba bɨ tsínə́ a mu ntsi mbyi zɨ fɛmnɨ ghɨnə ghe. Ka bo zagɨ ntsi awa nɨ mbe ɨbɛn ba bɨ sóŋnɨ́ mɨnu a ntsənkɨ ɨkum ŋwɔn wu shiʼnɨ kə ɨ be ɨbuʼ a mbó mɨluʼ ə. Bo tsi nɨ ɨ zagɨ diʼnɨ ɨnu tsɨ shiʼnɨ,

1 Korɨnto 14:20

Ɨbɔmbɨma ɨban, á nɨ keʼ tso ɨbɔ bə bɔrɨ be a nye ɨkwaʼtɨ ɨtsɨŋ ə; nɨ bəŋ awən a nye ɨbɔ bə bɔrɨ mbáʼ be a be anu mbɨ́ʼ ɨnu tsɨ tɔmnɨnɨ lá mbe bɨtankaŋ a nye ɨkwaʼtɨ ɨtsɨŋ ə.

Roma 1:29

Bo lon nɨ mbúŋ abɨgəntəm atsum, ɨnu tsɨ tɔmnɨnɨ, mbe amiɛnɨngám abɔʼnɨ ɨnu tɨbɔŋ ə; bo lon nɨ aghɨʼnɨ, bo zhwítə́ a bə mɔʼɔ, ntókə́, ntámtə́ a bə mɔʼɔ nkə́ nkwáʼtɨ́ ɨnu tɨbɔŋ a nye bə daŋ ə. Bo tǎŋ fɨnkərɨ

Alukasɨ 6:42

O chi soŋ a mbó mɨma ɨgho lá ɨ nə́ ngə́, ‹Mɨma, tɛm á ma fɨgɨ ɨshɛntɨ za a nɨdɨgɨ gho ghe,› lá mbáʼ ka o ndzě agho a kúmnə́ wa a tsinɨ a nɨdɨgɨ gho lá le? Gho ŋwɔn ngɨ ɨtsi! Fom fɨgɨ a kúmnə́ wa a nɨdɨgɨ gho, bɔŋ ɨ chi tiʼ ze ɨdiʼ ɨ shiʼnɨ, ɨ fɨgɨ ɨshɛntɨ za a nɨdɨgɨ mɨma ɨgho ghe.”

Matyo 23:28

Ndəŋndəŋ nɨ tsi tso nɨ bɔŋ a ɨshi ɨmɨgɨ ɨbɛn abyɛn, lá ɨtsi abɔʼnɨ ɨbvu ɨ lon a mu ɨnye ɨtsɨŋ ə.”

Matyo 7:5

Gho ngaŋ ngɨ ɨtsi! Fom fɨgɨ a kúmnə́ wa a nɨdɨgɨ gho, bɔŋ ɨ chi tiʼ ze ɨdiʼ ɨ shiʼnɨ, ɨ fɨgɨ ɨshɛntɨ za a nɨdɨgɨ mɨma ɨgho ghe.

2 Korɨnto 12:20

Ma bɔ́gə́ ngə́ nyom wa ma mɨ yen a ndzé bən, nɨ mɨ tsi chwa a nye ndóm wa ma lɔnə ghe. A bagɨ bən, a ghagə tsɛrə nɨ mɨ kɨ ze aghan á ma tsi chwa ghe. Ma bɔ́gə́ ngə́, nyom wa ma yenɨ, azɔŋ, aghɨʼnɨ, alwɛntɔŋ, ɨkarɨ, nɨgham nɨ ntsənkɨ ɨkum ŋwɔn wu shiʼnɨ, fɨnkərɨ, kɨtɛrɨ abɔʼnɨ ndum mɨ tsi a tɨtərɨ bɨŋ ə.

Nkyɛʼə 14:5

Bo láʼnə mbvurɨ ɨnu tɨ chwe; ka bo zhi awa ɨbvu wu tsɛrə ghe.

1 Bita 2:16

A nɨ nchyɛ̌ tso ɨbɛn nɨ atú azɨŋ ə; lá á nɨ keʼ tsa a ndzum nchyɛ nɨ atú azən məzen ngɨ anu zə tɔmnɨnɨ zə tse; á nɨ nchyɛ̌ be tso ngaŋ afaʼ Ŋwi ə.

Jemsɨ 4:5

A nɨ keʼ wiʼtɨ ngə́ nkənu se tsi a nye aŋwaʼnɨ a Ŋwi adiʼ wa a soŋnɨ ngə́, “Ŋwi a tɛgɨ atú azhi tsɛʼ nkan a nye azhwi za wɛrə a ghɨnɨ ngə́ á tsi a mu ɨnye ɨtsɨgɨnə lá.”

Jemsɨ 3:14

Lá be a be ngə́ a mu ntəm ɨgho a tsi aghɨʼnɨ abɔʼnɨ ɨkarɨ, koʼ ntɛ́rə́ mbɨ́ʼ a zóŋ ɨgho mbɨ́ʼ ngə́ o diʼə ngə́ nkən Ŋwi se nkənu be ə.

1 Tesalonaika 2:3

Mbuʼ mbó ɨzɨgɨ a mbó bɨŋ se tɛm atú ɨkɔkɨ ɨnu, kə ɨnu ɨbankɨ, kə ngə́ bɨgɨ lɔ́btə́ lá ntamtɨ ŋwɔn tsɛrə ghe.

1 Korɨnto 5:8

A bɨgɨnə tiʼ ndorɨkɨ Nɨdorɨ nɨ Tsa-yɛʼnɨ ɨnɨgɨnə nɨ abán za ka a tsi ayi nɨ mbɛgə zɨ ndvuŋ za ɨ tsinɨ nɨ ɨbvu abɔʼnɨ abɨgəntəm lá. Lá á bɨgɨnə dorɨkɨ nɨ abán za a se nɨ mbɛgə tsi, abán za a nɨ zə nɨfɛm nkɨ mbe zə nkənu lá.

Yoane 1:47

Mbáʼ Yeso a zɛ́nɨ́ Nataniɛ a yiŋənə a mbó zɨ lá, wɛrə a ghám mbɨ́ʼ ayi ngə́, “Nə nɨ ngótɨ́ ŋwɔn bə Izrai a wɛnə ghe; ɨbankɨ ɨnu se wə ɨnye chyɛ!”

Alukasɨ 11:44

Wei ngɨ́ʼ zɨ ngwi a nye bɨŋ ə! Mbɨ́ʼ ngə́ nɨ fi mɨshe ma ka bɨ lisɨ ayi, ɨbɛn tɛmtɨnə atú mɛrə tɨ zhyɛ.”

Alukasɨ 12:1

Adzaŋ za ɨnɔ ɨnɔ ɨbɛn, nkuʼ nchwuʼ ɨchi a bɨ kɨ́nə́ nyɔ́nə́, bə tse nyəŋtɨnə mɨku mɨ bə mɔʼɔ a njwíʼtə́ a mbó Yeso lá, wɛrə a byígɨ́ mbyi ɨ soŋ a mbó bɨyɛʼ ɨbyi ngə́, “Nɨ lə atú a nye mbɛgə bə Farisao za – ma sóŋə́ lá ɨtsi ɨwa wa.

Marɨkusɨ 12:15

Lá Yeso a zhí ɨtsi wa ɨ tsínɨ́ a mu mɨntəm ɨma, ntiʼ nchwɨgɨ awa ngə́, “Nɨ bentə aghan lá ngə́ ke le? Nɨ yen nɨ nkáb atɨŋə á ma ze.”

Matyo 24:51

Tafaʼ ɨyi a mɨ tiʼ nɨŋ ngɨ́ʼ zɨ ngwi wə ɨnye, ɨ ghɨ á anu za a zɛ́nɨ́ ngaŋ ngɨ ɨtsi á zɛn ayi ɛ. Adiʼ məwa a mɨ tiʼə búgɨnə ɨ kə́ kfúrɨnə mɨsɔŋ ɨmyi ɛ.”

Matyo 15:7

Bɨŋ ngaŋ ngɨ ɨtsi! Ntom Ŋwi Asaya kwɛ́ nkuʼnɨ be tɨ́sə́n a sóŋə́ mbɨ́ʼ awən ngə́,